الحذف والإضافه ..طالبات إنتظام ..الإسبوع الثآني..

[سعادة الطالبه الشاطره]

المشاركة الأصلية كتبت بواسطة كنده مرحبا سعادة الطالبة الشاطره و إن شاء الله يكون اسم على مسمى أنا اخذت بويتري مع د رندا كانت ذوق وماشاء الله تشرح بس لازم تكوني محضرة كل محاضرة وبالتوفيق

الله يسعدك يااارب.,,

شوووكرررراا انك رديتي.,,كنت شااكه انه سؤالي شفااف
محد اعطاني وجه.,,

انا بالنسبه ليا ممكن احضر المحاضره اللي بناخذها
وممكن اذاكر اللي اخذناها .,’’

بس انا اخاف مررره من مس رندا شخصياا .,’
تجربتي معاها اول مادخلت القسم
اعطتني صوره سلبيه لها .,,

[MISS_GUCCI]

كونشينشس
ما انصحك تحذفيها
ترا مس سحر رهيبه في براكتم ون وتعتبر احسن وحده من المجموعه>> باستثناء صفاء لااني ما اعرف اسلوبها كيف في الماده ذي
ولك حريه الاختيار ^^
موفقه

[Conscientious]

مس قوشي

بس يقولون انها تكرفنا كرف وانا ماحب كذا احب اكون مرتاحه نفسياً طول الترم

طيب اعطيني مزاياها

[dedo11]

كونشيوسنس هاي انا زميلاتي العام 2 اخدو عن مس سحر يقولوا مررررة رهيبة واتبسطو معاها واذا كان على الكرف مصلحتك وهو براكتكم يعني وكمان انا سمعت انها تكرف برضوا بس اخدت معاها تحدث واستماع ولا كرفتنا ولا شي
كله في مصلحتك ولنفسك في النهاية والله يوفقك and she is my fav instructor as well as ms rasha

[Ignor]

بصراحه بنات الصيفي يمدحوا في سحر ويقولوا درجاتهم من 90 وفووووووق بس الماده كلها شغل

[Conscientious]

اممممممممممم الله يعين ويسهلي اللي فيه الخير

الله يجزاكم خير يا بنات

..........................

يا سلااااااااااااااااااام الشعب كلها زرقاء لو لسه ايقونه الحذف والاضافه موجوده كان سوينا جدالولنا زي ما نبغى

وسعوها بالمررررررررررره

[Brilliant Shores]

^
^
^

نفس السؤال ؟؟؟


بجد محتااارة بس ربنا يكتب لنا اللي فيه الخير

[Ignor]

إيمان كويسه بشكل عام لا داعي للحيره ياعزيزتي

[MISS_GUCCI]

تامرين امر حبيبتي ولا يهمك
هذي تجربتي كتبتها في موضوع التجارب

بالنسبه لبراكتكم 1 اخذتها مع مس سحر صراحه يابنات كان كلاسها مرررررررررررررررررررررره كوول
درجتي معاها مررره الحمد الله كانت حلوه
انسانه متفهمه ماعندها تعقيد
الكتاب كله دش وكلام كثير بس ماكنا نحفظ اهم شي الفهم عندها حتى فالاختبار الفراغات كانت تبغانا نكتب بفهمنا
وابدا ماتنقص على اجابه خارجيه (حتى لو في التعدادات تجيبين شي من راسك بس يكون منطقي تحسبه صح)
يعني مافي شي ينصم عندها لانها تكرره الحفظ
مررره صراحه كانت مريحه في الدرجات بس البنات مايحبوا حاجتين عندها وهي :
1 - التحضير وانا ابدا ما شوفها مشكله لان الكورس كلو كلاس ديسكشن واحيانا كنت اروح وانا مو محضره بس كنت اشارك براي اوي مداخله لها علاقه بالموضوع والوضع يمشي تمااام ( يعني بالمختصر المفيد تدخلين كلاس دردشه ووناسه )
2- الشغل عندها شويه اكثر من غيرها بس والله يابنات لمصلحتنا
من جد الله يجزاها بالخير استفدت معها كثير
يعني طول الترم كنا نعمل 4 بريزنتيشن << الشي ذا فادني مرررررررررررره سرت الحمد الله احسن من اول واكتسبت ثقه بنفسي اكثر من اول يعني موضوع البرزنتيشن ما سار يعمل قلق زي اول
كان في ترجمه لكم مقال
وعملنا مقابله عمل معاها << يعني عودتنا عالمجال العمل
هذي النقطتين اللي ممكن البنات يتحسسو منها شويه
بس والله يابنات اللي بتسويه للمصلحتنا
اسفه مره علاطاله س حبيت افيدكم بشكل مفصل


موفقه عزيزتي

[مسز- فوشي]

ايمااااااااااااان مراااا منتاااازة