اشياء ومعلومات عن الشرفية .. عشان تتحمسوا لو انقبلتوا فيها :p

[*sweet smile*]

المشاركة الأصلية كتبت بواسطة besho2009 يناااااااااااسسسس يسعدك صراحة .. دا من زوقك خلاص لازم بما اني مستجدة عندكم تعلمولي جولة وتوروني المباني وكل شي

سورري كتير على ردي المتأخر

بس ما شفت موضوعك الى الحين

حبيبتي فيه اذا تبي

الاخوات الله يسعدهم السنة اللي فاتت عملوا قروبات بنات

تأخذهم في جولة حولين الجامعة و تعرفهم بالمباني اذا قدرتي دخلي نفسك معهم

او حتى اسألي البنات اللي يمشون بالعكس مرة متعاونين الله يسعدهم يا رب

بالتوفيق =)

[Mlouk]

أنا انقبلت في الشرفية ومرسي ع الموضوع افتيني ع المباني

[أصداف,,]

بنآت تتوقعوا الشرفيه تكون مفتوحه بكرآ كمآن ؟؟

آخآف تتقفل قبل ما أجي

[*ضوء*]

السلام عليكم ..
لو سمحتي عندي كم سؤال واتمنى انكم تجاوبوني عليه :$
لو سمحتي لو عندك خريطه للمباني جوا ممكن تحطيها ؟؟

والمكتبه الموجوده هناك؟ اش اسمها ؟ الخوارزم ؟؟

وكمان مفتوحه في ذي الايام ولا لا ؟؟ لانه ابغى اروح اشوفها ؟

وياريت اذا عندك ايميل عميدة الكليه "الشرفيه " تحطيه هون لانه احتاجه ؟؟

ادري اسألتي كثيره بس محتاجه الاجابات ضروري ..

[< BoNiTa >]

آن شآءلله بككرآ تكوون مفتوحةة و م تقفل علينآ =ّ /
و حمسسستيني لهآآ .,,
يعطيكي آلعآفييةة .، وبالتوفيق لكي في السسسليمآنيةة

//

[besho2009]

المشاركة الأصلية كتبت بواسطة *ضوء* السلام عليكم .. لو سمحتي عندي كم سؤال واتمنى انكم تجاوبوني عليه :$ لو سمحتي لو عندك خريطه للمباني جوا ممكن تحطيها ؟؟ والمكتبه الموجوده هناك؟ اش اسمها ؟ الخوارزم ؟؟ وكمان مفتوحه في ذي الايام ولا لا ؟؟ لانه ابغى اروح اشوفها ؟ وياريت اذا عندك ايميل عميدة الكليه "الشرفيه " تحطيه هون لانه احتاجه ؟؟ ادري اسألتي كثيره بس محتاجه الاجابات ضروري ..

لا والله ماعندي خريطة بس ترا مررة ماتضيع .. كل المباني باينة كدا ولو مرة مرة تقدري تسألي ..

لكن إن شاء الله حتعرفي ومحاتضيعي ..

بخصوص المكتبة اعتقد انو اسمها كدا وكل كتب التحضيري موجودة فيها بس نصيحة

من بداية السنة ازا تبو تشتروا كتب روحوا من بدري عشان تلحقوا لانو الكتب ماشالله تخلص بسرعة .. وما اتوقع دي الايام مفتوحة الشرفية بكبرها لانو حتى اللي عندهم صيفي مابيداوموا فيها ..

بالنسبة للايميل فحسألك عنو
:)

[besho2009]

المشاركة الأصلية كتبت بواسطة أصداف,, بنآت تتوقعوا الشرفيه تكون مفتوحه بكرآ كمآن ؟؟ آخآف تتقفل قبل ما أجي

لا إن شاء الله تكوون مفتوحة ..

السنة الي فاتت قبلت بنات اكتر من الي قبلتهم السليمانية :)

فإن شاء الله دي السنة كمان

[besho2009]

المشاركة الأصلية كتبت بواسطة dooma ياجماعة انا دخلت على الاودس بس مو راضي يدخل رقم الطالب كامل ايش المشكلة واللي داومت في الشرفية كيف الموقع كويس وكيف الاساتذة والتدريس طمنوني

الموقع كويس والمكان مرتب لاتخافي

فمحاقولك هوا مررة واو بس مرتب وحلو لانو المكان جديد واحنا اول سنة داومنا فيه

بالنسبة للاساتذة فأكيد في منهم الكويسة وفي منهم السيئة ..

عموما انتو لمن تبدأو دراسة قولولنا عن اسماء اساتذتكم واحنا حنفيدكم إن شاء الله ..

بالتوفيق

[تازه المشاكسه]

السلام عليكم ورحمة الله وبركاته
لو سمحتوا
فرع الشرفيه هي الكليه الموجوده في حي الفيصليه

[besho2009]

المشاركة الأصلية كتبت بواسطة تازه المشاكسه السلام عليكم ورحمة الله وبركاته لو سمحتوا فرع الشرفيه هي الكليه الموجوده في حي الفيصليه

لأ

فرع الشرفية بعد شارع فلسطين شي زي كدا >>> مرررررة ما اعرف في العناوين ابدااا

لكن الي في حي الفيصلية هوا فرع الفيصلية

:)