درستوا خطة ب الترم الأول ؟ تعالوا ساعدوني :)

[Positive]

اللي فهمته انه الاحصاء هو اصعب مادة
طيب من فين تذاكر غير الكتب فيه تست بانك ؟ فيه ملخصات ؟ وايش أفضل الملخصات
للكيمياء والإحصاء ؟
الأحياء بس من السلايدات ؟ ما في مصدر ثاني ؟؟

[Somaiah Yousef]

Mirinoxd

اشكرك يعطيك العافية :)

[CRAAAK]

انا من خطة - ب (( طلاب ))

حسب تجربتي بالنسبة للدكاترة أفضل دكتور للإحصاء هو
احمد عطا محمد العم
مافوت له ولا محاضرة لأن محاضراته تستاهل وشرحه راقي ومتمكن جدا من المادة وإيصال الأفكار ^^ ومراجعاته مفيدة بعد

المذاكرة : من السلايدات (( يفيد في الفهم العام والجوانب النظرية )) + حل اسئلة كثير (( اهم شيء ))
--
الأحياء مافي فرق أياً كان الدكتور لأنه بس راح يقرا الشرايح ويتكلم عنه ^^ (( مافي فائدة كبيرة من المحاضرات *)) اهم شيء تذاكر اول بأول
المذاكرة : السلايدات (( كافية لكن تحتاج وقت )) في ناس تذاكر من ملخصات الشعراوي انا ماجربتها لكن الحمد لله اختباراتي كانت تمام مع المذاكرة من السلايدات اول باول خصوصا اختبارات الاحياء ماكانت صعبة
--
الكيمياء للأسف ماتوفقت في الدكتور لكن لو تحل تست بانك كثير وملخصات خارجية افضل من الكتاب نصيحة مني الكتاب خله آخر خياراتك لأنه مليان اخطاء وممكن يكون سبب في اخطاء تخطئ فيها لأنه فعلاً مليييء بالأخطاء
المذاكرة (( الجانب التطبيقي = تست بانك + تست بانك + تست بانك )) و الجانب النظري (( ملخصات + الكتاب"الكتاب فيه اخطاء بالتمارين وطرق الحل ويتبع اسلوب طويل في بعض المسائل القصيرة وأفكاره مختلفة تماما عن الأفكار الي تجي في الإختبارات لذا أشوف ان التمارين من التست بانك افضل )) .
--

هذا وبالتوفيق للجميع

[Dinah]

الأحياء
من السلايدات وبس حفظ وكله انجلش ومذاكرته اول بأول حاولو قد ما تقدروا تختمو الشباترز قبل الاختبار

الكيمياء
السلايدات حقت ليلى الحربي والتست بانك مهمم جداً الله يسعدها دكتورة ليلى قالت لنا باخر محاضرة قبل الفاينل الاختبار كله من التست بانك والحمدلله الاختبار جميل وكنت عندها شرحها جداً كافي ووافي وكانت تشرح لنا على السبورة وتكتب واحنا نكتب وهذا حالنا من بداية الترم

الاحصاء
الكتاب و دفترك حق المحاضرة والسكشن تحضريه عشان تحلو اسئلة كل شابتر وقبل كل اختبار تشوفو النموذج حقه بموقع الدكتورة كنت عند شفياء صح صوتها هاديء لأنها كانت حامل الله يقومها بالسلامة لكن ارتحت معاها ولشرحها

اعترف انو ما تعبت بالكيمياء والاحياء قد ما تعبت بالاحصاء لأنو فيه شابتر كامل عن الاحتمالات وانا ما احبها اساساً :(

نصيحه مني خذوها المذاكره اول بأول توفر وقتكم وما تتعبو قبل الاختبار

موفقين ♡

[CRAAAK]

ملخص الردود
الاحياء = سلايدات
الكيمياء = تست بانك
الإحصاء = مجهول

[AoDi]

دحين خلينا واقعيين

الاحياء مذكرتوا صعبة بس الاختبار سهل"على قد مذاكرتك "

الكيمياء مذكرة و الاختبا حاولي تكوني منفتحة في الخيرات و قربي اذا لزم

الاحصاء مذكرتو سهلة ..بس سبب الاختبارات فيها اغلاط تافهة...

[AoDi]

و علا فكرة ماتحتاج تدرسك استاذة كويسة في مواد زي الاحياء "بس بعض الاستاذات يخلوها ممتعة.."

