كيف أعرف مكان قاعة اختبار الكفايات Step !!

[ريفااال]

كيفكم يابنات كيف الهمة قبل الاختبار

فيه احد قد جربه قبل كذا ؟ ايش ندخل الامتحان باقلام ازرق ورصاص

انا اختباري في جامعة الملك عبد العزيز وما ادري وين ادخل وكيف اطلع البطاقة ...

[بنت جدة المنكوبة]

المشاركة الأصلية كتبت بواسطة ريفااال كيفكم يابنات كيف الهمة قبل الاختبار فيه احد قد جربه قبل كذا ؟ ايش ندخل الامتحان باقلام ازرق ورصاص انا اختباري في جامعة الملك عبد العزيز وما ادري وين ادخل وكيف اطلع البطاقة ...

أقلام رصاص......المرة إلي فاتت لمن اختبرت هم أعطونا أقلام الرصاص من نفس المركز القياس
الإختبار سهل...........بس تصحيحهم إلي صعب أنا دخلت الإمتحان من دون ماأذاكر وأخذت 42وكنت أتوقع حآخذ أكثر........بس ربي يسهلها

[@ أمل @]

المشاركة الأصلية كتبت بواسطة انا مش انانية مرااااااااااااااااااااااحب لو تكرمتوا بالإجابة على سؤالي : أنا سجلت في امتحان الكفايات اللغة الانجليزية اللي موعده بعد بكرى الاثنين 20/4 وارسلوا لي : المكان : جامعة الملك عبدالعزيز المقر: جامعة الملك عبدالعزيز المجموعة : 6 المجموعة (6) يعني وين بالضبط ؟؟ و هل لازم اجيب معي صورة شخصية والا يكفي كرت العائلة !! الله يسعدكم و يوفقكم لا تبخلوا بالرد عليّ ..

أولا أسأل الله التوفيق لي ولكل من قدم على اختبار كفايات اللغة .. اللهم آميين ..
ثانيا / أختي .. لو كان سوء التنظيم الذي حصل معي ومع كثير من الطالبات يوم أمس في اختبار القدرات سوف يحصل وهذا لاشك فيه .. لأن إلى الآن لم يعرفن المشرفات من أساتذة ودكاترة كيفية التعامل مع مثل هذه الإختبارات من تنظيم ، لاحظت ذلك في كلية التربية في الأمس ، والجامعة السنة الماضية ، سوء التنظيم موجود الشي الذي يجعل الطالبة تفقد أعصابها ،،
فكان من التعقيد بل سوء التنظيم لن يتم قبولك للدخول إلى الإختبار إلا ببطاقة هوية أو جواز سفر وإذا وجد فوراً تدخلي للإختبار بدون مصاعب ، أما من لديها كرت عائلة يالفرحتها بالتعقيد والتنكيد مع أن الشروط واضحة في موقع قياس والواجب ادخالنا فوراً ، لكن كما ذكرت سوء التنظيم لن ينتهي ..

فاحضري معك ...
بطاقة هوية عليها صورتك أو جواز السفر إن وجد ، وإحضار كرت العائلة الأصل مع صورة ، صورة شخصية حتى تتمكني من الحصول على بطاقة الإختبار ، وأخيراً لاتنسي رقم الإشتراك ..
عذراً على الإطالة .. وبالتوفيق للجميع ..

[ملامح طفوله]

والله انا متفاائله وان شاء الله نجيب اعلى الدرجات

وانا بعد اختباري في الجامعه

ياليت اللي تعرف اقرب بوابه لمبنى الاختبار ترد

[.. اميره ..]

اختباري بالمجموعة 51 بكلية التربيه

بأي مبنى او من اي بوابه ؟ ياليت اللي تعرف تدلني لان اول مره اروح لها ومابي اضيع وقت وانا الف وادور

[اكتفاء]

^

أبداً ماراح تضيعي بإذن الله .. المكان واضح جداً ..

فيه بوابتين مقابلة لمستشفى عرفان .. تدخلي من رقم ( 2 ) ..

راح تلاقي بوابة ( 1 ) اتركيها ولا تدخلي منها .. ويمكن تلاقيها مغلقة ..

ادخلي من بوابة ( 2 ) حقت الأدبي .. وأمشي على طول راح تلاقي قدامك المبنى وهو واضح مايضيعك ..

موفقة ياعسل (:

[ماجستيريه 1]

الي فهمتو منكم انو كرت العائله للي ماعندهم بطاقه احوال وصوره شخصيه ورقم الاشتراك نحفظو ولا كيف

[شذى الأوركيد]

ايوه كيف رقم الاشتراك؟
احفظه او اطبعه من الموقع او كيف

[ماجستيريه 1]

انا كلمت المركز وقالت بطاقه العائله وصوره شخصيه لكي ماقالت اطبعي حجزك وبالنسبه للرقم الاشتراك نحفظه
والله يوفق الجميع

[ريفااال]

وصلنا ليوم الامتحان وصاير الموضوع مسبب لنا قلق
خوف من منعنا من الدخول

وايش نسوي برقم الاشتراك يعني اكتبه في ورقة ؟؟