بنات المسنجر ( موضوع نقاش )

[mooon_14]

أولا شكراً للنقاش المفيد من جد ..
وموضوع لأنو بيتكلم عن ظاهرة منتشرة في مجتمعنا
وهيا شي طبيعي؟ كيف؟
حأقولكم رأي من غير مجاملة وبصراحة وأعذروني
أنا أميل إلى الفلسفة والتحليل معليش لأنو موضوع نقاش ..
أولاً هادا شي طبيعي أكيد ومتوقع لأننا في الأصل بشر وأكيد البنت والولد في أي وسيلة اتصال سواء ماسنجر أو غيرو حيكون في تلاقي وحوار وخصوصاً في عصرنا! ولا كيف برأيكم حتتعاملو مع الطرف الآخر وتتبادلو الأفكار والحوارات والآراء خارج إطار العائلة بنت أو ولد كانو!
وكل شخص بعد ما يعدي مرحلة المراهقة على الأقل 18 سنة حتكون له آراء وأفكار خاصة بي وحتنبني شخصيتو وحيفهم من تجاربو وأخطاءو المحدودة ..
ولكل شخص أكيد لو عثرات ، يستطيع بها النهوض مرة أخرى ولا كيف؟!
نرجع للموضوع أنا شايفة إنو لا ما فيها شي وخصوصاً إذا كنتي ولا كنت تتعامل مع ناس لهم مبادئ وأخلاق من جد تبهرنا وتخلينا نتمسك بيهم في طريق حياتنا ومحيطنا وطريقهم واحد النجاح في حياتهم ودراستهم، وتكون الأفكار متشابهه والأخوة والمحبة في الله هي عنواننا في تعاملنا، وعشان تحس انك متصل مع العالم اللي حولك غير منغلق على نفسك ونتبادل الأحداث للي بتصير حولنا بكل احترام وتقدير لأننا نحنا الجيل اللي حيطلع بعد كدا إن ، لو قلنا لكل شي عيب وحرام من غير ما نفكر في بعقلانية ونشوف انو ما يتعدى الحدود والأخلاق اللي اتربينا عليها كيف حنتحمل مسؤولياتنا بعد 5 أو 10 سنين وكل واحد منا ( مهندس ودكتورة وإداري ومحامية ومدرس ....الخ) مدام نحنا منا قادرين نتحمل مسؤولية تصرفاتنا من دحين!!
ليش نترك العادات والتقاليد المتعصبة اللي مالها مبرر ولا دليل فقط تحكم فينا ؟ من غير ما نشغل عقولنا بمبادئنا وأفكارنا بحدود ديننا اللي نشأنا عليه ..
إذاً من البديهي لو نحنا نفكر بدي الطريقة أكيد كل شخص حيتعامل بأخلاق ومسؤولية ما عليه أي لوم سواء بنت أو ولد ..
وبالنسبة انو ممكن يكون هنالك زواج في العلاقة ؟ لو وصلنا لهادي المرحلة هادا يدل قد إيش في رقي وتعامل وثقة والمجتمع أتغير وإنو وسيلة الاتصال هادي نجحت أكيد وهادا أكبر دليل على كدا .
وما أجمل أنو يكون في تفاهم في الأفكار والآراء لأي شخصين جادين طبعاً وربنا أراد لهم كدا .
ومن هادا المنطلق لو في يوم أي ولد أو بنت حسوا أنهم متفاهمين وأفكارهم وأحلامهم وحدة ليش نلوم البنت أو الولد و نحكم بالظلم ما دام النتيجة رائعة وأسست أسرة، وطبعاً يعتمد على جدية الولد (ويدخل من الباب على قولهم بثقة) لأنو أختار فتاة أحلامو وعرف على الأقل مين الانسانة اللي حتكون زوجة أحلامو وحتى البنت كمان .
بالعكس لأنها قدرت تتوصل لطريقة راقية في التعامل دلت عليها تصرفاتها وأخلاقها وإنها بنت ناس، والنتيجة أنها لقت الشخص المناسب ، وفي تجارب أدت للنجاح وأتوفقو أولاد وبنات كتير زي ما بنسمع .
وأنا معارضة إنو في تحديد نسب 1%أو 5% لأنها غير دقيقة ومي رسمية وما شملت جميع شرائح المجتمع وممكن كمان إنو هادي النسبة تتغير أو تزيد في غضون فترة .
أخيراً حاسة إنو هادا رأي الشخصي وجاوبت على الاسئلة ضمن الكلام لأنها أسئلة احتمالية لو نحنا ما حددنا مبدئنا والمنطق اللي راح نتكلم بيه محا نعرف نجاوب .
أخيراً شكراً لصبركم على فلسفتي المعتادة

شكرا x_bioc على النقاش اللي خلانا نتبادل آراءنا ووجهات نظرنا بموضوعية ومستوى راقي .
تحياتي للجميع وآرائهم

[x_bioc]