الكيمياء اي استاذة تشرح المنهج الاساسي تكفي درستني نورباسودان"الشرفية" و ماهي مرة ذاك الزود ...عادية

الاحصاء فاتن كل الطالبات يقولوا شرحها كويس ...بس ما قد حضرت لها ..استاذتي تماضر"الشرفية" كانت كويسة بس ما راح اقارن لأني تقريبا ما اعرف غير

[Mirinoxd]

المشاركة الأصلية كتبت بواسطة positive اللي فهمته انه الاحصاء هو اصعب مادة طيب من فين تذاكر غير الكتب فيه تست بانك ؟ فيه ملخصات ؟ وايش أفضل الملخصات للكيمياء والإحصاء ؟ الأحياء بس من السلايدات ؟ ما في مصدر ثاني ؟؟

الأحصاء زي ما قلتلك, الكتاب مررا مهم, حلي الأسئلة الي نهاية الفصل مع انو ما يحلوها معانا (الشابتر كويز) تلاقي حلولها آخر الكتاب آصلاً
اختبارات سابقة عشان تتدربي وتعرفي تفرقي بين صيغ الأسئلة (خصوصا في باب الاحتمالات)
في مواقع الدكتورات هما حاطين 3 نمادج للاختبار الميد الاول والتاني والتالت وتقريبا تجي قريبة منها بس مو مرا
بس احسن شي نزلي غيرها من النت كمان
انا ف النهائي حليت مرا كتير وكنت اغلط في كل اختبار يمكن 2 او 3 غلطات بس دي الغلطات مرا فادتني وخلتني اعرف احترس لأنو منجد الاحصاء زي الثعلب :))
المزاكرة سهله والاختبار يجي كمان سهل بس تنصدمي بالدرجة بسبب حاجات مرا تافهه زي ماقالت وحدة فوق
مثلا عندنا ف الاحصاء شي اسمو ستاندرد وفيرينس الاثنين لهم نفس القانون بس اللهم الفيرينس هو جدر الستاندرد < كتير غلطوا بسبب دا الشي التافه
و دول الاتنين مرتبطين بقوانين ثثانية ومرات ف الاختبار يبدلولك بين الاثنين فتجي انتي تشوفي السؤال وتفتكري طريقتو وتجي تحلي مباشرة بدون ماتنتبهي انها مثلا ما اعطتك الفيرينس هي اعطتك الستاندرد ولازم تحوليه فيرينس او العكس, يعني لازم ف الاختبار تفصلي كل كلمة تفصييل عشان لا تتلخبطي
المهم وعندك دكتورات الشرفية ينزلو وورك شييت مفيد برضو
وازا مرا مرا حسيتي نفسك متلخبطة مممكن تشتري ملخصات
على فكرة باب الاحتمالات دا ف الميد الثاني كنت مرا خايفة منو وما كنت عارفة ازاكرو ومتلخبطة ومع الخوف حسيتو مرا صعب
بعد ما اختبرت وعرفت طريقة الاسئلة وجيت ازاكرو تاني ف النهائي صار من اسهل الأبواب وصرت طوالي أفرق واحل والحمدلله
ف انتي لو كل محاضرة زاكرتي وفرقتي بينهم وزي ماقلتلك تكتبي ملخص لكل نقطة وكيف طريقة الأسئلة حقتها صدقيني ما حيكون عائق
وباقي الأبواب مرا مويا ما ينخاف منها هو باب الاحتمالات بس الي كان يخوف

الأحياء ماتطالعي في شي غير السلايدات وبس وقلتلك لو حابة بس تتأكدي من حفظك وفهمك ممككن تتدربي ف التدريب التفاعلي

ملخصات للكيمياء ما قد استعملت صراحة مع انو ما راح تحتاجي ملخصات لانو مافي شي يخرج من السلايدات والأسئلة حقتها (والتست باننك حق ليلى الحربي) بس اللهم الأرقام تتغير

وبس يا ستي, كل التوفيق يارب ودعواتك
وايوا صح ازا فيه حاجات الأغلب تلخبط فيها ف خطة ألف زي الأحصاء عندنا ف خطة ب ياريت تقولولنا عشان احنا ما نطيح فيها كمان
حرف الدال ابو نقطة مقشوع عندي ف الاب عشان كدا حرف ال ز متكرر كتير سوري

[Positive]

^
مرا شكرًا ي عسل
بالنسبة لخطة أ اكثر مادة نحسة الرياضيات ههههه ما أبغى إخوفك بس صراحة
لازم تنتبهي لها
أنا كنت اذاكر اول ب اول
الاختبار الدوري الاول بس ذاكرت الكتاب وجبت العيييييييد
الاختبار الدوري الثاني الكتاب ملخص جمال السعدي
ونماذج أسئلة سابقة والوورك شوب جبت درجة اعلى من الاختبار الاول بدرجتين
والفاينل كل دا اللي فات
والله يستر من الدرجة :)
كمان استاذتي مررررررا ما تعرف تشرح والله تعبت معاها وأكثر مادة انكرفت فيها
الفيزياء ومهارات الاتصال ججججدا سهلين الحمد لله اعلى درجات ما شاء الله الفيزياء *كل الشعب* < برضو لسى الدرجات ما نزلت
اما الحاسب مررررا لازم تركزي ف المحاضرة وفي الاختبار النظري يختبروك بالأجزاء العملية فلازم تكوني تطبقي ع اللاب
والله يوفقنا ونحقق اهدافنا

[Yasmina95]

السلام عليكم ...

