اتمنى تفيدوني مو عارفه احدد ايش اتخصص

[mariam moh]

كمان مافهمت بعد اعمال عام كل التخصصات عربي ولا بس المحاسبه

بعدين معليش باور هاوس كترت اساله بس انا ابغا اعرف اكتر عن تخصصك لانو قالولي ينفع للبنات اكتر

[باور هورس]

جميع التخصصات تحت اعمال عام باللغة الانجليزية
ما عدا مواد التخصص في المحاسبة بالعربي ( مواد التخصص ما اعرف عددها بس أتوقع انها مو كثيرر يعني الاغلبية انقلش )

بالنسبة للغة حتمشي فيها اولا ؟؟
اقلك اغلب الطلاب لغتهم سيئة وانا واحد منهم وعلى فكره إحنا في التحضيري كان عند 1 و 2 مو زيكم 1-2-3-4
لكن مشينا فيها وكله تمام وأشوف اللغة تتحسن من ترم لترم
وانا عن نفسي مع لغتي السيئة عندي مواد كثير جبت فيها a و b+
والحمد لله ما رسبت ولا في مادة ومعدلي فوق 3 ونص وباقي لي 30 ساعة عالتخرج
وأبشرك درجاتي في التحضيري في 1-2 كلها c يعني انتي افضل مني
يعني لا تشيلي هم اللغة أبدا أبدا
ممكن اول ترم بس تحسي انك ضائعة خاصة اذا اللي يدرسوك مو عرب لكن بعد كذا خلااااص

بالنسبة ل hr تخصص رائع
خشي النت واستفسري عن التخصص
واذا فيه سؤال محدد انا حاضر

[mariam moh]

الله يطمنك ياشيخ والله انصدمت

بس انا محتارا لاني انا عارفه نفسي حمشي فاي شي

انا من النوع الي افهم وفنفس الوقت احفظ سريع كل موادي جايبه a+ او a

عشان كدا محتارا مرا

بس انتا دحين فالمستوى السابع لسا تدرس مواد بلانجليزي ؟

عالعمووووم مرا شكرا افدتني كتير

بستخير والله يكتبلي الي فيه الخير

[باور هورس]

كله انجلش

الا
6 ساعات حرة
وثقافة اسلامية 1-2-3-4
وعربي 1-2

[mariam moh]

يسلموووو باور مرا تانيه

انا ان شاء الله راح اسال فنفس الكليه ادا اقدر ادخله او لا لاني اداري

وربنا يكتبلي الي فيه الخير

[mariam moh]

سلام

بما انو صارت اغلب تخصصات كلية الادارة والاقتصاد للعلمي

ايش افضل تخصص للادبي ويكون له مستقبل اكتر للبنات في السنوات الجايه ان شاء الله

قانون ولا اداره عامه من كلية اداره واقتصاد

لغة انجليزيه او علم اجتماع وعلم نفس من كلية الاداب

ايش الافضلل بينهم

وايش الوضايف لكل تخصص

[medo al-sherimi]

اتوقع ان افضل التخصصات الاربعه اللي ذكرتينها من ناحيه الوظيفه للبنات ,, هو تخصص اللغه الانجليزيه ,, أكيد بالسعوديه بتتوظف معلمه طبعا ....اما الباقي كلها شهادات لملئ جدران المنازل ...و التوفيق اولا واخيرا بيد الرحمن ...!