بنات المسنجر ( موضوع نقاش )

[NeMo]

ملتقانا اليوم ان شاء الله




بس شي واحد



نوودي








مافي زيك, الله يوفقك ويكتبلك الخير فين ماكان






i'll be back

[سومه]

انا برأي انو بنت التلفون تختلف عن بنت المسنجر
لان بنت التلفون الغرض من المكالمات واحد لاكن المسنجر الاغراض تختلف من بنت لبنت

[maryam]

صراحه انا في الاول ما حبيت اشترك بس ما اعرف حاسه انو ممكن احد ينتقدني أو ياخذ عني فكره غلط ..

انا بالنسبه ليه بضيف و اكلم ناس ما اعرفهم على المسن .. بس انو بحدود يعني صراحه في نوع من الشباب يدخل عليك

هجوم على طول يبغى رقم الجوال وابغى اكلمك وانا حبيتك وكلام فاضي واشعار ما تخلص يالف عليك ديوان بس المهم

ياخذ الرقم<<<<< تحسوا واحد من جد ما في راسه الى بنات وهو من فين كان عرفني عشان يحب ويتنيل صرحه انا دى

النوعيه على طول بلوك ودليت ..بس طبعا الشباب يعملوا كده عشان في بنات ناقصه حنان وما تصدق واحد يقلها كلما

حلوالى على طول تكلموا و البعض يستفيد من الشباب ويسحبوا منهم على قد ما يقدروا ..

وفي بعض الشباب قد كلمتهم عادي والله زوق وادب وكمان من هذى المنتدى الكريم والله انا مالي شو حاط في راسوا

ويبغى يوصل معايه لي إيه بس انا حدي ارد اذا سلم و اشكر اذا جامل و نتكلم في موضيع عامه وعن المنتديات المهم ما

يتعدى حدوده معايه ..وبعدين اي واحد يعمل شي من ورى اهله ويخبي عليهم يعرف انو غلطان وانا بقل لامي عن كل

شي وهي بتقلي اهم شي انتبهي على حالك واعتقد اني وصلت لعمر اعرف الصح من الغلط وما ارضى على حالي

وعلى كرامتي انها تنهز وكمان دايما احب اكون محافظه على الثقه الى الاهلي عطوني ايها ..

والله اذا جلست اتكلم ما راح اخلص بس اعرف تعليقكم وممكن اكمل .. بس عشان لا يصرلي نشر غسيل على المنتدى..( ؛

[الاسد الخجول]

اكتفي بالتعليق على موضوعك يا اخي العزيز بالقول


إن احد زملائي متعرف على زوجته عن طريق المسنجر


وهم الآن عايشين في سبات ونبات ومخلفين صبيان وبنات

[نضال]

اعتقد ان الفرق ما يكمن في بنت الماسنجر و بنت التلفون بشكل عام ..

لانك ممكن تشوف بنت على النت و تكون " قليلة ادب " على مستوى عالي ...

و تلاقي بنت على الفون عكسها تماما ..

و طبعا في نفس الوقت يصير العكس ..

على دا الاساس انا ما اقارن اصلا بين بنت النت و بنت التلفون ..

اما بالنسبه للزواج من وحدة منهم ..

في نظري .. متى ما حصل الحب و التفاهم .. و الاهم .. و اركز على كلمه الاهم .. الثقه

في دي الحاله ليه لا ؟

[x_bioc]

لان بنت التلفون الغرض من المكالمات واحد

الاغراض بالتلفون او المسنجر واحده .... ولكن وسيله الاتصال مختلفه

يمكن الفرق الوحيد ان سلاح التلفون اقوى من المسنجر ........ اذا كانت النيه سيئه .......


شكرا يا سومة

صراحه انا في الاول ما حبيت اشترك بس ما اعرف حاسه انو ممكن احد ينتقدني أو ياخذ عني فكره غلط ..

مريم احنا هنا بنحط النقاط على الحروف .......

و هدفي من هذا الموضوع تحسين النظرة الخاطئة لبعض الشباب عن البنات ....... و تعميم الخطاء عليهم

يعني اذا اسأت فئه من الفتيات استخدام المسنجر ......... ايش ذنب الباقيين

وبعدين اي واحد يعمل شي من ورى اهله ويخبي عليهم يعرف انو غلطان وانا بقل لامي عن كل شي وهي بتقلي اهم شي انتبهي على حالك

مريم مو كل اهل يتقبلو الشي دا .............. خاصة الجيل القديم ..... من خوفهم على بناتهم .... وخاصه هناك اسر تمنع بناتها

استخدام الانتر نت و بعضهم الجوال كمان ............. فتضطر البنت انها تروح لصاحبتها عشان تسوي بحث او تقضي غرضها

فالبنت هنا مغلوبه على امرها ......... مع عفتها و كرامتها .......... صعب تقول لأهلها زيك ...... فما اعتقد انها تختلف عنك

واعتقد اني وصلت لعمر اعرف الصح من الغلط وما ارضى على حالي وعلى كرامتي انها تنهز وكمان دايما احب اكون محافظه على الثقه الى الاهلي عطوني ايها ..

