موضوع يهتم بالطلاب الجدد في كلية الهندسة

[Majest!C]

المشاركة الأصلية كتبت بواسطة تهندسي تكهربي اولا اخوي مافي تعب ولا حاجة هدف الموضوع اننا نسهللكم اموركم وناخذ بايديكم الى الطريق الصواب وما نبغا منكم الا الدعااء وجزاكم الله خير ,,, 1- الاستمارة تعبيها و تقدمها عن طريق الاوديس على حسب رغباتك من الاول للاخير وانتظر النتائج . 2- بالنسبة للي لك واللي عليك عندك الخطة بعد السنة التحضيرية يعني المستوى الثالث والرابع هذي المواد كل طلاب الهندسة ياخذونها يعني كلها لك ,,, الثالث ( math 202 , phys281 , EE201 , arab 101 , meng 102 ) الرابع ( math 203, phys 202, chem 281, ie255, isls 101,ie 201) وخلليك على الخطة الين ما تتخصص وهيا مقسوم جهدها بالتساوي بس شوي الرابع ثقيل ,, يعني المواد اللي فوق كل طلاب الهندسة ياخذونها ,,, اذا حاب تحذف وتخخف بسسس لازم تعوض في الصيف اللي بعدو على شان ما تتاخر في التخرج وفي متطلبات المواد ,,, اذا بتتخصص كهرباء احذف ie255 مالها لازم وبتخفف عليك ,,, 3- ايوا انصحك المواد عربي والمعامل والثقافة خليها بعد الظهر ترتاح خاصة لو كنت ساكن قريب الجامعة ,,, 4- تخصص الحاسبات مرررة ممتع واذا انتا راغب فية راح يصيير سهل اذا ما لك رغبة في الحاسبات والتحكم لا تدخله راح تتعب ,,, اتمنى اني افدتك ,,,

يجزاك خير ربي ، اذاً بخصوص هندسة الكهراباء- تخصص حاسب ، ما يحتاج ادرس ie255
، لي عودة للموضوع حين ظهور المحاضرين المخصصين للمواد لإختيار الأفضل وبمشورتكم .. وفقك الباري لما يحبه ويرضاه

[تهندسي تكهربي]

المشاركة الأصلية كتبت بواسطة Majest!C يجزاك خير ربي ، اذاً بخصوص هندسة الكهراباء- تخصص حاسب ، ما يحتاج ادرس ie255 ، لي عودة للموضوع حين ظهور المحاضرين المخصصين للمواد لإختيار الأفضل وبمشورتكم .. وفقك الباري لما يحبه ويرضاه

ie 255 تفتحلك مادة في المستوى السابع اللي هيا ie 256 وهذي المادتين مو ضرورية انك تاخذها في قسم الحاسبات من بدري يعني خليها اخر ترمين تخفف عليك مواد التخصص او اذا نزلت صيفي خذها ,,,

تفبل مروري

[قائد بلا جنود]

عندي سؤال...

اليوم كلمت واحد من أقربائي حذرني من تخصص الهندسة الكهربائية قال لي أنه أصعب تخصص في الهندسة

طيب بحكم أنك مهندس كهرباء ليش الطلاب متخوفين من التخصص هذا ؟؟؟ وش في المواد اللي تدرسونها صعب؟؟

السؤال الثاني...
أنا عرفت أنه هندسة الكهرباء لها ثلاث فروع

فرع يقولون له البور

وفرع الحاسبات

وفرع الاتصالات

أي من الفروع هذي هو الافضل وبدون تحيز؟؟؟؟؟

[تهندسي تكهربي]

المشاركة الأصلية كتبت بواسطة قائد بلا جنود عندي سؤال... اليوم كلمت واحد من أقربائي حذرني من تخصص الهندسة الكهربائية قال لي أنه أصعب تخصص في الهندسة طيب بحكم أنك مهندس كهرباء ليش الطلاب متخوفين من التخصص هذا ؟؟؟ وش في المواد اللي تدرسونها صعب؟؟ السؤال الثاني... أنا عرفت أنه هندسة الكهرباء لها ثلاث فروع فرع يقولون له البور وفرع الحاسبات وفرع الاتصالات أي من الفروع هذي هو الافضل وبدون تحيز؟؟؟؟؟

