وضع مزري .. " فضفضه "

[NeMo]

خخخخخخخ


شاكي شعارك خطييير



شبك تمشي




والله ياجماعة احنا فاهمين الدنيا مشقلبة



اسمحولي




بس والله نضحك لحد يجي من برا ويسمعنا نتكلم عن هيك امور





والله الطبيعي هوا اللي بيصير برا



حكاية البنت الفوشية ولا الولد ابو اندروير فوق الجينز ناس مراهقة وتبغى تثبت وجود

للاسف ماحصلوا مين يوعيهم وينصحهم

[نضال]

انا اتفق مع رأي نيمو لحد كبير ..

يا جماعه معظم الردود اللي هنا تنظر لمجتمعنا بنوع من المثاليه ..

تحقيق المثاليه في اي مجتمع امر مستحيل , لان مافي مجتمع مافيه جريمه !

مهما حطيت قوانين , مهما حطيت حواجز و ممنوعات .. تبقى الجريمه موجوده

تبقى عمليات الاغتصاب و التحرش موجوده


و الحل زي ما قالت نيمو هوا بمحاسبه المخطيء ...

و الاهم من دا هوا الاعتراف ان البنت ممكن تطلع منها اخطاء , و ان يتم محاسبتها بدل من ان يكون الشاب هوا الشماعه اللي تلقى عليها دائما اسباب ظاهرة المعاكسات

انا قدامي حصل موقف و يمكن ليدر سمعه ..


الموقف كان بنت و ولد .. مسكوهم في مكان عام في وضع مزري .. الولد مسكوه هوا و صاحبه اللي جا معاه

و البنت خرجت من المكان تضحك !!!

[الشاكي]

الموقف كان بنت و ولد .. مسكوهم في مكان عام في وضع مزري .. الولد مسكوه هوا و صاحبه اللي جا معاه و البنت خرجت من المكان تضحك !!!

شي يفقع القلللللللللللللب

ليه ياحبيبي هما في الهوا سوا يمسكوا الولدين ويسيبوها

والله شي من جد يقهر

[نضال]

لو مسكت البنت .. بيجي ابوها و يسوي لك قضيه ... و لا لك الحق تقول ليه

مو بنت؟؟

[الشاكي]

إذا إنمسكت ( الله لا يجيب هذا اليوم )

راس مالها هبقه والله لو أعكس شوارع سواء برجلي ولا بالسياره

يابوي هذي خراب بيوت

[نضال]

يا حبيبي 2 طوال و اجسام حبسوا الولد و صاحبه في المستودع ..

لو فيه عرق رجاله يفكر يشرد

واحد خال و التاني مصري

يمديك؟

[NoOoRy]

i can see where u'r going ..

بس يأخوي يانضال هالشي ماسار الا لمن الشباب زودها حبتين!
بمعنى.. انو دايم الحكم على فئة معينة يجي من تصرف مشترك لشريحة كبيرة منهم صح؟
وهذا الي ساير، في شريحة كبيرة جدا من الشباب ياذي الوحدة سواء متحجبه او لا كذا بس لمجرد الاذيه واستخفاف الدم!
صحيح فيه كمان بنات نفس نوع الاولاد هذا (وفيه كثير منهم بعد) .. وتفرح انو هالشي يسير لها..
لكن نسبة الاولاد اكثر!
والخير يخص والشر يعم.. اتحمل !

[x_bioc]

انا تجيني حالة انفصام في الشخصية من الموضوع دا

يعني لمن اتخيل انو الفئة الضالة من الشباب حيدخلو عند العوائل و يسسوو سواتهم ........ اعترض و بقوة على الاختلاط

ولمن اتخيل نفسي واقف على شيليز يوم الخميس و يقولي الفلبيني تيك اوي ................
احس اني لو برطعت و قلتلو بطلنا ناكل .......... محا تفرق معاه ....... وماحرمت الا نفسي

تخيلو الشباب قدام شيليز و بياكلو في سياراتهم او عالرصيف


بصراحة انا مع نضال في كل كلمة قالها ....... حتى الكورنيش جيهة مرسى الاحلام بيقشعونا منه حقون مكافحة الشغب


ايش لي دي الدرجه الاضطهاد !!!!!


يعني شباب فارشين الجلايه و جالسين يلعبو ورقة و يعسلو حالهم حال نفسهم ليش يقوموهم و يا ريت باحترام و زوق

بي جعصة و من اخشامهم يتكلمو


والله انا بطلت اروح الكورنيش من الهبل دا


بالنسبة للأسواق و الملاهي .............. من حقنا اننا ندخل ليش ما ندخل و غيرنا بيدخل بطرق غير شرعية


يعني يا اني اتعرفلي على وحده عشان ادخل ....... او اني اخدلي حجه بي 50 ريال تدخلني ..... شايفين دا حل ؟!


