♥حيآكم في {مكتبة القصآئد الصوتية ♥♫ بدون موسيقى♥♫ او المكتوبة }..

[صوت الفجر]

الاميــــــــــر " نواف بن فيصل " (اسير الشوق ) اختلفنا إختـلفنا مين يــحــب الــثـــانـــي أكــثــر, و إتـفــقـــنــا إنـك أكــثــر و آنـا أكـثـر, من عدد رمـل الصحــاري و من المطر أكثر و أكثر. كـيــف نـخــفـي حـبــنـا و الــشــوق فـاضــح, و فــي مــلامـحـنـا مــن اللـهــفــة مــلامــح, عاشقين و نبضنا طفل حنــون لو تزاعلـنا يسـامح, و الـــــهـــــــوى شـــــي مـــــقـــــــدر, إختـلـفنـا مــن يـحــب الـثـانـي أكـــثــــر... هنني ياللي جميعـي لـك هنا,حطـني بـآخـر مـداي, طيرك اللي ما يبي غيرك أنا,ضمــنــي إنـت فضاي. صــدق إنـي فـيـك مــغــرم, فـيك مـغـرم فـيـك, و الـحياة إيـش الـحـيــاة, إلا مـشاهـد ناظريك. يــا نـهـار لـو تـغـيــب الــشــمــس واضـــح, كـيــف نـخــفـي حـبــنـا و الــشــوق فـاضــح, و فــي مــلامـحـنـا مــن اللـهــفــة مــلامــح عاشقين و نبضنا طفل حنــون لو تزاعلـنا يسـامح, و الـــــهـــــــوى شـــــي مـــــقـــــــدر, إختـلـفنـا مــن يـحــب الـثـانـي أكـــثــــر... يمك دروبي و كل الناس يـدروا بـي و أنــا أدري, كل قلب له حبيبــه و إنــت مـحـبـوبـي و تـدري, من عيونك صـعـب تسـرقـني سـواليــف البــشـــر, و أنـا النـظــر و إنــت لـعـيــوني النــظــر, و الـهـيـام اللي سـكـن فـيـنا تـعـدانا و كبر, صــــار مــــثـــل الـــريـــح جــــامـــــح, كـيــف نـخــفـي حـبــنـا و الــشــوق فـاضــح, و فــي مــلامـحـنـا مــن اللـهــفــة مــلامــح عاشقين و نبضنا طفل حنــون لو تزاعلـنا يسـامح, و الـــــهـــــــوى شـــــي مـــــقـــــــدر, إختـلـفنـا مــن يـحــب الـثـانـي أكـــثــــر... مهما يقولون مهما يقولون مهما صار مهما تـــم أنت البدايات وآخر ساحل ومينــا من هرجه الناس للعذال لا تهتـــم لوهم يحسون فينا ما حكوا فينـــا ما عقب شرب الصبر والمر والعلقــم سي على طاري الفرقة يودينــــا حنا اجتمعنا وشمل العاشقين إلتـــم حضنا حروب الهوى فزنا وردينـــا منا الوفى يا وفي الروح يتعلــــم كل التعابير تبحر من شواطينــــا وأن كان جدت جدايد حبنا أقــدم لا عاش رأس على الدنيا يبكينـــا اسمحي لي يا الغرام اسمحيلي يالغـرام العف يالوجـه السموح ان لزمت الصمـت او حتى لبست الاقنعـه اعترف لك ما بقى من عالي الهمـه سفوح انحـدر كلي كمـا طفلـن تحـدر مدمعـه آه ياجور الحزن وياي وفي الفرحه شحوح ضايعـن بهمـومي الغبرا بوسط المعمعه اشتكي لوسادتي دنيـاي واسمعها تنـوح كنها بعضي و بعضي ويـن هو منهو معه مختلط في عبرتي حبر الشقا ودم الجروح ومستوي في نظرتي غرب الوجود ومطلعه عودي المبري بقابه من بقايا الوقت روح وفصل خامس حايرن بين الفصول الاربعه راس مالي ذكريات وحلم وآمـال وطموح لا صديـق ولا رفيـق ولا طريقـن اتبعه سامحيني دام عذري واضحن كل الوضوح واسمحيـلي بالرحيـل بلا تذاكر وامتعـه متى عرفتيني متى عرفتيني حتى تحبيني لو جلت لك بدري ما أظن انا غلطان متى لمحتى الشوق و الصدق في عيني و بيني و بينك درب غربه و بيبان وش تحسبين الحب يللي تحاكيني الحب ماهو سالفة بين خلان الحب صدق احساس وسط الشرايني الحب يا صوت لفى نبض ولهان اليوم لا جلتي معك باكر تنسيني هذي الحقيقة و اسألي كل إنسان انتي خدعتي إحساسك لا ما خدعتيني و المختبي مع مر الأيام لازم يبان لا تسأليني ليه وش صار وش فيني لا تلعبين بخافق ٍ بات حيران كانك تبين القرب شبي و دفيني ولا اتركيني بزحمة البعد بردان متى عرفتيني متى عرفتيني حتى تحبيني لو جلت لك بدري ما أظن انا غلطان متى لمحتى الشوق و الصدق في عيني و بيني و بينك درب غربه و بيبان وش تحسبين الحب يللي تحاكيني الحب ماهو سالفة بين خلان الحب صدق احساس وسط الشرايني الحب يا صوت لفى نبض ولهان اليوم لا جلتي معك باكر تنسيني هذي الحقيقة و اسألي كل إنسان انتي خدعتي إحساسك لا ما خدعتيني و المختبي مع مر الأيام لازم يبان لا تسأليني ليه وش صار وش فيني لا تلعبين بخافق ٍ بات حيران كانك تبين القرب شبي و دفيني ولا اتركيني بزحمة البعد بردان تفنن في طروق الحب تـفنن فـي طـروق الـحب شرقني وغربني مـعك يا زين دوخات الهوى ويا حلو مشواره وغـرد فـي سما سمعي أبي تحكي وتطربني سواليفك مطر عمري .. ربيعي ضحكة أزهاره حـبيبي يـا بـعد كـلي وكلك صدق تعجبني بـغـيباتك وصـداتـك وتـلويعك وتـكراره تـجنن كـل مـا اشـوفك احس انك تذوبني وتـضيعني مـن الدنيا .. وتشب بخافقي ناره جـمـالك نـاهب قـلبي وتـفكيري نـاهيني دلالـك يـا رقيق العود .. عود تعزف اوتاره تـولـعت بـتصانيفك .. وتـعذيبك يـولعني وعلى أي حال راضي بك شمس العمر وانواره يســـــــــــالوني يـسألوني لـيه أحـبك حـب مـا حـبه بشر ولـيه إنـتي فـي حياتي شمسها وإنتي القمر ولـيه صـوتك لا وصـل صحراي يملاها الزهر عـلـميهم يـالـحبيبة يــا أغـلـى حـبيبة يـسـألوني لـيتهم مـثلي يـعيشون الـهوى الأصـابع فـي الـيدين الـواحدة مـاهي سوا عـندهم حـبك طـبيعي وعندي فوق المستوى فـهـميهم يـالـحبيبة يــا أغـلـى حـبيبة يـسألوني وفـي شـفاتي يـرتعش حر الجواب مـا دروا إنـتي بـحياتي راحتي وإنت العذاب وإنتي حلمي اللي عشقته وطار بي فوق السحاب خـبـريهم يـالـحبيبة يــا أغـلـى حـبيبة يـسألوني وأنـتي أكـبر مـن سوالفهم جميع وإنـتي أجـمل مـا خلق ربي بهالكون الوسيع وإنـي أتـلاشى بـدون عـيونك الخجلى أضيع إعـذريـهم يـالـحبيبة يــا أغـلى حـبيبة عـلميني لـيه أحـبك حـب مـا حـبه بـشر ولـيه إنـتي فـي حياتي شمسها وإنتي القمر ولـيه صـوتك لا وصـل صحراي يملاها الزهر إعـذريـني يـالـحبيبة يــا أغـلى حـبيبة ناشديني نـاشـدتـني ... لـيـه عـمـري لــيـل وأيـامـي حـزيـنة وأسـألـتـني .. لــي مـتـى الـغـربه تـسـافر بـالـسفينه لـي مـتى وأقـول مـا ادري ... وتـشـهق الآهــة بـصـدري بـالحزن تـرحل قوافل كل يوم لي عـايش ماغير أجامل والألم ظللي آه يـالـفـرحـة الـسـجـيـنة حـلـمي الـلي ضـاع ويـنه .؟ وآه يـانـار الـمـحبه وقــدي والــمـحـب الله يـعـيـنـه وش بــظـنـك يـانـجـومـي الــغــارقــه بــالــنـور وش تـــريــن بــحـالـة الــلـي لـلـشـقا مــاسـور لاصـبـاح يـبتسم .. والـقاه .. وارحـــل فـــي طـريـقـه كـل مـاحولي وهـم ... ويلاه ... يــاظــلــم الـحـقـيـقـه فـــي مــواويـل الـتـمني كـــل مـاعـانيت أغـانـي... والــولـه فـــي داخــلـي بـالحزن تـرحل قوافل كل يوم لي عـايش ماغير أجامل والألم ظللي آه يـالـفـرحـه الـسـجـيـنه حـلـمي الـلي ضـاع ويـنه ii؟ وآه يـانـار الـمـحبه وقــدي والــمـحـب الله يـعـيـنـه يــاقـصـدي وش عــلـيـك ان كـــثــرت الأحــــزان الــحـبـر مــثـل الـقـلـم مــثـل الــهـوى حـرمـان الـحـبـيب الـــى نـبـي ... مـشـغول عـنـا فــي هـوانا وكـلـمتي لـمـعذبي ... اقـول لــيـتـه لــــو نـسـانـا مـنـه ذقــت الـضـيم واجـد لايصد ولايواعد ... ولايخليني خلي بـالحزن تـرحل قوافل كل يوم لي عـايش ماغير أجامل والألم ظللي آه يـالـفـرحـه الـسـجـيـنة حـلـمي الـلي ضـاع ويـنه .؟ وآه يـانـار الـمـحبة وقــدي والــمـحـب الله يـعـيـنـه قصيدتة في رثاء والده فاقدك .. فاقدك ماقولها شعر وحروف .. ياإول إحبابي وآخرهم سوى .. فاقدك والآه في قلبي تلوف .. والإلم ماللألم عقبك دوى .. فاقدك ياسيف تثيه السيوف .. فاقدك والحال في غيابك جوى .. فاقدك ليتك تشوف اللي نشوف .. ضاقت الدنيا وضاق المحتوى .. النسايم صارت غبار وعصوف .. والسرور الي علا نجمه هوى .. وكل درب أكتسى حزن وخوف .. وكل ورد مال من وجد وذوى .. وين بسمات المعزب والضيوف .. والزمان الي من الطيب ارتوى .. ياحبيبي آه ياصعب الظروف .. وياقسى قلب الليالي والنوى .. افترقنا والتقت فينا الطيوف .. وكل ماجيت احظنه طيفك لوى .. يعتصرني الهم ويطول الوقوف .. ليت همي من غرام ومن هوى .. يذكرونك واتوجع والكفوف .. ترتفع للي على العرش استوى .. ياآلهي ترحم الوجه العطوف .. والحبيب الي ملأ الكون وضوى .. ملاحظه يؤسفني بعض القصائد بدون صوت فقط مكتوبة حاولت ابحث عنها بدون موسيقى بس مالقيت

[صوت الفجر]

