ادعوا لي بالشفاء العاجل

[يآرب مآخآب من ترجآك]

:(

الله يشفيك والله قصتك تعور القلب خصوصا الاله الحاسبه حسيتك منلخم صدق !:(

الله يحفظ لك الوالده والاولاد يارب

[أبو طلال22]

المشاركة الأصلية كتبت بواسطة ااابو يزيد انا صادفت حادثين بطريقي واحد صادم ناقه والثاني سيارته تريلا قالبه بالطريق بس الواضح لي يابو طلال انك قبل الحادث تفكر ببحوث عمليات حمدلله على سلامتك والله بس شفنى حروفك بهالمنتدى عندنا افضل من نجاحك ببحوث عمليات

الله يسلمك

جننتني بحوث العمليات الله لا يردها يكفي اني اول ماشفت الالة على طول بالجيب

[أبو طلال22]

المشاركة الأصلية كتبت بواسطة يآرب مآخآب من ترجآك :( الله يشفيك والله قصتك تعور القلب خصوصا الاله الحاسبه حسيتك منلخم صدق !:( الله يحفظ لك الوالده والاولاد يارب

امين يارب العالمين الله يجزاك خير

والله من جد منلخم

[baket]

الحمدلله على سلامتك
اخوي تصدق لله الي سلمك

[نايف1]

الف مليون حمد لله على سلامتك وماتشوف شر يالغالي والله انا شفت الحادث ولاكن صار لي موقف في حياتي ماعاد صرت اوقف عند الحوادث .

الحمد لله انني في اخر ترم وراح نفتك من مشاوير جدة وربنا ستر علينا ثلاث مرات كلها في الاختبارات

بنشر يوم الرجعه الجمعه ولكن ربك ستر والثاني نمت فالطريق وفتحت عيني وان لاحق التريله من وراء ولكن ربك ستر والثالثة بنشر بعد القويعية .

مرة اخرى اسال الله انه يعوضك ويستر عليك ويعافيك

[بيبرس2008]

الحمد لله عالسلامة ولا بأس إن شاء الله طهور طهور
وانا قايل لك يوم وصلت الحوية مرة عالقاعدة الجوية وريح وبعدين امسك الخط وانتي مفلل استرخاء
لكن المرة القادمة حياك الله هههههههه( بتغشمر وياك )
والحمد لله عالسلامة

[M.70]

الحمدلله ع السلامه ،، ومبروك نجاحك في البحوث

بالنسبة للحوادث ،، كثيره للاسف ياليت الجامعه تستعجل في اختبارات المناطق وتفكنا من الاستنزاف المالي والبدني الي صاير

بالنسبه للاخوان الي يقولون طياره وريح راسك

٣٠٠٠ للجامعه + ٥٦٠ تذكرة + تجلس في جده ١٥ يوم
١٥ يوم * ٢٠٠ اجار شقة = ٣٠٠٠
١٥ يوم * ١٠٠ اجار سيارة = ١٥٠٠

يعني تخسر ٨٠٦٠ ريال .. غير اكلك وشربك لانك بتكون هناك عزابي .. ولا تنسى ان الكلام هذا عن ترم واحد بس

يعني في السنه بتخسر ما يقل عن ١٧٠٠٠ لا تلوم الناس اذا خاطرت وجت بالسياره عشان توفر
انا اسوي الحذف والاضافه واضغط الجدول عشان اوفر علي نفسي مصاريف

الله يعين بس ،، حمدلله ع سلامتك مره ثانيه

[الــيــورو]

المشاركة الأصلية كتبت بواسطة أبو طلال22 السلام عليكم ورحمة الله وبركاته وانا راجع يوم الخميس من جدة الى الرياض كان باقي على الرياض 260 او 280 كيلو قبل مخرج الرويضه قابلني كفر تريلة يسمونه ليات وانا مسرع كنت مشتااق حيل لامي وعيالي صار لي 20 يوم ماشفتهم المهم حاولت ابعد عن الكفر وصدمته مع الطرف واختل توازن السيارة واكلت ثلاث قلبات على الردمية والحمد لله نزلت من السيارة وسجدت سجود الشكر لله على اني قدرت انزل من السيارة طبعاً وقتها منلخم مدري ويني فيه اجتمعوا عندي شباب الله يجزاهم خير ماقصروا قالوا جب اغراضك المهمة قلت اهم شي الجوال والمحفظه ودورناها وبشق الانفس حصلناها وانا ادور الجوال والمحفظة لقيت الآلة الحاسبة واخذتها حطيتها في جيبي واتذكر بحوث العمليات واقول بنفسي حاملها حاملها مافيها نقاش ودوني لمستشفى الرويضه قالوا عطنا جوالك ومحفظتك واعطيتهم اللي في جيبي كله ومعها الالة ضحكوا اخوياي بعد ماجوني طلعت من مستشفى الرويضه وعلى طول لمستشفى الملك فهد وفحوصات كاملة والحمد لله سليم طلعوني بعد 7 ساعات تقريبا وقالوا يبيلي راحة جسمي كله كدمات والم بالظهر والارجل والحمد لله على كل حال بس انبه كل الشباب من كفرات التريلات وابشركم عديت بحوث العمليات 60 وكاني ماخذ 100

الحمد لله على السلامة أخوي أبوطلال22

وبصراحه أنا كنت حاضر الحادث حقك كان حوالي الساعة 9.30مساء بصراحه وأنا اخوك أنت

كانت سرعتك عاليه مرة والحمد لله على كل شي وياليت وأنا أخوك تنتبه لنفسك وتحاول ماتسرع .

والله أني تحمدت الله على سلامتك يوم شفتك طلعت من السيارة بخير والله يعوضك خير

[أبو طلال22]

المشاركة الأصلية كتبت بواسطة m.70 الحمدلله ع السلامه ،، ومبروك نجاحك في البحوث بالنسبة للحوادث ،، كثيره للاسف ياليت الجامعه تستعجل في اختبارات المناطق وتفكنا من الاستنزاف المالي والبدني الي صاير بالنسبه للاخوان الي يقولون طياره وريح راسك ٣٠٠٠ للجامعه + ٥٦٠ تذكرة + تجلس في جده ١٥ يوم ١٥ يوم * ٢٠٠ اجار شقة = ٣٠٠٠ ١٥ يوم * ١٠٠ اجار سيارة = ١٥٠٠ يعني تخسر ٨٠٦٠ ريال .. غير اكلك وشربك لانك بتكون هناك عزابي .. ولا تنسى ان الكلام هذا عن ترم واحد بس يعني في السنه بتخسر ما يقل عن ١٧٠٠٠ لا تلوم الناس اذا خاطرت وجت بالسياره عشان توفر انا اسوي الحذف والاضافه واضغط الجدول عشان اوفر علي نفسي مصاريف الله يعين بس ،، حمدلله ع سلامتك مره ثانيه

الله يسلمك

كلامك صحيح اخوي وانا احاول اقلل من المصاريف لاني لو رحت بالطيارة فيها زيادة تذكرة وسيارة اجار

[B-52]

الف الحمدلله على سلامتك يابو طلال

والف مبروك النجاح خاصة ف بحوث العمليات

ومعوض خير في السياره اهم شي سلامتك

والله يحفظك ويحفظ كل مسلم لاهله واولاده