تجمع بنات ادارة سكن ومؤسسات متجدد باذن الله

[Twix~}..]

السلام عليكم ورحمة الله وبركاااته

وعليكم السلام ..

ااه واخييراا خلصت قراءة الاستفسارات عن القسم << كم يوم وانا مسنترة في صفحات القسم
ناوية ان شاء الله احول عندكم بس يارب ييسرها في خير وعافية
بصراحة مررة حمستوني .. وهذا اللي كنت ادور عليه ^^

امين يارب تتيسر امورك كلها وتتحولي بسهوله ونشوفك معانا بالتخصص ..

وجزى الله خير كل البنات اللي كانوا متفاعلين في الموضوع
لأنو بصراحة من جد أفدتونا وأعطيتونا معلومات واضحة عن القسم

حابة استفسر عن مادة تكنولوجيا الوسائط المتعددة ايش تدرسوا فيها؟؟
كأني قرأت انكم تتعلموا فيها التصوير وزي كدا

الماده عبارة عن : تصوير & فوتوشوب & فيديو & صوت .. يعني زي ما يقولو تعملي مونتاج كامل .. تصوري وتعديلي الصور بالفوتو وبعدين تعمليلها فيديو وبعدين تضيفيلها الصوت ..

دي اساسيات المادهـ .. بس شووفي الماده تعتمد على الاستاذه الي تأخديها معاها .. يعني زي استااذهـ سلوى قالت صعب ادرسكم التصوير وانا اساسا مو فاهمه فيه ولا اعرف فيه شي فسالت البنات مين تعرف في التصوير فوحده معانا الله يسسعدها كانت ماخذه دورة بالتصوير ودرست جزئية التصوير وعلمتنا على الكامير وكيف نلقط الصور وهيكـ ..

لكن الفوتوشوب والفيديو والصوت استاذه سلوووى الي مسكت الجزئية دي وهيا الي بتشرحلنا هيا .. الفوتوشوب كنت مييييييح فيه دحين في شوية ابداااع وتتطورات يعني الماده مرآآآ حلووو .. السبت ان شاء الله حنبدا بالفديو ..

بس زي ما قلتلك ما تعمقنا مرآآآ بالتصووووير اخذنا اشياء معينه واساسية ..



وسؤال ثاني .. هل الأغراض والأدوات اللي يطلبوها مننا الاستاذات كثيرة ؟؟ ومكلفة ؟؟ يعني مثلا بنات الفنون يقولوا انو حتى المكافأة ما تكفيهم !!

امممممممممم التكلفة الماديه مو مرآآآآ كتيره .. يعني هيا كم مادة الي يكون فيها تكلفة مادية زي سكن وتأثيثه عشان تجيبي الاغراض بس الي هيا المساطر والكراااسه والشفاف ودي الاغراض كلفتني بداية الترم 500 بس بعدها ما كان في طلبات ..

تنسيق زهور كل مرآآ يكون عندك تنسيق معين فلازم انك تدفعي فلوووس وتشتري الورد الي يحتاجو التنسيق .. بس انتي اشتركي انتي وصحبتك بتنسيق واحد يصير توفري شوووية فلوووس لانو حرام في النهايه الورد حيموت بعد اربعه ايام وغير كدا تقريبا كل اسبوع تعملو تنسيق ... واحيانا التنسيق يحتاج ورد كتير واحيانا لاا ورد بسيط .. صح التكلفه مو مرا غاليه لانو حتشتري الورد بالجمله من محلات معينه بس برضووو مالو فايده غير انك تتعملي كيف تتطبيقي التنسيق ..

يعني بالنسبه للتكلفه الماديه مرا لا تشيلي همها مرآآآ هينه اهون بكتير من بنات الفنون ...

المتعب بالقسم التكاليف الي يطلبوها الدكتورااااااااااااااااات آآآآهـ بس مرآآآ كتيرهـ وطفش دي الصراحه المميته في القسم بس يهون دا كولو لانو عليها درجات كتيره ..

وشكرا مقدما للي يجاوبني

العفو ياعسسله ..

[Twix~}..]