انا اقلك شغلة اذا انتا عندك رغبة وميوول قوي او حتى ضعيف انك نزور المدينة الفلانية في الدولة الفلانية التي تقع في اخر الدنيا وتعرف ان الطريقة صعبة عليك من ناحية الحجز ومن ناحية النزول في العاصمة وععد ساعات الرحلة الطويلة ومن ثم تاخذ القطار مثلا لينقلك الى هذي وواجهتك صعوبات في المطار والجوازات وقيمة الرحلة المكلفة والضرائب وغيرها من المتاعب وفي الاخير وصلت لهدفك ورغبتك وميولك بعد عناء ايش بيكوون موقفك ؟؟؟؟ حتكون اسعد انسان في الدنيا ,, طيب من يوم ما خرجت من بيتكم وانتا تنتظر حلمك وهدفك وطول رحلتك وانتا تفكر فية كل صعوبة تواجهها حتتحداها والمشاكل اللي تقابلك حتحلها بكل سهولة ,,,,

باختصار هذي الهندسة الكهربائية هيا فعلا صعبة لغير مهندس المستقبل اللي يبغى هذا التخصص وسهلة للعكس ,,,,

بالنسبة للمواد توجد مواد صعبة لكن انتا تخليها سهلة لحبك لهذا العلم والعكس هناااك موااد مرررررررره سهلة وتعدي بامتيااز ومن غير جهد ,,,

باختصار انا ما اقدرر احدد المواد الصعبة لك لاني انا اشوف مواد سهلة غيري يشوفها صعبة تعرف ليش لاني انا عرفت كيف اسهلها وذاكرت وشديت حيلي مثلا في مادة اسمها الكترونيات مستوى اول انا اشوفها من اسهل المواد كثير من اصحاابي يشوفونها صعبة والبعض عادها ,,,


بالنسبة للتخصصات انا ارتبها لك من حيث الافضل وبكل صدق مع انو تخصصي حاسبات :
1- بور
2- الكترونيات واتصالات
3- حاسبات وتحكم
4- طبية

وعلى فكرة انتا لا تخذها من الافضل انا لمن تخصصت كان معدلي يسمحلي ادخل اي تخصص من الاربعة ما قلت حرووح بور لانو الافضل لكن قلت اروح حاسبات لانها رغبتي وميولي ممكن لو دخلت بور امكن ما امشي لانها ذييك الساعة حتكون صعبة لانها ماهي رغبتي وميولي ,,,


في نقطة احب اوضحها في الاخير مهندس كهرباء ,, لانو في مواد كثير مشتركة بين التخصصات مثلا مادة اتصالات مستوى اول الحاسبات والبور والطبية ياخذونها لكن مادة الاتصالات مستوى ثاني ما ياخذها الا طلاب الاتصالات ,,, وهكذا لاغلب المواد


اتمنى اني قدرت افيدك ,,,,

[اسامـــه]

^
^
نسيت يابش مهندس طبية >> داخل غللط

[تهندسي تكهربي]

ابغى احكيلكم قصة صارت لي كانت لها دافع كبير في اجتياز مرحلة البكالوريوس ,,,

كان في مدرس درسني في المرحلة الثانوية وبعد ما تخرجت وانقبلت في كلية الهندسة رحت اسلم علية وابشرو بقبولي فكتبلي رسالة على ورقة نصها الاتي ولا زالت معي الى الان :

" كتبلي يا بني لقد انهيت المرحلة الثالثة من دراستك بنجاح باهر , فنحن في زمن يسوده المتاعب والصعاب ,, فاستعن بالله وكن من الطامحين الى المعالي بالعلم والايمان "

هذي الرسالة تركت في نفسي طموح وهدف وهوا انو خلال خمس سنوات من ذلك الوقت اكون متخرج من كلية الهندسة قسم الهندسة الكهربائية - حاسبات وبمعدل اكون راضي فيه ,,, وكل ما واجهتني مشكلة او صعوبة اتذكر الرسالة واتحدى هذا الزمن وهذي الصعوبات بالاستعانة بالله ثم الاجتهاد ,,, وجددت هدفي الثاني اللي انا ساعي لتحقيقة من الان ,,,

