حسبنا الله ونعم الوكيل على الثقافة الاسلامية >>> راسة انفجر

[اسم المستخدم]

الاسئله غير واضحه

كمثال السئول عن من يعتقد انه يجوز له الحكم بغير شرع الله هل هو كافر


======

طيب الحكم بغير شرع الله له نوعاً

النوع الاول من يعتقد انها أفضل من حكم الله و هذا كافر

النوع الثاني من يحكم بها و متيقن ان حكم الله افضل فهذا ظالم و فاسق


طيب سئوال الدكتور أقطه بأي نوع من هالنوعين


صراحه انا أخترت x


الله يقطع بليسه الدكتور يفكرنا دار الافتاء على غفلة يوم حاسنا بنوعية أسئلة لها أكثر من جواب و جواب


بغيت أنكب اللجنه و أكتب

الله و رسوله أعلم

و من ورى خشومهم يعطوني نصف الدرجه على أجتهادي


أمهاهم يبون ثقافه أسلاميه هذي الثقافه الاسلاميه على اصولها

تعرف جاوب و لك أجرين أجر الاجابه و أجر الاجتهاد

ما تعرف قل الله أعلم و لك أجر الاجتهاد


انا جاني مغص من يوم شفت أخوانا المطاوعه بالصاله قعدوا يتلفتون يمين و يسار

قلت لا صار مطاوعتنا راحوا فيها أجل حنا وش بنزين


لا خط واضح و الخيارات متشابكه مع بعضها البعض

لو دارين كان جبنا معنا مجهر و ريحنا عيونا


تحياتي

[azzam_f2]

وانا اشهد ماقلت الا الصحيح يا اسم المستخدم

ورقة خضرا الي جتني قسم بالله مثل ماقلت لو ادري لونها اخضر والكتابات متشابكه كان جبت معي دربيل

[°•°•وجــدان°•°]

الحمدلله احنا حلوة اسئلتنا بس خفت لا ينتهي الوقت وانا لسا
ما خلصتها 100 سؤال
الله يوفقنا اجمعين

[ومضة حنين]

يؤ يؤ حتى الدين هنا معصبين منه ههههههه

الدين عندنا كان إبداااااااااااااع جزاها او جزاه الله خير من حطها

100 سؤال بس كلها حلوه ومفهومه والي فيه غموض ما اظن يتسمى صعب

بس احس انتم الشبآب أخذين المسئله بصعوبه وكل شي شوفنه صعب

وأراهن بكرا بتتشكون على الرياضيآت مايعجبكم العجب في كثير قالو الثقافه حلوه اليوم الشبآب بس انتم حفظ حفظ مافي تركيز ابد

< أحس بيجيني سآطور طآير مليون

في امان الله ههههههه

[تركي الشمري]

لالالالالالالالالالا ياشباب والله الاختبار سهل
حرام عليكم وازيدك من الشعر خشب والله ماذكرت الا قبل الاختبار ب3 ساعات
وابدعت في الاختبار

[علي عبيد]

تدرون عاد اني بديت في مذاكرة الثقافه من شهر 11 وداخل اليوم الاختبار علي بالي اني بجيب ميه ميه والله من جد اسئله صعبه وزي ماقلتي لاشي مما سبق ذي تفجر المخ عموما مو مشكله ذا اول ترم ومن زمان عن الدراسه ولو لاسمح الله صار فيه حمل للمواد مو مشكله عرفنا كيف وضع الاسئله ...........الرياضيات بكره ماني مذاكر اصلا ماني عارف شي زي ماتجي تجي اقسم بالله اني طفشت بس نصبر إن شاء الله وربنا كريم ....بالتوفيق للجميع....والجنس اللطيف هنيالكم بالاسئله السهله عارفين انكم بتتخرجون وتقعدون في البيت عشان كذا مختصرين عليكم المشوار هههههه

[ومضة حنين]

علي نص المبتعثات بنات من شاطرتنا يعني رغم اننا بنات بس نقدر تحمل مسؤوليه وعلم <~ انا مو منهم للأمانه هههه

بس بعد والله الاسئله مو بالمستوى الي تتكلمون عنه مع ان اتوقع بكل صراحه اسئلتكم حق الثقافه ماجات للصعوبه من طريق

وودي ينحط النموذج ولا ودي كل واحد يحط مثال ابي النموذج كآمل يعني مستحيل صعب لان المنهج كله مو صعب

وسلآمتكم يالدوآفير هههههه

[ashmrane]

مع احترامي للجميع الثقافه مره سهله للي ذاكر من الكتاب ام من استعان بالمذكره فسيواجه صعوبه لاني ذاكرت من الكتاب وراجعت من المذكره فعرفت ان الاساله لن يحلها الامن ذاكر الكتاب فقط(لانها من بين الاسطر)

والحمد لله اني ذاكرت من الكتاب وماسمعت الزملاء الي استهانو بالماده وقالولي(الثقافه عاديه المذكره وهي كثيره)

[طفشني المنتدى]

حتى الثقافه صعب ؟
بالله انتم وش تبون
كل شي مو معجبكم
انا ودي اعرف الاسئله الصعبه هذي وشي
اصلا المنهج كله سهل
واي احد ممكن يجاوب من غير مذاكره .. تكفي المعلومات العامه

[ومضة حنين]

يبون اسئله الي بآخر الكتاب منرزه من الخلاصه شي وآضح مايبون يتعبون أبد

ولا صارت صعبه وقضيه اتمنى ما احد يزعل ..~

والله يستر بكرا من الي بيصير عاد رياضيآت لازم حفله تصير منكم هنآ