مون 14 بالعكس انا ماني شايف لا فلسفه ولا حاجه ......... مشالله عليكي قدرتي تصوري الوضع

اللي احنا فيه و تعطينا رأيك بمنتهى الصراحه بايجاز بليغ ............. واكيد في كتير يوافقوكي الرأي

المشاركة الأصلية كتبت بواسطة mooon_14 أنا شايفة إنو لا ما فيها شي وخصوصاً إذا كنتي ولا كنت تتعامل مع ناس لهم مبادئ وأخلاق من جد تبهرنا وتخلينا نتمسك بيهم في طريق حياتنا ومحيطنا وطريقهم واحد النجاح في حياتهم .......... لو قلنا لكل شي عيب وحرام من غير ما نفكر في بعقلانية ونشوف انو ما يتعدى الحدود والأخلاق اللي اتربينا عليها كيف حنتحمل مسؤولياتنا بعد 5 أو 10 سنين وكل واحد منا ( مهندس ودكتورة وإداري ومحامية ومدرس ....الخ) مدام نحنا منا قادرين نتحمل مسؤولية تصرفاتنا من دحين!! ليش نترك العادات والتقاليد المتعصبة اللي مالها مبرر ولا دليل فقط تحكم فينا ؟ من غير ما نشغل عقولنا بمبادئنا وأفكارنا بحدود ديننا اللي نشأنا عليه .. بالنسبة انو ممكن يكون هنالك زواج في العلاقة ؟ لو وصلنا لهادي المرحلة هادا يدل قد إيش في رقي وتعامل وثقة والمجتمع أتغير وإنو وسيلة الاتصال هادي نجحت أكيد وهادا أكبر دليل على كدا . وما أجمل أنو يكون في تفاهم في الأفكار والآراء لأي شخصين جادين طبعاً وربنا أراد لهم كدا . ومن هادا المنطلق لو في يوم أي ولد أو بنت حسوا أنهم متفاهمين وأفكارهم وأحلامهم وحدة ليش نلوم البنت أو الولد و نحكم بالظلم ما دام النتيجة رائعة وأسست اسرة ............ بالعكس لأنها قدرت تتوصل لطريقة راقية في التعامل دلت عليها تصرفاتها وأخلاقها وإنها بنت ناس، والنتيجة أنها لقت الشخص المناسب ، وفي تجارب أدت للنجاح وأتوفقو أولاد وبنات كتير زي ما بنسمع . شكرا x_bioc على النقاش اللي خلانا نتبادل آراءنا ووجهات نظرنا بموضوعية ومستوى راقي . تحياتي للجميع وآرائهم

يعطيكي العافيه يا موون 14 ........... كلامك منطقي ورأيك واضح و مفهوم

وأنا معارضة إنو في تحديد نسب 1%أو 5% لأنها غير دقيقة ومي رسمية وما شملت جميع شرائح المجتمع وممكن كمان إنو هادي النسبة تتغير أو تزيد في غضون فترة .

ما ادري ايش ال 1% و ال 5% الي قلبتو دماغي بيها جبتوها من فين ؟



شكرا يا موون 14

[NeMo]

ملتقانا اليوم ان شاء الله




بس شي واحد



نوودي








مافي زيك, الله يوفقك ويكتبلك الخير فين ماكان






i'll be back

[سومه]

انا برأي انو بنت التلفون تختلف عن بنت المسنجر
لان بنت التلفون الغرض من المكالمات واحد لاكن المسنجر الاغراض تختلف من بنت لبنت

[maryam]

صراحه انا في الاول ما حبيت اشترك بس ما اعرف حاسه انو ممكن احد ينتقدني أو ياخذ عني فكره غلط ..

انا بالنسبه ليه بضيف و اكلم ناس ما اعرفهم على المسن .. بس انو بحدود يعني صراحه في نوع من الشباب يدخل عليك

هجوم على طول يبغى رقم الجوال وابغى اكلمك وانا حبيتك وكلام فاضي واشعار ما تخلص يالف عليك ديوان بس المهم

ياخذ الرقم<<<<< تحسوا واحد من جد ما في راسه الى بنات وهو من فين كان عرفني عشان يحب ويتنيل صرحه انا دى

النوعيه على طول بلوك ودليت ..بس طبعا الشباب يعملوا كده عشان في بنات ناقصه حنان وما تصدق واحد يقلها كلما

حلوالى على طول تكلموا و البعض يستفيد من الشباب ويسحبوا منهم على قد ما يقدروا ..

وفي بعض الشباب قد كلمتهم عادي والله زوق وادب وكمان من هذى المنتدى الكريم والله انا مالي شو حاط في راسوا

ويبغى يوصل معايه لي إيه بس انا حدي ارد اذا سلم و اشكر اذا جامل و نتكلم في موضيع عامه وعن المنتديات المهم ما

يتعدى حدوده معايه ..وبعدين اي واحد يعمل شي من ورى اهله ويخبي عليهم يعرف انو غلطان وانا بقل لامي عن كل

شي وهي بتقلي اهم شي انتبهي على حالك واعتقد اني وصلت لعمر اعرف الصح من الغلط وما ارضى على حالي

وعلى كرامتي انها تنهز وكمان دايما احب اكون محافظه على الثقه الى الاهلي عطوني ايها ..

