ايقاف من الاوديس

[ميمو العسولةة ،]

^
موجود عندك المدفوعات ،
شوف بس كيف الفرق بيني وبينك انت نازلك المدفوعات والرصيد مافي ،
وانا الترم الي فات نازلي الرصيد صفر بعد السداد " يعني مسددة " والمدفوعات مافي هههههههههههههههههه ،
مرا الجامعة نظامها مخبص درجة اولى الله يعين بس :/
وانا قلتلك الترم الاول عند كثير بعد مانزل الجدول وكل حاجة وسجلنا بمحاضرات السنترا دخلنا الاوديس لقينا مافي جدول وعندنا ايقاف لعدم السداد < ايش رايك بالله ،
تقريبا خمسا ايام او اسبوع وانشال لنو كان مشكلة من النظام نفسه ^^

[فيلسوف العرب]

والله ماادري ياخية...

البنك مافيه شيء يثبت اني سددت والجامعة حاطين عندي ايقاف

شيء يحير ...كيف اثبت حقي كذا ..

اذا شفت ان مافيها طب..

مالي الاادفع 3000 مرة ثانية وحسبي الله ونعم الوكيل

بلاسداد اون لاين وكلام فاضي من الصرافة وايصال وانتهى
هي النكبات ماتجي الا ورى بعضها ....

[ميمو العسولةة ،]

^
اصبر دام نزلك الجدول صدقني اكيد فيه لخطبه روح راجع الجامعه ،
انت نازلك الجدول من اول يعني لاتخاف امورك كويسا باذن الله ^^
قلتلها لك قبل الترم الي فات فجاءه صار ايقاف عند الاغلبيه وجو يشكو " عدم سداد واحنا مسدديين " ،
بس كله ترا من النظام راجعهم احسلك ولاتسيب حقك ^^

[ميمو العسولةة ،]

وحتى دحين نظام السنترا مايفتح عند خطة أ كله بسبب النظام ،
صدقني لخبطه منهم لاتروح تدفع وانت دافع ونزلك جدول قبل كدا ،
روحلهم اضمنلك ^^

[mesho.ksa]

علوش


وش قلتلك انا يآخي ع الواتس ذآك اليوم


آصبر وماعليك ان مانزل لك هالجدول الاسبوع ذا باروح افجر الجامعة كل ابوها لعيونك


اللخبطة ذي متعودين عليها من الجامعة انا نزل لي الاعفاء الترم الماضي وبعدها جاني حضر ولآزم اسدد وراجعتهم وقآلولي اصبر يومين ولآ ثلآث وتضبط وانشب لهم كل يوم اراجع واصك مشآوير

لين عدلو وضعي

وبالنسبة للصورة الي انت منزلها

عن طريقها يعرفو اذا كنت مسدد ولآ انك تفقش عليهم ومنت مسدد

لآتستعجل ولآتدفعلهم ريآل ثآني

[فيلسوف العرب]

ياغناتي يابعد حيي ياميشووو

ادري اني ادوختك بالواتس لكن الموضوع طول
45 يوم ايش دورة مغاوير بغداد ؟؟

تدري اتصلت على الجامعة قالو هات رقمك واسمك
ويشغلون لي موسيقى انتظار .. سلو مرة جنان
ورد علي يقول اذا مامعك ورقة من البنك

يعني انك ياعلوووش ماسددت ....بس الحين انتظر اخوي هو جاي من البنك
يجيب كشف الحساب ...ياخوفي يطلع ماكو شيء بعــــد

يعني مجحود مجحود الله لايعوق بشر ..

بعدين افقش عليهم ليه جون ترافلوتا أنا ؟؟

الله يعين من جديد 3000 <<< قيمة تذكرة لأسبانيا

ماني فاهم يحسبوني ولد بيل غيتس لما يسوون كذا ...

[mesho.ksa]

المشاركة الأصلية كتبت بواسطة فيلسوف العرب ياغناتي يابعد حيي ياميشووو ادري اني ادوختك بالواتس لكن الموضوع طول 45 يوم ايش دورة مغاوير بغداد ؟؟ تدري اتصلت على الجامعة قالو هات رقمك واسمك ويشغلون لي موسيقى انتظار .. سلو مرة جنان ورد علي يقول اذا مامعك ورقة من البنك يعني انك ياعلوووش ماسددت ....بس الحين انتظر اخوي هو جاي من البنك يجيب كشف الحساب ...ياخوفي يطلع ماكو شيء بعــــد يعني مجحود مجحود الله لايعوق بشر .. بعدين افقش عليهم ليه جون ترافلوتا أنا ؟؟ الله يعين من جديد 3000 <<< قيمة تذكرة لأسبانيا ماني فاهم يحسبوني ولد بيل غيتس لما يسوون كذا ...

هههههههههههههههه مآعليه يآرجل عطهم على قد عقلهم وآمسحها بوجهي


آجل موسيقى سلو هآآه


مالك الا الرضآ يآعلوش ان شاء الله

لين يوم السبت ماضبط وضعك ارسلي رقمك الجامعي والاثبات وبآشوف ان طمرت الجامعة استفسر على موضوعك واعطيك العلوم الاكيدة باذن الله


وآبد درعم بآي وقت اسال وسولف آجل ليش معطيك رقمي انا

[ميمو العسولةة ،]

^
انت سددت من بدري صحح ونزلك الجدول وقبل اسبوع فجاءه طار صدقني وضعك تمام لاتخاف وهادي عوايدهم زي ماقال ميشو " نظام مخرف درجة اولى "
انا اامس اخويا سسدلي عن طريق النت على الصباح الساعه 1 وشيكت على الاوديس ونزلي جدولي والرصيد صفر والمدفوعات "3000" ،
ولاتفكر تسسدد ثاني وراجعهم وطفشهم كل يوم " الفلوس الواحد مو جايبها بالساهل " ،
انت سددتت ومبين انك مسدد وماعليك دام المدفوعات 3000 ودام نزلك الجدول وفجاءه اختفى ،
الله يوفقك يارب وتيجي تبشرنا انو الجدول نزل ثاني ^^

[فيلسوف العرب]

حماسي الزايد اسدد اول بأول ...اسوي نفسي بجامعة اكسفورد


هذه تبعات الحماس ،،،

لا بعـد الطامة جاب اخوي كشف حساب من البنك للشهرين
مبلغ 3000 ماهو مذكور نهائي

يعني مالي اي وجه أقاشر الجامعة ،،،وحجتي ضعيفة

الشكوى لله مالي الا انتظر الى السبت أما تعدل الوضع والا
بسددها مرة ثانية ...ولايضيع ترم

طفشت من هالسالفة جابتني من أقصاي

شكراً ميموو شكراً ميشوو

[ميمو العسولةة ،]

^
الله لايضيعلك حق ،
ومكتوب بالمدفوعات 3000 روحلهم لاتسدد إلا لما تروح ،
هذا واجبنا ^^