الزمن دا زمن الانفتاح ......... و الصغير قبل الكبير عارف الصح من الغلط ........ و المعدن الاصيل أصيل



شكرا يا مريم

إن احد زملائي متعرف على زوجته عن طريق المسنجر وهم الآن عايشين في سبات ونبات ومخلفين صبيان وبنات

ربي هنيهم و يسعدهم ............ ويحميهم من كلام الناس


شكرا يا اسد يا خجول

[x_bioc]

سومه ......احترم رأيك جدا .......... ولاكن رأي نودي منطقي ، اختلاف وسيله الاتصال لا تغير المضمون و جوهر الانسان

مريم ..... انت معدنك اصيل و اللي زيك كتيييير ...... ربي يحميكم و يبعد عنكم اهل السوء

الاسد الخجول ..... مشاركتك حلوة .... لاكن لا تحرمنا من رأيك


شكرا لكم جميعا

[x_bioc]

احبتي الكرام

عشان تكون الصورة واضحه للجميع و عشان ما ينخلط الحابل بالنابل

نستبعد بنات المسنجر .......... المراهقات .... اللي حيجيهم يوم و يعقلو ........ وبنات الهوى و المعاصي ..... الله يهدي الجميع


بنت المسنجر اللي اقصدها ..........

البنت المؤدبه الأخلاق ... اللي تهمها سمعتها ..... وعامله حدود لنفسها ... وعندها مبدأ متمسكه بيه

حتى لو كانت هناك علاقه حب صادق مبني على اسس و مباديء مع انسان آخر ... تهدف للزواج وبناء اسره

فلا نستطيع ان نحكم عليها بالباطل و بالفشل ...............

[eminem lover]

ممكن يكون صوت البنت على التلفون عوره والماسنجر لا
وممكن يكون الماسنجر ادهى من التليفون وانتو اكيد فاهمين قصدي
موضوع فعلا محير اشكرك بايوك على طرحو
بس اتوقع انو الرئي الاخير المتفق عليه
هو زي ما قالت سروره كل شي حلو بحدود

[NeMo]

عدتُ والعود احمد


سلام عليكم ورحمة الله جميعا



اولا اشكرك بايوك على الموضوع المهم

تانيا باشكر كل اللي ردوا وقالوا رأيهم بصراحة في دا الموضوع


تالتا ابغى اقول الكلمتين اللي عندي



قبل كل شي


الاحترام اساس كل امورنا في الحياة وهو عملية متبادلة


اعطيك وتعطيني..


حاجة خلوني اركز عليها , النسبية... كل شي في حياتنا نسبي كل شي بلااستثناء.



الجمال الوحاشة النجاح الفشل الحب الكره وكل شي يخطر على بالك

وهادا اللي يميز الحياة. ولا كنا عايشين مع افلاطون ومدينته الفاضلة




الماسنجر اسلوب حياة


عالم غريب وعجيب لازم نعرف حدودنا وواجباتنا وايش في وايش مافي




نظرتي الشخصية:


فين انا من دا كلو؟


انا بتكلم مع شباب في الماسنجر... حارجع واقول زي مافي موضوع ( جرين هل تروحي تقولي لشخص انك معجبة فيه؟)

مين هما؟ ايش يبغوا؟ وليش هما ومو غيرهم؟


والسؤال الاهم

ايش حاستفيد انا؟



اجابات الحمدلله اعرفها واسمحولي احتفظ فيها



الثقة المعطاة زي ماقالت مريوم امر لازم يتاخد بالحسبان


وقبل اهلي, ربي


بالنسبة للاولاد اللي يقولوا انا اعرف واختي ياااااويلها لو تعرف, هادا اعتبرو مع احترامي للجميع مريض وبيحاول يثبت رجولته على حساب اختو


ودا اكبر عبط بشوفو




رايي واضح وصريح



والماسنجر عندي ماشاء الله اخوان الله يعطيهم الصحة والعافية ويرزقهم ويهديهم ويفتحها بوشهم


قولوا امييييييين





وزي مافي دول, في اخواني وصحباتي وقرايبي واهلي عالماسنجر




وزي سرورة ياسر ماقالو... الحدود


حدود بيني وبين نفسي واللي حاوليا





وعمرو الماسنجر ماراح يقلل من شرفي وادبي واخلاقي وسمعتي بين الناس


لانو الحمدلله الاساس صح والتربية وقبلها الوازع الديني موجود.






شكرا ليك ريان