والله اذا جلست اتكلم ما راح اخلص بس اعرف تعليقكم وممكن اكمل .. بس عشان لا يصرلي نشر غسيل على المنتدى..( ؛

[الاسد الخجول]

اكتفي بالتعليق على موضوعك يا اخي العزيز بالقول


إن احد زملائي متعرف على زوجته عن طريق المسنجر


وهم الآن عايشين في سبات ونبات ومخلفين صبيان وبنات

[نضال]

اعتقد ان الفرق ما يكمن في بنت الماسنجر و بنت التلفون بشكل عام ..

لانك ممكن تشوف بنت على النت و تكون " قليلة ادب " على مستوى عالي ...

و تلاقي بنت على الفون عكسها تماما ..

و طبعا في نفس الوقت يصير العكس ..

على دا الاساس انا ما اقارن اصلا بين بنت النت و بنت التلفون ..

اما بالنسبه للزواج من وحدة منهم ..

في نظري .. متى ما حصل الحب و التفاهم .. و الاهم .. و اركز على كلمه الاهم .. الثقه

في دي الحاله ليه لا ؟

[x_bioc]

لان بنت التلفون الغرض من المكالمات واحد

الاغراض بالتلفون او المسنجر واحده .... ولكن وسيله الاتصال مختلفه

يمكن الفرق الوحيد ان سلاح التلفون اقوى من المسنجر ........ اذا كانت النيه سيئه .......


شكرا يا سومة

صراحه انا في الاول ما حبيت اشترك بس ما اعرف حاسه انو ممكن احد ينتقدني أو ياخذ عني فكره غلط ..

مريم احنا هنا بنحط النقاط على الحروف .......

و هدفي من هذا الموضوع تحسين النظرة الخاطئة لبعض الشباب عن البنات ....... و تعميم الخطاء عليهم

يعني اذا اسأت فئه من الفتيات استخدام المسنجر ......... ايش ذنب الباقيين

وبعدين اي واحد يعمل شي من ورى اهله ويخبي عليهم يعرف انو غلطان وانا بقل لامي عن كل شي وهي بتقلي اهم شي انتبهي على حالك

مريم مو كل اهل يتقبلو الشي دا .............. خاصة الجيل القديم ..... من خوفهم على بناتهم .... وخاصه هناك اسر تمنع بناتها

استخدام الانتر نت و بعضهم الجوال كمان ............. فتضطر البنت انها تروح لصاحبتها عشان تسوي بحث او تقضي غرضها

فالبنت هنا مغلوبه على امرها ......... مع عفتها و كرامتها .......... صعب تقول لأهلها زيك ...... فما اعتقد انها تختلف عنك

واعتقد اني وصلت لعمر اعرف الصح من الغلط وما ارضى على حالي وعلى كرامتي انها تنهز وكمان دايما احب اكون محافظه على الثقه الى الاهلي عطوني ايها ..

الزمن دا زمن الانفتاح ......... و الصغير قبل الكبير عارف الصح من الغلط ........ و المعدن الاصيل أصيل



شكرا يا مريم

إن احد زملائي متعرف على زوجته عن طريق المسنجر وهم الآن عايشين في سبات ونبات ومخلفين صبيان وبنات

ربي هنيهم و يسعدهم ............ ويحميهم من كلام الناس


شكرا يا اسد يا خجول

[x_bioc]

سومه ......احترم رأيك جدا .......... ولاكن رأي نودي منطقي ، اختلاف وسيله الاتصال لا تغير المضمون و جوهر الانسان

مريم ..... انت معدنك اصيل و اللي زيك كتيييير ...... ربي يحميكم و يبعد عنكم اهل السوء

الاسد الخجول ..... مشاركتك حلوة .... لاكن لا تحرمنا من رأيك


شكرا لكم جميعا

[x_bioc]

احبتي الكرام

عشان تكون الصورة واضحه للجميع و عشان ما ينخلط الحابل بالنابل

نستبعد بنات المسنجر .......... المراهقات .... اللي حيجيهم يوم و يعقلو ........ وبنات الهوى و المعاصي ..... الله يهدي الجميع


بنت المسنجر اللي اقصدها ..........

البنت المؤدبه الأخلاق ... اللي تهمها سمعتها ..... وعامله حدود لنفسها ... وعندها مبدأ متمسكه بيه

حتى لو كانت هناك علاقه حب صادق مبني على اسس و مباديء مع انسان آخر ... تهدف للزواج وبناء اسره

فلا نستطيع ان نحكم عليها بالباطل و بالفشل ...............