الشآآآآعــــــــر ~َ~ ..ناصر القحطاني ... (الذاهبه) الله اللي راد و العقده قضاها اللي عقدها لا على الدنيا السلام و لا لباقي العمر زينه الفضا ما كنّه إلا خيمةٍ طاحت عمدها و الفرح ما كنّه إلا شيخٍ انقصت يدينه و العمر قطعة زجاج انكسرت و لا طال أمدها و العرب في العيد بدموع اليتامى مستهينه و الشوارع لفّها ثوب الظلام اللي هجدها و البيوت أطلال من عقب المحبه والسكينه و الشتا و الليل و البرد و سما يصرخ رعدها والعيون اللي ورا الشبّاك مذعوره حزينه طوّلوا في الكهف الأصحاب و بقت روحي وحدها كنّها في كوكبٍ ثاني خلا من ساكنينه الوداع اللي بعلم .. لعيني أعبر من رمدها و الوداع اللي بلا علم .. لقفص صدري غبينه و الوداع اللي بلا رجعه .. عليّ أمّر و أدهى و الله إنّه غرغرة سمّ و سكاكينٍ سنينه و العنود اللي جفيت الناس و الدنيا بعدها مدّت الفرقا لغاليها و هي تعطي الثمينه وينها .. كيف تركتني .. ليه ماجت في وعدها و القمر لا طل خابرها تجي بيني وبينه رحت أنادي و أتلمّس في مهب الريح يدها كنّي حصانٍ بلا صاحب طوى البيدا حنينه رحت أصيح الصبح وينه و العرب ما رد أحدها ما سمعت إلا صدى صوتي يقول الصبح وينه كنّهم من يوم ذيك الشمس غابت عن بلدها طلعوني في النفود و صكوا أبواب المدينه كنّهم من يوم ذيك الذاهبه محدٍ وجدها كل رجالٍ من الشرهه قلع في الدرب عينه أثرها ماتت و ماتت كل فرحه في مهدها و الربيع أقفت به اللي كانت التاج لجبينه جاورت عقب الحدايق حفرةٍ ما أقسى لحدها حفرةٍ ماني مصدق كيف ضمّت ياسمينه للحزن فيني مثل ما للطهاره في جسدها ويش أسوي لا فتشت اللي لها وسط الخزينه زخرفت حلم و بنت له مسكن و سمّت ولدها آآه لو غرّد ولدها في خميلة والدينه عاهدتني و ظفرت بيمينٍ أقوى من عهدها و الصبي لا خير فيه إن كان ما نفّذ يمينه ما تتقى عن رثاها عرقٍ اكتظّ بشهدها و لا تبقّى خلف قضبان الجفن عذرا سجينه كيف عند العالم أيام العزاء محصى عددها و إلا أنا طالت شهوره و الله أعلم كم سنينه لا الثرى فيها نبات و لا المشي خفف نكدها لا السما فيها طيور و لا البحر يمّه سفينه لا القمر هذا مساه و لا العصي هذا رغدها لا الزهر هذا شذاه و لا الذهب هذا رنينه قالوا الشيخ الفلاني مرجع القوم و سندها قال يبشر بالعوض و العلم جينا ناقلينه ساق لك بدر البدور اللي نشدها من نشدها جادلٍ هزّت عروش و خيبت روسٍ ذهينه قسمها في رسمها في جسمها إلا في رشدها و إسمها إن جا للغضب قومه على الألسن رطينه إترك الناي و عطيّة شيخنا غنّ لسعدها و انبسط يا عم و إنسى اللي ورى التربه دفينه قلت و لصدري تناهيدٍ تروّع من شهدها آآه وا ويلاه من يجلب على قلبي ضنينه خلّوا أغلى ذاهبه ترعى ربيع اللي فقدها و العطا راعيه محدنٍ صوبه الله لا يهينه لو ضمنت الجنّه و تفاحة القلب و شهدها قلت من بكره عسا مجنونها تاقف سنينه (بغداد) عساها فاتحة برد و سلام و خاتمة وقّاد على "دار السلام" الله يروّع من يروّعها حضارة سومر و بابل .. قبل تشريفة الميلاد عروق الرسل و العلم و هل الشعر و روايعها هوى سيف الله المسلول يوم ان السيوف حداد مساري سربةٍ كان المثنّى في طلايعها عروسٍ زفّها المنصور و الدنيا لها سجاد و دلّعها الرشيد .. الله عليها يوم دلّعها بدت بالسندس اللي يهوّس الخلاّن و الحسّاد و كثر ما هزّها التاريخ ما اهتزّت روابعها بقت خضرٍ مرابعها .. بقت تنجب لنا الأمجاد بقت بيضٍ صنايعها .. بقت سودٍ وقايعها ورى ما تستميت قلوبنا معها و هي بغداد يا كبر العار لو ما تستميت قلوبنا معها عليها الله .. و أمان الله بلاد الرافدين بلاد هجد صوت القنابل جنب تهليلة جوامعها دهاها من ورا الحملات ليلٍ لو نقص يزداد أهلنا في مدامعها و أهلها في مطامعها هل الحريّة اللي لا غشا أصحاب البيوت رقاد تفرّق بينها مندوبة الهاون مضاجعها هل الحريّة اللي بعدها صاروا بنات الضاد ينوش المنتشي حشمة ملابسهن و يرفعها هل الحريّة اللي قصّت أجنحة أكثر الأولاد ما دام يدينها ما ترفع اثنين من أصابعها تعوّدنا على حرق النسل و الحرث .. و الأصفاد تعوّدنا على نارٍ يطفّيها مولّعها يبس بكفوف أهلنا غصن زيتون و كما المعتاد عناقيد الهدايا جاتنا من كف صانعها عسى المقبل مثل صيحة ثمود و مثل صرصر عاد عشان أهل البيوت الخاربه تبرى مواجعها على وين المراكب سايره في حضرة الرواد عساهم للدواير لين تدرجهم منافعها مصير أمصار و أجيال و زمن و جموع بيد أفراد لها التاريخ بالمرصاد و إن خانت ودايعها محبّتنا عداوة و القلوب قريّبات بعاد بعد ما نصنع الكذبه نصدّقها و نتبعها خذتنا العنتريّات الله يبيح من ابن شداد وضعنا بالخطب ليت الخطب نقدر نضيّعها تواعدنا مع الوحده و صرنا نخلف الميعاد مذاهب و أنظمة و أحزاب من يقدر يجمّعها تصهين دمّ ناسٍ طايرين بعجّة الأوغاد تصاغرنا مثل ما استصغر الكرسي مراجعها أخيراً .. كم بقى طاغي و كم باغي و كم جلاّد و كم لص و كم أصنام و كم أوهامٍ نصارعها و كم صورة تظن "الروح و الدم" أغنية و إنشاد و هي كلٍ هناك يدوسها و إلا يقطّعها لعل الليلة اللي جابت الكابوس ما تنعاد و بسم الله على بغداد من شي يروعّها (منك لله) هذا جزا اللي يحبّك .. منك لله و إلاّ طريقتك أجل هذي طريقه ما قلت لك هالفراق إيّاك و إيّاه و إنّي ما أطيق الجفا يعني ما أطيقه مبطين و العيد ما جبنا هداياه و لا كشفنا الصناديق العتيقه مبطين و الليل ما أشعلنا زواياه و البرد ما حنّ أناملك الرقيقه يا شبه الأزهار ياللي ما لك أشباه من وين ما جيت كنّك في حديقه لو كلّ شيٍّ الى شفناه طلناه ما و الله أصدّ عن شوفك دقيقه يوم أذكر إنّك زمان أخرست الأفواه أسجّ و أرجع بتنهيده عميقه و أقول لأدنى الخليقه واحلالاه إن الأماكن تبدّل و الخليقه (غاده) جيت يا كثر السوالف و القصايد الدلال مبهّره لعيون غاده جيت أسامرها و أحطّ لها وسايد من شجونٍ قتلها للبرد عاده جيت أغنّي و الغلا كلّه وقايد علّ ذيك النار ما تصبح رماده جيت أبي من وصلها جروحٍ جدايد القديمه ملّها الليل و سواده مثل ما ملّت عتيقات القلايد و جيت ألبّسها من أشعاري قلاده غيرها مابي رخا وقت الشدايد و لا تبي لأحدٍ بعاشقها شهاده إن رضت ما ظنّي رضا الناس كايد و لو تضايق ضاع مفتاح السعاده كم لقيت اللي لقيت من النقايد من نصيبٍ طوّلت كبوة جواده كم قضى ليلي و أنا أطارد شرايد الدموع لحاف و الهاجس وساده لاعني التحنان ما للصبر فايد قلت أسوق الدرب يكفيني جلاده و جيت أصّب الشوق يوم الشوق زايد علّ خاطرها خذا منّه مراده و إلاّ أنا لي تالي اللقيا عوايد قهوتي من جمرها سكّر زياده (بنت الهوى) أقبلت بنت الهوى مثل البشاره في طرف ليلٍ جلب نوره بأثرها كل نجمٍ من ضياها شبّ ناره و لا سهر معنا القمر ليلة سهرها عطرها زفّ الخبر قبل انتشاره و فلّت حجاج المسا طلعة قمرها دربي أمست فرحته ليلة نهاره تنشد غيوم النواظر عن مطرها ما سمح طرفي لحمله بانحداره كلّ عبره لأوّل الفرقا دخرها فرحة أكبر منتصر وقت انتصاره طلّة الوجه الطفولي تختصرها جادلٍ تشريفها طال انتظاره فكري و عيني و خفّاقي ديرها جت تهادى تاره و تختال تاره و الدلال ذنوب و العشق يغفرها جت تبي من الشمس ليديها سواره و من نجم الليل عقدٍ في نحرها جت لسان غرورها ينشد عباره هي درت تسع الكواكب عن خبرها جت ملاكٍ كلها عشق و طهاره جت عنودٍ لفّة الراس تعسرها حفلة ايدي مصافحتها في حراره و عيدها لا جات تسبح في شعرها بنت بدوٍ دلّلوها في الحضاره سالفة عربانها من أوّل شهرها كم طلب يدها و لا ظنّ الخساره طيّبٍ يزداد في رفضه فخرها لين روّح تفرك يمينه يساره منوته لو هو ولد عمّ و حجرها ما تبي إلا عصمة اللي باختياره ساق شبكتها الغلا و قلبه مهرها وش عليه إن سولفت عنه بغزاره بين غيدٍ صانها الرّب و سترها وش عليه إن خاطت الجرح بمهاره أذكر إنّه يوم ميلاده شكرها كنت ألّم الشوق و يزيد انتثاره كنت أسولف و أحسب إني منتظرها ما كرهتك يالصبر لولا المراره ما عرفتك يالضما لولا ثغرها ما حملتك يالهوى لولا الشطاره ما عشقتك يالغرق لولا نظرها قلت أبأبحر و الغلا أسباب الجساره و أحرجتني خرسٍ أغرقني بحرها دونها جفنٍ يغير بدون غاره ما سلمت من السيوف اللي شهرها ليتها تاخذ وفا شيخ الزياره كم لفاني ماخذٍ منها صورها بحّ صوت الوجد ما خلّصت ثاره و سبحة أشواقي نثرها اللي نثرها يوم جا للبان وقفه و استداره راحت تجر أسود الليل بسفرها ودّعت دربٍ توّعد به سماره و غضّ خفّاقي معَ غضّة بصرها ما عذَرها خاطري وقت انكساره عذَرها إن اللي سرى معها عذَرها (تناساني) حبيبي ما كفاني في الحضور الصوت و الصوره و لا طفّت لهيب الشوق ثنتينٍ تحلاّني سقا اله ليلةٍ فيها القمر غاب و طفى نوره بعد ما سلّمك - يا نور ليلي - وجهه الثاني سقا الله يوم كان الحب غصنٍ نقطف زهوره عسى الريح اللي اومت به تنام .. و يسعد الجاني حبيبي .. علّها تكبر جروحٍ منك مغموره نصيبٍ جابني لك .. باتجاه الشمس ودّاني ذخرت أغلى شعور .. و كل خفّاقٍ و مذخوره لعينك يالجريح المستريح القاصي الداني و شلتك داخل الوجدان حملٍ لذّ لي جوره و لو أشغلتني و أشغلت بي تفكير خِلاّني أبأولّع لك الدنيا قصايد عشق منثوره وبأعزف بك نغم للحب يا قيثارة الحاني عليك عيون ناس و كل قلبٍ ضاق بشعوره تمنّتك العيون .. و جيت يا عيني تمنّاني أحبّك .. كيف ما أحبّك .. و أنا اللي لك بنى سوره على جمرٍ يدفّي بارد أشجانك من أشجاني حبيبي .. و المشاعر فيك مختاله و مغروره تدلّل .. و انت في ساحه غلاي اليوم وحداني و إذا ملّت خطاك الدرب .. مسموحه و معذوره تناساني .. دخيل الحب .. لو تقدر تناساني ـــــــــــــــــــــــــــــــــــ (سوار الذهب) يالفارس اللي ترجّلت و حضنك الهدب يا ليتك أبطيت و الدنيا عليها السلام يوم اعتنق معصم الأمه سوار الذهب طاب التلاقي و لا أحلى منه غير الخصام ثرت و بدل ما يسيل الدم لين الركب اوميت بالغصن حتى جاك سرب الحمام همنا بموّالك اللي مثل صوت القصب يا عاجل البر و الخيره و مسك الختام الله على فعلك أثره مثل حد الحدب و الله على الكرسي أثره مثل بنت الحرام أحدٍ على أخوه و أحدٍ ضد أبوه انقلب ترسم و تحسم خرايط تحت جنح الظلام و أحدٍ رهين اتجاه الريح مع من غلب و أحدٍ على طول خلف خلاف .. ليته عدام ما يعجبه لا العجب و لا الصيام برجب كان أسفل السافلين و فجأه أعلى السنام و اللي انولد وسط فمّه ملعقة من ذهب الرّب ساتر عيوبه من سنين الفطام بس انت غير و فعولك غير .. ياللعجب من يأسنا في الحلال نظن فعلك حرام خطابة العرش مرّوا في زحام و صخب يا أشد أهمية من أهل الصخب و الزحام يا أكبر فخامة و أقوّ عزوم و أعلى رتب و أطلق زعامة و أعز جنودوأطهر نظام لا فاخروا بالدراهم و الحسب و النسب فاخر بشيٍ عجز عنه الملوك العظام معاويه و انت عيدين بحياة العرب و احنا جسد و انتم الاثنين تاج و وسام قالوا زمام أمة محمد عساه انقضب قلت الله يخلي خشوم النسا للزمام في شرقنا تنقص الثورة و حجم الغضب و يزيد رقم النصايب جنب رقم الخيام فخامة الرّيس أعيانا الرجا و التعب حتى أصغر أحلامنا ماهي على ما يرام فخامة الرّيس آخر شي عندي طلب تسمع من اللي فتح لك قلبه آخر كلام لو فيه عشرين حاكم من سوار الذهب ما كان قلنا عروبتنا عليها السلام يتبع ..

[صوت الفجر]