و بصراحة انا احسد سكان الشرقيه على جسر البحرين ............ في مشوار نص ساعة تشوفو عالم ثاني


اختلاط في كل مكان ........... ادب و احترام ......... مضاربات ماكو ............ سينما ......... مقاهي ......... كافيهااات


عشرات الشباب بيروحو مع بعض و بيختلطو بالعوائل ................ ومافي اي مشاكل



ما يجي جسر من جده للغردقة ؟

[rakan]

موضوع فعلا مهم وهو حاصل دي الأيام كثير


خلونا صريحين مع بعض .. هناك شباب فعلا قاموا بأذية الفتيات من معاكسة ونحوها ... ولكن هل تساءلنا يوما عن السبب؟؟؟


خلوني أوضح أكثر ... لو رجعنا إلى كتاب الله وسنة رسوله صلى الله عليه وسلم .. لوجدتم انه أمر ألا تخرج المرأة إلا ومعها محرم .. وصدقوني لو خرجت المرأة مع أخوها أو أبوها أو أحد أقرباءها ... أنا أتحدى انها حتسمع صوت من أي ولد في الشارع ... (إلا اذا كان من جد ولد مسطول)


ولكن ايش الحاصل عندنا


الشاب هو اللي محتاج محرم عشان يدخل أي مكان يبغاه .. يعني مثلا زي حالاتي .. أخواتي كلهم متزوجات .. ومابقي غير الوالدة (الله يحفظها) اني أخرج معاها ... ولكن فين وفين عشان أخرج معاها

وخلونا نتصارح عن الواقع أيضا ... فأنا مرة من المرات القليلة اللي خرجت فيها مع الوالدة ... رحنا احدى المراكز في جدة ... وصراحة ياجماعة .. حاسس كأني دخلت صالة أزياء ... فأكثر البنات (وللأسف) ألاقيهم متبرجات على الآخر .. وكاشفات الحجاب (مع انهم سعوديات) ولقد تعرضت أيضا للمعاكسة من قبل البنات .. هذا وأنا مع الوالدة ... وأنا أتحدى أي أحد .. لو كان والد البنات أو اخوانهم كانوا معاهم .. ماكانوا تعرضوا لي أبدا


أنا رحت في الصيف الفات ماليزيا .. وهي دولة اسلامية ... ورغم انهم هناك بدون عبايات واللبس كل واحد أو وحدة تلبس على كيفها ... ولكن عمري ماسمعت عن شكاوي معاكسات في تلك البلاد ... ولأول مرة أحس أني أقدر أدخل أي سوق أو مطعم أبغاه بدون التعرض للسيكيوروتي .. ولكن لما رجعت هنا... حسيت اني مقيد جدا .. كل شي مقفل في وجهنا ... يعني مالنا مكان غير انه الشباب يروح لأقرب كافيه ويعسلوا ... (وطيب اللي مايعسلوا؟؟) يعني أنا عمري ماتزلجت على الجليد غير برا ... ولكن هنا .. يا معاك محرم (أنثى) ياماتدخل ... طيب أسألكم بالله ... ليش ماوقف الحريم اللي مو معاهم رجال؟؟؟ يعني المكان صار للنساء ومحارمهم ولا ايش بالضبط؟؟ ...


في مطعم ايطالي موجود بأحد مراكز التسويق .. وأنا صراحة عمري ماسمعت عنه في حياتي.. ولكن الناس يحكوني (الناس المتزوجين طبعا) .. ولما كنت أبغى أروح للمطعم منعني الحارس .. فقلت له والله بس بشتري شي من المطعم وراجع ... ولكن شوف بتكلم مين؟؟ (وصراحة مالهم ذنب .. هم بس ينفذون أوامر رؤساءهم) طيب وأنا سألت اذا كان له فرع تاني في جدة ... قالوا هو دا الفرع الوحيد في جدة كلها ... طيب ايش أسوي يعني؟


وبصراحة هذه المهازل لابد من وقفها ... وهناك عدة حلول لها:

1) يقسموا الأيام بين الشباب والعوائل (ولو يوم واحد في الأسبوع للشباب)

2) يخصصوا أماكن للشباب في نفس هذه المراكز التجارية والترفيهية.

3) يحدد للشباب أوقاتا لهم في اليوم (مثلا الصباح إلى العصر للشباب والعوائل من العصر إلى العشاء)

وأجدد شكري لكاتب الموضوع ... وبالفعل الواحد كان محتاج لدي الفضفضة


وأظن انه في الأخير أنا والشباب راح نكون جمعية (تحرير الرجل ) زي ماعملوا تحرير المرأة

[NeMo]

راكاااااااان




نفس كلامييييييي





بالله شفت ماليزيا كيف؟



هادا وهما يالطيف بالميني شورت ياريتو كمان شورت عادي

وربييييي ولا نص كلمة ولا شي




بس اختلف معاك اخوي في الحلول


لايقسموا ولاهم يحزنون




خلوا الامور طبيعي واللي تصدر منو حركات بنت قبل الولد يتعاقب علنيا


ترى المعاكسة في دول برا جنحة ويتعاقب عليها بغرامة وتصل سجن لاتقولي بنت او ولد



رغم اني بنت بس شهادة حق اقولها برضو عندي اخوان واحزن عليهم



الله معاكم ويوفقكم



ومعا لتحرير الرجل من (محرم) المرأة