Lane214 مارأيكم في اختبار اليوم..تجمعوا لو سمحتوا

[somaosoma]

المشاركة الأصلية كتبت بواسطة احمد الاول اتوقع لو دولار هو اللي صحح الاوراق حيصير من صالحنا لأ اللي قبله سمعت لو الجواب صح و الاسبيلينج غلط او ناقص يعطيك صفر ربنا يوفقنا و اياكم

الله يسمع منك ياغالي مع ان اغلب الفراغات خليتها فاضية يعني ماراح اتعبه في الاسبلينق

[دعدعيه]

السلام عليكم ورحمة الله وبركاته والله انها صعبه وتعجيزيه طبعا في مجموعه من الشباب راحو لرئاسه القسم وكلموهم عن الموضوع هدا ولكن كان ردهم ان قسم اللغه الانجليزيه فيه مجموعه كبيره من الطلبه وهم متعمدين تصعيب الاسئله عشان يشوفون من الي يقدر يعدي يعني المسأله تحدي يا شباب ولكن الهمه الله يوفقكم جميع يعني الشغله يبي لها شويه اهتمام منا ومداكره والله لا دولار خان ولا سيد احسان يقدرون يوقفون في طريقنا وأسال الله العظيم رب العرش العظيم ان يوفقنا جميعا لما يحبه ويرضاه ويكفينا شر الكائدين

الله المستعان , ياخي ليتهم بالمرة تكلموا عن الحراج اللي في القاعة
وعن الوقت اللي مادري كيف صار 40 دقيقه بس وهو مكتوب بالجدول من 10:30 , لحد 12:30
.
على طاري رئاسة القسم , الآن رئيس القسم تغير يبدو لي ,
هل فيه أحد يعرف ايميل رئيس القسم الجديد؟ نبارك له بالمرة ونقوله عن اللي حصل

[المحروم..@]

اسئلة بمعنى الكلمـة تعجيزية

[Aziz1433]

اما انا جبــت العيــد في شعبــان .....


واللــه شي يقهــر ... تذاكر وتتعب وتسهــر ... وتشــرب شــاهي كثير ..!!!! هذه دعابة ...هههههههه


وعيونك سارت مبقـــقه مثل البــومه ... وفي الاخير يطلع اختبار من جمب القــده ....

[accord2005]

واقعيا الأسئلة صعبة بكل ماتعنيه الكلمة سواء من الكتاب أو غيره.
وهذا ليس مبرر من جانب الطالب
لكن الصعوبة واضحة

[somaosoma]

ياخي بغض النظر عن وجود الاسئلة من تمارين الكتاب او من خارجها .. نحن نتكلم بصفة منطقية عن وضعنا كطلاب انتساب .. نحن هنا ندفع رسوم لكل شيء حتى في مكوثنا في مدينة جدة ... المصيبة مافيه شيء تقدر تقول يهون عليك صعوبة الاختبار او ينسيك همه شوي .. تجي تحسبها الا انت خسران من كل ناحية ( رسوم دراسة , كتب , اجازة بالشحاتة تاخذها من عملك ) ودمعه تنزل وقلق شهر كامل عشان يوافقون اخر شي ويعتبرونها جميل عليك , وبعدها تتغرب عن اهلك وعيالك وتدفع على سيارتك وطريقك وسكنك واكلك من الجهد والمال الشيء الكثير واخرتها يقارنك بطالب منتظم عادي مع احترامي وتقديري لطلاب الانتظام وتعبهم ( انا كنت طالب انتظام وعشت المعاناه ) لكن اقصد من ناحية التقييم الدراسي .. انا لا احضر محاضرات ( ولا تقولي فيه دورات تأهيلية ,, ذكرتني بدروس التقوية اللي كانوا يلعبونها علينا مدرسي المتوسط والثانوي اهم شي تدفع كاش ) ولا اناقش دكتوري او تقدر تسميني طالب تعليم عن بعد ولا اقدر سوى اني اعتمد على زملائي في مواقع الانترنت بعد الله للحصول على اي معلومة ممكن تفيدني في اختباري.,, وهذي اخرتها اسئلة تعجيزية عشان يعلمونا انهم فاهمين وانهم مدرسين مادة انجليزية بحكم اننا مانعرفهم زين وشكلهم ماخذين عننا فكرة اننا نكرههم او مو عارف كيف ... الله يعين

ردود الاخوان هنا واقعية الاكثرية اجمعوا على صعوبة الاسئلة والتحدي الواضح من مدرس المادة وقالك لازم تحفظ المادة ؟؟؟ يااخي انا رجل افهم المادة وافهم منك في حياتي العملية والعلمية مااحفظ الكتاب مثلك يااستاذ المادة وانطوي على نفسي عشان انجح وادور وظيفة تميزني خارج بلدي لانعدامها في بلدي الاساسي ( الاجنبي ) لاتقارني فيك انا انسان فهمت المادة اعطني اختبار يليق في حذاقتي مو في ذاكرتي الحديدية اللي لازم تتذكر كل شخطة في الكتاب

الحمد لله وكفى .. غيض من فيض

تقبلوا مروري

[jaber4000]

ياشباب الاساله كانت مره صعبه والواح د لازم يمر على هالموقف بس ان ساء الله ناح\ا درس

[nour al3mr]

لاحول ولاقوة إلا بالله

بدل مايسهلوا عليكم عملوا معاكم العكس

المشكـلة أنهم يعجزوا الطلاب في الموآد البيسك اللي المفروض تكـون أسهـــــل شيء في التخصص لأنها عامة

لكن التعقيد والتصعيب مستمـــــــر

الله ييسر لكم ويسهل أموركم ويكتب لكم التوفيق والنجــآح

لو أبدعوا بأسئلة لانتظـآم أفهم وأستوعب لأن الطالب اسبوعيا مقابل أستـآذهـ ويحضر الشرح على تفـآوت

لكـن انتســـــآب واعتماد على النفس وصعوبة في وقت الدورة ولايوجد مفردآت وآضحة تحدد مالمطلوب من الطالب هل فهم المنهج فقط أم حفظه كـآمل أو توقع أسئلة خارجية .. ومع ذلك إبدآع في الاختبـــآرات

رحم الله الحـآل وهدى عبـآدهـ لماهو أصلح وأقوم

موفقيـن وربي يبشركم بالنجـآح والعلا في الدآرين ..

[yakop]

ما اقول الا حسبي الله ونعم الوكيل

الله يرزقنا الجنة


بالنسبة لي انا اشوف الاختبار صعب وتعجيزي واضاهر انهم لخبطوا بالاسئلة واعطونا بدل اللسنيق رايتينق
بس

[A.S]

السلام عليكم ورحمة الله وبركاته , بالنسبه للأسئله صعبه بنسبة 100 %
وأتوقع هاذي سياسة الدكاتره لأنهم عارفين فيه عجز في قسم اللغه الأنجليزيه وشكلهم خايفين على وظايفهم .
بس تصدقون اليوم حسيت اني في جامعة كشمير !