F بكل جدارة ..!!

[روزري]

ولا يهمكم باجيب لها بوكيه ورد
بس اهم شئ تراجع ورقنا ولا تزعل بس..!!

[حنين الود]

حقولكم من دحين حتعصب ..وحتصرخ بس عآدي إسمعوآ من هنآ وطلعوآ من هنآ ..مآفرقت ..لآزم تصبروآ ..طبعهآ كدآ بس من نآحيه الإختبآر الإعآده لآ إلي صآر في الإنتظآم دوري مو نهآئي..

[روزري]

اوكي مس ندى راح ارسلك ع الخاص ان شاء الله في الليل
الحين باقوم اذاكر برضوا علم النفس عشان ع قولتك لا اجيب فيه العيد

[&ديم&]

بنات انا معاكم اذا بتروحو كلكم راسلوني

[m!ss nada]

ان شاء الله ديم
ولا يهمك :)

[طيف أوراقي]

حسبي الله ونعم الوكيل حتى في جامعتكم هالظلم
تدرون انا بجامعة الملك فيصل الfعندهم مافي اسهل منها لاذمه ولاضمير
وعندنا دكتوره مصريه هالسنه بتمشي اخر سنه تعطينا syntaxولعبت فينا بالماده
سوت الماده معضله الاجابات كلها في الدكشنري وتجيب منه كلمات وتبيننا نجاوب
والمشكله ان ممكنوع ندخل الدكشنري معنا القاعه شدعوه عقلنا كمبيوتر يعني حلنا بالتخمين
اسئلتها صعبه صعبه مالها حل في حياتي ماشفت مثلها يعني بذمتكم اذا في الكوزات القاعه كلها 2 و3 والميد تيرم القاعه كلها 5و6 و7 الغلط فيننا ولافيها يالتني حذفت الماده من البدايه شقول حسبي الله ونعم الوكيل بالاخير كل البنات f
ويقولون هي بتراعيننا لان هذا اخر سمستر بس الامانه مو موجوده عندهم لا والمشكله مسويين لها واجبات بعد

اسفه على الاطاله بس حبيت افضفض لكم

ارجوا ان تقبلوني صديقه خفيفه

وشكرا

[المحروم..@]

اذا ما مشت زين اجتمعوا عليها كلكن مع بعض واضربوها
ضربة بنت وحده عشان لا احد .. يمسك عليكم شيء

[ioooi]

دكتورة ناريمان قلبها ابيض يابنات
وسوت المستحيل في البويتري عشان البنات ينجحوا

كلموها بأسلوب حلو وراقي وحاولوا تتحملوها

وبلاش تتكلموا عن اي دكتورة بالشكل دا لانهم يدخلوا المنتدى ويشوفوا الكلام

واكيد بيعرفوكم لو كلمتوهم بخصوص الموضوع واكيد التعامل راح يكون سو باد

good luck

[R O Y A L]

المشاركة الأصلية كتبت بواسطة لولو الحلوة حياااااااااتي حتى أنا أخذت الحرف الأحمر اللي إنت كاتبته في مادة الترجمة >>>>مالي قلب أكتبه مع إني حليييييييييييييييييييييييييت وترجمة حسبي الله ونعم الوووووووووووووووكيل

الحرف الاحمر هههههههههههههههههههههههههههههههههههههههههههههههههه ههههههههههههه

[Trace Of Hope]

السلام عليكم ورحمة الله وبركاته..
الله ييسر لكم ويعينكم على اختبارتكم يارب..
أنا بصراحة مستغربة من إسلوبكم: (رح نضربها، إش سالفتك، حسبي الله عليك.... ) كبنات جامعيات مثقفات.
بصراحة أتوقع أن يكون نقدكم وملاحظاتكم على الدكتورات فيها شيء من الموضوعية والاحترام ولا تنسوا في النهاية إنو كل الأستاذات بشر قد يخطئون ويصيبون في تدريسهم وتعاملهم معنا..

وللأمانة.. أنا أخدت مع د. ناريمان ولمن كانت تعصب كنت أعتبرها زي والدتي لما تعصب علي عشان أكون أفضل مو لأنها ما تحبني.. هيه مرة زعلانة من مستوانا في الإنجليزي مقارنة بجامعة عفت ودار الحكمة ومعاها حق ..
لأنو هذا الشي صح مليووووون في المية..
يا بنات د. ناريمان أطيب من قلبها ما في.. بالله في دكتورة في القسم تسوي إعادة للاختبارات زيها!!
والكلمة اللي دايما على لسانها لمن تقول: لمن بنت ترسب عندي كإنو أنا اللي رسبت..
صحيح إنو الدكتورة تطلب واجبات كتير.. بس كل واجب بتحليه يرفع مستواك من جد.. أفتكر لما أخدت معاها ترجمة أول قطعة كان طولها 5 سطور وأخدت مني ساعات!! بعدين كل يوم كانت تعطينا قطعة وكنت أترجمها.. وفي آخر الترم حسيت إني من جد أستفدت من هذا الكورس.. وقدرت أترجم بسرعة وبطريقة صح..

أما لما تكوني غايبة طول الترم وتجي على النهاية تبي تنجحي وإنت مو عارفة إش أخطائك.. كمان الدكتورة مسؤولة إذا نجحت بنت..
يا حلوات.. المشكلة فينا إحنا إنو تعودنا في المدارس نذاكر شي بسيط وكلو مأشر.. إحنا اللي مرة مدلعين ومو قادرين إنو نشد حيلنا للمستوى المناسب لطالبات الإنجليزي..
يا بنات أعطوا كل دكتورة حقها.. ما يجوز دا الشي.. ومرة تانية حأقول يا ريت لمن نكتب عن أستاذة.. نكتب بطريقة موضوعية بناءة متوافقة مع مستوانا الأكاديمي..

أنا الشي اللي خلاني أكتب هنا.. إنو أنا أخدت في أول أختبار مع د. ناريمان درجة واطية.. بس لما عرفت خطئي عرفت إني كنت أستاهل الدرجة الأولى وقدرت إني أرفع مستواي بشكل كبير.. بس اعرفوا أخطاءكم وعدلوها وحتلاقوا نتيجة..
الله يوفقكم كلكم يارب وينجحكم..