سؤال مهم عن التغزية

[ساكنه في بيتنا]

متأخره خليكي متابعه للموقع بشكل داااايم

يمكن وحده تحذف و تلحقي تضيفي مكانها ..

على فكره لا تروحي من 8 وتتحمسي ترا محد يجي بدري

تعالي على 9 \ 9 ونص بس لا تتأخري أكتر من كدا ^_^ ..


بالتوفيق يااارب ..

[متاخره واااايد]

هههههههههههه تسلمي خيتووو

اشوا كونت بتحمس بزيادهـ

فتح الاديوس بس مرآآآآ تقيل

ليا ربع ساعه اضيف بماده وللحين ماانضافت وتقريبا كول اللي ابغااهم الاستازات مالقيتهم

[ساكنه في بيتنا]

معليه روقي و اتحملي و كل شي بيسير ان شاء الله :)

انا لمن عملت جدولي اخد مني ساعه و شويه


قولي يارب و كل شي بيكون تماااااااام ان شاء الله :)


سيبي الصحفه تتحمل على راحتها لا تعمليلها رفرش كل شويه ..

تاخد وقت طويل بس في النهايه تفتح ان شاء الله :)

ربي يسهلك امورك و يفتح لك ابواب الخير ..

[متاخره واااايد]

طيب عندي سؤال متلا اللغه العربيه حقتي 101 وفي الاستازات اللي ابغاهم كاتبين جنبهم 201 تفرق يعني ؟؟؟

لازم اخذ الاستازات حق 101 بس

طيب حق 101 كلهم مكتملين تقريبا

والله ضغطي انرفع انتي ساعه وكملتي انا ليا ساعه ونص ومانزلت غير مادتين

واستازات الاحياء للحين مانزلت اساميهم

[ساكنه في بيتنا]

:)

طبعا تفرق يا عسل

اللي انتي تبغيه عربي مستوى اول 101

و اللي الاستازات موجودين عنده عربي متوى تاني 201

ربي ييعينك ..


ترا انا ما بقيلي غير ماده التدريب و مادتين حره لمن اروح الجامعه ان شاء الله اضيفها ..


برضو طولي بالك ..

[متاخره واااايد]

^^^^

موفقه خيتووو

والله تعبت وبديت انحول

تصدقي حتى الكيمياء ماطلعت اسامي استازاتها بس اخترت ع الوقت اللي يناسب جدولي الله يعنني مين تطلع هع هع

ولا الاحياء هما تلات شعب وكلها مليانه ايش اسوي ياربي

قررت انتحر واخذ الجدول معايا << فلسعت ههههههه

[ساكنه في بيتنا]

هههههههههههههههههه

الله يوفق الجميع يارب ..

[روووني]

بنات عندي بس 11 ساعة كانت مادة الاحياء موجودة في جدولي وكان جدولي 14 ساعة

وفجاة اليوم اجي افتح والاقي 11 ساعة والمادة مهي موجودي جيت ابغ اضيفها بس الشعب كلها مليانه

وماني عارفة ايش اضيف باقيلي مادتبن ...

نفسي اعرف بس هي ليش راااااااااااااحت واختفت؟؟؟

[غ ـلأ]

وعليكم السلام

ا/ هيفاء مررررررررررررررررررررررررررهـ طيبهـ وتجنن الله يحفظها ماعليها كلام

واسس تغذيه انا اخذته السمستر اللي فات مع عتاب درست معاها تقريبا شهرين وبعدين جاءت وحده بدالها
بس من جد كان اروع استاذه مررت عليا حتى لما اختبرتناا الاختبار الدوري الاول كان فضيع

فاذا في امكانيه خوذيها معاها

وسلام ..

[طوق الياسمين]

يا صبايا ياحلوووووووين
دحين المواد المتاحه للسمستر 6 مواد
عندي
ثقافه اسلاميه
اللغة العربيه
احياء دقيقه
علم نفس عام
اسس تغذيه
كيمياء حيويه
انا الي بالجدول عندي لغه عربيه وثقافه دينيه وكيمياء عضوويه
؟؟
وتنصحوني اضيف ايش
انا كمان بدي اضيف الاحيااء بس خلصت الشعب
:( بليز احد يساعدني لانو مش عارفه اعمل ايه
بلللللللللللللليز
؟؟