(تهليله وتكبيره) تطمّن يا قصيدي مالك إلا العزّ و النوماس من أيام النّبي و الشّر ما تسكت مزاميره تجمّلني مثل صفرا الى لزّت تجيب الكاس و أنا لك وجه عزٍّ طبّق العزّ بحذافيره لك الله لا جروحٍ تنزف و لا خاطرٍ منحاس هذولا ما لهم غير الشتيمة في البلد سيره هذولا مجدهم زايف .. هذولا عرقهم دسّاس هذولا حوّلوا ضحكة بياض الطرس تكشيره هذولا لو أقول إن البحور تكذّب الغطّاس عطى كلٍ شعيب و ضاق جوّه .. يالله الخيره سماسرةٍ على روس ألسنتهم فلسفه و إفلاس يا شين المفلس اللي لجّ خلق الله بتنظيره أنا رغم أنفهم راع البياض المرهف الحسّاس و أنا اللي دلّته تسوى لها عشرين تبهيره سقى الله ديرةٍ كانت زمان أقرب من الأنفاس غدت من ديرةٍ بأنفاس لأنفاسٍ بلا ديره سقى الله صرخةٍ غنّت صباح و صحّت لها ناس على فقدان فردوسٍ تغنّينا بأساطيره سقى الله يوم ذبّينا مراقيبٍ ورا مكناس وقف سلمان بن عبد العزيز و لا وقف غيره و رحت أصدح بصوتي و الزمن خلفي يدّق أجراس و أفضفض للتراب اللي يفضفض لي بأساريره و أطوّل قامتي و أوقّف التاريخ راس براس و أقول إن ماتوا أهل المجد ما ماتوا مداويره عسى الله ما يبارك في القلم لا راود القرطاس و هو في داخله حقدٍ دفين و حسدٍ و غيره تعلّق يا قصيدي بالنجوم و شلّة الخنّاس عليها من هل التوحيد (تهليله و تكبيره) و أنا ذاك الخوي قل : (يالله الخير) و لك النوماس و الى خان الخوي بس الخوي قل : (يالله الخيره) (عروس) خويّة درب عمري ما خذاني دونها النسيان و أنا يا أهل الملامه ما رغبت العيش وحداني أبي لي مهرةٍ ما عسفت صغيره و بنت حصان أبوها اللي يفّك المشكلة و يزبّن الجاني و أخوها لا تعزوى باسمها فزّوا له العربان يحقّ لها الفخر في قولة آل فلان جدّاني أبيها في بحر عشرين لا زودٍ و لا نقصان أبيها أقصر طويلة و الوصوف أشكال و ألواني أبي الجبهه كما الصبح و كما القوس أسود الحجان و أبيها ناعسات و نرجسيّة سود الأعياني أبي رمشٍ كما ريشٍ يغطّي الثلج في الأوجان و أبي جفنٍ يشيل الرمش طربانٍ و كسلاني و أبي خدٍ مثل وردٍ تنمى في طرف بستان و أبي خشمٍ قصير و مثل حدّ السيف شاماني أبي البسمه كما البرق و ثناياها كما المرجان و شفاها جمرتين و فمّها خاتم سليماني أبي شعرٍ كما ذيل الفرس لا طبّت الميدان أو الشلال لا من بات ليله بين الأمتاني أبي جيدٍ سواة ابريق فضه ناتقٍ مليان و صدرٍ كنّه مرايه عليها طلع رمانّي أبي ظهرٍ كما الجدول و قدٍ مثل غصن البان و خصرٍ مثل مجدول العنان و جسم روياني أبيها نابية ردفٍ و بطن ضامرٍ جوعان أبيها مدمجة ساق و قدمها لسان ثعباني أبيها بنت عزٍ من رغدها ينعم الفسقان أبي الرقه و أبي الدقه لها بأطرافها شاني أبي المشيَه كما اللي طالع من المعركه كسبان و أبيها ترش مع خطواتها مسكٍ و ريحاني أبي صوتٍ الى منّي سمعته كنّ فيه ألحان يدغدغ مسمعي و يثير كل السحر فأشجاني أبيها حب و إخلاص و هواجيس و فرح و أحزان أبيها مثل ما دكتور أهالي العشق وصّاني أبيها لوحةٍ ما صوّرتها ريشة الفنان أبيها جوهره ما جابها قاصي و لا داني أبيها تنتصر لي من زمانٍ حطّني نيشان و تبشر بالغلا اللي ما لفا به واحدٍ ثاني مهرها قلبٍ و شعرٍ يهزّ القلب و الوجدان و ألبسّها القصيد و تصبح أوزاني و قيفاني أبي اللي فات و اللي فات صعب و من لقى العنوان يردّ العلم و إلا أفضّل أبقى أعيش وحداني (سالفة بدو) طول النهار أضمّد جروح غيري و يصيح جرحي لا ضويت آخر الليل يا ما المسا صبّ السهر في نظيري و خذا معَ لمّة هجوسي تعاليل و خلف العيون اللي تراقب مسيري أحيت مزون العين قاع المناديل النار فيها من مواقد ضميري و الدرب فيه من الرموش المضاليل أشيل حلمٍ حاس كسره مريري كم صكّت اليمنى اختها ترثي الحيل انشبت في بعض المحابيل طيري واطيري اللي عذّبته المحابيل كم صارت العشرة وسيلة عشيري و عدّيت مشواري معه (كذبة إبريل) خلاص دامه ضاق حتى شويري باللي تجبين اسرعي يا مقابيل عرفت كيف أكون بعيون غيري من سالفة بدوٍ على ضوّهم ليل (يابوي) يا بوي أنا من ضوّك أشعلت ضوّي و الله ما تفنى و لو كنت فاني شربت علمك في مراحل نموّي حتى قوى عودي و غنّا لساني تذكر ضناك الحالم اللي ينوّي صار أكبر من أيّة نوايا و أماني يا ليت عمرك طوّل و عشت جوّي و تشوف كيف أنجبت لك عمر ثاني عشقٍ على حبل الوريد متلوّي لهواية التحليق وحدي خذاني ما ضقت من باكر و أنا أقول توّي هذا زمان الغير و إلا زماني ودّي تحدّثه النجوم بعلوّي دام الثرى يحلم بحزّة طماني من لا دخل بين الرجال متقوّي ما ظنتي يصهل صهيل الحصاني و اللي على جال الضلوع متطوّي تباشري بمفارقه يالمحاني و الله لأسوّي ثم أسوّي و أسوّي و إلا فلا باسمي فلان الفلاني ماتوا عداي و صار وقتي عدوّي لابو دقايق ساعته و الثواني أنا على ذاك المكان متروّي بس الوعد لا قلت هذا مكاني (أغلى العرب) وين انت يا أغلى العرب ناوي توّ القمر ما سرى توّه ما شفت يا المترف الراوي وشلون دنياي محلوّه ليلي بدونك وش يساوي جيت و حبيبك صفا جوّه و إن خفت من حاسدٍ غاوي يحرسك مولاك من سوّه كانك على حسرتي قاوي ما للزمن طيب و مروّه اخترتك لدربي مخاوي و ماني موصّيك بالخوّه تجرح يا مملوح و تداوي فديتك اللي تبي سوّه و إن صرت بعدين ما تاوي علّك حبيبي على القوّه (طلوع الشمس) هذا انت و إلا طلوع الشمس يا حيّ هالنور و اليمّه عليك يا حمس قلبي حمس و يا وجد عيني على اللمّه أبطيت و الوقت من قبل أمس ما عاد يخجل على دمّه و أقبلت للخاطر اللي عمس تهدي له العيد و تضمّه ما يطمس الهم كله طمس كود الغلا اللي على الذمّه يا ورد يثّر عليه اللمس طول العمر ليت من شمّه احتجت حبّ و صباح و همس و وردّتني صافي الجمّه و ارتاح كفّي بذيك الخمس راحه رضيعٍ بحضن أمّه (كلمة راس) العين من حمل السهر متكيّده و إلا إنت ما شفتك تشكّى يا عنيد أسرفت بي ما فيه شور تأيّده بطنك من الجمر و ظهرك من الجليد يا خوفتي دام الشفوف محيّده يوم من الأيام تصبح من حديد كم كنت جامح و البروق مسيّده و تسوق ركبك للنزول و للشديد و أصبحت عودٍ في ظهره زويّده تحويشته صفر و طموحاته نشيد أبطيت ما أخطيت و خطاك أتصيّده على كثر ما مرّ من عاتق فريد حتى رسايل عالمٍ متقيّده من خلف سور قصور هارون الرشيد العام في عنق العنود قليّده و اليوم يا رخص الذهب في كل جيد لو كنت عبدٍ يستحي من سيّده ما شفتك أصلاً يا موحدّني وحيد ذيك النفوس اللي تقول معيّده تفداك لو هي من جديدٍ في جديد اللي بلا دين و سلوم تقيّده لبسه كفن لا تحسب إنه ثوب عيد سلّم على اللي لو زمانه بيّده بأقصى ضلوعه شي لا يمكن يبيد لو راودته الباشه المتسيّده تلقاه ما يستنكر العيش الزهيد و إلفت نظر بنت الرجال الجيّده من واحدٍ لا يستزيد و لا يزيد يوم الفوايد ما استفاد وحيّده و إن غاب مهما غاب ما كنّه فقيد وشلون تفرق سيّده من سيّده إلا بعد فرق الشقيّ من السعيد الطيّبات قريّبه و بعيّده و إن شانت الأيام ما رحنا بعيد بيوتنا تحت الشموس مشيّده و أرزاقنا بيدين خلاّق العبيد و الشعر فيه معلّقة و قصيّده بس المصيبه كان ما سر القصيد يرجع مثل بنت الرجال الجيّده لا ساقها الحظ الرّدي يمّ البليد يتبع ,,,

[صوت الفجر]

(حليب أمي) وش جابها في يديك تشيلها يمّي جمّع مناقيدك اللي جيت تنثّرها صحيح أنا أعشق و صار العشق في دمّي لكن سوالفك نقص .. و لا تكثّرها ما خِلْقَتْ اللي تنسيني حليب أمّي أبيع كل العذارى لأجل خاطرها اللي فرحها اشترت به حزني و غمّي ترجي ضناها عسى الله ما يخسّرها تفرش طريقي دعاوي بعثرت همّي يدينها للسما و يهل ناظرها أبوس يدها و أكّف العبره بكمّي كل العظايم لها يالله ما أصغرها و الجادل اللي خذت روحي و أنا أسمّي تستاهل اللي تبقّى من مشاعرها قلت لهواها فدتك جروح يا عمّي جهنّمك جنّةٍ تنعش سعايرها انشودةٍ ما روى ترديدها فمّي و لا روت من غراميّات شاعرها لعلّها قبل أقول لقصتي تمّي يوم العزا تختم القصه عبايرها (سالفة عمري) مسا الخيرات وإن طال البطا يالمنزل المهجور ترى ما ابطا بي الا حالةٍ مثلك يقدرها إذا عندك عتب لا مانع من معاتب المذكور واذا عز الرضا تفداك الأعذار ومقابرها أنا اللي جيت لك و الريح تعوي و الشتا مسعور ولا به من دفا و المربعانية بأواخرها تغيّر و انطبع دربك بلون المسك والكافور وهذي رعشة كفوفي ولابه من يدثّرها بعد ما كنت أجي بابك بدستور و بلا دستور و لا أدري إلا وذيك الدرفه اليمنى على آخرها طموحي عارضته اللي معاها كل شيء يبور وجاء كسر الطموح أهون علي من كسر خاطرها سنة ما أقبل نذير الشيب كانت بأوّل الطابور وكنت أحلامها ذيك السنه و أوّل سرايرها لقت قدامّها فوضى و قلب وشاعر و جمهور و جات ورتبتني من جديد و صرت شاعرها بقييت أسري لها لا همّني وحشه ولا ديجور أشيل أحلامنا تحت النجوم وهي تفسّرها سقى الله يوم جابت لي قبل يومين من عاشور هذاك العسجد اللي جابه الله من عشايرها غلاها كان تحويشة عمر بشعور فوق شعور إلين اكتظّت الأشواق و ألهاني تكاثرها ربت ماهي تحت ريش النعام و في بلاط قصور و لكن لا ترف له قيمه إلا تحت أوامرها يحملن أمّهات البيض تسع شهور تسع شهور على رجوى بشايرها و لا لاحت بشايرها تقل بدرٍ و لا بأيّات بدر تقول بدر بدور ولا بأيات بدر بدور.. يعني ما إنت خابرها ؟! لو استقصوك عنها ما إنت محتاج لشهادة زور تحت سقفك سحايب ملحها و أمواج سكرّها ما أرّق المتحف اللي من ورى ضلوعك فدتك الدور و أنا ما أقوى نظر ما فيه بعد غياب ناظرها حديقة بيت أهلها .. سورها العالي .. حمام السور زخارف بابها .. شبّاك غرفتها .. ستايرها ورق جدرانها .. سجّادها .. تقسيمة الديكور خزاينها .. هداياها .. رسايلها .. خواطرها تحفها .. مزهريّتها .. قصصها .. شِعرها المكسور صورها .. مكتبتها .. أقلامها لمّة دفاترها زمام السيف .. شال الليل .. حنّا الكف .. كحل الحور حلقها .. عطرها .. فستانها الأبيض .. جواهرها مرايتها .. فصوص الساعة البيضا أمّ خمس سيور خواتمها .. قلايد جيدها .. نقشات أساورها ملابسها .. بروق ألوانها .. دولابها الممطور من أزرقها الى أحمرها الى أخضرهاالى أصفرها نسانيس الهوى اللي ترتشف يشمومه المنثور صخيفات المناديل اللي احتضنت عبايرها مصابيح المكان اللي خذا منه النهار النور سنون أمشاطها اللي ما نست عشرة ظفايرها بطاقاتٍ يطرزّها صغارٍ يحملون زهور رحيل الدبله اللي ما تهنّت في خناصرها زوايا كنّها بلور في بلور في بلور مسا رزنامةٍ غاب الحرير اللي يغيّرها وش أقول ليتاماها الكثير الممتلين كسور و أنا أشياها تحاصرني و أحسب إنّي محاصرها بكيت و صارت الدنيا قفص و استوحش العصفور ضحكت و ملّت شبوك القفص من