تجمع للمتقدمات للكيمياء الحيوية السريرية فقط

[Aroma Flowr]

فيـه انترفيو والا لا

عوآآفي لكم ياعسسسولآت

[Areej alrefai]

المشاركة الأصلية كتبت بواسطة batbot المبنى السادس اللي في الطب؟ ولا فين ؟

أيوه في الطب طبعاً ....

[toola.b]

مين قال انو لكم اختبار ؟
اعتقد بس مقابلة

[Areej alrefai]

المشاركة الأصلية كتبت بواسطة toola.b مين قال انو لكم اختبار ؟ اعتقد بس مقابلة

هي قالت انه اختبار رئيسة القسم .....

خوفي يغيروا رأيهم لانها قالتالى الان ماكتبت الاسئله ....

كيف كانت المقابله حقتكـ ؟؟؟؟ يعني ايش سؤلك وعن أيه ؟؟؟

[Areej alrefai]

والله مو قادره اذاكر انتوا يابنات ايش سويتوا في المذاكرهـ ؟؟؟؟

انا عشان قالت نستبعد بنات الكيمياء مو قادره امسك الكتاب ....
وشكلي راح اذاكر الميتابولازم لكل وحده(بروتينات-كربوهيدرات-دهون....) زي ماهي قالت لي

ايوه تذكرت يشمل الاحماض النوويه ولا احذفها مااذاكرها ؟؟؟

[batbot]

اهلين زيزفونه
انا اذاكر نفس مذاكره الكيمياء الحيوي العام
يعني جالسة اراجع
و اتوقع الاحماض النووية ايوه معاهم
ممكن تقوليلي هي بالضبط ايش قالت عن الاختبار
و ما توقع يسولنا مقابلة لانو عددنا كبير ماشاءالله

[Areej alrefai]

المشاركة الأصلية كتبت بواسطة batbot اهلين زيزفونه انا اذاكر نفس مذاكره الكيمياء الحيوي العام يعني جالسة اراجع و اتوقع الاحماض النووية ايوه معاهم ممكن تقوليلي هي بالضبط ايش قالت عن الاختبار و ما توقع يسولنا مقابلة لانو عددنا كبير ماشاءالله

هي قالت لي مافي مرجع وقالت ولما ناقشتها انه ليه احنا نستبعد قالت انتوا اخذتوا الستركشر واحنا هنا ندرس الميتابولازم ... ندرس حيوي طبي وبنات الحيوي ممكن ينقبلوا أما العامه استبعاد ع طول حتى قالت العام قدموا علينا كيمياء عامه وأستبعدناهم ع طول .....

وباقي الكلام كانت توضح لي ليه ماننقبل وان العماده من عندها توافق واحنا اللي نستبعد وتكلمنا عن دا الموضوع كثير ....وبس لكن انا لقط من كلامها لماكانت توضح لي ليه ماننقبل انه يدرسوا عن الميتابولازم فقعدت اذاكر الميتابولازم لكل وحدهـ <<<<والله قرايهـ مافي حماس ابد

بغيت اترك الكتاب لان مصيري معروف لكن ماتعودت ادخل أي أمتحان وأنا مو مطلعه ع الاقل


والله يوفقكم وياااااااارب تنقبلوا بالسريري يابنات الحيوي عشان توسعوا لنا مكان في قسم الحيوي في كلية العلوم <<<<لئيمهـ ههههههههههههههه

[همس المشاعر]

^_^ الله يكتب لكم الخير .... من توكل على الله كفاه

[Areej alrefai]

المشاركة الأصلية كتبت بواسطة همس المشاعر ^_^ الله يكتب لكم الخير .... من توكل على الله كفاه

هلااااااا فيكـ

أي موضوع عن الكيمياء أحسه ماينور الا بوجودك ياهمس المشاعر

[miss estakoza]

يا ربي يا كريم وفقني أنا و اخواتي لما فيه خير لنا في دنيانا و آخرتنا ..
موفقين يا بنات في أختبار اليوم والله يكتبلنا القبول جميعاً ..