Nursing

[NNOOSH]

جزاك الله خير يا اختي لولو بصراحه كلامك جدا ريحني جدا جدا الله يسعدك بس ^^

[rory55]

Thanks Alotماشاء الله عليكي مرررة كلامك نايس ويشجع الوحدة انها تكون ممرضة
مع إني إلى الآن مو مقتنعة بالتخصص لأنو مو أنا اخترته بس مرة شكرا ع الطرح الرآآئع.

[lolosilvergirl]

يا قلبو مو كل البنات مقتنعين بالقسم انا عن نفسي ما اقتنعت بالقسم 100 بالميه بعد سنه ثالثه بس إن شاء الله حتحبيه عسى ان تكرهو شئ وهو خير لكم

[جامعية صغيرة]

السلام عليكم ورحمة الله وبركاته

أختـــــــــــي لولو ربي يسعدكـ ويجزاكـ الف خير :)...

حابة اسألكـ عن بعض المواد إذا تقدري تدينا نبذة بسيطة عن كل مادة:)..

Pharmacology )

و..

Nursing care of adult

و..

Maternity nursing


(للأسف...كنت منزلة موضوع ..بنوتات سنة ثالث هنا ننهل من عطائكم.. حطيت فيه مجموعة أسئلة وكان نفسي استفيد من البنوتات ,, بس :( محد رد ياريت تقدري تفيدني أنا وبنوتات تالت:) باللي تقدري عليه ياعسل....

[lolosilvergirl]

اولا السلام عليكم ورحمة الله وبركاته
بالنسبه يا حبوبة

Pharmacology )

هو علم الادوية تدرسي فيه الادوية تركيبها طريقة عملها والمضاعفات الناتجه عن سوء استخدامها والافراط فيها وتدرسوها مقسمه لكل جهاز في الجسم مثلا امراض القلب والادوية الي نستخدمها لكل مرض وهكذا وبصراحة الماده دي تطلع العيون شوية صعبه بس ذاكري اول باول واختبارتها عادة تكون اختياري MCQ
واسئله مقاليه وتعداد


Nursing care of adult

هادي معناها العناية التمريضيه للكبار هادي معناها كبير وتشمل العناية بالمريض من كل النواحي بس ما عندنا مادة بدا المسمى بس عندنا شي اسمو NURSING CARE PLAN
وهذي اساس التمريض ومعناها انك تحطي خطه تمريضيه ولازم تنفيذيها وتشوفي نتيجتها على المريض هل صابت او خابت وبالنسبه ليا كانت صعبه ومعقده وما سارت تمام الا في سنه ثالثه وتستخدميها حتى لما تشتغلي


Maternity nursing
دي معناها تمريض الامومه ولو مسمى تاني تمريض النساء والولاده تدرسو فيلو الامراض الي تصيب المراه وعلاجها ومراحل الحمل وكمان طريقة التوليد لانو اذا حبيتي تولدي تقدري تتخصصي قابلة
إن شاء الله اكون افدتكم
والله يوفق الجميع

[جامعية صغيرة]

الله يسعدكـ ويوفقكـ يا قلبي .:)...

وبالنسبة للمادة

Nursing care of adult

نسختها من الاوديس زي ماهي :) ...

يمكن مادة جديدة حابين يجربوها على دفعتنــــاا العزيزة....

[سكر الحياة]

أول شي مشكوررة ع الكلام المفيد
بس حابة أسألك انتي والممرضات الموجودين عن أول سنة بالتمريض...
ايش هيا طبيعة المواد بالسنة الأولى و ايش أصعب مادة واجهتكم سواء من ناحية الصعوبة في المذاكرة أو الفهم ؟
ايش تحتاج الطالبة عشان تتعود على طبيعة الكلية من حيث الدراسة و المواد خصوصا انو الكثيير بيقول انها تختلف كثييير عن التحضيري ؟
و آخر طلب بس إن شاء الله ما أكون ثقلت عليكم نبغى من كل وحدة نصيحة خااااصة تفيدنا في الدراسة والمستقبل .
لـــــــــــكـــم تحــياتـــي و تمنياتي للجميع بالتوفيق

[lolosilvergirl]

اولا السلام عليكم
انا بالنسبه ليا كنت على النظام القديم الي هو تدخلي كلية التمريض على طول من سنه اولى عادي زي كل البنات ما كنت ميه بالميه مقتنعه قلت اشوف..... المهم سنه اولى درسنا مواد كثيره تشبه الي في التحضيري كيمياء وفيزياء بالاضافه الى ماده مبادئ التمريض كان كل شي سهل الحمد لله وعدينا وطبعا كلو بالانجليزي بس عني الحمدلله ما وجهت صعوبه كتيره في الامتحانات ونجحنا وحاولت اني احول وجيت معدل عالي علشان احول بس سبحان الله حسيت اني مرتاحه وقعدت وما ندمت في يوم اني ما حولت وعدت الايام واتخرجنا والحمدلله باب الوظايف كان مفتوح لنا محل ما نقدم يقبلونا هوا الشي الوحيد الي يتعب هوا الدوام 12 ساعه مرررررره متعب بس حتتعودوا عليه باذن الله
اهم شي ذاكرو اول باول وجيبو معدلات عاليه علشان تنقبلو على طول واقراو كتييييير وحاولو انكم تحددو المكان الي تشتغلو فيه من البدايه يعني انا بصراحه ندمت شويه لانو انا كنت حابه اتخصص اطفال ومازلت بس عشان تمشي مزبوط لازم تكوني ما خذه دورات وحاضره محضارات تختص بالتخصص الي انت تبغيه ونصيحه لا تضيعو الاجازات الصيفيه على الفاضي خذو تدريب صيفي في المستشفيات وحاولو تقوو لغتكم الانجليزيه واحضرو ندوات ومحاضرات خاصه بتخصصاتكم الي انتو تبغوها وفي الحج ورمضان انزلو تطوع مع الهلال الاحمر وفي نشاطات كتيره ممكن تسووها انا صحباتي مثلا كنا نروح نعطي محاضرات في المدارس مثلا عن النظافه والاكل الصحي واشياء زي كدا خلوكم ناس نافعين للبلد دي وربنا يقدركم على فعل الخير....
الله يوفق الجميع

[Ma7a]

^ ^ ^ ^
شككككككرااااا على كل المعلومات,,تسلمي
بس حبيت أسألك,,دحين انتي اشتغلتي خلاص ..اتخصصتي ولا لسى؟؟
ولو ابا تخصص عمليات او عناية مركزة متى اتخصص ؟؟ فترة الامتياز ولا بعد التخرج ادرس وكدا؟؟؟
ولمن اتخرج اكون ممرضة عامة ولا ينفع اشتغل في قسم العمليات او قسم العناية المركزة مثلاً؟؟

~اسفة على كترة الاسئلة~
وشكـــــــــــــــــــرا مقدمــــــــــــــا =)

[سكر الحياة]

مشكوووورة ما قصرتي و إن شاء الله نستفيد من معلوماتك اللي ناتجة من تجاربك الشخصية
لــــــــــــــــك تــحــيــاتــــي