كذب طايرها عرفت شلون الأرض تدور و أيام الزمان تدور و الأعيان إن صفت كيف ومتى تذبح محاجرها و متى تصير القبور بيوت و تصير البيوت قبور و كيف الذكريات يذوب ماضيها بحاضرها على الله .. و انت أبيك المتحف اللي للعرب معذور إذا جتك العيون و صدّت أبوابك نواظرها تمر أجيال و تصدّر سواليف و تعيش عصور و تروي سالفة عمري من أولها لأخرها (رساله إلى الجيل القادم) يعني ما غير الجندي اللي هزّه الشوق و رمى غنّا على نغمات " يا عصفور وينك مختبي" قنّاص ابن قنّاص .. قتل النفس عنده شرب ماء ما دام قنص الصامدين ألذْ من قنص الظّبي يعني ما غير الطفل (محمد الدره) ذاك اللي ورا أبوه احتمى كم من نعش ملفوف بالبيرق و بأطراف العبي ما احنا لنا حمسين عام نفكّر نصون الحمى كنّ العروبه في دم المستعربين أي أجنبي حنّا ولفنا هالرصاص اللي بالأحضان ارتمى عقب الحمام اللي ولفنا في سمى مسرى النبي حنّا على بير السلام اللي ذبحنا بالظمى كل أغبيانا يحلفون إن الزمن هذا غبي داوود هذي نجمته تخطب عشاشيق خصما لو كان يحرقها مية مليون مخلص يعربي كم غيّر الشاشه بعد ما ملّ من شوف الدماء متبلّدٍ .. قال ايش قال اهتّز من موتة صبي عقول يا مال الغبا .. و عيون يا مال العمى و أزوال يا مال المرض .. و أموال يا مال السبي الله يا حلمٍ نلوكه كثر ما العايل زما ما قوّم الدوله و خلاّ الحلم يولد و يحبي إلا دلال المغربي يوم أرخصت غصنٍ نمى ياهل العزاوي ما دريتوا من دلال المغربي هذي شجرةٍ ثابتة و فروعها وسط السما قالت قبل توديعنا : يا أرضي من الروح اشربي يالله ما دام آمال أهلنا فوق طاولة زعماء انك تقدينا الصراط المستقيم اللي النبي و إن كان طالت و العصافير أسرف بها اللي رمى يالله بجيلٍ كلّه يشابه دلال المغربي (أحمد ياسين) يا حلاوة صرختك و الحّر تكفيه الإشاره ما انت في غزه وحيد .. إلا معك عشرين دوله يا نهارٍ كل ماله يسقي الليل المراره ما عليك من الفوازير .. الفوازير محلوله البطل يا شيخ ياسين ان شكى التاريخ عاره قوّم الدنيا و طّش بها وراه و قال قوله و البطولة تارةٍ تشرق ضحى و تغيب تاره يا بطل علّمتنا كيف أبجديات البطوله انت لامن قلت : لا صدّيت لك خمسين غاره و انت لا قلت : ايه تشحن لك مية صوله و جوله كل وسمٍ بجلدك الصّوان طيّر له شراره يا شموخٍ تنحني له هامة الدنيا الخجوله و إن حنت ظهرك كرابيجٍ تعّز أسخف حضاره ما تذّلك و انت شيخٍ ممتلي دين و رجوله بس حدثّني حديث الما لعشاق الطهاره عن بلادٍ صار للجغرافيا فيها ألف صوله عن صمود مخيّمات تنشد الفرعه زياره عن رجالٍ لا خضوع و لا نفاق و لا عموله عن جرادٍ سبّب الرعب اسمه (أطفال الحجاره) القدر بالحرب عوّضهم مراجيح الطفوله عن (عروسٍ) فجّرت عشرينها لعيون حاره و ذكروا سكّانها أيامٍ من الخنسا وخوله عن هذيك القبّه آخر حلمنا و أول مناره بيلسانٍ .. عزّه الله و احتضن مسرى رسوله عن حماس الرايح اللي كل ما ذعذع سماره لان وجه القاع و اهتز البحر عرضه و طوله عن زغاريد البنادق .. هي تظاهر بالغزاره عن عصافير البيادر .. هي تحلّق بالسهوله عن شبابيك اليد اللي حرّمت لمس الستاره عن رغيفٍ من صباح الله قليل اللي ينوله عن سما الموّال و أرض الدبكه و رقص العباره و التفاصيل الكثير و خطوة الذهن العجوله عن يسر مدري عسر مدري كسر مدري جباره هدنةٍ لعيون عيدٍ ما درينا عن حلوله جيلنا ملّ الجرايد ما لقى فيها بشاره ما وعينا إلا على النكسه و موّال الخساره نحسب اللي وسط بال أجدادنا نقدر نطوله يا حرام .. الحر .. أجل ما عاد تكفيه الإشاره وش ورا خمسين عامٍ بعثرت عشرين دوله؟ (بنات الريح) تعلمنا الفروسيّه .. و شاقتنا بنات الريح الى جت ما تقول إلا خلقها الله مختاله لها عشقٍ قديم يقوم فعيون العرب و يطيح و لها عزٍ نهار السبق كلٍ ودّه يناله رماحٍ تعبر المضمار بين الصوت و التلويح حشا ما كنها إلا كل رمح يسابق ظلاله إلى بان المذهّب من يبين بحزّة الترجيح و أيادي مَن ؟ من أهل الخيل بعد شوّي تشتاله ماهيب أيّه فرس من كثّروا في فوزها الترشيح و حصانٍ .. من نشد عنّه لقاه من أطيب سلاله إلى مرّت نواصيها المنصّه و الجموع تصيح خطير يطوّح الرجال بشماغه و بعقاله وش أنعم بالبلد عقب الهجاد و كثرة التصبيح سوى حرٍ وراه الصافنات تنومس رجاله على صهواتها كمّل معزّي دعوة التصحيح معا قطعة حرارٍ من هل التوحيد خياله و أنا أحب الفروسيّه و تغريني بنات الريح و أشوف الخيل جات و في ظهور الخيل خياله (قصر الحمرا) على الحمرا السلام و كل حيٍ يذكر أمجاده و أنا تاريخي أمجاد و براهيني مجوّدها قصيدة شعرنا الشعبي عروس بتاج و قلاده سفيرة لهجةٍ طلّت على الدنيا قصايدها على البال ابن زيدون و غراميات ولاّده و سواليفٍ لابن رشد أتذكّرها و أرددّها يا هالقصر العظيم اللي هل التصوير ترتاده يا تحفةٍ غير أهلها مستحيل أحدٍ يشيّدها يا تنهيد العجوز و ضحكة المولود بمهاده يا نفحه عاطره لبنيةٍ ما زمّ ناهدها يا جرحٍ ما على بال الزمان المقفي ضماده لفيتك و انت بأرضٍ من غلاها ما اتباعدها على الروضه وقفت و وقفتي ماهي على العاده ومن باب الشريعه ساحه الريحان قاصدها مشيت و جيت في بهو الأسود أتذّكر الساده و ألبّي صوت جنّات العريف اللي مواعدها الأبراج .. الدهاليز .. الحصون .. السقف و عماده حجا الجدران .. نقش أقواسها .. مرمر قلايدها خرير الماء على الحوض الله الله ما أعذب انشاده صور عشر الرجال تقرّب السجه و تبعدها أجي ديوان ابو الحجاج مابه غير مقعاده و لا حصّلت لك من حاشيته إلا مساندها مليت الكف بترابٍ شرد ذهني مع أسياده و تلّت دمعتي تنهيدةٍ كنت أتنهّدها أنا أدري بك حزينٍ يعربّي طوّل حداده على خير أمةٍ صفحاتها بيضٍ تساودها و انا ما جيت سايح جيتك بمصحف و سجاده من حجاز أكرم الأكرام و أشرفها و سيّدها أنا المتغرّب اللي نادته قطعه من بلاده صويبٍ شاقته حمر القصور و جاء يشاهدها صوابه فيه من غرناطه و فيها من أجداده رجالٍ كل واحد قوّم الدنيا و قعّدها رجالٍ جغرفوا شعث الفجوج و جات منقاده رجالٍ غيّروا تاريخ الأمصار و عقايدها رجالٍ ما أشغلتهم عن مناويهم و لا غاده و لا حتى قصورٍ ماسها يحضن زبرجدها خذوها من هنا حتى ورا النهرين و زياده و ساقوا عقربيّات صهيل الخيل راعدها زمنهم كان صعب و كانت الأرقاب سدّاده و الانفس تنجلب و الحدب تلقى من يجرّدها لك الله كانت الدنيا لهم ساحات و رياده متى نتبع خطاويهم و كلمتنا نوحدّها متى بس نتصافى و السحاب يدّن رعادّه متى أحلام الربيع المبتعد نقدر نجسّدها متى .. مدري متى .. لكن مصير الحق نعتاده ما دام جباهنا ما فارقت روضة مساجدها (ارهابي) نحمد اللي بيّن الحقد الدفين الغابي و أعتق أقنعة الوجيه اللي تقاربناها أول المكروه سلبي و آخرته إيجابي خير الأرض القبله و خير الدروس أقساها يوم وصلت للحمى ما أرخص من العنابي من يعيش بدون مذهب .. عيشته ينعاها جدّي اعرابي و أنا اعرابي و ابوي اعرابي و أقرب مصيبه على الأعراب قرب حماها كثّروا فيك الحكي يالمسلك الوهّابي كلمّا زمزم شربنا شربةٍ من ماها يزعمون إنك تصدّر كل يوم إرهابي الله يكرّم مشايخنا و طيب لحاها لدّوا أهل الموبقات السبع وسط كتابي و طلبوا من بيّناته كلمتين انساها ساقوا أصحابي هناك و شككّوا بأحبابي و أوصوا بتقطيع جسم أمٍ توارثناها و أنكروا في بنت عمّي حفظها جلبابي يحسبون المحصنات تهيم في دنياها و طار في عجّتهم الوجه الكريه الهابي ما يغت من الدبش عز الله إلا أرداها و الكروش أربابها وسط البنوك ترابي و العروش أكثر قضيّه ماخذه مجراها و الخرايط تصغر أكثر مثل صغر ثيابي ايه ما كن الفجوج الجرد مترّناها يا وجودي كل ما صليّت في محرابي و افتكرت أمّه حميد و حلمها و أقصاها وجد عودٍ مرّ بالشارع و هو متصابي و لا درى إلا و العماير معطيته أعلاها إن نجا قالوا عليه الظالمين إرهابي و إن رحل معلوم حنّا اللي تحمّلناها (الفتح) كانوا أهل الديره جياع و عرايا كانت الديره مكشرةٍ حزينه من جهاله .. في تعصّب .. في خطايا في مغازي .. في عداوة .. في ضغينه و البطل منّاك .. في صدره خفايا ينتخي باللي معاه من ربعينه قال يا ربعي على الله الشكايا طالت و طوّل على الديّان دينه للنوى لوعة .. و للصامل مزايا للدجا مسرى .. و للصحرا سفينه ورثنا و أمجاد أهالينا سبايا ما يعين الله سوى اللي يستعينه قالوا : أبشر و العمار لها فدايا ما نبات .. و نجد فالظلما سجينه حوّلوا فوق أربعين من المطايا و الثلاثين البنادق فوق الخزينه كل ما مرّوا على دور و قرايا كفّ ابن معشوق متعدّي جبينه شيخهم ما عدّهم مثل الرعايا ياخذ الشورى و شوره في كنينه ما طلع مطلاع طلاّع الثنايا مطلعٍ ما جابت أخباره جهينه جا على الصّرار .. و اسودّت نوايا و التفت له من ورا (الجهراء) ضنينه قال : عوّد .. قال : أنا ويّا المنايا و المربّع واصلينه واصلينه استزاد من الحسا فزعه حمايا مرّوا (الصمّان) ما ابتلّت شفايا منتشينٍ برمضان و صايمينه و ردّوها (ابو جفان) و هن ضمايا عيّدوا و العيد الآخر محترينه بيّن ( العارض) و هو ماله حلايا وش يسوي من غلب صبره حنينه قال ابو تركي : موصّيكم وصايا داركم وش بين ما طاكم و بينه حط في ضلع الشقيب اولى السرايا ثم على الشمسيّه و حرّك بحينه ساريٍ برجال و كبودٍ ملايا سبعة سباعٍ مع المسرى ذهينه مرّوا (جويسر) و لجّن له صبايا و اطمروا للبيت الآخر في سكينه صان أهاليه .. البعيد من الدنايا و أرسل لربعٍ على قلبه و دينه ساقوا الأرواح للعزوه هدايا و استهلّوا كل شيٍ بايعينه بعدها و (الحائط) أشبه بالخلايا و الفشق و الشمع كلٍ قال وينه حسّبوا في بيت ابن سالم ضحايا و أثر ما وسط الفراش إلا خدينه جمّعوا من جمّعوا وسط الزوايا بس لين تسلّ شعره من عجينه و فتحوا في الجدر دربٍ للبقايا عالمٍ بالليل الأسود مستهينه للتمر و القهوه انفتحت شهايا و انعسوا .. و الذيب كيف تنام عينه المسا ودّعهم يدّق التحايا و كل رجّالٍ تفاول ركعتينه يرقبون الصبح .. و المصمك تغايا وش ورا جدرانه الحمر المكينه خوخة الحصن .. و دهاليز .. و خبايا و أربع أبراجٍ شواهيقٍ حصينه يوم فتح الباب يا طيب السوايا ما درى عجلان منهو في يدينه انهزم و معزّي كفوفه سخايا و المفوّه جنبه .. الله لا يهينه زجّ له شلفا بغاها للحنايا و أصبحت في الباب ذكرى من يمينه و المنادي صوّت بحل القضايا شيخنا "عبد العزيز" الله يعينه و الرياض إن قالها معطي العطايا يجعل السور القديم أعظم مدينه انطلق منها معزّي للنحايا صاروا أهل الديره من أغنى البرايا و صارت الديره مثل درّه ثمينه لا جهاله .. لا تعصّب .. لا خطايا لا مغازي .. لا عداوة .. لا ضغينه يتبع ,,,

