تجمع مادة بحث وتدريب للدكتور حسين برعي - 1434- 2014

[محبوب الهمس]

ي اخوان الي عنده احد يعمل بحوث يعطينا رقمه او ايميله

وشكراً

[صالح العوني]

رد علي الدكتور ورفض الموضوع حق البحث اللي اخترته وقالي المراجع قديمه


يعني وش الحل يا شباب اتمنى احد يفزع لنا بشيء ونعدي هالماده على خير

[فـهـد99]

لاحول ولاقوة الا بالله
كان الله في عوننا طلاب خرجيين وشروطه تعجيزيه
مااقول حسبنا الله والنعم والوكيل
الدكتور /عمر الشرقي كثير متعاون وقبل بحوث طلابهم
لكن الدكتور حسين مصيبة على الطلاب

[@الوافــــــــــــــــي@]

ياشباب رد علي الدكتور وطلب مني اني احدد موعد للحضور والمناقشة والاختبار وش قصته ليه هالتعقيد كيف النظام ياشباب وانا من خارج جدة

[عبدالله الألمعي]

الله يوفقك يا الوافي وجميع من يقرأ

وحدد وقت مناقشتك في أيام الإختبارات
لما يكون فيه أيام ما فيها أختبار إذا انت من برا المنطقة

:


أرسلت للدكتور على إيميله عن مشكلة متعلقة بالصحة والمستشفيات وما رد
وبعد أسبوع أرسلت على جواله إنه ما رد على بالإيميل ... وكتبت له عنوان بحثي بالرساله
وإني بديت فيه بحكم ضيق الوقت وقرب الإختبارات ... وهو يدري إننا إنتساب ...
وكان رد علي الدكتور برساله نصيه مضمونها : ( لا غير مقبول هذا البحث ويجب إتباع التعليمات ولن يقبل أي بحث إلا بعد الموافقه )

وإن جينا للواقع لا فيه تعلميات ولا هم يحزنون ...
لأن أول رسالة منه كتب ( ابحث عن مشكلة صحية مثل نقص الأسرة أو نقص الأطباء وإرسلها على إيميلي وبعد ذلك نكمل )
عطاني موضوعين على سبيل المثال ... والمشكلة إن الموضوعين ما فيها مادة بحثية عشان نكتبها ... كل إللي طلع معي بالنت مقالات في الجرايد ...
والموضوعين مجالها ضيق ومالي إلا إني ابحث في الكتب عن هالموضوعين ...


بصراحة مع إني خريج إن شاء الله الترم هذا ... أنا جدياً بديت أفكر إني أنسى إني أخذت مادة البحث الترم هذا ...
وإني أشغل نفسي وأبدأ وأذاكر موادي الثانيه ... والترم الجاي آخذ البحث مع دكتور متعاون ومتساهل ومتفاهم ...
والله يا شباب مو قصدي إني احبطكم ... لكن من القهر عندي خمس مواد ما أشغلتني كثر ما اشغلني هالبحث ...
وأغلب إللي يسوون أبحاث يقولون ما نشتغل عند حسين برعي ... طلباته كثير ومقعدة ...

صراحة شي يحير
الله ييسرها إن شاء الله لنا جميعاً ويفرجها

[فـهـد99]

حسبنا الله والنعم والوكيل على هذا الدكتور
حسبنا الله والنعم الوكيل وعلى هذة الجامعة مثل ماوضعت هذا الدكتور

والله ياناس لي ثلاث شهور اشتغل بالبحث وفرت كل متطلباته وصار يطلب اشياء غريبة لاتخطر على البال
وانا ومعي ستة من الطلاب بصدد رفع شكوى لمدير الجامعة او ديوان المظالم علية حرام يرووح السهر والجهد

[ابو شهد2]

ياخوان من ناقش مع الدكتور حسين برعي يفيدونا الله يجزاكم خير

نبي ايش طلباته بالمناقشة

هل يناقش صفحة صفحة هل يدقق بكل كبيره وصغيره

هل يسال من وين المراجع هل يطلب المراجع ويدقق فيها

افيدونا

[nawazeef15]

المشاركة الأصلية كتبت بواسطة ابو شهد2 ياخوان من ناقش مع الدكتور حسين برعي يفيدونا الله يجزاكم خير نبي ايش طلباته بالمناقشة هل يناقش صفحة صفحة هل يدقق بكل كبيره وصغيره هل يسال من وين المراجع هل يطلب المراجع ويدقق فيها افيدونا

ذكر لي طالبين امس الثلاثاء انهم ناقشوا عنده البحث وانهم غير متجاوب معهم وانه في البداية جمعهم في مكتبة وأعطاهم اختبار عبارة عن ثلاثة اسئلة
وهي كالتالي :
1- تكلم عن بحثك بحدود من 100 الى 200 كلمه ؟
2- ماهم منهج البحث المتبع ؟
3- اذكر المراجع التي استخدمتها ؟
ثم بعدين اخذهم واحد واحد واخذ يسألهم عن البحث وانه طلب احضار المراجع مع البحث .
يعني باختصار لابد انكم تعرفون وتذاكرون بحثكم زين وبالتوفيق لكم

[صالح العوني]

اللي بيرفع شكوى للدكتور انا معكم اذا حابين نتواصل ونرفع شكوى لو نسوي مظاهره عند الجامعه على هالدكتور وتعامله ماعندكم مشكله انا معكم

[TARIQ S]

boriehussein@yahoo.com

هذا ايميل الدكتور الجديد والمعتمد ....