خلاصة الكلام : كل واحد وكل مستجد يحطله هدف امامه وحطله مدة معينة ويتحدى كل المصاعب والمتاعب والمشاكل ,,, وبعد ما يحقق اللي في باله يكون اسعد الناس ,,, لكل واحد محتار في تخصص شوف رغبتك وميولك وشوف قراتك ومهما كان صعوبة التخصص لا تخاف انتا داخل برغبتك وعندك هدف ولازم يتحقق ,,,

وكلمة اخيرة ( رحم الله امرء عرف قدر نفسة ) وانا عارف بما انكم وصلتوا الى كلية الهندسة بعد الثانوي وبعد السنة التحضيرية انو قدراتكم عالية وهمتكم عالية ,,,

تقبلوا مروري يا كرام

[قائد بلا جنود]

^^^^^

يا سلام عليك... مبدع في كل مشاركاتك

قصة رائعة ومحفزة...

أتفق معاك في أنه يكون للشخص هدف يسعى له

عشان لمن يوصل يشعر بفرحة الانتصار

بعض الشباب الله يهديهم يدخلون التخصص لأجل مقاصد إجتماعيه

عشان يقولون والله هذا مهندس أو هذا طبيب ونسي جانب الابداع اللي ما يشتغل إلا في التخصص اللي يحبه الشخص نفسه...مهو اللي يحبه المجتمع

بالنسبة للتخصص أعتقد أننا قطعنا فيه شوط كبير...

فإختيارنا لكلية الهندسة عن غيرها من الكليات يعتبر خطوة جريئة وصادقة بمعرفتنا بقدراتنا وميولنا وما نحبة

وما يفصلنا إلا شي قليل عن التخصص اللي نقدر نكون مبدعين فيه

ومع هذا ينتابني حالة خوف عندما أفكر تحديد التخصص... ما أدري أنا لوحدي ولا فية ناس زيي؟


أسأل المولى عز وجل التوفيق لي ولكم ....

[تهندسي تكهربي]

المشاركة الأصلية كتبت بواسطة قائد بلا جنود ^^^^^ يا سلام عليك... مبدع في كل مشاركاتك قصة رائعة ومحفزة... أتفق معاك في أنه يكون للشخص هدف يسعى له عشان لمن يوصل يشعر بفرحة الانتصار بعض الشباب الله يهديهم يدخلون التخصص لأجل مقاصد إجتماعيه عشان يقولون والله هذا مهندس أو هذا طبيب ونسي جانب الابداع اللي ما يشتغل إلا في التخصص اللي يحبه الشخص نفسه...مهو اللي يحبه المجتمع بالنسبة للتخصص أعتقد أننا قطعنا فيه شوط كبير... فإختيارنا لكلية الهندسة عن غيرها من الكليات يعتبر خطوة جريئة وصادقة بمعرفتنا بقدراتنا وميولنا وما نحبة وما يفصلنا إلا شي قليل عن التخصص اللي نقدر نكون مبدعين فيه ومع هذا ينتابني حالة خوف عندما أفكر تحديد التخصص... ما أدري أنا لوحدي ولا فية ناس زيي؟ أسأل المولى عز وجل التوفيق لي ولكم ....

اشكرك لمرورك على الموضوع ,,,
فعلا قائد بلا جنود في تفكيرك بس اذا بدأت الدراسة حتكون قائد وبجنود لانو اغلب المواد حتكون تيمات ويحتاج لها قائد مثلك ,,,

انا ابغى كل واحد منكم انو هوا يحفز نفسو بنفسو شي جميل لمن تحفز نفسك او حتى تعاقب نفسك ,,, اجعل لك هدف يومي و اسبوعي وشهري وسنوي,,, مثال لليومي: انتا تعرف انو في الدكتور الفلاني اللي يشارك يعطية درجات اذا تحضر لهذا الهدف وتوصلو بكل سهولة,,, هدفك الشهري مثلا انو في الشهر الفلاني راح اشتري الجهاز الفلاني او الابتوب الفلاني اذا تحضر لهذا الهدف لكل شهر انك توفر من مصروفك حتى يجي هذا الشهر الفلاني ,,, وهكذا حتى تتتتتتتتوصل لهدفك الكبير ,,,, واكيد انو اغلب الناس يسونها لكن بدون ما يحسون انو هذي اهداف ويجب التخطيط لها بشك سليم ,,, ولمن يحققوا هذي الاهداف تلاقيهم يجيهم فرحة او احساس بالانتصار ,,, فما بالك بالهدف الكبير ؟؟؟