[صوت الفجر]

(الحدود) مع كل نسمه يا وطنّا تحيّه و الله نحبك حب ما فيه قدّه يا تاجنا اللي روسنا به قويّه يا نبضنا اللي دمّنا دون حدّه نستاهلك نورٍ ملا العين ضيّه و نبنيك صرحٍ ما انخلق من يهدّه لو عنك نحّتنا الليالي نحيّه جيناك كلٍ زود شوقه يحدّه كلّك دفا يا حضن نجد العذيّه هي بس نجد اللي تزّف المودّه ؟ شف ثغر حايل شف هوا أبها البهيّه شف غرّة الدمام شف كف جدّه شف بيرقك و البرق و السامريّه مجدٍ يلوح و لوحةٍ مستجدّه شف حكمة الراعي و صدق الرعيّه و الخير مقبل و الضغاين مصدّه بحبوحةٍ من سلسبيلك هنيّه يفرق بها التاريخ هزله و جدّه يكفيك بيت الله و منزل نبيّه و شرعٍ من كتاب الولي نستمدّه أطعمك من جوع معبود البريّه و أمنّك من خوف و فجيعه و شدّه النفط من قبله يدينا ثريّه من ينشد التاريخ يقنع بردّه حنّا الوفا حنّا الكرم و الحميّه حنّا هل التوحيد صدقٍ نعدّه قربك و بعدك يا وطنّا قضيّه و أنا من اللي قصّروا فيك مدّه مناخك لحافي و رمضاك فيّه و أقسى تضاريسك فراش و مخدّه يا كم نشدت و رد ظنّي عليّه عودٍ يَمَال الجنه أذكر مردّه كان يحكي لي عن زمانه و غيّه و يقول قلبك يا أبيض القلب لدّه أيامكم يا بوك خضرٍ نديّه ما عشتوا أيام الشقا و المكدّه كنّا نمر الصايبه و الخطيّه نزايعٍ ما بين روحه و ردّه كنّا الى من دارت الشاذليّه كلٍ يدوّر شرب فنجال ضدّه كنّا نسوق الروح يم المنيّه لأجل الرغيف اللي ضرينا بمدّه و اللي خذينا الصبح يوخذ عشيّه و لا نمسي إلا عقب ما نستردّه نسمع من الهودج صياح الصبيّه أم الجديل اللي لها من يكدّه تنخى و نخوتها شبب كل هيّه و تمنّي الصنديد باللي يودّه لا نشف رمح و لا استراحت مطيّه و لا تركنا سهلةٍ مجرهدّه و اليوم أمان و شمس عزٍ جليّه و الدار بين المبغضه و المودّه بقى يوصّيني عليها و صيّه لين جرحتني دمعته فوق خدّه قلت اذكر الله و الحدود محميّه ورث الفطين اللي حفظ ورث جدّه حنّا لها ما دامت الروس حيّه حنّا لها لو بيّح الموت سدّه أي و الله طوال اليدين معصيّه و أقصر يد اللي تهقويه يدّه لعّل مالي غير داري هويّه الورده اللي بالحشا مستبدّه من يوم أنا طفلٍ عظامه طريّه و أنا أرخي الحلم الطفولي و أشدّه صغير ألوّح بالعلم في يديّه حتى (نشيد بلادي) أمشي و أردّه و الى لمحت البدلة العسكريّه أقبض يدي و أرفع بهامي و أمدّه و اليوم أغنّي للوطن سامريّه و الروح تارك علمها دون حدّه (النسا) النسا روح المسا والليل لو فكر يبات - كان مافيه اغنيات - و كان ماله ذكريات وكان مافينا عظيم و ما لامانينا حليف - و ما بنا قلب وليف - ولا لنا قصد شريف النسا نصف الحياة - الا النسا كل الحياة -اه يا اسرار الخوات -اه يا احلام البنات اه ياالطيش الطفولي -اه يالحزن الشفيف - اه يالعشق العفيف - اه يالجنس اللطيف علمن حتى المرايا - والشبابيك اللغات - والرسايل والدوات - صارت اعذب مفردات كم بكن وانكف مبصر - و ضحكن وابصر كفيف - و رمشن واهتز سيف - و همسن وامتد ريف كم غدن لاخوانهن عزوة صناديد عصاة - بين صفق المرهفات - و بين ضبح العاديات طاحت اشناب و كراسي - وانطلق دمع و نزيف - و اعتلى الخف المنيف - و المقابر تستضيف النسا ضلع عوج لولاه كل العدل مالهن عنا فوات ومالنا عنهن غنات تبرق الدنيا علي يديهن ويغرين القنيف نطمع بتكريم ضيف ونوقف بيوم عصيف النسا بحر على موجه منايا وامنيات والنسا مركب نجاة نسال الله الثبات هن لباس وهن فراش وهن معاش وهن رغيف ان فتك جوع مخيف وان حدا الرجال حيف النسا حتى شراب الجنه العذب الفرات تحت ماطا الامهات يالهن من مكرمات كل ماعود من الكد اقبل ابن ادم ضعيف له ورا البيبان طيف مثل نسناس المصيف في بلادي يحسبون ان النسا متخلفات في المسا مستوطنات وفي الضحى مستعمرات مادروا عن هالبيارق شمخ العرض النظيف فزهة الدين الحنيف شجرة العز الكثيف غاده وسجاده وكفين وحجاب وصلاة من صبايا محصنات من عروق طيبات اطهر من الفين منظر كلها فتنه و زيف في رجا الصبح الكسيف وأجرة الليل السخيف كم مكان يعرض اعراض آنسات وسيدات والهوى له بايعات والغلاف و لافتات والحسن تشبير عنق وطول وخصر نحيف وشي ماينشاف شيف لاجل الاول والوصيف شهب تشابه رسوم الشاشه المتحركات ما.. لزمتهن طرات ولا لهن ملح وحلات لاربيع فيه خير ولا به الا بروق صيف والشتا مابه رفيف يحي اوراق الخريف لي مناحل لي خلايا كلها سكر نبات لي حصون ناعمات لي غصون شامخات لي قوارير ملاها العقل والدم الخفيف خلفها العمر الكليف ودونها الحد الرهيف يازمن وش جاب حلوى غلفوها باالعباة جنب حلوى للمشاة و للغبار و للشتات شف بدل ماهي لواحد صارت لجمع لفيف .. كيف انا اخبرك كيف شوفها فوق الرصيف (طعم المسا) معك طعم المسا غير .. و معك حتى السوالف غير معك يا حلو تقليب المواجع بين كفّينك تبختر بين دقّات الخفوق و نشوة التفكير ترى كل الحياه اصغر من اللي بيني و بينك احس انّك تجي و العشب ينبت و الطيور تطير و احس ان السحاب يلوح براقه علي يدينك احس بروعة الدنيا و احس ان الزمان بخير و احسّك للحياة اعذب نداء ما انت بمثل عينك اشوف الصبح لا شال الشفق هز الظلام عصير و اشوف الورد يضحك ما بقى الا ينشدك وينك ؟ و اشوف الريح تقبل مستخفّه دمّها و تغِير تنثّر لك شعرك و تنتثر سلّة رياحينك ورا ما ترقص القمرا بقلب ٍ خانه التعبير مثل ما ترقص الالوان في مسرح فساتينك دخيل انشودة العشق و ذنوب ٍ ترفض التكفير دخيل آخر ربيع ٍ مرّني في حضن عشرينك انا اللي نزّلك من برجك العاجي و جاك يسير يمد لك اليمين ولا درى عن لهفة يمينك و اثرك تشوفني في حلمك اللي في رجا التفسير على ذاك الحصان الابيض اللي في ميادينك شعرت بطعم سكّينك من اول ما بدا التقدير تمثنيت العروق و قبّل اكبر جرح سكّينك لقيتك قبل ما ابحث عنك في الابراج و التبصير قريتك قبل اموت بلذّة قراءة فناجينك ابي للناس اسولف بك و اقول اللي يصير يصير و احسّك سالفه لو سولفوها شوّهوا زينك حشا لو تطري الفرقا ما اعدّك راعي التقصير عزاي اني ملكت بوقتها عرش اجمل سنينك يقولون الزمان اغبر و انا اقول الزمان بخير ما دام اللي سكن في ناظرك ما طاح من عينك (هذا قراري) خلاص ابا اترك كل شي ٍ مكانه العشق و العبرات و الحسن و التيه جفا .. ملل .. فرقا .. تغلّي .. خيانه هذا قراري و سمّه اللي تسمّيه ما همّني ذاك المكان و زمانه اغليه ولا علّني ما ارجع اغليه يا سيّد الماضي و ذيك المَكانه انا الذي شوّه بشرواك ماضيه الحب عرّفتك على عنفوانه و الا انت ما تستاهل اصغر معانيه ما شفت طرفك في قساه و حنانه يرقى قصيدي و يتغطرس على يديه ما شفت عودك كم و كم خيزرانه سميتها به .. و انثنت مع تثنّيه ما شفت شعرك كيف علّيت شانه دلّيته الريح و غدى وقتها فيه ما شفت صبح ٍ جاك تضحك ثمانه عقبال ما اصبح يوم و القاك ناسيه قل للعذر ما عاد للعذر خانه لو تبني بدمعك بيوت المشاريه قل للطواري لو تطيح الميانه لا هنت لي صوت ٍ ولا اشتقت ( لبّيه ) امانه .. ان كانك تعرف الامانه لا تذكر انه كان لي عشق ٍ ارجيه جاك الكلام .. و خل قلبك مكانه و العشق و العبرات و الحسن و التيه (ليل العتاب) يالله بعلمٍ يسر و يبهج الخاطر طالت و طال الصبر لعيون خلاني ادري طراة الفتى عزّام و مخاطر اما على شانهم ولا على شاني ما احلى من الغيم لا منه نوى الماطر ما اعظم من الحب في تاريخ وجداني لا عاد ليل العتاب و غلطة الشاطر اقفى على وجهه الغالي ولا جاني كان اول يذوب .. كان لشوفتي ناطر كان يتحرّى الغلا .. كان يتمناني يا حسرتي لا تهجّيت اسمه العاطر دوّرني بوقتها .. ما عاد تلقاني الى رجع ما له الا طيبة الخاطر لأشب نصف القصيد لنصفي الثاني (ياقلب لاتحزن) يا قلب لا تحزن .. و لو طال ممشاي خاو الصبر ولا التعب طبع دربي وش بك تحسب خطاي يا حادي خطاي الذنب ذنبك و اصبح الكرب كربي لو عشّمك بالمجد و اهدا لك الراي الهاجس اللي مل طرحي و ضربي لا تاخذك وردية احلام دنياي يكفيني اللي لمّني و انتثر بي و الى سرى ليلك مع راعي الناي الجرح غطّه كل ما هب غربي كلها عشان اذن ٍ شفوقه لشكواي و عيون حساد ٍ تلد النظر بي ادنيت يمّي قاصي ٍ همّه رضاي و ابعدت عني داني ٍ هان قربي اضمى ولا ارجي حاسدي شربة الماي لا قرّب الله من يد النذل شربي حرام اعيش .. و لو شفع طيب مجناي انا ما جعلت ادنى العرب تفتخر بي يا قلب توعدني بالامجاد يمناي و يلوي ذراعي وقتي اللي غدر بي و ان راعتك ظلما على سكّة مناي قلت لقدم رجلي بلا قلب سر بي (الجروح) حبيبي لا تعذّر و الجروح اسبابها الاعذار و انا ادري ما يطيب الحب غير بكثرة ذنوبه يا ليت الجرح ما بيّح نزيفه باقي الاسرار يا ليته كان ذنب بدون عذر و تغفره توبه انا اللي ما خذا منك القصاص ولا طلب له ثار على كثر الحقوق اللي تمنى اقول مطلوبه اهلّي بالمواجع كل ما انساقت من الاقدار و اقول يحلها اللي حطها للقلب مكتوبه حطبت ضلوعي و شبّيت ضوّك يا عذاب النار و انا استر كل هم و كل هم ٍ ضاق به ثوبه تذكر كيف سيّلت المشاعر في هواك انهار عطيتك للفرح صحوه و للاحزان غيبوبه عطيتك وقتي و رحت اترقب قاصف الاعمار و انا سنيني على عمر ٍ نثرته فيك محسوبه حبيبي و ان بغيت الصدق يا شين الهوا لا جار حبيبي و ان بغيت الكذب كل ٍ ملك محبوبه دخيلك لا تعذّر و الليالي خلها تندار يبين النور ولا يا عساه يطوّل غروبه (فلسفتها) فضفضت لي عن سواليف امها اللي كدّرتها و الحزن مثل الحسن لا مر .. لازم ينوقف له جت تفسلسف .. طفلةٍ مكياجها من فلسفتها كمّلت عشرين عام و لا تزال اليوم طفله يشبع الخلخال .. و السلسال جايع برقبتها خيزران ٍ لينها بين انتباه و بين غفله ودّي ادري لا مشت بشعور الارض اللي تحتها و ان تثنّت قلت : وين اللي يقول ان الترف له آه .. لولا خصرها قلت : اسرفوا في تغذيتها ما افقره بين النعيم .. ولا يبي من ينتصف له ! حاجة ٍ تطري عليها .. جايبتها جايبتها نسمةٍ ما تعترف بالباب و الحارس و قفله قلت وش ذا اللي خفق بين الضلوع من اوّلتها قبل اقول ( الضيف جاك ) .. اثره فتح كل الغرف له يوم قدّمته لها ليلة سرت بي سلهمتها قالت : اتشرّف بقلبك يا فتى .. قلت : الشرف له و طرت مع سرب الحمام اللي طلع من حنجرتها ساعتين وهي تسوق الرمش و ابصم و اعترف له تجدل انفاسي و الى حسّت دفاها كسّرتها و اطلقتها للهبوب بكل طيش ٍ تنجرف له لين بآخر طيشها قصّيت اظافر شيطنتها لا تشح بكيدها اللي كيدها ابن آدم ضعف له نسنست عصرية الجمعه و هي تقرا بختها بين جمع من العذارى كل شي ٍ منكشف له كل ما جن يمشطن شرطانها اللي تعّبتها سمّعوها من قصايد خلّها آخر ما انعرف له و لدّت لحلم ٍ تدوّر له و تنشد منظرتها لدّت لبرواز ٍ اسود .. دمعها ياما ذرف له لدّت توصّي مكاتيب ٍ قبل ما زرّفتها ضمّنتها الغاليه دمعة وداع و عطر حفله قلت : اراضيها .. و جيت و جات .. و الدنيا ملتها و الغزل دار و لقى المشتاق .. مشتاق يعزف له كل ما زوّدت .. وردّي السواليف اخجلتها وكل ما زاد الحيا قلت : الحلو وش ينكسف له قالت : امي تفتكرني طفله و تظلم بختها صح انا ماني بطفله ؟ .. صح انا ماني بطفله ؟ (يمه الغربه) يمّه الغربه و فرقاك ملتمّه دمعة العين هذي ما لها داعي يا بعد راسي انتي ليه مهتمّه الوجع لي سواة الناي للراعي آخر اخباري : الذمّه هي الذمّه و الوصايا هذيك تقدّي شراعي ما به الا السواد يحاود اليمّه ولا به الا البياض اللي ورا اضلاعي و اشعل ٍ ما يفارق ليل حضن امّه و اخضر ٍ كل صبح من اول اتباعي يتعب البرق ما اتعبت النظر يمّه حل مرباعي او ما حل مرباعي حدّقي بإمهات الغيد يا يمّه و انشديهن بعد ما قلّت اطماعي انجبن لي عروسة حلم ٍ اضمّه او بعد توّها تشرب عطش قاعي و اذكري كيف كان العود ابو عِمّه يتعلّى صهيله و ارخي اسماعي امنياته بدرب ٍ ودي اتمّه آخره صعب .. و اصعب منه مرجاعي يوم كل ٍ فزع له خاله و عمّه يكفي اني وردت العِد بذراعي ارفع الراس بين الروس ما همّه و اتباهى و انا الغرقان بأوجاعي يمّه .. الحُر طبعه يعشق القمّه و انتي اللي فطمتيني على اطباعي الهواء دام راسي حي و يشمّه والله اني لأسوق هناك ذعذاعي غربة ٍ تلوي ذراع اشجع الخمّه لا تخافينها لو تقلب اوضاعي يمكن تبعثر الرجّال و تلمّه بس بدري عليها تلوي ذراعي (دقايق هالمكان) خذ اللي تطلبه ما دمت اخوي العازم الجزّام لكن ان شفت دمعي .. شف لنا شي ٍ يسلّينا فتى احلام ٍ .. هنا .. كان يتغزّل في فتاة احلام خطفها بين حور البحر و اغلاها من المينا و جاب لها بساط الريح .. قالت للغلا قدّام ولا نحتاج يا مخلوق .. مخلوق ٍ يوصّينا انا ذاك الفتى الصب وهي اجزل و اكرم الاكرام من اللي مد عمره صدق بأولنا و تالينا دقيقه من دقايق هالمكان تساوي مية عام هنا ساعاتنا ما كانت تلحّق ثوانينا هنا ياما تعاهدنا .. هنا ياما غدينا اخصام هنا ياما تعاتبنا .. هنا ياما تراضينا هنا كنّا نصيح و تحتوي صيحاتنا الانسام لطيفه كنّها لامن تجادلنا تهدّينا هنا كان الحمام يطير لكن لا وصلنا حام يحسب انّا من السرب وهو اللي كان ناسينا هنا طلنا حضن نجد و هواء الطايف و تمر الشام و جوز الهند و اعذب دجله و سكر قصب سينا ما ارقّه من مكان .. الله يوم انّا نجيه هيام عطاشى جايعين و كان يطعمنا و يسقينا نجيه بلا هدايا و الخفايا حسبة الايتام و نعود بلا خفايا و الهدايا في مخابينا و لو ينطق تفجّر به نهر كله ذهب و انغام و زم الفل و الريحان و النرجس حوالينا نحبه كثر ما طشنا و قسّمنا فضاه اقسام لأماسينا و اسامينا و امانينا و اغانينا كثر ما ضمنّا و ايامنا ماهي من الايام و دنيانا شبر في شبر تضحك بين اياديناعلى وضح النقا .. وضح النقا .. وضح النقا اللي دام و كن الكون باللي فيه ما والله يعنّينا توادعنا و ودّعنا المكان و حارت الاقدام ولا ملّت شفاه افواهنا ترديد اسامينا إلين الدمع طاح و طاح معه الشال و البسّام يا ليتك تدري بذيك الدقايق وش حصل فينا ورا دمعتك سالت و انت اخوي العازم الجزّام انا ما قلت لك : دوّر لنا شي ٍ يسلينا (عنود الصيد) حبيبي طال موال ٍ يجيب الهم و التنكيد عسى الله ما يخلي لي خليل ان كان خليتك يابو عذر ٍ يشابه ضحكة الاطفال يوم العيد انا ابكيتك ؟! .. حشى و اللي فتنّي فيك ما ابكيتك حرام بعينك الدمعه .. حرام بصدرك التنهيد حرام البرد يمضغ راحتينك ما ترضّيتك تعال .. و كل جرح ٍ فدوتك يا ابرد من التضميد اشوفك من زمان و قدّر المولى و حبيتك من اول مرة ٍ شفتك .. تمنيتك .. و صرت السيد و تمنيت اني اصلا ً يوم شفتك ما تمنيتك تخيل كيف سكّنتك و خليت القريب بعيد و روّح كل عاشق يحلم ببيت ٍ مثل بيتك فداه من البيوت اللي يمل و يعشق التجديد يا