حملة شباب الكلوركس للتبيض !!!!؟؟؟؟‎

[.SuperGirl]

الله يهدي المسلمات والمسلمين..
ويهديني ويهديكم..

[ابوطلحة]

المشاركة الأصلية كتبت بواسطة malak_2100 قووووووووية تعرفون انتشرت ألحين أقلام الليزر لمعاكسات البنات ومضايقة العوائل من الشباب وهدفهم المغازلة لكن ألحين طلعت حركه جديدة من الشباب يستهدفون البنات إلي يلبسون عبايات مخصرة وفاتنة وسمو نفسهم حملة شباب الكلوركس للتبيض !!!!؟؟؟؟ وشفتهم في السوق بس شفت بنات قليل منهم تعرفون وش السالفة ؟؟ اللي قالت لي الخبر بنت محتشمة في لبسها للعباية تقول رحت أنا وزوجي للسوق ومنها بنلعب العيال ، شفت أربع بنات لابسين عبايات مره فاضحه واثنين شباب يمشون وراهم وأنا وزوجي عيونا عليهم وشوي إلا واحد من الشباب طلع من جيبه أبره ورش عبايات البنات وانحاشو !! جلسنا نمشي ورى البنات ، تقول وشوي تغيرت لون عبايتهم طلع لها لون غريب يضحك / واضح إن منكب عليهم كلوركس !! وبعدها جلست أدور في عبايتي عسى مارشوني أنا بعد !! تقول الحمدلله عبايتي ما فيها شي وراحوا البنات وتقول زوجي مستغرب و يفكر ليه سووا الحركة هاذي ؟؟!! تقول سبحان الله بعد ماشريت لي ملابس رحنا نلعب العيال بالملاهي إلي بالسوق ولقينا نفس الشباب وقلت لزوجي شوفهم هناك ورى البنات وراح لهم زوجي وبعد خمس دقايق رجع يضحك قلت له هاه وش السالفه ؟؟ قال وهو يضحك : الإبرة اللي شفناها معهم هذي أنبوبات بدون أبره وفيها كلوركس يقولون اللي عجزت عنهم الهيئة تكافحهم إحنا نكافحهم !! يقول الشاب لزوجي : نجي بدري لأي سوق يسمحون لنا ندخله و نلبس بنطلون أبيض أو ثوب ونحط في الجيب الواحد 10 أنبوبات فيها كلوركس ونرش عبايات البنات المخصرة والفاتنة ويحلف بالله اللي محتشمة ما نرشها !! نرش بس العبايات المخصرة والفاضحة !! وسمو نفسهم شباب الكلوركس للتبيض... !! يقول عددنا اللي في السوق 10 نتقسم وإذا خلص الكلوركس اللي معنا نروح نعبي من الجالون اللي بالسيارة وسألهم زوجي ليه تسوون كذا ؟؟ تعرفون ويش قالوا ؟ قالوا هدفنا واضح هو نخلي هالبنات يلتزموا بالستر وبس !!!!..... والله عليهم حركات ماتجي في بال أحد وانصح كل وحدة بالستر في كل مكان مو في السوق وبس ولا راح تكون عرضه لشباب التبييض ! وأضحوكه للناس! وعلى فكره شفت كم بنت ينعدون على الأصابع في أحد الأسواق تعرضوا للتبييض بالكلوركس !! عساهم يتأدبون الله يهدينا ويهديهم ويستر علينا وعليهم شر البلية مايضحك بس صدق عرفوا لهم

والله والنعم بشباب الخير.........ونعم ...الله يوفقهم

[Othman]

تم حذف عدد من الردود

ويرجى من الإخوه والأخوات عدم الخروج عن الموضوع
وفي حال وجود أي اعتراض .. بالإمكان الكتابة في قسم الاقتراحات والشكاوى ،،

[سارة عبد العزيز]

الله يجزاك خير يا مديرنا سكاو والله اللي عملته عين العقل ورأس الحكمة ...
الله يهدي الشباب ويهدينا معاهم...

[البادي]

كنت انتظر حذف الموضوع خير شر بس عموماً
شكراً

[Da_JokEr]

ترى غلط ما يسير كده انه الواحد يقوم بحركات بايخة وقلة ذوق

فيه نظام في البلد فيه حكومة فيه هيئة

اما شغل يلا شباب يلا نسوي يلا نغير,,,فجدا غير حضاري

فيه وسائل بديلة الانسان يقدر يتخذها عوضا عن رش المواد الكيميائية او اي شي اخر

وبعدين هل يرضى انه اهله يتعرضولها؟؟؟ ما اتوقع حيقول بالفم المليان اهلي متربين؟؟ !!!

وهو يعني الولد المتربي ويآذي بنات الناس عايدي؟؟!!! سبحان الله

الدعاء طيب,,,,الكلمة الطيبة كويسة,,فيه الف طريقة وطريقة

لكن شغل الفلة والونسة هو الماشي عندنا وبس

وبعدين يا صاحب الموضوع ماعندك عالاقل رابط او مصدر؟؟ يكون افضل

مشكور على جهدك ونشوووووفك تاني

[Da_JokEr]

المشاركة الأصلية كتبت بواسطة البادي كنت انتظر حذف الموضوع خير شر بس عموماً شكراً

هو يستاهل الحذف اذا كان مجرد تنميق وتخريف

اما اذا كان واقع وحقيقي فلا يستحق

في الاخير هيا مجرد رأي شخصي اتفق فيه معك ويمكن غيري يختلف,,,,كلنا احرار,,,ونشووووفك تاني

[سارة عبد العزيز]

بالمناسبة هما شباب الكلوروكس ليه مايرشوا غير "البنوتات" ليه مايرشوا شباب موضة "طيحني" وغيره...!!!
ليه مايرشوا العبايات في مصدرها الأصلي عند الباعة...؟؟؟!!! ليه مايرشوها غير على البنت...؟؟؟!!!
لو البنت تعمل الحركة هذه للشباب إيه حيقولوا عنها...؟؟؟!!!
أدري أن البنت غير و الولد غير لكن "عامل تُعامل" اللي ماأرضاه على نفسي... ليه أرضاه على غيري...؟؟؟!!!

[Da_JokEr]

حب الذات دائما يطغى على علاقاتنا وتفكيرنا,,,,,

وحتى تصرفاتنا

نشوووووفكم تاني

[Da_JokEr]

انا اسف يا سكاو,,,ويا صاحب الموضوع,,,اتمنى ما تكونون زعلتم ولاشي من هدا القبيل,,,مجرد روح دعابة لتخفيف وطء حدة الحوار,,,

ويا صاحب الموضوع اكرر لك طلبي انه الافضل تثبت موضوعك برابط او مصدر,,,لاني سئلت وحثت ومالقيت اي خبر عن الموضوع,,

ويمكن تكون مجرد حالة فردية لا اكثر ولا اقل من ذلك ونقلتها لنا كما هيا,,,بس بيني وبينك لا تكون من المشاركين في الحملة هههههه /// عندك وظائف؟؟؟ وكم الراتب؟؟

اجمل الاماني والدعوات

ونشووووووووفكم تاني