آآآآخر تجمعاتنا للكيمياء ..:(

[بيو كيميائية ^_^]

خلاص ماراح أقول<< مع أني قلتها من قبل بس مافيه فايده فيني
بعدين أخاف ماتستفيد وتظل أسئلتك بدون جواب وتقول كله من زهرورة وتدعي علي

[mr increase]

في تسمية الالكينات هناك رمز ene في نهاية تسميته
مامعنى هذا الرمز ؟ وكيف يرقم ؟

واذا جاءت لي رابطة ثنائية في الشكل الحلقي
هل يعتبر الكان حبقي أو الكين ؟
وياليت تجيب مثال على رابطة ثنائية داخل شكل حلقي وقومي بتسميته ؟



عارف أن كثرنا الأسئلة عليك يا υикиσωи
لكن عشمنا فيكي كبير

[υикиσωи]

المشاركة الأصلية كتبت بواسطة يزيد الصاعدي في تسمية الالكينات هناك رمز ene في نهاية تسميته مامعنى هذا الرمز ؟ وكيف يرقم ؟

امممم ..ايش اقولك دحينا ...!
دا هوا الرمز الي نعرف بيلو انو دا الكين من الكان أو الكاين ..
شوف خيووو ... زي ما بنقول في العربي ..الكان << ابو رابطة وحدة يكون نهايتو ــان
اللي فيلو رابطة ثنائية ... تكون نهايتو ــين
اللي فيلو رابطة ثلاثية نهايتو ــاين..

نفي الشي في الانجلش ..
Alkane الألكان ..نهايتوو ..ane ... مثل methane
Alkene الألكين ..نهايتو ene ...مثل methene
Alkyne الألكاين ..نهايتو yne ...مثل methyle
<<وحتى حننطقها زي العربي...


بالنسبة لترقيم دا الجزء..ane..ene..yne...فدا الجزؤ ما يترقم دا جزؤ من الكلمة ..لازم ينكتب ..
اللي حيترقم هوا السسلة عموما...
يعني في الرابطة الثنائية والثلاثية نرقم مكان وجود الرابطة ..

المشاركة الأصلية كتبت بواسطة يزيد الصاعدي واذا جاءت لي رابطة ثنائية في الشكل الحلقي هل يعتبر الكان حبقي أو الكين ؟ وياليت تجيب مثال على رابطة ثنائية داخل شكل حلقي وقومي بتسميته ؟

ازا جات رابطة ثنائية في حلقة ... وقتها ما حيكون cycloalkane...واحدناما أخدنا الا الالكانات الحلقية ...:)

بسس برضو أقولك هيا ... حيكون وقتها الأكين حلقي ...Cyvloalkene
زي الرسمة الي هنا ...

زي دا حيكون ...CycloHexene
وناخد زي في الالكين انو الرابطة الثنائية تاخد أقل قيمة ..


حيكون ..Cyclobutene



زي ما قلنا الرابطة الثنائية تاخد أصغر رقم ...يعني البروم عند 3 ..
i3-bromocyclohexene




ان شالله تكون فهمت عليا بسس ...

بالتوفيق ...

[Dr-A]

بنااااااااااات أدري داخله عرض بس وين محاضرة الإحصاء اليوم وفين >>> نسيت ,,

[mr increase]

مشكورة يا ان ناون فالك الدكتوراه بصراحة ماقصرتي
لكن عندي سؤالي ثاني صغيرون
في تسمية وترقيم مشتقات البنزين
لو تفرع شكل البنزين لكلور ولميثيل
ايهما يرقم اولا ؟

[υикиσωи]

المشاركة الأصلية كتبت بواسطة فييري وسيدورف اش معنى تهجين بالانجليزي وياريت احد يديني تعريف بسيط عنوه

بدري عليا ارد ...لووول
المهم ما اتزركلنا اي شنو عنوفي المحاضرات ..بسس شفت في الكتاب عند الالكان والألكين ذاركينلنا نوع التهجين ..

