Econ 204 (( بالتفصيل ))

[فتفوتة]

صبايا نزاكر بس الامثله المؤشره ولا كلها كل باب مليان امثله وكل مثال طريقه غير
نزاكر الي حلته الاستاذه بس ولا كله

؟؟؟؟؟؟؟؟؟؟؟؟؟؟؟؟؟؟؟؟؟؟

[bent oo bas]

المشاركة الأصلية كتبت بواسطة فتفوتة صبايا نزاكر بس الامثله المؤشره ولا كلها كل باب مليان امثله وكل مثال طريقه غير نزاكر الي حلته الاستاذه بس ولا كله ؟؟؟؟؟؟؟؟؟؟؟؟؟؟؟؟؟؟؟؟؟؟

كلوووو معادا المحذوووف
لانو كل شي لي طريقة غير وممكن اي طريقة تجيكي

[jana]

خايفه حددددددي من هالماده
لو انا في جده وحظرت محاظراات الدكتوره اضمنها فل ماارك بس للاسف ما قدرت احضر .
فيه اشياء معينه ركزت عليها الدكتوره ؟؟؟؟؟

[bent oo bas]

المشاركة الأصلية كتبت بواسطة jana خايفه حددددددي من هالماده لو انا في جده وحظرت محاظراات الدكتوره اضمنها فل ماارك بس للاسف ما قدرت احضر . فيه اشياء معينه ركزت عليها الدكتوره ؟؟؟؟؟

كل اللي انا كتبتو هيا قالتو وركزت عليه

[it.was.only.x]

بنت وبس ممكن 3محاضرة ليها؟؟

الله يوفقك يادلبو ويحققلك اللي تبغيه

[ملاكــ]

بنوته ياعسل حابه أسألك ..

مثال ( 3 - 20 ) معانا .. ؟؟ :)

وكمان الشغلات النظريه معانا .. يعني نحفظها وكدا .. وحتجي منها أسئله .. ؟؟

[bent oo bas]

المشاركة الأصلية كتبت بواسطة ملاكــ بنوته ياعسل حابه أسألك .. مثال ( 3 - 20 ) معانا .. ؟؟ :) وكمان الشغلات النظريه معانا .. يعني نحفظها وكدا .. وحتجي منها أسئله .. ؟؟

اممممم والله انا عن نفسي محى اذاكرو لوقضدك صــ 159
واعتقد النظري ما يجي بس الله واعلم

[jana]

ســــؤال ؟؟؟

كيف نكتب الاس في الآله الحاسبة إذا كان عدد صحيح أو كسر ؟؟

[الو22]

يابنات الله يخليكم فيه احد يقدر بس يقولي ويشرحلي كيف نجيب مقلوب المصفوفه مثال 4-8 صفحه 188]
من جد حوست وماني قادره افهمها :( الله يوفقها اللي تساعدني وتجيب معدل 4.9 يااااارب :)

[ملاكــ]

المشاركة الأصلية كتبت بواسطة الو22 يابنات الله يخليكم فيه احد يقدر بس يقولي ويشرحلي كيف نجيب مقلوب المصفوفه مثال 4-8 صفحه 188]

أنا حأشرحلك الطريقه وإن شاء الله إني أقدر أوصلك المعلومه كويس ..

أول حاجه عشان تجيبي المقلوب لازم نجيب محدد المصفوفه ( ع ) .. كيف .. ؟؟

نطلع المرافق لكل عنصر من العمود الأول ونضربو في نفس العنصر وبعدين نجمع النواتج مع بعض

تاني خطوه لازم نوجد مصفوفة المرافقات يعني نوجد المرافق لكل عنصر في المصفوفه الأساسيه

والمرافق عباره عن محيدد كل عنصر من عناصر المصفوفه الأصليه بس تختلف من ناحية الإشارات

ودايما تكون ترتيب الاشارات في المصفوفه 3 في 3 زي إلي في المثال

الصف الأول موجب سالب موجب والصف التاني سالب موجب سالب والصف التالت موجب سالب موجب وزي كدا

ونوجد الناتج وبكدا نكون أوجدنا مصفوفة المرافقات

الخطوه التالته نجيب مبدل مصفوفة المرافقات يعني نبدل وناخد كل صف من مصفوفة المرافقات ونخلي عمود

الصف الأول يسير العمود الأول والصف التاني يسير العمود التاني والصف التالت يسير العمود التالت

فتتكون عندنا مصفوفة جديده إلي هيه مبدل مصفوفة المرافقات

واخر شي نوجد المقلوب والي هوه عباره عن

1 مقسوم على قيمة محدد المصفوفة الأصليه << إلي استخرجناه في أول خطوه
مضروب في مبدل مصفوفة المرافقات << إلي أوجدناه في تالت خطوه

وبكدا نكون أوجدنا مقلوب المصفوفه ( ع )

إن شاء الله تكوني فهمتي .. :)