تجميعة لاستفسارات دكاترة و دكتورات Med11 :)

[دعو]

المشاركة الأصلية كتبت بواسطة frfosha اهلا دعو .. اكيد قصدك ع الاناتومي .. هيا اللي لها 4 كتب بس على فكرة ماندرسهم كلهم مرا وحدة يعني نخلص واحد نبدا في اللي بعدو و كل الكتب الاربعه احجامها صغيييييرة ماتتعدا ال50 صفحة للكتاب الواحد طبعا ^^ و الافضل انك تستني لبدايه السنة لمن يطلبوا منكم الدكاترة الكتب لانو في بعض المواد ما يطلبوا لها كتب اصلا .. لا تشتري شيء من دحين * عن نفسي مافي كتاب اشتريته و لا استخدمته:)

د.شيماء طمنتينيي الله يطمممنك
الله يسعددك يااعسللل

[واثق الخطا]

لااااااااااااااااااااا تشترووووووووووووووووووووووووووووووا أي كتاااااااااااااااااااااااااااب قبل ما تستعيروه من المكتبة وتتأكدوا انكم حتستفيدوا منه

أغلب مذاكرتنا السنة اللي فاتت كانت من شيتات

:)

[FrfoSha]

^

هوا ذا الكلام السليم :)

[د.مشبب]

المشاركة الأصلية كتبت بواسطة واثق الخطا لااااااااااااااااااااا تشترووووووووووووووووووووووووووووووا أي كتاااااااااااااااااااااااااااب قبل ما تستعيروه من المكتبة وتتأكدوا انكم حتستفيدوا منه أغلب مذاكرتنا السنة اللي فاتت كانت من شيتات :)

* حبيت اسأل عن كيفية الإستعاره من المكتبه ..

* وهل فيه نسخ من الكتب تكفي طلاب الدفعه كاملة ,,

* وهل مدة الإستعارة مفتوحه ولا لك مده محدده ..

* وهل أقدر أستعير كتاب وإذا أعجبني أصور الي أبغاه وأرجعه ولا ممنووووع !

و مرسي خالص مقدماً .. ( لأني ألحين في مصر )

[د.مشبب]

ذكرت د.فرفوشا في إحدى مشاركاتها أن الدكاتره بيشرحوا المحاضره على شرائح
بوربوينت بعدين يعطونا إياها وتنطبع ويصير اسمها شيت .. صح كلامها ؟!> امزح

سؤالي مين الي يطبعها وكيف نحصل على الشيت تبع المحاضره ؟

[محمد عماد]

المشاركة الأصلية كتبت بواسطة د.مشبب ذكرت د.فرفوشا في إحدى مشاركاتها أن الدكاتره بيشرحوا المحاضره على شرائح بوربوينت بعدين يعطونا إياها وتنطبع ويصير اسمها شيت .. صح كلامها ؟!> امزح سؤالي مين الي يطبعها وكيف نحصل على الشيت تبع المحاضره ؟

هذا هو شغل اللجنة العلمية

[محمد عماد]

المشاركة الأصلية كتبت بواسطة د.مشبب * حبيت اسأل عن كيفية الإستعاره من المكتبه .. ان شاء الله لما تجدد بطاقتك الجامعية تروح المكتبة يعطوك استكر تقدر تستعير فيه من المكتبة * وهل فيه نسخ من الكتب تكفي طلاب الدفعه كاملة ,, غالبا فيه .. لكن بعض الكتب تكون موجودة بكميات قليلة .. في هذي الحالة تروح المكتبة العامة تستعير منها * وهل مدة الإستعارة مفتوحه ولا لك مده محدده .. مدة الإستعارة اسبوعين * وهل أقدر أستعير كتاب وإذا أعجبني أصور الي أبغاه وأرجعه ولا ممنووووع ! اعتقد في تعهد تكتبه بعدم تصوير الكتاب وكمان اغلب الكتب فيها صور ملونة .. لو صورت الكتاب راح تصير ابيض واسود و مرسي خالص مقدماً .. ( لأني ألحين في مصر )

ترجع بالسلامة

موفق :)

[واثق الخطا]

التصوير مسموح في حدود معينة ( يعني مسموح :q )

ما في تعهد كتبته قبل ما استعير من المكتبة

مدة الإستعارة اسبوعين قابلة للتجديد ( فيه كتاب السنة الماضية جددت استعارته 4 مرات يعني شهرين )


اللي راحوا معي في tour في الدورة يعرفوا كيف يستعيروا كتاب ( ومو لازم تجدد البطاقة عشان تاخذ الباركود )

:)

[ρяĭиcǝšš нɑ̝̚đọ]

المشاركة الأصلية كتبت بواسطة frfosha * عن نفسي مافي كتاب اشتريته و لا استخدمته:)

ممكن اذا مافي كلافه تذكري لنا الكتب الي اشتريتيها واستفدتي منها زي ماتقولي ؟

ربنا يسعدك يآ دكتوره فرفوشه

[FrfoSha]

المشاركة الأصلية كتبت بواسطة ρяĭиcǝšš нɑ̝̚đọ ممكن اذا مافي كلافه تذكري لنا الكتب الي اشتريتيها واستفدتي منها زي ماتقولي ؟ ربنا يسعدك يآ دكتوره فرفوشه

آكييد ..

غير الكتب الالزاميه عند كل الدفعة زي الاناتومي و الهستو و الامبريو .. انا كان عندي كتاب Snell للاناتومي هوا مكتوب من المقررات علينا بس مو كثير جابوه لانو كبير .. بس انا مرررررا حبيتو .. الكتاب يكلمك باسلوب جدا رآئع غير الصور اللي فيه .. ناهيه عن حجمه اللي يفجع شويتين ^^" .. بس و الله الاشياء اللي ذاكرتها منو رآسخة في مخي ..

كمان في كتاب للباثولوجي اللي جبناه للثلاثه الاوائل في الكورس للكاتب Robbins .. كمان مرا حبيتو الصور اللي فيه نفسها يحطوها الدكاترة في العرض حقهم .. الأغلب كان يذاكر من الشيتآت بس القرآءة من الكتب فرقت بالنسبة ليا و لصحباتي ..

في ناس في المنتدى يقولوا لا تشتروا كتب راح يضيع وقتكم و ما اعرف ايش .. عن نفسي عمر القرآءة من الكتاب " اول باول " ماتضيع الوقت .. تضيع لو كانت في ليله اختبار و جايه تذاكري من كتاب !! هنا الكارثه ..

معليش كلامي كثير مرآ انا عارفه

اي استفسار ثآني انا بالخدمة :)