كلية الحرس الوطني تمريض ؟

[Dr.Masha3el]

ملاك
التمريض بكلية الحرس 4 سنين ولا 5 مع سنة الامتياز ؟
و ايش يسألو بالمقابله ؟
هل يحتاج اجيب شهادتي وبطاقة الاحوال و .. الخ للمقابله ؟ ولا بعدين يطلبو دي الاشياء ؟

[ملاك الجامعية]

المشاركة الأصلية كتبت بواسطة dr.masha3el ملاك التمريض بكلية الحرس 4 سنين ولا 5 مع سنة الامتياز ؟ و ايش يسألو بالمقابله ؟ هل يحتاج اجيب شهادتي وبطاقة الاحوال و .. الخ للمقابله ؟ ولا بعدين يطلبو دي الاشياء ؟

التمريض عندنا 4 سنوات دراسه + سنه امتياز= 5 سنوات
المقابله زي ماقولت لك اسئله عامه مافي شيء يخوف لكن اهم شي تكوني صادقه يعني مثلا لو انجليزيتك مو توب

وسالوكي قولي انو انتي مو توب في الانجليزي ومتوسطة المستوى لكن انتي جالسه تشتغلي على لغتك

وعندك الطموح الكافي اللي يخليكي تجتازي مشكلة اللغه

لو سالوكي ليش سبتي جامعة الملك عبدالعزيز قولي الصدق مثلا سكنوني بتخصص ماابغاه وانا ابغى التمريض

اكيد حيقولو طيب بتبدين تدرسين من جديد وماعندنا معادلة مواد قولي لهم عادي انا مستعده ابداء من جديد بس بتخصص ابغاه واحبه وهوا طموحي

بالنسبه لاوراقك انتي جيبيها احتياط بس انا افتكر اخذو مني الصور وبعدين دقوا عليا بعد المقابله وقالولي سلمي اوراقك الاصليه

عندنا في جده حيقولون لك انتي لسا مو مقبوله رسميا ومن ده الكلام لكن في الرياض اول مالشخص يقولون له تعال للمقابله يعرف انه خلاص انقبل واحنا زيهم بس يسوو برستيج

فلاتقلقو وباذن الله مقبولات

[Dr.Masha3el]

مرا شكرا ً

[عذاري السمروات]

ميشو ..
ههههه مشي حااااالك ..
ياآرب يتم قبووولك و تنبسطي ..
وب ازن الله يدقوا على صديقاتك في الايام الجاية ..
لا شكر على واااجب .. <3
..
ملااااااك يا قلبي ربي يسععععععععععععععععععدك وما يحرمني يارب ..
كلامك يررررريح القلللللب وربي ..
يااارب يسمعلناآ منك يا قدوة ..

[Dr.Masha3el]

معليش ملاك سؤال تاني d=
ايش المواد الي تدرسوها بأول سنه ؟

[ملاك الجامعية]

المشاركة الأصلية كتبت بواسطة عذاري السمروات ميشو .. ههههه مشي حااااالك .. ياآرب يتم قبووولك و تنبسطي .. وب ازن الله يدقوا على صديقاتك في الايام الجاية .. لا شكر على واااجب .. <3 .. ملااااااك يا قلبي ربي يسععععععععععععععععععدك وما يحرمني يارب .. كلامك يررررريح القلللللب وربي .. يااارب يسمعلناآ منك يا قدوة ..

احرجني كلامك وربي

يارب تنقبلو واشوفكم في الكلية وكورتيكا تكرفكم

[ملاك الجامعية]

المشاركة الأصلية كتبت بواسطة dr.masha3el معليش ملاك سؤال تاني d= ايش المواد الي تدرسوها بأول سنه ؟

اول سنه يكون التركيز على اللغه الانجليزية

يعني الترم الاول حتدرسون اسلامك+ عربي1+مواد الانجليزي
الترم الثاني حتدرسون كمستري+بايولوجي+اناتومي1(علم التشريح)+عربي2+مواد الانجليزي
الاسلامك والعربي من اسهل مايكون وبالراحه تجيبونِa
الكمستري والبايلوجي نفس اللي درستوه بتحضيرية الملك عبدالعزيز لكن للاسف مضطرين تدرسوه لانو مافي معادلة مواد

الماده اللي يحتاج فيها تركيز هيا الاناتومي ذاكروها اول باول ومامنها خوف

[نسائم الايمان]

طيب انا خلصت سنة تحضيرية ودخلت قسم اقتصاد منزلي ومو حابة القسم لانه مو ميولي
اقدر اقدم ع الكلية دحين؟او احول او اي شيء؟
ع فكرة انا اجنبية من ام سعودية
بليييز احتاج رد سريع عشان الحق ع نفسي
وهي ف جدة ؟

[ملاك الجامعية]

المشاركة الأصلية كتبت بواسطة نسائم الايمان طيب انا خلصت سنة تحضيرية ودخلت قسم اقتصاد منزلي ومو حابة القسم لانه مو ميولي اقدر اقدم ع الكلية دحين؟او احول او اي شيء؟ ع فكرة انا اجنبية من ام سعودية بليييز احتاج رد سريع عشان الحق ع نفسي وهي ف جدة ؟

للاسف الشديد التقديم عن طريق النت قفل
من شروط الكلية ان تكون المتقدمه سعودية
وهذا موقع الجامعه عشان تتاكدي اكثر
http://www.ksau-hs.edu.sa/Arabic/Ann...ncement65.aspx
اسال الله ان يسدد خطاك

[Emergency]

السلام عليكم،،
بخصوص كليه الحرس الي بالاحساء سمعت انو فتحو تخصصات و نقلوها للمبنئ الي جنب المستشفئ
وانا حابه احول لها باقي لي سنتين بس ماعرف اذا يقبلوني او لا
ادرس في كلية اهليه ع الابتعاث الداخلي بالرياض
تخصصي اخصائية طب طوارئ مستوى 4
معدلي الفصلي 4.31 والتراكمي 3.49
ياليت تفيدوني