الهيئة السعودية لا تعترف بالانتساب

[الوافي..]

المشاركة الأصلية كتبت بواسطة frng47 هلا اخوي الوافي - ويجزاك ربنا خير ماسوينا غير واجبنا تجاه زملائنا . بالنسبه لاستفساراتك .... اولا- بالنسبة للخريجين الغير موظفين حسب علمنا وتجارب الاخوان اللي تم تصنيفهم فأنه لا يتم عمل اختبار لهم في الهيئة وانما يكتفى بوجود خبرة عملية بعد التخرج لمدة عام يتم التصنيف بموجبها على وظيفة اخصائي ومن لا توجد لديه خبرة يصنف على وظيفة اخصائي مساعد وبعد حصوله على الخبره يعدل وضعه في التصنيف الى اخصائي ... والله اعلم . ثانيا - بالنسبة لنا الموظفين نصنف حسب الخطوات التي تم شرحها سابقا في هذا الموضوع . وبخصوص طبيعة الوظيفة التي تعطى لحامل هذه الشهاده هي ( اخصائي مدير مستشفى - مساعد مدير مستشفى - مدير مركز صحي - مدير مستوصف - مساعد مدير مركز صحي او مستوصف .... راجع لائحة الوظائف الصحية ) هذا بالنسبة للكادر الصحي . اما بالنسبة لوظائف الخدمه المدنيه فهي متعدده وتقدر تحصلها في موقع الجامعه قسم الادارة العامه . تمنياتي بالتوفيق للجميع ويااخوان اجتهدوا وانجحوا واتخرجوا واتركوكم من المرجفين ... كلنا نسير بمشيئة الله ولا نعلم الغيب ... نحن اليوم في هذا الحال اللي سبق شرحه بالنسبة لهذا التخصص وهو مطمئن .. اما اذا اختلف الوضع مستقبلا وجد جديد او ظهر طارىء فهذا بيد الله سبحانه ليس لنا فيه يد (مابين طرفة عين وانتباهتها يبدل الله من حال الى حال) سواء للاحسن او العكس .. خليكم مؤمنين وتوكلوا على الله ولا يشت تفكيركم وينشغل باشياء مابعد حصلت .. كل عام وانتم بخير .

الله يجزاك خير أخي frng47 ولك مني كل الشكر..

[المهتدي]

اهات + فريد الشريف + خالد40 + بسمة علي + frng47
الف مليوووووون شكر على تطميناتكم وبشارتكم ... كلامكم فتح باب الامل من جديد
خلاصة الكلام ومن تجارب المتخرجين وبغض النظر عن التعميم اننا معتمدين ومقبولين
الحمد لله ... الحمد لله ... الحمد لله ...
باقي بس نشد حيلنا ونتخرج ان شاء الله وكل واحد برزقه

[طال غيابك]

والله يا اخواني ماقصرتوااااا طمنتونااااا بعد ما كثر الكلام عن هذا التخصص وحسينا بأحباط بعض الشي
بس حبيت استفسر عن سنه الخبره المطلوبه بنسبه للفنيين اللي على رأس العمل
اذا تخرجنا ان شاء الله من الجامعه هل الهيئه تعتبر الخدمه لنا وتعدلنا على مسمى اخصائي على طول ولا لازم مساعد اخصائي وبعد سنه نعدل اخصائي ؟؟
والله الهيئه ما ينعرف لها وكل يوم نظام وخصوصا فلمبان مدير التصنيف والله صرت اتشائم منه شخص يحب التعقيد والمرمطه والله عن تجربه كان لي معامله عنده وثلاث سنوات وانا اراجعها بس الله يسهل الامور

وبالتوفيق للجميع ان شاء الله

[العسكر22]

لاحول ولاقوة إلابالله

[bader-23]

والله مشكلة اذا الواحد يتعب ويدفع وفي النهاية ما يعترف بشهادته فمن باب اولا عدم اتاحت مثل هذي البرامج من جد والله انه احباط حسبنا الله ونعم الوكيل

[صهيب كردي]

طالما هناك فساد اداري فليست هنالك مشكلة للأنتساب

[المهتدي]

يا اخواااان
شهادتنا معترف بيها عند هيئة التخصصات ومصنفين عندهم حسب كلام المتخرجين واللي سبقونا كلام اكيد مية في المية
انا اول ما قريت التعميم جاني احباط واسودت الدنيا في وجهي بس الحمد لله الاخوان جزاهم الله خير ما قصرو وضحو لنا الصورة
الحمد لله امورنا طيبة ان شاء الله

[بسووومة]

ان شاء الله خير،،،
والارزاق بيد الله ،، وما قصروا الاخوان مشكورين ،،،

[شيماء الرياض]

عندي لكم كل شي تبونه بس ما أعرف أرفعه لكم اللي يعرف يرفعه ياخذ إيميلي موجود فوق الصورة مباشره على الهوت بس أرجوا إنه يعطيني خبر قبلها .. وأرسله لكم وإنتم إرفعوه بالموقع ( تعاميم تصاريح سلم رواتب برنامج حساب الرواتب ) كل شي تبون تسألون عنه ..؟
وعلى فكرة أعرف واحد تخرج إنتساب بكالوريوس إدارة مستشفيات والآن هو مدير مستشفى بمنطقة نائيه حكومي ولكم تحياتي ..
تفائلوا بالخير تجدوه وفي الحديث القدسي" أنا عند ظن عبدي بي فاليظن بي ما شاء "ظنوا بالله خير تلقون الخير.