صور جوية لموقع الجامعة شمال جدة _عسفان- موقع اختبارات كلية الاعمال

[bader10]

شباب الحل بسيط......صحيح انه كلية المعلمين اقرب من عسفان....ولكن هونوها وتهون
اقرب موقع سكن في جده انصح فيه لموقع الاختبارات على طريق عسفان وتقديريا المشورا من السكن اللي راح اكتبه لكم واقترحه الى مقر الاختبار ماراح يتجاوز ساعه اكثر شيء" وومكن اقل يعني مع الزحمه وانت ماشي 100 مع دائري الحرمين وتتقهوى بعد:
1-منطقة شرق الخط السريع...السامر الاجواد .السبب وجود شقق متنوعه المستوى و مطاعم وسوبرماركاتات كثيره وقلة الزحمة نوعا ما عن غرب وايضا وسط جده .
2- شارع ام القرى بجده المنطقه الممتده من شارع التحليه شمالا الى اخر الشارع... كويس جدا سبب نصيحتي قريب على دائري الحرمين مطاعم كوفي شوب الخ.
3- حي الصفا شارع الامير متعب "شارع الاربعين عرفا عند اهل جده" بجده-الجزء الممتد من دوار الزهره شمالا الى مبنى سكن وزارة الداخليه- تنبيه شارع الاربعين طويل ولا انصح بالمنطقة الممتده جنوب دوار الزهره باكثر من اشاره مرورية لا ينصح فيها لوجود زحمة مرورية في اوقات الذروة.
المنطقه كويسه للطلاب لوجود مطاعم مكتبات تصوير كوفي شوب..الخ....هذا للي يبي طريق الحرمين "الدائري" الى كوبري مفرق عسفان.


مناطق اخرى مقترحه على طريق المدينه المنوره"فقط شمال جده"
شارع قريش...شارع سلطان بن عبد العزيز..شارع حراء...
والشباب اللي في يسكنون في هذي المنطقه يمسكون طريق المدينه ويروحون شمال..ومن ثم الاستمرار الى الوصول الى مفرق عسفان..
مناطق لا انصح فيها نهائيا للي يبي يروح بسرعه ويجي بسرعه....وهي كالتاللي جنوب شارع"محمد بن عبد العزيز" التحلية , شارع صاري لا انصح فيه .

[عبدالله 7z]

بارك الله فيك اخي عادل والله يجزاك كل خيرر . . . وكان الله بعون الجميع تحملوو يا اخوان على اجرر ان شاء الله . . . الترم هذا طارت الطيور بارزاقها ولكن مع بداية الترم الثاني ان شاء الله نطالبهم بوضع الاختبارات بكلية المعلمين او مقر الجامعه الاصلي . . والله يكتب الي فيه الخيرر ان شاء الله

[am-sorry]

بارك الله فيك اخوي عادل


صحيح ان المكان بعيد شويتين لكن مافيه زحمه في طريق الحرمين من وسط جده بإتجاه الشمال ...

[toolate]

بالنسبة ليه انا بطلت اختبر في عسفان وين شرشحه كل ترم يحطونا في مكان الله يعين اختبارالمناطق وريح راسك بالتوفيق للجميع

[dob]

عسفان قريب مو بعيد

من كوبري بريمان ربع ساعه بالكثير ثلث ساعه وانت هناك ومافيه زحمه يعني زي اي موقع داخل جده

وبالنسبة للاخوان الي يسألون عن اقرب مكان للسكن .. اي موقع شمال جده يكون قريب على طريق الحرمين ( الخط السريع) او طريق المدينه يعني شمال جدة وانصح بشارع حراء اسهل طريق (منه واليه) ..واخونا bader10 ماقصر كفى وفا

[نايف الرفاعي]

احبتي الغالييين انا عن نفسي الى الان ما وصلني على الاوديس او عبر ايميل انه اختباراتنا بعسفان ستكون

فمن اين نأخذ بالخبر الرئيسي الصحيح

ومتى تبدأ ؟؟؟ هل 24 / 1 حسب مافي الجدول

[othman185]

الله يستر
اش هذا حسستموني ان عسفان في المريخ وجده في زحل يا أخوان توكلو على الله
والله يكتب الاجر ويوفقنا جميعاً

[marro]

عفوا لكن فين حتكون مقر اختبارات الطالبات بالتحديد ؟؟

[عادل.عادل]

هذا رابط به صور مباني القاعات والفصول الدراسية لفرع جامعة شمال جدة
http://www.skaau.com/vb/showthread.p...69#post5061169

بالنسبة لاقرب منطقة فيها سكن شقق او فندق منطقة المحمدية مقابل مطار الملك عبدالعزيز على طريق المدينة
او السكن في شمال جدة على شارع حراء هوالاقرب الى طريق المدينة او بفندق اوركيد على طريق المدينة بجوار الدانوب
بالنسبة للقادمين من مكة لا يدخل الى جدة ياخذ طريق الحرمين من الخط الدائر وكأنه رايح للمدينة الين يجيه مفرق عسفان

[عادل.عادل]

المشاركة الأصلية كتبت بواسطة marro عفوا لكن فين حتكون مقر اختبارات الطالبات بالتحديد ؟؟

مقر اختبارات الطالبات ستكون كما هي في المقر الذي تمت فيه الاختبارات الفصل الماضي
بكلية التربية للمعلمات بشارع الستين في وسط جدة في الجهة المقابلة لمستشفى عرفان