يابنات أبغى أسألكم على أ. وفاء صعيدي و د.كتورة زينب حقي و زينب عبدالصمد و سماح سعيد ؟

أ. وفاء ما اعرفها ..
د. زينب حقي .. عسسسسسسسسسسل طيوب لآبعد درجهـ اختباراتها تجنن اسئلتها سهله تكاليفها تتطفش بس سهله بس تهون جنب طيبتها واختباراتها .. ثقي بالـ +a معاها .. متسسسساهله مرآآ حتى بالتكاليف ..

د. زينب عبد الصمد .. آآآآآآآآآآآآآآآآآآآآآآآآآآآهـ منها مزاجيه بما تعنيه الكلمه ما اعرف اوصفها بشي معين تحسيها مضيعه .. ما ابغى اتكلم عنها لاني ما ابغى اظلمها بشيء معين بس بالنسبه ليا ما افكر اخذ معاها شي تاني لانو خلاص جاملتها كتير :p عشان بس امشي الكورس .. مضيعه وتلومنا احنا ... توحفه وربي ..

د. سماح .. طيبة وتعاملها طيب مع البنات اسئلتها بالاختبار من الاشياء الي تعرضها وقت الشرح تكاليفها دايما تكون بحث وزياره ميدانيه او تعملي برنامج .. شي واحد فيها يقهر مرآآ تبالغ في الشرح وتتفلسف كتير مع انو المعلومه تكون واضحه وما تستاهل ..

وكيف مادة نباتات الزينة وتنسيق الزهور و الطلبات فيها كيف؟

ابداااااااااااااااااع واستمتاع الماده دي خاصه لو كانت مع قروووب تعرفو بعض كولكم حتنبسطو مرآآآ وتفلوها .. الطلبات عاتيه وتكلفتها مو مرآآآ بس لازم من الخسااااير شويا بس انتي حاولي تعلمو تنسيق مشترك يعني انتي وصحبتك عشان توفري على نفسك ..

أرجو اللي تعرف تفيدنا والله يجزيها الجنة.......

[K.H.A]

يسلمو الحربية على ردك ^^
وشكررااا وجزاك الله خير يا احلى تويكس^^
<<< على فكرة ..مررة احب التويكس
ويارب ييسر كل اللي فيه الخير

[لوووووودي]

الله يجزيكي كل خير تويكس ماأدري فين أروح من عطاكي تسلمي والله يوفقك

طيب والمادة تتطلب كل محاضرة ورود طبيعية واحنا اللي نجيبها ولا موجودة في المشتل؟

وايش أسوي في المادة اللي باخدها مع زينب عبد الصمد المشكلة انو هي مراهقة والشباب فأحس المادة سهلة لكني من أول متخوفة من الدكتورة ومافي وقت كويس الا هي وأنا ماأقدر أتحمل اني أجاامل تررم كااااااااامل

ايش رايك في مادة صيانة المرافق السكنية هي مع نادية عقباوي آخدها ولا لأ؟

[ليتني همك]

بنات نصيحه مني لكم استمتعوا على قد ما تقدرو
ترى الاقسام الا فيها عملي مرا روعه احسن من
النظريه فقط موفقين ان شاء الله--

[Twix~}..]

وشكررااا وجزاك الله خير يا احلى تويكس^^

العفووو ياقلبو ..

<<< على فكرة ..مررة احب التويكس

مي تو الشوكلت المفضله عندي . :)

ويارب ييسر كل اللي فيه الخير

آميين يارب ..

[Twix~}..]

الله يجزيكي كل خير تويكس ماأدري فين أروح من عطاكي تسلمي والله يوفقك

ياقلبي وجزاكي كل خير ان شاء الله .. الله يسسلم عمركـ ويوفق الجميع يارب ..

طيب والمادة تتطلب كل محاضرة ورود طبيعية واحنا اللي نجيبها ولا موجودة في المشتل؟

لا وين موجوده مافي ولا نص ورده بالمشتل مشي حالك .. تقريبا ايوا كل محاضرة واصلا هيا يوم واحد بالاسبوع وعدد التنسيقات الي عملنها خمسه تنسيقات (( دائري & هلالي & افقي & حرف الـ l & الموريبانا = تنسيق ياباني )) وزرعنا ثلاث نباتات ..