الخلاصة: الاهداف اليومية والشهرية والسنوية تعودك انك توصل لهدفك الكبير بكل سهولة تبدأ تعلم نفسك كيف تتصرف مع الامور بكل سهولة ,,, وتذكرك دائم بهدفك الكبير ,,,,

اما هرجة تعاقب نفسك انا اعلمكم لاحقا كيف ؟؟؟

[تهندسي تكهربي]

كيف تحاسب نفسك ؟؟؟
راح تتعلموا في مادة ie201 حاجة اسمها شيك ليست ,,, يعني يكلفك الدكتور بعمل التقرير الفلاني وانتا على شان تسوي هذا التقرير لازم ترجع لقائمة من المطاليب يجب ان تعملها في هذا التقرير ( موحدة لجميع التقارير يعني هل التقرير يحتوي هلى مقدمة ؟ هل يحتوي على ملااجع ؟ هل يحتوي على خلاصة ؟ ... وغيرها كثير ) , الدكتور يقيم تقريرك على حسب هذه القائمة ( شيك ليست ) ,,,
هدفي من هذا الكلام قبل ما تنام سويلك قائمة بالمهام حقت اليوم الثاني لو تكون في بالك من دون ما تكتبها ( يعني اول مهمة اني اوصل الجامعة في الساعة القلانية قبل ما تبدا النحاضره ,, اني احضر جميع المحاضرات ,, اني اذا رجعت اذاكر المادة الفلانية ,, او اعمل الواجب الفلاني ,, احضر الاجتماع ,, ... وغيرها من المهام )
بهد كذا قبل ما تخطط ليومك اللي بعدو راجع القاءمة حقتك هل انتا فعلا حققت كل اللي قلتوا ؟؟؟؟؟ اذا نقصت شي معين ابدا راجع نفسك وحاسبها ,,, يعني الواجب اللي ما عملتو اعملو في اجازة نهاية الاسبوع في وقت راحتي او اني ما اطلع مع اصحابي على شان اعمل الواجب ( حتقولوا عليا مجنون ) لكن الهدف حتعرفوه تحت ,,,
الهدف: لو عاقبت وحاسبت نفسك اسبوع او اسبوعين راح يجي الاسبوع الثالث وانتا انجزت كل مهامك اليومية وانتا مرتاح ولا راح تاجل مهمة راح تسويها كلها الين ما تتخرج ,,, والعكس صحيح حفز نفسك اذا انجزت كل مهامك طول الاسبوع اهدي لنفسك هدية ( برضو حتقولو مجنون ) لكن هذا الواقع اللي احنا فيه ,,,
تجربة حصلتلي بنفسي : كنت انجز مهامي اول باول بعد ما تعودت عليها بالطريقه اللي فوق ,,, وكانو اغلب اصحابي ياجلون مهامهم حتى قبل التسليم بليلة ,,, وكانوا يجون اليوم الثاني مواصلين وتعبانين واللي يتصل عليا اخر الليل يسال واللي يحتاج الكتاب الفلاني واللي يحتاج المكتبة اللي قفلت واللي ياخ1 مشااوير جدة يروح لبيت صاحبو على شان ياخذ المذكرة وووووو ,,,
مع العلم كانوا يقولون ليا كيف انتا عندك وقت تسوي هذا كلو وانتا مرتاح مع العلم انك كنت تطلع معانا في الاجازة وتروح تسهر معانا وتروح تتمشى معانا وووو ,,, كنت اقلهم اعرف من فين تؤكل الكتف دراستك ليها حق عليك ونفسك ليها حق عليك واهلك ليهم حق عليك ,,,
خلاصة كلامي : رررررررررررررتب جدولك وحاسب نفسك ولا تؤجل عمل اليوم الى الغد هذا الشعار اللي طفشنا منو واحنا نسمعو لكن هل من مطبق ؟؟؟
تقبلوا تحياتي

[فهد الجدعاني]

أجمل مقالة هادفه قرأته في حياتي
تحياتي لك