هــــــنا نود تقديم نصائح لطلاب السنة التحضيرية (من تجاربنا)للي يبغى المعدلات العالية

[عذبة المشاعر]

يسعدك ربــــــــــــــــــــــــي :-)

[مني يغار الورد]

هلا عزيزتي الله يوفقك يارب انا كتبته بالصفحه الثانية
وهذا هوه

من عيوني
خطة ب
مهارات اتصال
مهارات تفكير
احصاء
تحليل احصائي(سمعت انها انحذفت كمان)
انقلــش
ــــــــــــــــــــــــــــــــــــــــــــــــــ ـــ
مهارات الاتصال
هذي المادة تجنننن واستاذتنا كانت دايم تفطسنا ضحك في دي المحاضرة هيه تحتاج تفاعل
في المحاضرة وقالت من اول يوم طبعا المحاضرات حتكون تتخللها قصص فالبتالي اكتبو القصة ع كل نقطة وفعلا سويتها والله لمن يجي الاختبار يصير مرة سهل عليكم تتذكرو القصص فتتذكرو الاجابه والله منجد ذي المادة روعه
طبعا الاتصال الكلامي والغير كلامي والانصات ولاتصال الشخصي الاتصال في مجموعات ومع الجمهوروكتابة الرسائل والسيرة الذاتية حاجات من الحياة استاذتنا كانت تقول لازم تجيكم في الاختبار 4 تعريفات اعتقد وكانت تقول افهمو التعريف لاتحفظوه لانه الشي لمن ينفهم خلاص والله يجي يوم الاختبار وماتتعبون بالمذاكرة طيب هذا كمان انا كنت في نهاية الايام ايش اسوي اقرا الدرس قبل مااروح واجهز امثلة في بالي عشان لمن اروح المحاضرة اكون تمام معاها
وبعدين لمن ارجع البيت ارجع اقراه او اقراه وانا رايحه الجامعه الصباح نظرا للطفش فاتونس فيه
طبعا المادة ذي والله اللي مايجيب فيها اعلى من 95 او90 أقول انه مافتح المادة
طيب طريقة الاسئلة برضك
30 دوري اول
30 دوري ثاني
40 نهائي
صح وخطأ واختياري
مهارات تفكير
أحسن شي في دي المادة تدرون ايش انه اللي نختبره خلاص شقوه ههههههههه مانرجع نختبر فيه مرة تانيه بس ماادري اذا النظام يتغير
طيب المادة ذي
برضك تتكلم عن كيف تفكرون تفكير تمام وكيف تبحثون في النت وترى لها علاقة بالحاسب مرره حلوه
وكمان كيف توثقون كتاباتكم وحاجات حلوة وسهله بس احسها تحتاج لتلخيص اول بأول أو بعد كل باب تلخصون المعلومات اللي حسيتو انه الاستاذ/ة ركزو عليها انا في البداية عملت خريطة ذهنية للفصل الاول وربي حسيت الدرس انحفر في مخ حفر(تعبير قوي خخخ)وطبعا الدوري الاول جبت الفول مارك
والتاني نقصت درجتين بس عشاني مااغيب اعطتني 2 درجة صح انا انصحكم بطلو غياب نصيحة انا اقلكم عمري وحياتي ماغبت الحمدلله حتى وحده من صاحباتي كانت تقوللي انتي ماتتعبي لانه كانو اغلب البنات بعد الدوري الاول والتاني يغيبو ياخدو نقاهه نظرا لاننا كنا نختبر خميس بس ماشاء الله عليه مكافحه خخخ
طيب برضك حتكون فيه قصص وافتكر برضك صاحباتي لمن ياخذو كتابي ياشرو منه لاني كنت بخطط مع الاستاذة واول ماتقول شي مهم اكتب مهم بس كانو يقولو كل مامرينا ع شي لقينا زي كذا يعني اي نقطة كنت بمثل عليها
بعض الاحيان ممكن كمان تقولنا سوال وانا طواالي اكتبه عشان مايضيع مني وممكن تقول بعض الاحيان بيلخبطو بيحطوا كذا بدال كذا وزي كذا خخخ عجبتني الكلمة
طيب شو كمان
طريقة الاسئلة زي الاتصال
الاحصاء
برضك حلوة وهيه جدا شبيهه بالتحليل الاحصائي يعني ماكان له داعي
وكمان فيه شوويت شبه من الرياضيات تتكلم عن الاحتمالات ع البيانات المبوبة والغير مبوبة وحاجات سهلة لمن تنشرح وتفهموها والله ودكم كل الاسئلة تجي منها طبعا الاسئلة ممكن تكون فيها لفات شويه
زي اخر اختبار جانا سؤال من رسمه
طبعا لازم تركزو مع الاستاذ/ة بالشرح وتشرحو لنفسكم خلو لكم دفتر حلو فيه هيه حتقلكم حلو الواجب صح ماعليه درجات بس حلو عشان تظمنو ماتوقعو بالغلط اللي غلطتوه
واي ملاحظات اسئلة يقولوها طوااالي اكتبوها خلوكم نبيهين
وكل المواد اذا جيتو بتذاكروها خمنو اسئلة عليها
طريق الاسئلة نفس الشي
الانقلش
نفس خطة أ
وهذي الخطة سهههههههههههههههههههلة واللي ماجابو فيها ال5 انقهرو والله انا كمان كان ناقصني درجتين واجيب ال5 بس الحمدلله
نصايح ع الطـــاير
-لاتخلو احد يأثر على عزيمتكم اي احد يقلكم شي صعب قولوله عندنا عقل والاسئلة مابتجي من برا
-حبو الماده واللي بيدرسكم المادة نصيحة ولو مافهمتو شي ارجعو للي بيدرسكم وخلوه يعيد بالعكس والله بعض الاحيان بيفرحو يحسو انه في احد معاهم
-الغياب صح انه 25%من المحاضرات وبعدين حرمان بس نصيحه لاتغيبو الا اذا مرة ماتقدرو تداومو
-ممكن تاخذو اسئلة للسنوات الفايته بس لاتخلوها تأثر عليكم أجمعوها قبل الاختبار بفترة مو تجو يوم الاختبار وتقولو نبغى طبعا هذي بس عشان تعرفو نظام الاسئلة
واي احد عنده اضافة يتفضل مشكور
ودعواتكم لكل السنة التحضيرية يتخصصو ع خير