طبعا استاذهـ منال الله يسسسعدها هيا الي وفرت علينا كتييير يعني كانت تشرحلنا اربعه تنسقات ونختار واحد نطبقووو .. وغير كدا سمحتلنا اننا نشترك كل اثنين او كل ثلاثه مع بعض .. ودايما تقولنا اشترو من محل الجمله وبطلو المحلات العاديه .. وموكل التنسيقات تحتاج ورد كتير التنسيقات اليابانيه مرآآ ما تحتاج ورد كلها وردتين او ثلاثه او حتى وحده وردهـ والباقي ورق اخضر .. كمان حرف الـ l ما اخذ مني انا وصحبتي ورد كتير اكتر تنسيق احتجنا فيه ورد هو الافقي .. بس بجد استمتاع الماده .. وطبعا دحين خلصنا وباقيلنا المشروع النهائي بس راح يكون بورد صناعي ..وعلى فكره كان احيانا ينقص علينا الورد ونأخذ من صحباتنا واحيانا يزيد ويترمي عشان كدا اقلك حلو لما تاخذوها قروووب متعاونين .. :p

وايش أسوي في المادة اللي باخدها مع زينب عبد الصمد المشكلة انو هي مراهقة والشباب فأحس المادة سهلة لكني من أول متخوفة من الدكتورة ومافي وقت كويس الا هي وأنا ماأقدر أتحمل اني أجاامل تررم كااااااااامل

ههههههههههههههههههههه شووفي هيا طيبه والله اتغيرت كتير عن السنين الي راااحت بس زي ما قلتلك مدري ايش تحس بس اسئلتها سهله من الورق الي تعطينا هووو وتكون مقاليه .. والله هيا مو سئيه بس يعني كبيرة بالسن ولازم تسوي حركات .. مشي حالك ..

ايش رايك في مادة صيانة المرافق السكنية هي مع نادية عقباوي آخدها ولا لأ؟

حا أخذ دي الماده ومع استاذه ناديه إن شاء الله .. صحباتي قالولي الماده حلووه وممتعه تتعلمي فيها شغلات حلوه سباكه وبويات :d وحركات يعني حتوفري كتير لزوجك لما يخرب في بيتكم شي مستقبلا ان شاء الله :p

أستاذه ناديه البنات يقولو جيدهـ وطيوووبه بس ما قد اخذت معاها شي ..

[لوووووودي]

حمستيني آخد المادة عشان أشوفك

أنا راح أستخير وأشاور صحبتي اللي بنسوي جداولنا زي بعض والله يختار اللي فيه الخير

وشكرررررررررررا مرة تانية

[mooni]

المشاركة الأصلية كتبت بواسطة لوووووودي يابنات أبغى أسألكم على أ. وفاء صعيدي و د.كتورة زينب حقي و زينب عبدالصمد و سماح سعيد ؟ وكيف مادة نباتات الزينة وتنسيق الزهور و الطلبات فيها كيف؟ أرجو اللي تعرف تفيدنا والله يجزيها الجنة.......

وفاء صعيدي ماجربتها بصراحه ..

د. زينب حقي ..
مررره عسسل وتسهلك الماده وماتصعبها كتيير .. وانصح تاخدي معاها كل المواد لو قدرتي ..هع

د. زينب عبدالصمد ...انا اخد معاها ماده دا الترم .. وياريتني مااخدت ..حاولي قد ماتقدري ماتاخدي معاها ولاماده ..اوكي هيا طيبه ومزااااااااااجيه ..يعني اليوم تقولكـ اذا حابين تأجلوو اختبار الدوري عاادي انا ماعندي مانع ...تجيكي اليوم التااني تقوول لا انا اديتكم وجه زياده ع اللزوم ..ومافي اعادة اختبار ..

اختباراتها حلوو وسهله بعض الشي ..وانا اجلس بالمحاضرة واعصابي مشدوده ..خخخخ

سماح سعيد..
مرره طيبه واصلا لازم تاخدي معاها مواد ..ومحاضرتها كلامها كتير بس والله طيبه

تنسيق زهور ..
ماده حلووه ..وعمليه ..
طلباتها ..عااديه ورود طبيعيه.. ومستلزماتها ...بس ...
وربي يوفقك ياعسل

[لوووووودي]

تسلمي mooni

ويوفقك ربي ان شاالله