عمري شف و هو قلبي متاني فيه وصّيتك اسج و تنقلب ضوضاء الشوارع في عيوني بيد و اجيك و يرتعش في خافقي عصفور لا جيتك دخيل الطلّه اللي كل ما جت فوق ذاك الجيد دريت انك طموحي يا طموح ٍ ما تعدّيتك حشى ما مرني يوم ٍ صبوح .. الا انت بالتحديد تراك الصبح في عيني من اول ما تهجيتك نسيت ان الرسايل كانت من ايدي تسافر لإيد تكحل لك مساك و عطرها يحييك و يميتك نسيت انك ظفرت بزفرة ٍ تستاهل التمجيد ولا تلحق جزاها لو تجمع لي تناهيتك نسيت اني وضعت الشمس في كفّك و عفت الغيد و حطيت القمر في كفّك الثاني و خاويتك انا لي ذنبك .. و للذنب عذر .. و للعذر تنهيد و لك خيل الرضا تصهل بصوتي يوم ناديتك تمتع بالغلا يا اللي يسمّونك عنود الصيد ولا يا كثر ما غرّتني حروفي و سميتك حبيبي .. لا سقا الله عرفي اول قبل اجيب العيد سقا الله يوم طشت .. الا سقا الله يوم حبيتك (المهر والمهره) على قوافل اهل المجد و اهل الشهره يا شيخ جتنا هداياك و قبلناها ضاقت علينا و سقت المهر و المهره اللي شيوخ القبايل تطلب رضاها يا نوم عين اجودي ٍ شد بك ظهره اما نشرت القصص ولا نشرناها ما والله يجوز راع الحب من طهره ولا تفقد العين غير اللي نثر ماها البارحه في المنام قلوب منصهره صكت عليها الضلوع و جابت اقصاها و حكاية ٍ بالغلا و الشوق مزدهره و ضعون اجاويد نتعب لا ذكرناها خلوا لنا الليل و اخذوا معهم السهره و رحنا نعد النجوم ولا حسبناها لو عشّمونا زمان بكوكب الزهره اهون من احلام و بيوت ٍ بنيناها كانت كوابيس تشبه وجه ابن فهره و اليوم جاء من يبشّرنا بمنفاها يا حلو عز ٍ تدفق يمّنا نهره ليه الزغاريد ما تملى زواياها خواطر مكسّره و عيون منبهره و عيون مدري من اللي ضاق و اعماها و الليله اللي نسى فيها الشقي دهره احلى الليالي الى قالوا وش احلاها (طفله) يمّه اذنبت و نزحت من العشيره و ان تمنّوا توبتي ماني بتايب مابي لدنيا الغنادير اي سيره طايح ٍ من عام الاول في مصايب يمّه .. اللي حب له طفله صغيره وش يسوّي لا غدى فيها طلايب طفلة ما كانت بحبي جديره بس كانت غير عن كل الحبايب كنت اسميها العنود المستذيره ليت اهلها العام سمّوها عجايب كنت اجيها مثل الامطار الغزيره كنت اضيع بجوّها مثل الهبايب و اطلب الله هي متى تصبح كبيره تفهم شلون المكان يصير ذايب ان تغنّت صارت الطرقه قصيره و ان تغلّت صارت جروحي عطايب و ان بكت ناش الفضاء طهر الستيره و ان شكت راح الحكي مثل الذهايب و ان توارت مثل الاسرار الخطيره صار لوني مثل الايام العصايب ديرة ٍ ماهي بها ماهي بديره لو ثراها عشب و اعلاها سحايب يمّه .. تحبين .. طايلة الظفيره آه .. والله يا عليها اشقر ذوايب ان تحرك له سواليف ٍ كثيره و ان ركد روّح مثل لمّة قرايب عرّفتني الليل و نجوم الظهيره بللتني بأغنيات و رحت طايب كل عرق ٍ في خفوقي تستثيره خايف ٍ تصبح مراجيحه نصايب صنتها مثل البحر لأبعد جزيره ما تركت علومها لأهل الركايب قالت : ان جاء الراس شايب فيه خيره قلت : يا بنت الحلال الراس شايب قالت : الا الحب وش هو ؟ وش مصيره ؟ قلت : انا استاهل و انا كل السبايب ما جزا اللي حب له طفله صغيره غير قبر .. و ضحكها فوقه نصايب (جبل طارق) البيرق اللي على قمة جبل طارق عار ٍ حنى الهامه اللي طال عاتقها جيت اسأله يوم شفته بالحزن غارق و اقول شف حابس العبرات مطلقها يا ورثنا اللي من المسروق للسارق يا اغلى المراقيب لو ما كنت شاهقها ما بين مغرب رضاك و غيضك الشارق ذكّرتني حصة التاريخ ما اصدقها ما كنّك اللي مرق من جانبك مارق للوادي اللي فلول الذل فرّقها من طيب حظك ومن تفكيره الخارق ساق المناوي و قال الله يحقّقها ما تذكره يوم مر الماء كما الزارق لمّيت جنده ولم السفن و احرقها ما تذكر الخطبه اللي سرّت البارق و الخيل و الريح و العزّه و بيرقها ما تذكر الغاده اللي غصنها وارق من سربة الحق ترجي ثار خافقها ما تذكر الفرقتين و شاسع الفارق و السبع الايام ما تذكر دقايقها الموت مثل الحياة اطماع و مزارق و الاندلس تنتظر ميعاد عاشقها بوابة ٍ قبل ما تنشد من الطارق هبايب المسك ساقت ريح طارقها لين ارجهنّت و غنى شوقها الحارق من اول ابراجها لآخر حدايقها يا اغلى المراقيب انا رحّال و مفارق و الكلمه اللي تزيد الهم ابا انطقها طارق و روّح تصبّر يا جبل طارق لو رزّت القوم في راسك بيارقها (اعشق مية مره) شف بعد فرقاك وش كثر عشّاقي من على خبرك و انا اعشق مية مرّه كل مرّه يرجع الود لعناقي و ارجع افتح جيب الاشواق و ازرّه اتناسى بعد ما اسرعت بفراقي ما علي لو كبد ابو زيد محترّه كل جرّه لا نفخ روحها ساقي عوّد و جدّد على قبرها جرّه كنت ذوقي و كثرت بعدك اذواقي كم فتون ٍ طاب لي حلوه و مرّه كنت امد الكف و اشواقي .. اشواقي كنت بين العفه و بين اخو مُرّه كنت اهدي روع طرفي و خفّاقي و انتصب للجيد و الثغر و الغرّه و تغدي بي بينها و بين مسباقي ضحكة ٍ يندهلها الغيم و تمرّه و كل ما اظهر درّه تحاول اغراقي يقطع البحّار و البحر و الدرّه امتليت من التوابيت بأعماقي و السحايب في سماء العين محمرّه يوم بثيّت اعذب الحب لآفاقي جيت المّه ما طلعلي ولا ذرّه احسب انه ما بقى للهوا باقي و احسب اني كنت ناسيك بالمرّه اكتشفت ان الهوا اللي لعشاقي كان كذب و كنت احبك مية مرّه (لارحتي ولاجيتي) يا اللي بمرباعي الموعود مهتمه انتي مطر صيف لا رحتي ولا جيتي رحلت لا امدح زمان اول ولا اذمّه الا اني اضحك على سابق تناهيتي يا مقبله ليه خليتيني اليمّه يا حلوها لو بدل ما اقبلتي .. اقفيتي ياما تمنيتي العشق يحكي فمّه حتى حكى العشق فوق اللي تمنيتي عمر ٍ نثرتيه رحت انساك و المّه و الى تذكرتك .. اذكر عمر تشتيتي انتي وقتي و حظي ما لكم ذمّه ياما على ونتي غنّوا و غنّيتي واجرحي اللي نفذ صبري و انا اضمه كيف تناسى صوابي لو تناسيتي ما انتي بذيك اللي الشوق اهدرت دمه و انا اللي اظن بين ضلوعها بيتي يا ليتني قبل اكذّب راعي النمه سويت في طفلنا اللي فيه سوّيتي انا الوفا بين اخوه و بين ابن عمه و انتي الجفا وين ما رحتي و حلّيتي يمكن نخيتي الزمان و شح بالّلمه او شفتي الصدق زوّدها و ملّيتي كذّاب لو قلت قلبي راح ما همّه و الفين كذّاب لو ما قلت حبيتي يا اللي تركتي الهوا غرقان في دمه جيتي غريبه و رحتي مثل ما جيتي (مهزله) تدرين يا حلوه متى العاشق يحس بمهزله ! لا جاه شي ٍ مثل شي ٍ قام يحداني حدي ما اقسى من دموع اليتيم الى ذكر ضحكة اهله ولا يهد من الفراق الا الفراق السرمدي يا الورده اللي في شرايين الحشا متغلغله يا روحي اللي لو تبرّت مني اختل جسدي كونت لك عالم غرام ٍ ما دخله البلبله إلا هدير ٍ ينتهي بين الضلوع و يبتدي حتى اقرب اصحابي من اللوعه سهيت و قلت له : يا الاجودي كف العذل ما في العواذيل اجودي انا اللي استاهل عناقيد العنب يا مدللة ليتك دريتي كيف عيني تذكرك في مرقدي يا ادنى من الغيم ان تغطرس و اطول من السنبله يا اقرب كثير من الحكي و ابعد شوي من الجدي ان جيت رحتي مقفيه و ان رحت جيتي مقبله كم مت .. وليا قلتي ( احبك ) تجدد مولدي دنياي انا لو تجتمع لذاتها في مكحله والله ما اشهر لأي عين ٍ غير عينك مرودي يا ذابحتني كل شي إلا الجفا ما اتحمّله يا كبر كذبة عزتي لو قلت ابا ابعد و ابعدي قلبي لو اغديتيه في الصحراء بليا بوصله ما تاخذين إلا وهو لأقصى ضلوعك مهتدي و ان خاب ظني و آخر المشوار جاء مثل اوله با اغمض عيوني و ابا احلم و اقهر الحظ الردي بأحلامنا حتى آخر المريخ نقدر نوصله الله لو نطلع بساط الريح و يدك في يدي تخيلي روض ٍ من اقصاه اجمل الورد احمله و اهديه لإيدين و ظفاير شيخة الورد الندي تخيلي نهر ٍ بالاحجار نتمثنى جدوله نبقى على جاله جلوس شوي و شوي نعدي تخيلي بيت ٍ دفاه من المواجع و الوله ضحك و سواليف و سهر و مزوح و بساط احمدي تخيلي عشق ٍ عجزت استوعبه و اتخيله كانه على هالحال ما عز الله ابشر بسعدي يا سيدة عشقي و انا راعيه راعي الاوله ما هي كثيره لو تقولين .. انت والله سيدي ترى الله اللي حط لك ذاك الغلا و المنزله ولا الهوا لا ورث ابوي ولا ذخرته لولدي حبيبتي ما يقهر الرجّال في مستقبله إلا الهوا اللي مرة ٍ يقبل و مرات يغدي حتى الوفا لا زاد عن حده يعوّد مهزله يا ليتني خنتك ولا اللي قام يحداني حدي (الفقيره) يسعد صباح الفقر يا اللي تذمّينه في ذمتي ما انتي من الفقر معذوره ما شلت هم الرغيف اللي تشيلينه كل الهموم لسواد العين مذخوره ما انتي فقيره تقولين اليسر وينه يا قطعة السكر من الملح ميسوره من علم الجوري انشدوة بساتينه من هز ريش النعاس اللي كسا حوره من ذكر الخيزران اللي نسى لينه من جدل الليل لين اختال ديجوره سلسالك الفضي - اصلا - لو تزمّينه ما راحت اكثر عقود الماس مغروره و الازرق الرث يا ملحه و يا زينه ابها من ارض ٍ نهار العيد ممطوره مستورة الحال بس القاف تغرينه ليه اتنحّى و اخلي الحال مستوره والله لأغني لفقر ٍ غنت سنينه لين ايسر المترفات تموت مقهوره قالوا لي ان الجديل اللي تربينه معه تربين حلم ٍ فاحت عطوره قالوا بذاك الركن سر ٍ تخبينه و مراية ٍ من رداة الحظ مكسوره لا ينكسر مثلها الخاطر و تشقينه تمنظري في المرايه حي هالصوره مذكور جرح ٍ ورا الاضلاع تخفينه و تحت المخده رسالة عشق مذكوره اثر الهوا جاي يسوق الشوق بإيدينه غصن ٍ جفاه اليباس و زف عصفوره يا من يكون الحبيب اللي تحبينه يا اللي بوجه الليالي ثروه و ثوره وقت مضى ملمس اللعبه تمنينا و اليوم خضر القلوب العاب منثوره الحزن .. ليه العيون السود في عينه و البحه اللي ترد الروح مذعوره فقر ٍ ستير ٍ ولا ازكى من رياحينه ولا نعيم ٍ فضوح ٍ تغرق زهوره و الميت اللي يبي دعوات حيّينه كنتي وصاته و نزفه و آخر شعوره يا زمة الغيم و رخاية هدب عينه ما قلت لك ما انتي من الفقر معذوره (همس الغمام) قلت من ذيك الصبيه .. قالوا : من احلى الصبايا قلت : اقول الله يخليها لعين ٍ ترتجيها طلة ٍ ما استوعبتها لا العيون ولا المرايا كم تعدّتني و انا ما كنت والله مهتويها ما دريت الا و هي مثل النفس بين الحنايا ان شهقت اموت منها و ان زفرت اموت فيها اثرها يوم اني اجمّع ما بقى لي من بقايا عشعشت في بالي المحروسه اسم الله عليها طفلة ٍ قدامها طفل ٍ سرق همس الشفايا كل همّه كلمة ٍ ما كل الافواه تحكيها كنّها في ضحكها عيد و زغاريد و هدايا كنّها في حزنها عين ٍ حورها مكتسيها بانها اللي فارد ٍ طوله مسوي بي سوايا و ارتشافة قهوة انفاس ٍ تعوّدت احتسيها نهر حسن ٍ ضفته ستر و تواريخه عرايا صب بعروقي و قامت ترتويه و يرتويها عندل ٍ بفراقها تكشيرة انياب المنايا كيف ما ابيع النفيس و ضحكة العمر اشتريها حاولت لحظه من اللحظات تنثرني ضحايا كنها اللي تنتصر لجروح حواء و تحميها و الخفوق اللي رميته بينها و بين الخطايا تشتهي جرحه وهو في عز جرحه يشتهيها كم بدت طفله تحب احلى القصص و احلى الحكايا قلت امر اشكي عليها الهم و اصبحت اشتكيها كم على الماء و الذهب و الرمل و البيض الضمايا انقشت قلب و سهم و حروف حب ٍ تحتويها كم قرت شعري و لدّت للمرايه و الزوايا الجديل تبعثره و احلى الملابس ترتديها وش ورا همس الغمام ان قلت يا شح العطايا كل شي ٍ من ملامحها يجيني قبل اجيها ما ذبح تفاح انوثتها مغاتير النوايا من قصد قصده شريف ومن ورد ماها يبيها علموها بس ! ولا علموا كل البرايا انها اللي عود امري من يديني في يديها والله ان تبطي وهي تختال من بين الحنايا مره تسمي علي و مره اسمي عليها (الساعه) في بحر سودك ابحر شوق مضنونك شفّه الريح يوم تمازح شراعه زيد في فتنتك لعيون مفتونك يتبعك .. ما تلفّت يم تبّاعه كل ما لد طرفك قلت .. يا عونك انت شيخ الخفوق و كثّر اوجاعه كن ما انت بعلى بعضك .. و انا دونك اتلهف لوعد ٍ عندك وداعه كن الاهداب تشكي رعشة جفونك كن كفّك يتّله منّي ذراعه اشغلت عينك الساعه .. على هونك ودنا نطلع من الوقت لو ساعه لمت صمتك و اثر صمتك من فنونك لا سألتك تصير الكلمه طماعه بس لا جاوبتني هزّة متونك كيف اعاتب خجول ٍ تحكي اطباعه ادري انك رويت العشق بمزونك و ادري ان الغلا في عز مرباعه ما بقى الا اسرق الكحله من عيونك و اتجمل بعين ٍ فيك ملتاعه و ان خذاك الملل حتى من طعونك جرّب الحب مره نقلب اوضاعه قل ما اخونك و اقول ان عشت لأخونك قل ما احبك و اقول السمع و الطاعه اصعب اللي خذيته عقل مجنونك و اسهل اللي عطيته دفتر ابداعه مزنة ٍ ما سبقها بارق سنونك في زمان الشقا ما هي بفزّاعه تحرسك عين من صوّرك و تصونك روح .. ما دام راح الليل في الساعه (الزوبعه) اخيرا جيت مثل الزوبعه لا جت بها الاقدار فراقك عيد و جروحي مابي غيري يعايدها انا ويّا الهوا سمن و عسل و اليوم ملح و نار لا عاد اسمع زغاريده ولا ابغى من يزغردها حبيبي جايني بعد ايش .. بعد الذل .. بعد العار فواتير الزمان اللي تخبره كنت اسددها دخيلك لا تزيد الطين بلّه يكفي اللي صار تراها واصله و ان طعت شوري لا تزودها ما دامك لا انت في بالي ولا انت بمن حمام الدار انا ليه انتخي و اقوم الدنيا و اقعدها ما احبك و اركب اعلى ما بخيلك و ان طرا لك ثار دفعتك في مهب الريح لين تروح في يدها زمان بعود كبريت اتّوعّد .. و الزمان اندار و جيت بغصن زيتون و مواويل ٍ ترددها اذا اعذارك تجمّل قولها .. تدري .. بلاش اعذار بلاش الحجه من الباب للطاقه تورّدها فضحت العشق .. يخرب بيت عشق ٍ ما وراه اسرار بعد ما كنت اسولف له عن احلامي و سيدها انا ياما تعبت ابحر و اعكس الريح و التيار و أبل الشوق و اشرب ميّته و اللهفه اجحدها و اغني للنسا و الشمعدان غناية السمّار على ذكرى الشموع اللي طفت من دون ما افقدها غديت اشتاق والله يا اني اشتاق لجفاك مرار غديت استوعب دموع التماسيح و مشاهدها تبي تصبح لي الماء و الهوا و الشمس و المزمار تبي تغدق علي حب الخليقه و اصبح اسعدها يا شيخ استح على دمّك ترى دم الكرامه فار كشفت المستخبي و الوعود اللي تسرمدها غرام آخر زمن ليت الغرام آخر زمن ما صار و عبرات الندم ( دقه قديمه ) روح جددها (مرثية غازي القصيبي ) من اروع قصائد الشاعر ناصر القحطاني .. الحزن يابو غازي أسرف بالأهداب والصدر وسطه مثل كسر القزازي لا والله إلا كشر الموت بأنياب يومه خذا ليته خذا غير غازي ولا منحنا وقت نفديه بأصحاب لكنه أوجعنا وكان انتهازي الموت طيّح برجنا اللي لوى أرقاب ولا لنا غير الألم والتعازي خسارة للدار ولكل الأعراب من كبرها ما احد درا وش توازي من للمناصب والكراسي والألقاب ترجل الفارس وخلّا المغازي في جعبته خير بلا عد وحساب يلقى حصاده عند رب يجازي لا احد يظن إن الرجولة بالاشناب تبطي النسا ما جابت أشباه غازي

