موظفات الأمن < من وجهة نظري

[نبراااس الهدى]

ماااااااااااااالهم عذر ابداً في كثير قرارات



ولو كلنا اتحدنا وكل ما قالوا لنا قرار نقول لهم هاات ورقة القرار المختومه من عميد الجامعه


راح يوقفوا عند حدهم


انا مره قالت ليه حارسة الامن ممنوع تنزلي عبايتك في الانتظار قلت لها ليش حبيبتي


فيه قرار من عميد الجامعه قالت لا قلت من عميدة الكليه قالت لا


قلت خلاص قرارك هذا مشيه على بناتك


انا مسوية شي مخالف الانظمه


والين ذلحين يشوفوني ويحترموني

[Aishah AL-farhah]

حارسات الأمن أتعاطف معهن كثيراً

لكن هناك عنصرية في تعاملهن مع الطالبات

فاللاتي تربطهن بهن معرفة كل المخالفات مسموحة

وكل الأنظمة حبر على ورق

وفي الجهة الأخرى هناك الضيم مع من لايعرفنهن.

[رعشة دفى]

ههههههههههههههههههههههههههههههه
عجبتني حكاية الموووول

بس طرح رائع الف شكر

[شهد الحروف]

معذوريين بصراحه
لو تصير مصيبه في رووسهم مافي غيرهم

[ملعقة ناصر]

صباح الخير

حبيت اعلق على الموضوع و ان شاء الله تعليقي يكون عادل""""""""""

اولا من ناحية التعليم مع احترامي الشديد لا ترتبط الاخلاق ب مستوى التعليم

فيه دكتورات يعاملون الطالبات معامله سيئة بس تعرف بنت مين تتغير المعامله

واذا على موظفات الامن يكون في معلوم الجميع من ضمنهم حملت البكالوريوس

بعدين لا تجمعين اخلاق الموظفات يمكن انتي كان موقفكي مع وحدة مو يعني الكل سيئ

انتي تسوي زي بنت من العائلة تغلط فيقولو كل البنات اللي في العائلة مو كويسين اكيد اخواتها زيها و طبعا هذا ظلم ؟؟؟؟؟؟؟؟؟؟؟؟؟؟

[..{ اسكــادا]

أم نيلوفر

تسلمي على وجودك
...
cup!d G!rl

أهلين
تصدقي أنا دايما أقابل وحده في بوابة غربية تقول لنا ابتسمو ابتسمو
بس ماتقولها بخصام وعصبية تقولها بفرح وضحك وأنا لما أسمعها أضحك و أستحي من نفسي من جد
إيش اللي يخليني طفشانه من الصبح وكإنو علينا هموم أصلا حتى لو كان علينا هموم مافيها شي الواحد يبتسم حتى سنه والواحد ياخذ عليهاحسنات < علمي نفسك
"وحتـى إذا لبستـ تنورة بيضـه مـآقـآلتـ لي ممنوعـ وبس قـآآمتـ مـآآشآلله بأعلى صوتهـآ "ياقليله الحيـآ وكلامـ فـآضي" "
هنا صراحة لاتعليق
"أسفـة أختي أنـآ أحترم رأيك بس هـآدآ هو رأي لانو هـآدآ وآآقعي "المرير" حق كل يوم الصبحــ"
وأنا كمان أحترم رأيك
نورتي
...
بنت جامعتي

ما أعرف إذا كانو بيطبقو على بنات السكن نفس النظام أو لا
بس ممكن يكون لطالبات السكن استثناءات لأنو اصلا لهم بوابة مخصصة لهم
تسملي على تواجدك
...
الصريحه

الشكر لك لتواجدك هنا
...
نبراااس الهدى

زي إيش مثلا قوانين مالهم عذر فيها
"انا مره قالت ليه حارسة الامن ممنوع تنزلي عبايتك في الانتظار قلت لها ليش حبيبتي

فيه قرار من عميد الجامعه قالت لا قلت من عميدة الكليه قالت لا

قلت خلاص قرارك هذا مشيه على بناتك"
هذا أكثر شي ينرفزني مافيها شي لو نزلتي عبايتك بعد ماتدخلي من البوابه
اساسا أغلب البوابات صغيرة ويادوب الواحد يلاقي فيها مكان عشان يحط رجله
لو كل وحده تبغى تخلع عبايتها في البوابة ماكان قدرنا نمشي ولا ندخل من كثر الزحمة ، وبعدين حتى لو ماعندها قرارمن العميد هيا أصلا تبغى تخفف الزحمة
قد ما تقدر زي أي شرطي في الشارع
تسلمي على تواجدك
...
سفيرة اللغة العربية

حياك نورتي
والله يهديهم ويبعد شر من به شر عن الكل
...
رعشة دفى

العفو أهم شي عجبتك
...
شهد الحروف

حياك نورتي
...
ملعقة ناصر

كلامك 100/100
...

ألف شكر لكم جميعا على تواجدكم هنا

[ملاك السعودية]

انا بحكي لكم موقف حصل لي

كنت يوم لابسة تنورة بالنسبة لهم مخالفه شافتني وحدة من الشؤون اللي يلفوا بالسيارة في الصباح

من مكانها تصارخ على كاني طالبه اولى ابتدائي وتقولي تنورتك مخالفه اعطيني البطاقة وخلصيني حر

و مو طايقة نفسي

قلت لها كل البنات يلبسوا زي كدا واخص كمان ويمشوا بدون عباية

قامت تصارخ وتقولي لا تناقشيني انا مو فاضية لك وللحر والقرف

انا من النوعية اللي ما يحب المشاكل اعطيتها البطاقه ولما رحت اخذها اخر الدوام

اول ما دخلت الباب شافتني و قالت لصاحبتها ايوة هذي اللي كلمتك عن تنورتها

صاحبتها لما شافت التنورة قلت لها قصرة مررر؟

ابتسمت وقالت لا تعيديها وبس

وكان تعاملها ذوق وراقي


الفكرة العامة من القصة :< يرحم ايام المطالعة ههههههههه

ان اسلوب اغلوبهم بالصوت متبع عند موظفات الامن و الشؤون

وزي ما كانت وحدة تصارخ على كانت الثانية تبتسم لي واسلوبها راقي







وعندي شئ ثاني اليوم خرجت من البوابة غربية الجديدة ولما دخلت البوابة انكتمت من ريحه الدخان القوي

السوال :
من فين الريحه؟

لو كانت من طالبه زي ما يقولوا ما يكون الريحه كانوا بخور

والله كاني داخلة كوفي مو بوابة جامعية وحتي الكوفي ريحتو ارحم منها




اسفه جدا على الكلام الكثير