[مني يغار الورد]

اللهم آآآمين
الله يجزاكم كل خير ع الدعوات الحلوة

[-meme-]

مشكوره ياقلبي علي الشرح
والله يعطيكي العافيه

^ـــ^

[بآسكن روبنز]

منكٌـ يغ ـآرٍ آلوٍرٍد

آلله يعطٌـيكٌـ آلـ ع ـآفيه وٍيوٍفقكٌـ يآرٍب

بج ـد معلوٍمآت ح ـآـوٍهـ وٍ آسلوٍب يرٍيح آلنفس

ج ـزٍآكٌـ آلله خ ـيرٍ غ ـآليتي ^^

[اتش بي]

الله يسعدك ياآآآآرب
ولايحرمك الأجر
بصراحة مراا ريحتيني
لما تكلمتي عن كل مادة

الله يجزاكـ كل خير

[مني يغار الورد]

الله يسعدكم ع كلامكم الحلو
وإن شاء الله يارب تجيبون اعلى المعدلات وتخشون اللي تبغوه
الله يوفقكم

[றs.ŞhekặЯ]

فيمتو ربي يسعدك يا بنت الناس ويجعل ايامك سعاده وهنا يارب بالدارين

يا عسل كنت ابغا اسالك في مذكرات ملازم شي للاداري زي العلمي ولا لاكل شي من الكتاب

في تاشير ولا انت وشطارتك انت الي تصرفي حالك

ثانيا \ هل الدوري الاول لو اختبرناه مايدخل بالنهائي ونفس الشي الدوري الثاني

لان المدارس مو كلها بعضها كان فيها اختبار ربيعي نختر 4 مرات بالسنه كل نص كتاب يعتبر ترم مايتكرر
فبليز الجامعه الاختبار الي تختبرو ماتدخلو بالنهائي ولا نظام عادي بالنهائي كلو سوا

ومره خوفونا قالو في لعب بالدرجات صحيح ولا كلو تصحيح الكتروني ؟؟؟؟؟؟؟؟؟

بليززز جاوبيني سوري لو طولت

[مني يغار الورد]

يسلمك ربي ياعسل ولايحرمك الجنه امين
والله ملازم احنا ماكنا ناخذ بس كنا ناخذ أوراق فيها توزيع المنهج يعني مثلا كم فصل حناخذ في الاسبوع وبعدين يقولك ايش المتوقع انك تعرفيه من ذا الباب بس
لا صراحة مافيه تاشير ابدا بس انا كنت اشر المواد اللي زي مهارات اتصال والتفكير لمن الاستاذه تعرض لنا الدرس بالبور وااشر الكلام اللي هيه كاتبته لانه كان مختصر
بالنسبة للمواد الباقية زي الرياضيات كنا نذاكرها من الدفتر والاستاذه تقلنا كل شي من الدفتر
والدرجات لا مافيها لعب بس التصحيح الكتروني وكان فيه أخطاء بس بنات راحو راجعووعدلو لهم لكن انتي لو اختبرتي بعدين وحسيتي انك انتي متاكده من اجاباتك روحي راجعي العمادة لكن ان شاء الله تنحل الاخطاء
المادة الوحيد اللي فيها انه الشي الي تختبريه في الدوري الاول مايدخل في الدوري الثاني والدوري الاول والدوري الثاني مايدخلو في النهائي هيه مهارات التفكير
اذا مافهمتي شي قولي لي ياعسل
وبالتوفيق ياقمر

[فروته]

مني يغار الورد حتى الحاسب بعد نفس حكاية مهارات التفكير صح ؟