رد الإداريه علينا بالنسبه للمكافأهـ

[غامدي]

ما شاء الله عليكم يا ذا البنات
طلعتوا رجــاااله..

الله يبيض وجيهكن ......................

[m-a-h2003]

قولولى يابنات اذا انكم بتجتمعو وتروحولهم وانا معاكم ما راح نخلهم ياخدون حقنا بس ما نقول الا حسبى الله ونعم الوكيل فيهم
حتى الاعفاء استخسروة فيه
على العموم انا فى انتظار ردودوكم وانتظار الموعد المهم الى بتحددوة وانا معاكم قلبن وقالبن
ودمتم بخير

[مشعل كمال نوار]

ياجمااعة الخير

صلو على النبي

ولا تقذفو أحد ربنا موجود وهوا اللي شاايفهم وهوا اللي راح ياخد حقنا منهم

بس أهم شي الكلمة الحلوة

مو لازم الكذاابيين

أدعو الله انو يكون لنا مكافأت

وإن شاء الله ماراح يضيع حقنا


وعشاان تريحو بالكم

انا أخوي قالي انو يعرف وحدة معااه في الشغل وتدرس في جامعة الملك عبدالعزيز وإنتساب كماان وراحت أستلمت المكافأة

هيا ايش رأيكم؟؟!!

لسا امس في الليل الساعة 12 قالي الكلام دا

وراح استنى منو اليوم فين المكان اللي راحتو وايش اسمها الحرمة اللي سلمتها وراح اقلكم عليها


أرتحتوووو؟؟؟؟


يلا كل واحد يصلي على النبي ويقول الحمد لله على كل حال

[روْح الوفآ |~]

^^

realy ?? O_O

we are waiting

بنشوف آخرتهآ

[رضاب]

حسبي الله ونعم الوكيل بس وربي انو الموضفات شايفين نفوسهم علينا ليه ابغى افهم على راسهم ريشه ولا ايش
وربي انو لو وحده شردوحه ترد عليهم ليسكتون بس احنا اه اه بس ابي اعرف شي واحد كم حيدونا
اخاف انهم ما كلين نصها

[خوخه 2009]

اليوم كان فيه بنات مره كثيرات وكلهم كانو يسألون عن المكافأه
والاسبوع الجاي بعد بنروح لهم ونشوف آخرتها معاهم

مشعل كمال نوار .. لو تشوف كيف يتعاملون ويتكلمون معانا الموظفات ماكان قلت هالكلام
هم اللي يخلونا نكلمهم ونتعامل معاهم كذه ..

[مالدينا]

طيب يا بنااااااااااااات
انا خارج جده اجي ولالا

[خوخه 2009]

^^^
لا لا تجين الين نشوف اخرتها معاهم
وانا هنا بجده بروح الجامعه واي شي بيتغير في الموضوع
ببلغكم وبنتواصل معاكم عن طريق المنتدى
وان شاء الله خير ..

[شموخ السندباد]

رحت اليوم الجامعه
عشان اراجع دكتوره البحث
وقلت مره وحده امر اسلم واشوف الوضع عند خدمه مجتمع
بصراحه من اول ما دخلت المبنى انفجعت
زححححمه مو طبيعيه
واسمع بنات انتظام يقولوا اليوم فيه شيء غريب اليوم في الجامعه << ضحكوني بجد

المهم طلعنا نشوف خدمه مجتمع الا لقيت امه لا اله الا الله هناك
ما شاء الله الدور الاول كله بنات وما اشوف الا السواد<< العبايات
طبعا ما راح اعلق على الاسلوب ولا على المعامله اللي تعاملوا مع البنات فيها
بجد كأن الواحد جاي يطلب منهم صدقه
اللي تصارخ على البنات واللي شغاله تتريق
حمد لله والشكر
بجد الاخلاق لا تعليق
من اسلوب المعامله عرفت انه ما راح نطلع بنتيجه او معلومه من ناس اخلاقها كذا
خرجت من عندهم
قلت لصحباتي نروح نتفرج عند مبنى 13
نشوف الوضع الامني
رحنا وبسس دخلنا المبنى زحمممممه
يا دوب تعدي في الممرات
وقفنا نسمع المحروسه اللي تصارخ بأعلى صوتها
بس ما لفت نظري الا طالبه انتظام هي وصحبتها
خارجه من بين البنات وتضحك بأعلى صوتها
وهي تكلم صحبتها
(( شوفي شوفي بنات الانتساب جايين يدوروا الفلوس
كأنهم في موسم تقطيع اللحمه ))
قهررررررررررررتني
واستفزني اسلوبها
بجد خيررررر ..؟
وين قاعدين
على الاقل احنا طالبات انتساب وندفع فلوس عشان دراستنا
ومو عيب والا حرام لما تنزل مكافأه من الملك ونجي نسأل
تحملنا مصاريف رسوم ودراسه وكتب وملازم وتصوير
وفوق كل هذا متحملين ضغط الدراسه اللي في 3 اسابيع
وبعدها نختبر ،،
ولا وقف في طريقنا اسلوب بعض الدكاتره ومعاملتهم لنا
وفوق كل هذا ليتنا نأخذ درجاتنا بإنصاف
ومع كل الظروف نكمل ونحاول حتى نأخذ هالشهاده
جايه الاخت تستهزأ
طيب انتي انتظام واخر كل شهر واقفه طابور عند صراف البنك
تأخذي المكافأه ..!


من جد كلامها كأن مستفز
ندمت اني رحت المبنى اصلا


بجد بعض العقليات حرام يقولوا عليها طالبه جامعيه ..!

آعذروني على الرد والكلام
بس جد اي وحده لو كانت مكاني وشافت البنت وهي تتريق
راح تعذر موقفي

مهما كآن مو من حقها تتكلم بهالاسلوووب ،،


وفيه بنات جوا الجامعه على الساعه 10 ونص _ 11

ما رضيوا يدخلوهم من البوابه
وحده من صحباتي بالقوه دخلوها
بعد ما قالت لهم جايه اضيف مواد اختياري
بعد ما شافوا زحمه اللي جايين يسألوا
عمموا على كل البوابات طالبات الانتساب ما يدخلوهم

ما اقول الا حسسبي الله ونعم الوكيل

[اعتبرني ذكرى وعدت]

جامعه من جد مع احترامي الشديد للبعض زبااااااااااله واسلوب ازفت من الزفت مدري على اي اساس يعاملونا هذي المعامله ورواتبهم من فلوسنا احنا انا مارحت بس وربي لو وحده رفعت صوتها علي وربي مااسكتلها كان المكافاه بتكون من جيوبهم الله لايبارك فيهم
بس انا يقهروني اللي يطلعو جامعتنا للسما والله يخلي الواسطات والقرايب