قصه مكافح

[مساعد99]

قصه حلوووه

[منحوس فى الجامعة]

افتكروني الحمد لله انك تحمستى زود وترى بيزود حماسك إن شاء الله أذا وصلتى الاترام الاخيرة
بالتوفيق يارب ومشكورة على الطلة
------------------------------
هلا أبوريان ( albader ) صبحك الله بالخير
أحساسك بالتخرج وتقديرك مقبول ( شرحك سرا ) وعلى قولتك عندنا وعندك خير
بالنسبة للشهادة بأذن الله بستفيد منها سوا كان تقديرى مقبول والا ممتاز تسجل فى ملفي الوظيقي بكالوريوس
شد حيلك وأنا أخوك وبالتوفيق

[منحوس فى الجامعة]

أكليل الورد الله يعافيك ومشكوره على المشاركة والدعوة الحلوة
والله يوفقك وتخلصين الجامعة بدرجات تسرك وتوسع صدرك
----------------------------------
ان مع العسر يسرا هانت وأنا أخوك راح النص وباقى مثله أو أقل بأذن الله
وترى السنين من تالي اسرع مو زى أول
شد حيلك يا مال العافية وبتخلص
بالتوفيق أخوى

[naif_sa]

اتمنئ لك التوفيق ولجميع الطلاب والطالبات
والله يسهل لك 17 الساعه المتبقيه بأذن الله
ولكن اتمنئ منك اخي العزيز استبدال اسمك من منحوس الجامعه الي مكافح الجامعه
اتوقع انه سيكون لايق عليك اكثر
تفائلو بالخير تجدوه

[منحوس فى الجامعة]

الاخو هلا باللى يحب التميز مثلى ( 111 )
وتسلم على كلماتك الحلوة والمعبرة .. الله يرضى عليك
يالله نتخرج سوا الترم الجاي بأذن الله ونحط مفطح للطلاب المنتسبين والا خبز صامولى أى أزين هههههههههه
بالتوفيق يالغالي
------------------------------
هلا أبونايف .. تدرى أحس أن أي أبونايف شقردي وذيب وتحطه على الجرح يبرا
لانى أعرف أثنين كلهم ابونايف وكل واحد أطيب من الثاني وأنت إن شاء الله مثلهم
يامال العافية
بس وش الحكمة من الماجستير فى الاردن .. مدرى أحس أنها صعبه دراسة الاردن ؟؟ وش رايك أنت ؟؟

[منحوس فى الجامعة]

طالبه إدارى وأنساني مشكورة على الاطراء
والحماس والكفاح معطينيه ربى وأحمد وأشكره عليه وثم على صبركم ومثابرتكم يا طلاب الانتساب
تراكم والله تتعبون .. الله يعطيكم الصحة والعافية
وبأذن الله أول ما أتخرج بصور الشهادة وبطبع منها 7 الاف صورة وفى كل مكان يروحون فيها أخوياي بيلقونها فى وجيههم ههههههههههه خلهم ثانى مره ما يتريقون ويتطنزون على
الله يوفقك
---------------------------------
jentel30
أحمد الله وأشكره وأثنى عليه ان أعطانى وهو لا زال يعطينى سبحانه من خيراته
ومشكور على كلامك الرائع .. وسعت صدرى الله يوسع صدرك بالعافية
وزى ما أنا بفرح بشهادتى وتخرجي الترم الجاي بأذن الله .. أنت تفرح بتخرجك قريب إن شاء الله

[منحوس فى الجامعة]

مساعد 99 هلا ابوفهد
جعل هالضحكة على وجهك دوم يارب
وقل لولدك فهد ترى F ما تنفع أبد هههههه
بالتوفيق يالغالي
--------------------------------
naif _sa
أمين الله يوفق الجميع
والله جازتلى فكرة تغيير الاسم
بحاول أغيره أن شاء الله بس عساه يكون سهل التغيير
لان بعض المنتديات يرفضون تغيير الاسم .. ما أدرى وش السبب !!
مشكور يالغالي على الدعم والفكرة
والتفائل موجود ولكن بيزيد زود بتوفيق من رب العزة والجلال

[سهم صايب]

اخي المكافح قصة رائع

انا قصتي مشابه لقصة ولكن كانت دفعتي 2006 في السنه الاولى الـ ( f ) رافقني في 8 مواد
والناجح في ( 3 ) مواد ولاعاد كملت سحبت ملفي قبل لا يسحبون علي ...
لكن والحمد لله سجلت في دفعة 2010 وماشي حالي والحمد لله

والله يوفقك وتخلص 17 ساعه بخير

[الاسد88]

قصة مثيرة ومؤثرة بطلها طالب مثابر ومكافح ..

اخي كل ماذكرت محل اهتمامي وفقك الله ..

النجاح الحقيقي وانا اخوك يوم تقول(هاؤم اقرءوا كتابيه) .
اللهم اجعلنا ممن نقولها : (فأما من أوتي كتابه بيمينه فيقول هاؤم اقرءوا كتابيه) .
بارك الله فيك وشرح صدرك ورضي عنك وارضى عنك خلقه ..

[منحوس فى الجامعة]

سهم صايب ما شاء الله عليك
والله أنك شقردي وأنا أخوك
تعرف شى لو الواحد يشد حيله أيام الاختبارات بس والله يعدى بسهولة
الله يوفقك ويسهل عليك ويتمم دراستك على خير ومشكور على الدعوة بارك الله فيك
----------------
عندى سؤال :
وش اللى خلاك ترجع وتكمل .. بعد ما تركت الدراسة وصفه ffffffff اللى كانت عندك ؟؟