[صوت الفجر]

الشاعر خالد المريخي ... "يلي تطالع" يا للي تطالع وكنك ما تطالعني ii" " نظرتك هذي حبيبي لا iiتكررها صحيح شاطر ولكن صعب تخدعني " " أنا على الطاير افهمها iiواطيرها أنا مزاجي واطيع اللي يطاوعني ii" " ان كان لي خلق أمررها iiأمررها اسمع كلامي إذا ودك تولعني ii" " سعادتي خلها همك iiودورها ابنصحك قوم خل عنادك وطعني ii" " وتعال نطوي الليالي iiونتذكرها وسمعني اللي كتبته فيك سمعني ii" " والكلمة اللي تشكل معك iiغيرها بلسانك الشعر لو تكسر يمتعني ii" " كسر يا بخت البيوت اللي iiتكسرها "مابين بعينك" ما بيّن بعينك على كثر ما جاك ii" " لا واحسافة ليتني ما iiعطيتك تخطي وأعذرك وأتحمل خطاياك ii" " هويت غلطاتك كثر ما iiهويتك ضحيت بالدنيا علشان دنياك ii" " خليت كل اللي يبيني iiوجيتك كنت بعيوني وين ما أطالع ألقاك " " حتى لو غمضت عيني iiلقيتك من كثر ما أحبك وأقدرك واهواك ii" "ما أذكر اني في حياتي iiعصيتك ولا فاد كل اللي أسويه وياك ii" " أتعبت قلبي ليتك تحس iiليتك والحين روح أرجوك ساعدني أنساك " " لا تجي حتى لو اني iiبغيتك وان مر في بالي بقايا لذكراك ii" " بحاول أنساها مثل ما iiنسيتك صادفنّي ثلات إحترت ويّاهن ii" " أبهرني صحيح وقمت iiأطالعهن طولهن واحد ،،ولبستهن ،،وممشاهن " " والله أعلم بعد يمكن iiطبايعهن زاهياتٍ براقعهن ،، وتزهاهن ii" " لعنبو جدهن ما أحلى iiبراقعهن لا رضى ابوهن عن الناس خبّاهن ii" " ولا بغى يدمّر العالم iiيطلّعهن قمت أعدّد على نفسي مزاياهن ii" " وقمت أردد على نفسي وأنا iiأتبعهن هذي أحلاهن،،لالا،،هذي أحلاهن ii" " لالا،،لاذيك لا،،لاماهي iiبمعهن وإستدارن ،، بجنبي شخص ناداهن ii" " قلت ذي فرصتي بأقصد iiوأسمّعهن للقصايد مع إني حافظ أرداهن ii" " إرتبكت وعجزت أتذكر iiأروعهن والسوالف بعد خلني أنساهن ii" " ضيعنّي صحيح الله iiيضيعهن والدليل إني تخربطت ويّاهن ii" " أبسلم عليهن ،،قمت iiأودّعهذن "هذا بلا أبوك ياعقاب" يا ناس خلّوني معه وإتركوني ii" " محدٍ معوّضني غيابه إلا iiغاب أغليه بس شلون لا تسألوني ii" " الحب من ربي يجي ماله iiأسباب شوفوه بعيوني قبل تعذلوني ii" " شوفوا حبيبي ماهو بمثل الاحباب ترضون ولا كيفكم تزعلوني ii" " أنا حبيبي سيد تلعات iiالارقاب مافيه مثله بالبشر صدقوني ii" " مزيون متواضع وطيب iiوجذّاب يقول بس الزين فيني عيوني ii" " وأقول أنا ذا بلا بوك iiياعقاب بصراحة اروع قصيدة له ...في رائي ... "فمأن الله" فمان الله يا أغلى ماسكن قلبي فمان iiالله" " فمان الله من شخص أظنك صعب iiتنسينه فمان الله يا أول حب عاشه خالد iiبدنياه" " عرفك زين وأنت يابعد عمره iiتعرفينه أجل يومه طفل من غيرك اللي ضمه iiورباه" " أجل من تعّبك ليما كبر وأنت iiتربينه أجل من قال : خل نفسك عزيزه والهوان أجفاه" " توصينه على العز وعلى الفزعه iiتوصينه أجل من دلّله واغلى غروره حيل يوم iiأغلاه" " تهنينه إلى من صاب واليا اخطا iiتعذرينه أجل ياكويت من غيرك خذا بيده ومن iiخلاه" " يكافح لين يلمس أبعد النجمات iiبيدينه أجل من شجعه يومه قصد غيرك وقال iiالله" " حفظتي كل شعره من كثر مانت iiتحبينه يا أم الخير مامثلك مثيل ولا أظن iiاشباه" " عزيزه دار عز ومن نوى عزك iiتعزينه فقير الجاه لامن صار وسطك صار عنده iiجاه" " وفقير المال لامن قاربك والله ال iiتغنينه انا ياكويت من حشمه ترابك ما احب iiآطاه" " أحسه طاهر والطاهر إلى من دسته iiتهينه أنا توي دريت إن المفارق كايده iiبلواه" " وعرفت ان المفارق ينعذر لادمّعت iiعينه "هاك كل القصايد" هاك كل القصايد .. هاك وأقريهن " " لاتقولين وش آخرهن وش iiأوّلهن كلّهن فدوةٍ لك هاك قولي ii" " في لسانك ترى iiلسانك..يجملّهن غيبتك أثّرت في حال راعيهن ii" " قطعة أيام عيّا iiلايتحملّهن بس يمكن ثلاث أيام غبتيهن ii" " لعنبو..هالثلاث iiأيام..ماأطولهن طالعي في فعايلهن وشوفيهن ii" " تحت عيني تبيّن لك iiفعايلهن ماارحمنّي بعد ماطحت في يديهن ii" " بهدلّني جعل ربي iiيبهدلهن ماهقيت أني اسلم من بلاويهن " " كان سيئ معي جداً iiتعاملهن وتهت حتى القصايد قمت اعنّيهن ii" " يكملن..وانسى واعوّد iiواكملّهن والمعاني غريبة قمت أنقّيهن ii" " عقب ماكنت من قبل iiآتحايلهن وقلت مادامهن جنّي برجليهن ii" " باتشرّط عليهن وآخذ iiأجملهن إتركي هالثلاث أرجوك خلّيهن ii" " سولفي بأي iiحاة..بنتجاهلهن إنسي أيامهن وإنسي لياليهن ii" " همّليهن وأنا مثلك iiباهمّلهن لاتجيبين سيرتهن وطاريهن ii" " أنزعج حيل..لاقمت iiاتخيّلهن

[صوت الفجر]

