عااااااجل .. لطلاب تخصص ادارة صحية ومستشفيات

[منتسب3]

المشاركة الأصلية كتبت بواسطة شهرأيلول ياخوي هذا موضوع قديم خاصه للي يتابعه في منتديات وزارة الصحه وصلت في المشاركات ارقام عالية والمشاهدات فوق المليون كثير من موظفين الصحة سواءً فنيين على الكادر الصحي او اداريين على سلم الوظائف العام اكملوا دراستهم انتساب في تخصصات مختلفه من أهمها وأكثرها علم اجتماع وبعده علم نفس و إدارة مستشفيات ( إدارة صحية) وزارة الصحة في عهد المفغور له بأذن الله الربيعه أوقفت تعيين الدبلومات وأيضا أوقفت التجسير لوقت طوويل وكذلك الابتعاث أوقف الا لمن لدية واسطه والدليل استراليا تعج بكثيرر من المبتعثين المقربين في وزارة الصحة .. ونحن الفنيين لكم الله .. مثلا انا ممرض خريج دبلوم لا استطيع ان اكمل دراستي على مجال تخصصي .. وثانيا الكثير يرغب تغيير تخصصه .. فكان الحل السحري هو الانتساب بالجامعة .. مثلا ممرض دبلوم تعين في وزارة الصحة وعمل فيها لمدة 7 سنوات ثم اكمل دراسته الجامعية بكالوريوس ادراة خدمات صحية وبعد اربع سنوات تخرج ثم يتقدم لوزارة الصحة بطلب تعديل وضع حسب المؤهل الجديد يتم تعديل وضعه من فني الى اخصائي ويحسب له سنوات خدمته وراتبه يكون على اقرب راتب أي لا ينقص ولا يبداء من جديد عملت وزارة الصحة على هذا المنوال تقريباً 3 او اربع دفعات وبعد زيادة عدد الخريجين ,, جاء التعميم الفاشل والظالم ان لا يتم تحسين وضع احد بعد تاريخ ..... وحددو تاريخ معين الخريجين بعد هذا التاريخ رفضت وزارة الصحة تعديل وضعهم ... هذي كل القصة مايستفاد من أعلاهـ ... انا الان في المستوى السادس اسئل الله التوفيق ان شاء الله في السنه القادمة سوف اتخرج عملاً انني أكملت دراستي بدون موافقة جهت عملي ... وكلي امل في تحسين وضعي المهم ان احصل على معدل عااالي وعالي جداً واهم شي وتحته خطين والكلام هذا مهم لكل من يعمل بوزارة الصحة ويكمل دراسته .. وزارة الصحة سوف تتحول خلال ثلاث الى اربع سنوات الى تشغيل ذاتي يعني عقوود ومن اكمل دراسته بأمكانه ان يعدل وضعه الى التشغيل اذاتي على المؤهل الجديد وانا متأكد 100% ان وزارة الصحة سوف يكون حلها لمن تخرج تقول لهم من يريد ان يعدل وضعه وتحسب له سنوات الخدمه فـ يحول للتشغيل الذاتي لكن لمن تخرج دبلوم ادراة صحية ويكمل دراسته الان فلا عليه خووف ابدً لانه يكمل على نفس تخصصه .. اغلب من يدرس الان ومن تقدم بشكوى لديوان المظالم هم فنيين تمريض او اداريين او فنيين اشعه أتمنى ان أكون وفقت في توضيح الصوره .

ياسلام عليك لا يفتى ومالك في المدينة .....
احيك كلامك صحيح

[basemameer]

ياخوي ازيدكم من الشعر بيت
زميلي فني مساعد طبيب اسنان
قدم على التجسير في جامعة الملك عبدالعزيز بكلية طب الاسنان لتخصص بكالوريوس صحة فم واسنان وانطبقت عليه كل شروطهم التعجيزيه حتى درجة الانجليزي المطلوبه اللي تعتبر عاليه بالنسبه للبعض هوا ماشاءالله جابها
يعني من الاخر وضعه يعتبر مثالي للتجسير واكمال الدراسه في تخصصه وبعد كل شي لمن رفع خطاب تفرغ للايفاد عشان الدراسه رفضوه جهة عمله بسبب حاجتهم لخدماته
بالعربي قالوله احنا محتاجين موظفين ولو فتحنا الباب الكل يبغا يدرس ومحد حيبقى يشتغل وجلس حوالي سنتين يحاول من هنا ومن هنا وقدم مره ثانيه وجاه قبول للتجسير تاني مره ولكن بنفس الطريقه اخر شي قال انا باسجل انتساب ادارة مستشفيات اسمو اذا ماقدرت اكمل بتخصصي نوعا ما انا في شي في مجال عملي وبشهاده اعلى وقال ليا سنتين وانا اطارد وراهم كان مداني مخلص نص البكالوريوس
وسجل انتساب ادارة مستشفيات ولمن يجي وقت الاختبارات يقدم اجازة اختبارات عمله يقولوله ايوه تبغا تختبر وترجع كذا مو مشكله ويعطوه اجازة اختبارات ويقولوله اما تفرغ دراسي كامل 3 او 4 سنين صعب نفتح الباب للكل
بالعربي مايتوافق غير للي معاهم واسطه

طيب زي هذا عنده طموح يكمل دراسه اش يسوي في وضعه مافي قدامه غير انتساب ادارة مستشفيات هو اسهل واسرع حل واقرب شي لعمله

[ماجد بن عبدالعزيز بن محمد]

أكملوا دراستكم وما عليكم من أحد ..

واذا هي اليوم متعقده ( بكرة تنفرج من عند ربك )