وجدت عدد 2 آله حاسبة ضايعة في اختبار بحوث عمليات pad351

[محمد الهويمل]

بس التين حاسبه أنا لاقي طالبين ضايعين من امس بعد اختبار البحوث والى الحين ندور اهلم

حسبي الله على من كان السبب

[طـــالـــب]

والله ما قد شفت اصعب من هذي المادة شيء قهر تألف قوانين من راسك كله وعااااد اللي حاااااسك يوم جاء الادريسي يقول الفقره السابعة من السؤال الثاني فيه خطاً رحت ألف قوانين لين جبتها صح ويوم ناظرت إلى الوقت منتهي حسبي الله عليك يالادريسي كنت ابغى 100% والحين يالله النجاااح بس
تخسرنا من المصاريف كله عشان الماده واخرتها يقول لي اليوم (انتا لازم تتوقع ان يجيك السمبلكس) الله لايوفقك بس

[اوطان]

ولله انا خايف منكم تطقوني طق لين يطلع مخي

والله يالماده والله ثم والله انها لرفع المعدل

يعني قوانين وحل تمارين

اهم شيء لايجيب لك سمبلكس

والماده يبيلها حل التمارين بالتكرار

اما انك تذاكر وتختبر اسمح لي راح تتلخبط وماتعرف راسك من رجولك

وبالتوفيق وسامحوني والله عاذركم

[رسمي]

أوطان

مايمدح السوق إلا من ربح فيه

مامدحت الادريسي هالمره ليه ؟

[عيوني حزينه]

يا شباب لا تستعجلون ان شاء الله بيساعدكم الادريسي انت حكمتم على نفسكم الرسوب قبل نزول الدرجه ! ... بالتوفيق للجميع

[اوطان]

المشاركة الأصلية كتبت بواسطة رسمي أوطان مايمدح السوق إلا من ربح فيه مامدحت الادريسي هالمره ليه ؟

انا مالي ومال الادريسي ولا اصلاً امدحه

وحضرت معه الدورة التاهيليه العام الماضي ما استفدت منه وكملت مع الحركان

انا لي بالماده بس انا اتكلمت عن الماده

حتى الغزالي اللي يقولون يدرسها في جده واحيانا يسوي قروبات في الرياض ما امدحه

[عيوني حزينه]

المشاركة الأصلية كتبت بواسطة اوطان انا مالي ومال الادريسي ولا اصلاً امدحه وحضرت معه الدورة التاهيليه العام الماضي ما استفدت منه وكملت مع الحركان انا لي بالماده بس انا اتكلمت عن الماده حتى الغزالي اللي يقولون يدرسها في جده واحيانا يسوي قروبات في الرياض ما امدحه

تصدق عاد يا اوطان الغزالي هذا اخذ شهره ودعايه على ايش ما اعرف مدرس عادي جداً انصحك اذا تتقن بحوث العمليات كلها تسوي ورقة وتحط عليها رقم جوالك وتلصقها في المكتبات والشوارع ودرس الطلاب وترزق الله ياهي شغله مي بسيطه وتطلع لك ذهب الطالب بالف مع التخفيض 800

[منصور998]

الله لايساعده دنيا واخره
كنت اطمح اجيب الفل مارك ابي ارفع المعدل الحين اتوقع حسب حلي اجيب 20 من 100
ليش التعقيد
وان دفنا الله لايشكر له فضل

[اوطان]

المشاركة الأصلية كتبت بواسطة عيوني حزينه تصدق عاد يا اوطان الغزالي هذا اخذ شهره ودعايه على ايش ما اعرف مدرس عادي جداً انصحك اذا تتقن بحوث العمليات كلها تسوي ورقة وتحط عليها رقم جوالك وتلصقها في المكتبات والشوارع ودرس الطلاب وترزق الله ياهي شغله مي بسيطه وتطلع لك ذهب الطالب بالف مع التخفيض 800

عز الله انك جبتها واقسم بالله راح افكر فيها لكن من باب المساعده وحسب الظروف

لكن لو ابي اترزق الله منها مشكلتنا مانثق في السعودي ندوور باش مهندس او تبع خيووو

لكن ابي افكر فيها وماهي عيب وخصم بعد 50 %

[ليل الرياض]

الله يعوضنا خير
إن شاء الله ينظر في وضع الاختبار ولا احد يسكت