الاحياء ومشاكلها !!!

[Lojii]

انا كنت اذاكر بطريقه حلوه
اول شئ اجلس جلسه كامله ع الشبتر كله اترجمه يعني اربع ساعات كذا اول ما اطبعها
كنت احب اترجمه بنفسي مع انه يكون مترجم عشان يرسخ بعقلي
وبعدين اقرأها بتركيز كل الشبتر مره وحده كذا مره ممكن مرتين ثلاثه
يمكن ذا يأخذ ذا مني يومين ترجمه وقرأه بفهم
بعدين ابدأ امسك شريحه شريحه اقرأها بتركييز + احاول ارسم رسمه صغيره ع جنب اشرح فيها اللي انا فهمته من كل سطر
مثلا السطر الاول يقول ان عبر الجذور يتم امتصاص الماء
اقوم ارسم شئ شبيه بالجذر وانا ارسم اعيد المعلومه واقول عبر الجذر ( وأأشر ع الجذر ) يتم امتصاص الماء ( وارسم خط من اسفل الجذر لفوق ) وانا ارسم
كذا راح تركز المعلومه براسي
طبعا انا كنت اطبع السلايدات واشخمط عليها وما انصح تذاكروا من الكمبيوتر
وبس زي كدا وجبت درجه حلوه
وما كنت احفظ المصطلحات فنقصت شويه
فاضافه لذي الطريقه احفظوا المصطلحات
وبأذن الله a+
وسكروا اذانيكم ع اللي يقولوا صعب
يعني في دفعتي كانوا ناس يجيبوا 10 من 30 وناس 30 من 30
وناس يرسبوا ويعيدوا السنه
ترا الاحياء ماده تافهه لكن شيلوا من راسكم الفكره الغبيه انه صعب
يعني ابغا افهم انتم مرضى عقليا ولا اغبياء عشان ما تفهمون وغيركم عباقره ويفهمون
لا والله ترا ربي رزقنا كلنا بعقول وكلم دخلتوا التحضيري سوا وكلكم سواسيه انتم بس ابعدوا عند الناس اللي زي الحشرات صغيره وتبغاكم صغار زيهم واجلسوا مع الناس اللي ب همم عاليه او اجلسوا لحالكم
والله ثم والله هم يقولوا صعب ومستحيل وفي الاخير يدخلوا احلى التخصصات وانتم تاخذوه صيفي وتدخلوا اي تخصص باقي محد يبغاه
معليش اتكلم من قهر لان زي كذا سار السنه تبعتي

[نادين 1]

يالله عاد بلا دلع زايد وتبغو طب بعد اشتبغوا تدرسو اجل مقتطفات من علم الاحياء :\
تعودوا ماهي صعبه مره
ذاكرت اول باول ونجحت حمدالله

[رآمـــآ]

ططيب عندي سؤال ..

في السلايدات في رسسوم مره كثيرة !!

هذي تجي منها اسألة ؟؟ يعني كمان احفظ الرسسم ؟؟ :(

[S.Bn]

^^^^^^^^^

ما تحفظي الرسمة بس المعلومات اللي عليها كلها تنحفظ

ة تجي منها في الاختبار

[Ruby M.3]

لو سمحتو ابغا اسال لمن ادخل موقع الجامعة وابغاا انزل السلايدات في شي اسمو محاضرات نظرية وفي مصطلحات علمية مع اني دخلت ولقيتو زي بعض والدكتورة قالت اطبعو الاتنين .. ساعدوني ما اعرف ايش اعمل ..