تم الترشيح للتحويل للإنتظام ولكن حسب المعاير التاليه ... ايش يعني اتحولت انتظام او لا

[خالة مؤيد]

المشاركة الأصلية كتبت بواسطة مرام11 بنات اللي كاتبين لهم تم الترشيح لما تخشين على جدولك الدراسي ايش مكتوب لكم لانه انا كاتبين لي تم الترشيح ولما اخش على الجدول يكتبون طالب غير مسدد

لأن يحبوبة لازم تراجعيهم عشان يتثبت التحويل وتتغير البيانات في الاودس

[jumonah]

خالة مؤيد انتي قلتي عشان يثبتو التحويل طيب ليه في ناس بتترفض وهم كانو مرشحين
؟؟

[خالة مؤيد]

المشاركة الأصلية كتبت بواسطة jumonah خالة مؤيد انتي قلتي عشان يثبتو التحويل طيب ليه في ناس بتترفض وهم كانو مرشحين ؟؟

إللي اعرفة ان المقبولين مبدئيا يكتبولهم تم الترشيح

ولازم تروح الجامعة عشان يتأكدون من البيانات ولو كانت مطابقة تتثبت انتظام وتتغير بياناتها في الاودس

وإللي زي حالتي وحالتك كتبولنا تم الترشيح لازم نروح عشان يتأكدون من بياناتنا بعدين يثبتونا

لكن لو ما رحنا طبعا حنجلس انتساب

وبخصوص شهادة الثانوية والله ما ادري لو رحنا حيتغاضو عنها او لا

[مرام11]

جمانه انا مو من جده ومااقدر اراجعهم

فياليت البنات اللي ساكنين بجده يراجعونهم ويخبرونا

[صمتي يميزني]

بنااااااااااااااات
اللي شهادتها اكثر من 5 سنوات ماتنقبل
انا رحت اليوم وقالت لي ماتنطبق عليك الشروط
و الحمد لله على كل حال

[خالة مؤيد]

المشاركة الأصلية كتبت بواسطة صمتي يميزني بنااااااااااااااات اللي شهادتها اكثر من 5 سنوات ماتنقبل انا رحت اليوم وقالت لي ماتنطبق عليك الشروط و الحمد لله على كل حال

حبوبة لو ممكن تقولي كم معدلك

[crystal]

حبايبي عشان ما تتعبون نفسكم وتروحون على الفاضي
انا من كلية الاداب والعلوم الانسانية تخصصي انجليزي واكتبولى على الاودس تم الترشيح ....المهم رحت لهم في الجامعة وسألتهم قالولي روحي راجعي "فرع الفيصلية"
هلموا يا بنات نروح مع بعض الصباح إن شاء الله ...ايش رايكم ؟؟..راسلوني على الخاص اوكي؟؟

[jumonah]

مشكوره الله يكتب اللي فيه الخير

[أميرة النرجس]

شهادة الثانوية دققوا فيها

اول ماشافت شهادتي قالت مانقبلها لان لها اكثر من 5 سنوات

مع ان معدلي عالي

الحمد لله على كل حال

[الله يكتب الخير]

المشاركة الأصلية كتبت بواسطة أميرة النرجس شهادة الثانوية دققوا فيها اول ماشافت شهادتي قالت مانقبلها لان لها اكثر من 5 سنوات مع ان معدلي عالي الحمد لله على كل حال

ان شاء الله خيرة

ولو سمحتي كم معدلك