تجمع الطالبات المستجدات بماجستير الأحياء 1432-1433 هـ

[شتاء يختزن الرعود]

مرحبا نانيتا .. اذا تخصصك بالبكالوريوس غير النبات وانتي مختاره نبات فشيء طبيعي يكون عندك تكميلي

واذا بتتأكدي وخايفه تكون غلطة ممكن تراجعي الشؤون الاكاديميه أو القسم ..

..

[شتاء يختزن الرعود]

المشاركة الأصلية كتبت بواسطة hadole اخيتي الغالية انا انصحك فقط بالمادتين الاجبارية ولا تاخذي اي مواد اختيارية معاها وبالنسبة لمادة التركيب الدقيق د/ سمر رباح هي الي تعطيها هذه المادة مالها اختبارات لانصفي ولا نهائي تعتمد على بحث تعملي لها عن الخلايا والانسجة والاجهزة ورد وبوربوينت المختلفة وتحتاج منك جهد كبير انا فعلا كنت مستسهلة الموضوع خاصة ان مافي امتحان بس احمد الله ان اخذتها مع مادة اخرة في السمستر الثاني فافضل خذي المادتين عشان تفهمي الماستر كويس تتاني وبعد كذا كل ترم خذي ثلاث مواد وبالتوفيق

مرحبا هدول .. كل عام وانتي بخير وبصحة وسلامه

كنت عامله حسابي على أساس أخذ 3 مواد / احصاء / مواضيع / التركيب الدقيق

يعني فكرت ان المواضيع مادة كثيفة وثقيله بس مو صعبه فأقدر آخذ معها مادتين أقل كثافه .. التركيب الدقيق فهمت منك أنها مو صعبه بس تحتاج شغل وجهد وأنا متفرغه فبأستغل وقتي ..

لأني اذا بديت بمواد التخصص الدقيق ما راح أقدر آخذ 3 مواد لأنها راح تكون أكثر صعوبة فراح آخذ بعدها مادتين على فصلين مع ندوة البحث وبكذا أبدأ بالرسالة بالمستوى الرابع .. يمكن تشوفوا تخطيطي غير مناسب .. بس أحس باستعداد كامل اني اطبقه ..

بس برضو راح استخير واحط توجيهك قدامي وربي يسخر لي الخير ..

وأشكرك اختي الغاليه وبانتظار تواجدك معنا وافادتنا مانستغني عن خبرتك

.

[أنامل مبدعة]

نانيتاا ..

انا مثلك مع اني مستوفيه الشروط الحمدلله ,,

لكن تخصصي في الكليه نبات واخترت في الماستر مايكروو ,, معقوله عشان كذا يكون علينا مواد تكميلي !!

انا سألت قبل كذا وبالعكس طمنوني ان ماتكون علي مواد تكميليه لآني خريجه نفس الجامعه ... !

وكنت حاطه في بطني بطيخه صيفي ع قولتهم من ناحيه التكميلي -.-
والآن ما اعرف شيء عن الامور والاجراءت اللي لازم اسويها لو فعلا علي مواد تكميلي .. هل لازم ارجع الكليه !

انا عندي عشم كبير يكون في خطأ في الامر ..

[nanita]

المشاركة الأصلية كتبت بواسطة شتاء يختزن الرعود مرحبا نانيتا .. اذا تخصصك بالبكالوريوس غير النبات وانتي مختاره نبات فشيء طبيعي يكون عندك تكميلي واذا بتتأكدي وخايفه تكون غلطة ممكن تراجعي الشؤون الاكاديميه أو القسم .. ..

مشكورة اختي على ردك ربنا يسعدك ان شاء الله انا تخصصي نبات و اخترت تخصص فيروسات يمكن عشان كدا نزل تكميلي

[nanita]

المشاركة الأصلية كتبت بواسطة أنامل مبدعة نانيتاا .. انا مثلك مع اني مستوفيه الشروط الحمدلله ,, لكن تخصصي في الكليه نبات واخترت في الماستر مايكروو ,, معقوله عشان كذا يكون علينا مواد تكميلي !! انا سألت قبل كذا وبالعكس طمنوني ان ماتكون علي مواد تكميليه لآني خريجه نفس الجامعه ... ! وكنت حاطه في بطني بطيخه صيفي ع قولتهم من ناحيه التكميلي -.- والآن ما اعرف شيء عن الامور والاجراءت اللي لازم اسويها لو فعلا علي مواد تكميلي .. هل لازم ارجع الكليه ! انا عندي عشم كبير يكون في خطأ في الامر ..

هلا فيك يا اخت " أنامل "
أنا مثلك تقريبا لكن تخصصي نبات و قدمت فيروسات وهو طبعا تبع المايكرو بس لما شفت الخطة الدراسية للمايكرو مالقيت في شي لازم يندرس "الفطريات والفيروسات والبكتريا "كلها درستها في البكالوريس
بإذن الله بكرة بروح اراجع عند العمادة و أفيدك .بالتوفيق

[أنامل مبدعة]

نانيتا الله يسعدك وانتظر ردك ان شاء الله ,, خاصه اني ما اقدر اراجع الكليه اليومين هذه ..

ع فكره انت بتراجعي وين السليمانيه ولا الفيصليه .. ؟
وانت مقبوله في اي فرع ..؟

فعلا درسناها بس الله يسهل علينا ومايكون في مواد تكميليه . ..

[nanita]

عزيزتي انا خريجة الفيصلية وقبلت في فرع الفيصلية ولله الحمد
الله يجعل التوفيق حليفنا يارب

[أنامل مبدعة]

آمين نانيتا . .


الله يسعدك

[أنفاس مشرقة]

المشاركة الأصلية كتبت بواسطة nanita مشكورة اختي انفاس على ردك ..بس لو تسمحيلي بسؤال متى اتصلوا عليك في رمضان او متى...

اتصلوا علي في رمضان وعفوا انا كتبت كائنات دقيقه مو كائنات طبيه دقيقه << لاني حابه هذا التخصص لخبطت @_@


المهم اني غيرت الى علم حيوان اللي هو تخصصي في الباكلوريس

[أنامل مبدعة]

نانيتا ..

الظاهر من كلام انفاس ان علينا فعلا مواد تكميليه ..

هي تخصصها علم حيوان واختارت مايكرو
واحنا علم نبات واخترنا مايكرو

..‏ ‏ -.- ..

الآن بدت تساؤلات كثيره تجي في بالي ..
هل ندرس تكميلي ومواد اجباريه في فصل واحد .. ؟ وكيف اعرف موادي التكميليه من الاوديوس ولا من الجامعه نفسها .. ؟
‏ ‏


‏ الله يعين ..