شاعر الوطن خلف بن هذال العتيبــــي .. قصيدة سموم القيظ كل ما.. «ون».. قلبي جاوبن الضلوع من هنوفي سلب عقلي هدب عينها كن في عينها.. وان ناظرتي جموع حفرة الموت في مقرن حجاجينها جا.. نهار الخميس وفات يوم الربوع والوعد.. طاف والاقدام مشقينها حفيت اقدامنا.. والعين تذرف دموع فرقا.. الاحباب لو يومين يا شينها يا مليح الكلام.. ويا حسين الطبوع صورة حافها.. الرحمن يا زينها فيك من ظبي نجد.. اوصاف واحسن رموع وانتم اللي كبود الناس كاوينها ضامر البطن ما مسّه شقاوة وجوع شجرة عن سموم القيظ حامينها فوق جمي قراح وبين ذيك الزروع ليت من ذاق من خضرة بساتينها ولن لحظني وأنا.. ماشي عن الدرب أتوع هلت العين واختلت.. قوانينها يعجز اليوم قلبي عن شبكّم.. يتوع شبكة اللي مكسرة.. جناحينها قصيدة تجر بشتك تجر بشتك وسط لندن وأنا أشوف كنّك تِمشى وسط سوق المنامه ما تدري ان الدم واضح ومعروف عليك من دم الخليج العلامه من الحيا تلبس عبايه ونفنوف لكن ما كملتها باللثامه يا لوف قلبي لوف لوفٍ على لوف لوف العقاب ليا انصرم للحمامه جتني تهز الخصر والبطن ملهوف صدر وقطا وشايلته الزعامه ليا اقبلت يمك دخل قلبك الخوف صويبها ما ينقلنه عظامه واخذ الرصيف وعد بميات وولوف ماشيٍ ومن مرك عطاك ابتسامه ينطحك شفح بكار ومهار وخشوف راع الغرام ومجددٍ له غرامه في ديرةٍ في قيضها نلبس الصوف تنزل رذايذ المطر من غمامه فيها المناكر وأبشع الفسق مألوف ما كن قافيها عذاب وقيامه قصيدة عدل و عطا و إحسان على الراعي سلام من الرعيه سنة الرحمن من السنه سلام و للرعيه عاش راعيها رعاه الله إمام المسلمين و للوطن عنوان و رمز و نور نجد و عز حاضرها و باديها حضرنا للتراث اللي يمثل ماضي العربان و لا يبقى للأمة قيمةٍ من دون ماضيها صحيح من قرا التاريخه يلقا به عربان و أوطان قرونٍ حافله ما يمكن التاريخ يخفيها هلا و مية هلا بضيوف حلوا في محل إخوان تراحيب المضيف و بالضيوف الله يحييها ملك و جنادريه و الأمان بديرة الإيمان بلاد السلم و الإسلام و المعبود حاميها بلادٍ تطعم الجايع بلادِ تكسي العريان بلاد آمنه ما روّعت و الأمن كاسيها و فيها قبلة المسلم و فيها من ولد عدنان نبي قام و أدى رسالته بأسمى معانيها دعا الأمه على المنبر سنين و علّم القرآن لبر الوالدين أوصى و بالأرحام موصيها و فيها شعب وافي و الوفاء ورثه من الجدان على الشدات يرسي مثل ما ترسي رواسيها و فيها من ملوك العرب من قادوا رسن و عنان ميامينٍ تحت راية ملبيةٍ لداعيها حموا شبة الجزيرة من جيوش الظلم و الطغيان قياداتٍ تعاقب بأول الهجرة و تاليها نفوز بشوف عبدالله و شوفه يرضي الزعلان ليا شفناه كنا نملك الدنيا و ما فيها تهاتف له جماهيره و تعزف له طرب و ألحان أناشيد الفرح بحضور سيدها تغنيها له بالفعل الجميل و له جزيل الشكر و العرفان تحيات الثناء للقائد الأعلى نثنيها تغشى سيدي بالورد و اليشموم و الريحان على روس الأصابع صاحب الخبرة منقيها تقدم في طبق لولو و بروازه من المرجان هدية شاعر لمربي الأجيال مهديها ملك نعم الملك شيخ الشيوخ مشيّخ الشيخان ملك كل القلوب و يملك الغالين غاليها فتح صدره و رحب بالجموع و شرع البيبان تجي و تقابله و تروح مقنعها و مرضيها تمد له القدح فاضي و ترجع بالقدح مليان عزيز النفس وجه و جاه و القدحان ماليها شجاع مع كرم و الظفر منجا و الكريم معان عيون يذر فيها الشب و عيون يداويها مواقيفه يسربها الصديق و تقهر العدوان على وجه تباشير السعد تبدي مواريها ملك مؤمن ملك مخلص ملك مدرك بطل ميدان هذا صقر العروبه الساحه و مخليها هذا المصلح هذا المفلح كلام الصدق بالبرهان سياسة عبقري يرسم الخطة و يمضيها ملك مد الجسور و خاطب العالم بكل لسان طرح كل الدروس و من عظام الراس ممليها تحرك و التقا بالشرق من ساسة دول و أديان و له دينة و له رأي و علاقاتٍ ينميها حكيم الرأي في حسم الأمور يقرر الميزان ليا حطت موازين العرب من بين أيديها يدافع عن عقيدة مالها في العالميين أثمان كرامتنا عقيدتنا نموت و لا نخليها علينا ما تهون و من تخضع للهوان يهان يشوف الذل و يذوق المرارة عقب حاليها تحدث عن قضية جوهرية جمدوها أزمان فراعنة العذاب و بالخراب إبليس مغويها رموها و تركوها المفسدين بسلة النسيان تغط بنوم ما ندري متى الدنيا تصحيها يسومون العرب بديارهم سوء العذاب ألوان عساها للذهاب و يذهب المولى ذراريها يحل أبها ما حل بقوم نوح ساعة الطوفان تساوي بالسيفينة بأمر مرسيها و جريها تعدي يالسفينه و أعبري بحكمة الربان على بر الأمان مبرمج الرحله يقديها حفظك الله ملك ياللي خذيت الشعب بالأحضان قريب منه و كمومك على العورات مضفيها على جنبك ولي العهد أخو نايف و أخو سلمان رجل طيب و شخا و إن كبرت القاله يلاقيها حجا الرملا رجاء الكهل الكبير مغذي اليتمان تبارك ثم تبارك خطوةٍ سلطان يمشيها عيال موحد الملك العظيم مشيّد البنيان على الدين الحنيف يسير و النيه مصفيها صبي توحيد و موحد و له قدر و مكان و شان يقيم الشفع ثلث الليل و الآيات يتليها صدق من قال خلص حاجتك بالسر و الكتمان ليا بنات خصائص حاجتك وشلون تقضيها شهر عبدالعزيز لما كره مثل أشقر الجنحان مخاليبه من الفرسات أخو نوره محنيها حمل روحه على كف شباب بزهرة الريعان سواة مغامري من غير أبو تركي يسويها يبي حلمٍ كبير و من وراه و دونه الفرسان نشامى تجلتد و الموت الأحمر في يمانيها ثلم حدب السيوف المرهفات و كسر العيدان مداغيش العيال اليا اعتزت سكت عزاويها هجد فوق الصويتيه و ريمه و الجمل ريمان على ظهور الأصايل يأخذ الصحراء و يطويها هجيج من المضحا للمعشى كنها غزلان يسوج بطانها ببطونها و الليل ضاويها عرايب من ركايب و الركايب من ركاب عمان تقول إن الوحوش مع الخلا الخالي تباريها ما جاته بالسوالف و العوافي جت بصفق أكوان معارك طاحنه و العج شمس الظهر غاطيها تزوع أبها العقول الراسيه و تشيّب الولدان بها سود النواصي عوّدت بيضٍ نواصيها جلا وجه الحياة و غاب وجه الفقر و الحرمان و أزال الخوف و أعلن دولته و أصبح مسميها و أببعث من فؤادي ما أختزن شوقي من الوجدان على قوم توارت في سنه ماني بناسيها فقدنا بالخليج و بالجزيرة للديار أركان سلاطينٍ تساقط كيف ما نحزن و نبكيها رحل عنا أربعه و الأربعه عدل و عطا و إحسان من الدنيا خلت و لا تخلت عن مباديها فهد و شيوخنا جابر و ابن راشد و ابن سلطان رجالٍ سطروا لشعوبها مجد يكفيها رجال الخير و التدبير و التطوير و العمران بنت بلدانها بنيٍ يخلها بأساميها ألا يالله تجزا المحسنين العفو و الغفران تلهمها و الصواب و من عذاب النار تنجيها إله الكون تمنحنا مزيد الصبر و السلوان بعدهم و أنصر الحيين و أدحر كيد أعاديها كريم القوم لا كرمته ملكته لك يصير مدان هل المعروف لو هي بالقبور الذكر يحييها و إن أكرمت اللئيم و طال عرفه صد عنك و خان عليك يدوّر العثرات و الحسنات غاويها و من لا يذكر الله و يتذكر ما فعل شيطان ردي الحظ دايم للأذى نفسه معنيها تحملنا و لا عاد نتحمل و المغطى بان مبيتة الخدع في حقدها و الحقد معميها و من ينوي لنا بشر هذا جاهلٍ غلطان و نقول إله جاهل و الجهالة لا تطريها و لا نجهل و إلا يجهل علينا كاينٍ من كان ماهي بعلوم جهال حجاويها تسليها و لا ضاعت حقوق و لا طلب من حقوق إنسان حقوق الناس قبل حقوقنا حنا نبدّيها صحافات تصدر بالفلس و الخزي و الخسران بضاعه فاسده خسران بايعها و شاريها دعايات تروجها العدا بالزور و البهتان خرافه في صحافه مع مهب الريح نرميها يبرّي ذمته من قال أنا صاحب قلم فهمان يفكر في الحقائق و يتحقق قبل يبديها قصيدة امة التوحيد السلام ولا سهى القلب عن ذكر الاله ربنا اللي نزّل اقرا و علّم بالقلم جل شانه في جلاله تبارك في علاه منفرد بالغيب يعلم ولا غيره علم نسأله عفوه و لطفه صمد ما احدٍ سواه صوّر الانسان وانشأ وجوده من عدم نطلبه الجنة و نرجيه من النار النجاة في نهارٍ فيه خصمٍ اذا خاصم خصم فوق عرشه مطّلع يستجيب لمن دعاه ناصر المظلوم منزل عقوبة من ظلم القمر خمسة عشر مستهلٍ في سماه في جماله في كماله تهلل و ابتسم و الوطن بايدي امينة تربّت في حماه ذخر فتّاك الركايب اليا ازبد و التطم البطل يذكر و يشكر على سعيٍ سعاه بالعزيمة جاب ما غاب يوم انه عزم اعلن الوحدة بيومٍ ملى الدنيا صداه رُسمت الخطّة على عين رسّامٍ رسم ثبّت المبنى على ساس يرحم من بناه صرح شامخ ما تزعزع كيان ولا انقسم المؤسس من نشد عنه تكفيه الرواة و اسأل التاريخ و الوسم و أسم اللي وسم استرحنا تحت امانه و نمنا في ذراه تو ذقنا العافية تو ما ارتد النسم البشير يجيب بشرى و يفرح من نصاه ابشروا بالخير و الشر ولّى و انهزم الوطن عهدة فهد ما مشى الوالد مشاه حارسٍ مامون دون المحارم و الحرم له علينا مبايعة و الولاء والله ولاه من وفى بالعهد للفهد والله ما ندم يوم جندنا المبدا رفيعٍ مستواه نخدم الاسلام و لخادم الكعبة خدم مرخص الغالي لشعبه وهذا من وفاه رافع المبنى للاوطان يبني ما هدم مكرمٍ يعطي و نعطي العطايا من عطاه كاسب المعروف رجل المروة و الكرم الكريم ليا حلب في قدح فاضي ملاه راعي الكرما فهد و الفهد حر و شهم دين ما مثله ترعرع و حلّق في صباه يافعيٍ ينزع الحق وان غار انتقم طلعته طلع السعد نادرٍ يحمد ثناه بالشجاعة و البراعة تحلّى و اتسم داهية وله الدواهي تخضّع من دهاه ما تردد في قراره , ليا قرّر حسم الوطن ينخى فهد وا هني اللي نخاه نخوته في ساعة الضيق نخوة معتصم الوطن يندب فهد في رجا الله ثم رجاه ينقذه من غدر قوم و عميلٍ متهم للوطن حنا فدا و الملك حنا فداه الزعيم اللي عن الدين فسّر و احتزم يا ملك نِعم الملك يا ملك نخوة و جاه بالممالك يا ملك كنك الطودة الاشم عادتك يا ثالم السيف من روس الطغاة يا عساه الكسر سيفٍ يعلق ما انثلم خل شامان يعلج لا ترده في خباه لين يروى من حجامة سقيم ما احتجم عند باب الحكم سيّاف و الحكم اصطفاه من تهاون و استمع شور غيره ما حكم المواضي تنشر العدل و تعمر الحياة يستتب الامن بالسيف و ذراعٍ عسم حفلنا الليلة يليق بمكانة من رعاه نايب القايد ولي العهد راعي الشيم مرحبا باللي حضر و اسعد الباري مساه ركن نجد و ركن من يزهمه وقت الزهم شيخنا عدل المناكب وقاه الله وقاه سلمه ربي لخدمة بلاده و العلم في سبيل العز بالعز معقودٍ لواه ذم الهيجا ليا عودوا خلف الزخم طيب الذمة كساه التواضع و اكتساه ما تباهى و افتخر بالتبجّح و الفخم ان زعل نزعل و نزعل و نرضى من رضاه وان تألمنا تألم و شاركنا الالم له عهود وله جنود تقدّر له غلاه في لزومه يتبع الصف صفٍ منتظم سيدي يزهى بك الشعر ما مثلك زهاه شاعرٍ ينظم من الشعر و اسمع ما نظم مخلصٍ يبعث شعوره يا عله يا عساه يشبع المعنى و يحظى برغبة محترم سرت بالتوفيق و يسير من سارت خطاه في طريقك يمسح الدرب عن شوك السلم ابو خالد كم يتيمٍ تبناه و رباه متّعه عن والدينه و سلّي و انسجم يرحم المحروم سلطان و يخفف عناه سخرة الرحمن والله يرحم من رحم طال عمره ما يسويه من خيرٍ كفاه عن صواديف الليالي و دسعات الرمم ما يخطط للعروبة يثير الانتباه يا رجال ان الفرص يوم تسنح تغتنم انظروا بالوضع و استمعنوا ويش السواة لا يضيع الراي و نضيع و يطيح الهرم يجري الماء من تحتنا نراه ولا نراه العرب تسبح على امواج بحرٍ ما هضم العليل ان طوّلت علته يصعب دواه يسهر الممروض و يموت من طول السقم و الورم يكبر و ظني طبيبه ما احتواه كل ما ينزع ورم بالجسد يطلع ورم الوطن ماهو بمرتع خراب لمن بغاه نحتميه وقد حميناه من روم و عجم نتفانى له و نملى المقابر في ثراه و الذوايد من نصيب الحنادي و الرخم من توهق بمغزانا لعن غزوٍ غزاه ارضنا ما للعدو فوقها ماطا قدم الوطن منّا و فينا ولا نلحق جزاه الامان و لقمة العيش من حمر النِعم امة التوحيد حنا وحنا اهل الصلاة و الزكاة و رمز الاسلام من بين الامم لو طغى راعي الهوى ما مشينا في هواه ما نطيع افكار ملحد ولا نعبد صنم من يقابلنا بحجّه نحجّه و نعصاه بالدليل نخاطب الناس لا ولاّ نعم ما طرقنا بالاذاني لوشوشة الوشاة قافلين الباب عن كل كذابٍ هيم قامت ارباب السوابق تستّر بالعباه عن عباة الدين يخسون هافين الذمم كيف رب البيت ما يدري الا عن عشاه هو تعشا ! هو تغدا ! على رز و لحم و الخطر و الموت بين الغرف يطحن رحاه ما وعى في مرقده لو يشرّك له لغم الابو مسؤول عن ما يدبّر من وراه سارحٍ في غفلته لا هموم ولا همم لو يضيّع شاه كدّر على اهله و إقصراه و الشباب يضيع و يقول ما ضاعت غنم الولد يطلع ولا قيل وش اسم زملاه اجتماع الذل و العار و التفكير اهم صنّع التخريب شين الطبوع ومن خزاه انطلق به و انتحر بعد ما ظن و زعم انه اقرب للنبي وانه اقرب من عصاه من هباله في خيال الشهيد ليا هجم الشهيد اللي عن الدار ياقف ويحماه من يمينه في صدور العدا يرسل سهم كان ما للجاه لحدٍ يرده عن خطاه ما بقى عاقل ولا صار للدنيا طعم غايب الاحساس يذهب حياته في شقاه لشقي ما يدرك الحلم خيبة من حلم مس سرج ابليس و اطلق عنانه و امتطاه بالخراب الخايب اما سرى ولا جهم منحرف مفسد . مراهق موجّه من اعداه غرّروا به و اغدروا به عساهم للوهم امسحوا مخّه و ساقوه عكس الاتجاه و اصبح المخدوع و امسى عمى و ابكم و اصم العمى عمى البصيرة هذا والله عماه العمى ماهو كفيف البصر دين و قسم بس في فعل الردى من امره ومن نهاه الغبا واهل الغبي لو يفهّم ما فهم رايحٍ للهاوية سرمدة ليلٍ سراه يسري المنجوم و يكذّب انه ما انّجم الهدف مشبوه و المشتبه بيّن رداه للخساسة طافي النار سلّم و استلم خارج الملّة مرق يوم ربي ما هداه بالمصايب و الكوارث نسف كل القيم تاجب اللعنة على محدثٍ جانا بأذاه نشهد انه خان بامانته و اجرم و اثم ومن أواه ومن رضي فعلته تبّت يداه وجهه اسود كحت و اسود من الفحم ما درى كبش الفدا لو يقادي للذكاه و الكلام بخاتم الانبيا تم و ختم قصيدة يا محلا المسرى ياما حلا المسرى بعيد عن الأنذال في ليلتن يطربلها كل ساري مسرا مع الفج الخلا عز وجلال متشطرن ماخضت في عرض غاري على خطات مشومرن يقطع اللال تدفن مداهيله هبوب الذوراي أجمع من البل عشر وتصير وبال وأختر فحلها مع جنبها يباري البل لها في مهجت القلب منزال منايح القصار سفن الصحاري مراجلن يشقابها كل رجال أفلاس بايعها نواميس شاري يكفيك ابن هندي ومسلط وهذال ومن شمر العاصي وبرغش وضاري لقيت في الوحده سكون وسعت بال بعيد ماعندي من الهم طاري ارجع الذكرا على روس الاجذال وأمرح خلا بين الحجل والقماري ماهمني جمع المرابي للاموال عزيز لو امسيت جيعان عاري قصيدة وين الرقاد ؟ قالو ارقد قلت انا وين انا وين الرقاد الرقاد لخفرت ن ظامر ن سرجوفها وشبها من رايب العين مطفي الزناد دقست ن ما ميز الناس وش معروفها طافي ن كن على وجهه رماد من رداه يخاشر البنت في مصروفها كيف ابرقد واحتجب عن نسانيس البراد لفحت الغربي يسر الحشى هفهوفها والفحل يراعى مع المعاشير طرق بلا قياد فارس ن يحما طربها ويمن خوفها احمدالله زال همي وحققت المراد طبت والفرصه تطوف الردي ويطوفها من طبيعت كل طيب يجهز للجهاد والرجال الاقويا تلتفت لضعوفها ساعتن في جو خالي من ايام الاعياد والفياض يعط ريح النفل بحروفها والدلال مساطره خاثر ن فيها القناد والقصص والسامريه تشيل صفوفها ناقتي ماتدخل السوق لو زازد المزاد لو هل الربطات جتني تشيل اولوفها لو يصبون الذهب صب ومهار ن تقاد ما أرخص البل والنفوس شفوفها يحسبون الارض خصبه قبل زرع وحصاد السنين تسن فوق الرقاب سيوفها ماصفت للأنبيا والملوك وقوم عاد كم قصور ن شيدت وارجمت بسقوفها الاناسه والهوى والمحبه والوداد طاعت الله والمراجل قضبت شعوفها ونستي ملحى من البوش غاربها سناد فا هق ن سنامها ناشبن ن بردوفها بالخضيرا راسها كنها تطرد جراد يخزي الشيطان يوم العيون تشوفها والاذاني بالصناقر كما الشلف الحداد افطس ن عرنونها ظافي ن غضروفها ذيلها أبتر خوش عذروب والعرقوب عاد من شدت نداف قطن ايديه تحوفها والعضود مشمره عن مذكاها بعاد يوم أحلي باب عجلان بين أكتوفها كتفها عن وركها عشرت اشبارن وكاد والخفاف من الفحل والوصوف وصوفها هضبت ن متحنطره دامس ن فيها السواد قطعت ن من ليل تدفن يديك بدفوفها ديرتن متنقله من بلاد اليا بلاد التزرا في درها والذرا من صوفها زاد من غابو مديده ولا في البيت زاد عاطفه من عطفها ماتخيب ضيوفها هي معاش اجدادنا والعصب والأقتصاد أهلنا قد حسنت في الحياه اظروفها ينطحك ريحت عبسها مثل ريح الزباد كن مسك القيصريه بعث من جوفها تقهر الأعدا نهار المزايد والعناد كضمت من غبنها وأصفقت بكفوفها ..يتبع

[صوت الفجر]

امسيات شعــــرية مسموعـــ,,ــــة يالله فزعتك ( خلف بن هذال العتيبي ) 1411هـ قصيدة امام الملك في حج 1428هـ قصيدة امام الملك في حج 1429هـ خلف بن هذال وكلام في الصميم .. قصيدة خلف بن هذال الجنادرية 1430 احداث غزة شاعر الوطــــــــــــــــــــن ... اقوى قصايد الشاعر خلف بن هذال ايام حرب الخليج .. قصيدة خلف بن هذال العتيبي في منى حج 1431 هـ تضمنت القصيدة مدح للسيدة عائشة رضي الله عنها ..

[صوت الفجر]

خلف بن هذال قصيده وطنيه في الملك فهد خلف هذال العتيبي في رثاء الملك فهد طيّب الله ثراه زبنتي يا بعد روحي - خلف بن هذال العتيبي خلف بن هذال (قصف الحوثيين) السعودية جبل دخان صعداء اتمنى نالت اعجابكم ..

[وفاء جدة]

موضوع جدآآ جدآآ راااااائع من تنسيق واختيار للشعراء
بصراحـــة أبدعــــــــــــتي غاليتي في طرحك..

ألف شكـــــر لكي وان شاء الله لي عودة للاضافة ^^