المهم ..
التهجين حيحصل دمج ما بين المدارات ... عند حصول تفاعل ..
في ذرة الكربون حيحصل برضو تهجين ... وليلو تلاتة أنواع ..اللي هيا




أول نوع : التهجين في الألكانات ..
لو كتبنا التوزيع الالكتروني لذرة الكربون ... ورسمنا المدارات ..حتكون عندنا بالشكل التالي ..

طيب احنا عارفين انو الألكان يتصل بــ 4 ذرات أو مجموعات بكوين رايطة تساهمية ..
لو شفنا لشكل اللي فوق ..حنحصل انو فيلو بسس الكترونين حرين يقدرو يعملو الرابطة ...
فايش حنعمل ..!؟
حنسوي عملية التهجين دي ... بانو ندمج المدار 2S مع 2P ..
وحيسير بدا الشكل ..


بكدا سار عدا 4 الكترونات ...ممكن ترتبط مع التانين .. وطبعا كل دولي الأربعة حيرتبطو .يعني حنستخدمها كل الالكترونات اللي في الغرف ... فحيكون نوع التهجين ..SP3
<< الــS ..عشان الكترون اللي في s .. و3p عشاننا استخدمنا التلاتة الالكتروناتا لموجودة في الغرف التلاتة في الــP




تاني نوع : التهجين في الالكينات ..
نفس الحكاية ...احنا نبا 3 الكترونات ...
فنعمل دمج للمدارات ..

وحتسير بالشكل التالي ..


حنتسخدم بسس 3 الكترونات ... واحد من الــs واتنين من الــP
فحيكون نوع الرابطة ..SP2
والالكترون المسكين الباقي ... هوا اللي حيعمل الرابطة باي ..





تالت نوع : التهجين في الألكاينات ..
نفس الحكاية .. حيسير التهجين بالشكل التالي ..



الكترونيني بسس اللي حيكونو الروابط ... واحد من الـs وواحد من الـp
فحيسير نوع التهجين ..SP
والالكترونين الباقية حتعمل رابطتين لباي ..

<< حتسأل ليش طيب هنا عملنا تهجين ...مع انو كان في الكترونين عندنا ...
عشان دا شي يخص شكل المركب ...انو شكلو مستقيم وزي كدا ...

[υикиσωи]

المشاركة الأصلية كتبت بواسطة يزيد الصاعدي مشكورة يا ان ناون فالك الدكتوراه بصراحة ماقصرتي لكن عندي سؤالي ثاني صغيرون في تسمية وترقيم مشتقات البنزين لو تفرع شكل البنزين لكلور ولميثيل ايهما يرقم اولا ؟

ما حيفرق معاك بدأت بمين ...
المهم انك في التسمية تحط أبجديا ...
وانو دولي الاتنين ياخدو أقل رقم ممكن ...

[ultraviolet]

ما شالله شرحك في التهجين كفى و وفى
دوبي افهم ايش يعني تهجين
بس ازا فيكي ترسمي اشكال المدرارت بالتهجين بس عشان توضح الصورة اكتر
يعني تاخدي مركب و ترسميه بالتهجين عشان تثبت المعلومة اكتر
بس ازا ما قدرتي خلاص مو لازم
و جزاك الله خير و ربي يوفقك و يسهل عليكي و علينا كلنا الكيمو

[جامعية صغيرة]

بنات الله يسعدكم ابغى شرح 1013و1014ضروووووري

[NUNOVA]

GOOD MORNING LAW SAMA7TO 3ALA AY ASAS 7ALAYNA DA
13. The octane rating of gasoline refers to its

A. percentage C8H18 by volume.
B. radiation dose.
C. alcohol level.
D. ability to resist engine knocking.
E. percentage of unsaturated hydrocarbons.

14. Which one of these hydrocarbon chains would have the highest octane rating?

A.
B.

C.
D.