الاحصاء:

اول شيء الاحصاء مادة جدا سهلة ولا تسمعي لكلام احد انها صعبه
ترا والله المادة جداً سهلة
مايحتاج تذاكري من ملخصات ، ذاكري من الكتاب مع التمارين اللي بتنحل في السيكشن
لانو التمارين الي بتنحل بالسيكشن مرررة مهمة وكتير جات زيها في الاختبار
نصيحة احضري مع سماح سندي او حولي عندها من بداية الترم
تفهم مرة مزبوط ماشاء الله و تديكي كل الأفكار والأسئلة اللي حتجي في كل درس
ونصيحة ، كل التعاريف اللي في الكتاب ذاكريها لانها مررة مهمة
تبي تفهميها او تحفظيها براحتك بس مرررة مهم ، ولا تدخلي الميد الاول او التاني او النهائي الا وانتي فاهمة الاحصاء و مركزة فيه
مو حافظة بل فااهممته كووويس ، لانه الميد الاول جاء لف و دوران ، و حتحلي بقدر ما انتي فاهمة الأساسيات كيف ..!!
وبنهاية الترم فيه كيرف اب لكل بنت بس حاولي ما تنزلي عن 95

الكيمياء:

الكيمياء ماده متوسطة مابين الصعوبة والسهولة

سهلة لانو كلو حق ثانوي ، صعبة لانها كتير يعني معاكم 11 باب بالنهائي
و نصيحة ذاكري من تست بانك ليلى الحربي مع سلايداتها لانها منسقة المادة
و عندك إيمان حجازي كويسة ، ونصيحة ذاكري اول باول في الكيمياء
و اصعب شيء بالتست بانك شابتر 3 & 5
ليلى مو مرة تفهم بس اذا كان عندك أساسيات من حقت المدرسة خليكي معاها لأنها تشرح ع أساس انو عندك أساسيات من المدرسة
وجانا بالنهائي 45 سؤال بسبب أغلاط السيستم انو الإجابة صحيحة غير موجودة او الخيارات مكررة


الاحياء:

نصيحة ذاكريه اول اول و أكثر ماده أشدد عليها ... ذاكريها اول باول و ختميه قبل الاختبار
الميد الاول و التاني دايما سهل .. لكن في النهائي الاسئلة تجيكي بلفة شوية تعتمد على فهمك للمنهج
انا جاني سؤالين برة سلايدات و سؤالين يعتمد على فهمك
نصيحة احضري من البداية مع حنان الشاذلي لانها تفهم

ولاحد يقولك انو الاحياء يعتمد كتير عالحفظ و مو ضروري تحضري مع أستاذة معينة
هالكلام غلط،،، احضري مع المنسقة حنان الشاذلي نصيحة لانو في أشياء تعتمد عالفهم
و الدكتورة ماشاء الله مرة كويسة تفهم :)
و ذاكري من السلايدات لا تعتمدي على اي ملخص او شيء.... من سلايدات وبسس
و كمان فيها بونس 10 درجات بالضبط دي الفيزياء و الرياضيات
الحلو في الاحياء انو البونس حق الميد والتاني اذا ما استخدمتيه يروح معاكي للنهائي
يعني مثلا اذا جبتي 33 في الميد الاول و التاني ،، يصير عندك في النهائي 4 بونس و6 حق الدوريات
يصير 10 بونس في النهائي معاكي ، نصيحة وفروا البونس للنهائي ترا يساعدكم




اختصار الكلام:
جميع مواد خطة ب فيها بونس
الاحصاء: سماح سندي في المحاضرة و السيكشن ، المذاكرة من الكتاب + تمارين السيكشن + نماذج الاسئلة السابقة تحصلوها في موقع الدكتورة
الاحياء: حنان الشاذلي ، المذاكرة من السلايدات فقط
الكيمياء : ليلى الحربي او إيمان حجازي ، المذاكرة من سلايدات ليلى الحربي + التست بانك حقها
في ناس تقول الكتاب مهم وفي ناس تقول لأ ، انا عن نفسي استعرت الكتاب من وحدة خلصت تحضيري
بس الكتاب مو مرة تحتاجوه ، يعني كلها كم مثال و تعريف معانا تطلعوا من الكتاب :)

طولت في الكلام بس ان شاء الله تستفيدوا