يوم الاخلاء كشفت لي حقيقة موظفات الأمن !!!

[قمر جدة]

لابد من الالتزام يابنت الجامعه بنظام والقوانين

[بنت جدة المنكوبة]

المشاركة الأصلية كتبت بواسطة شواطئ البحر عن جد سخافة خاصة حكاية شحن الجوال لانها صارت معاي بالذات صرت اشحن بدس ماحد يشوفيني (كأني مهربه ممنوعات) حسبي الله ونعم الوكيل عليه وكمان طلعو سالفة جديدة مسجلة بلمعهد الدورات وعطونا بطاقة دخول للجامعة (لون أصفر) وهذا المعهد قريب من البوابة غربيه 2 فمر بطلع من غربية 1 لان سيارتي من بيتي أقربلها بوابة غربيه 1 فلما تطلعتلها البطاقة قالتلي ممنوع تخرجي من غربيه 1 قوتلها ليش ممنوع قالت علاشان المعهد قريب من غربية 2 فلازم تطلعي من هناك قتلها أختي تخرج من هذي البوابه بخرج معاه لان حرام أخللي أخوي يجي عند بوابه 1 وبعدين يجي عند بوابة2 علماً انا وأختي نطلع فنفس الوقت قالت لو سمح الله وصارلك شي (قاعدة تتفاول علي حسبي الله ونعم الوكيل) وشافو بطاقتك وبطاقتك من المعهد فليش خرجتي من هنا خلاص خقد عليهم أكرهة تتصارفاتهم الغبية فأللي سويتها جبت الوثيقة حقتي وبطاقة الأحوال وصرت أخرج من غربيه 1 ومحد يقولي شي سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

بنات تعالوا إشحنوا جوالكم في مبنى البتول لاتزعلوا
لأن إحنا مجبورين في قسم الملابس نستخدم الكهرباء
هاااااااااااا حليت مشكلتكم

[عبرة حزن]

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخ

[بنت جدة المنكوبة]

المشاركة الأصلية كتبت بواسطة noir السلام عليكم هذي السنة الرابعة لي في الجامعة و كل يوم اسمع قوانين جامعية جديدة تنافي العقل و المنطق بس المشكلة مو في القوانين هذي ممكن نعديها و نستحملها 4 سنين المشكلة في نفس الموظفات الي الجامعة موظفتهم عشان يحرسونا أو يعرفو يتصرفو لمن تصير مشاكل بالجامعة .. و من موقف الاخلاء الي صار بيوم الثلاثاء الي فات عرفنا انهم من جممممبها بس ببدأ من القوانين و بعدين نحكيكم ايش صار بيوم الاخلاء ... القانون الأول اخراج البطاقة من حاملة البطاقة اليوم و انا داخلة البوابة الغربية و بطلع بطاقتي عشان اوريها لموظفات الأمن ( الي سمعت انه جايبينهم من السجون ) و انا بطاقتي حاطتها في (card hold) الي هيا بالعربي الفصحى حاملة بطاقة تعرفو ايش هو الكارد هولد ؟ صح ؟ هو اختراع عبارة عن بلاستيك تعلقيه حول رقبتك عشان عشان تحطي فيها هويتك ! طيب ... المفاجأة في الموضوع انهم صارو يطلبو مني اخرج البطاقة من الكارت هولد !!!!!!!!!!!!! في دا الشي أقول معاهم حق إنو يشوفوا البطاقة لأن سارت حركة قبل كدا وحدة من البنات صورت البطاقة ومغيرة الصورة القانون الثاني ممنوع استخدام فيش الكهربا هذا القانون لغز صعب و مو عارفين على اي اساس مانعينه صحبتي جابت لابتوبها و بطارية لابتوبها خلص قامت راحت و شبكته في الكهربا جات الأمن تقولها ... ممنوع تستخدمي الكهربا !! ههههههههه نكتة و على قولة صحبتي طيب ليش حاطين فيش الكهربا على الجدار ؟ ايش فايدتها ؟ منظر ؟ مو معاهم حق...اشتكو لما يسير اجتماع مدير الجامعة اشتكوا على هذه النقطة القانون الثالث ممنوع خروج الطالبة من الجامعة قبل الساعة 9 انا قعدت افسر القانون هذا قلت يمكن عشان يضيقو على البنات الي يخرجو مع اولاد و يخلوهم ملطوعين ساعة عشان توحشه و يوحشها و بعد الساعة 9 تنفتح المطاعم و المحلات و يروحو يتمشو مع بعض .. طب مادام البنت جات بدري ليش تخرج بدري وإلا وفي شي أنا شفت بنات قدام عيني مسكوهم الأمن برا خارجين مع واحد تكسي سعودي وكانو مرا خايفين البنات وشكلهم مسويين غلطة كبيييييييرة الله يستر علينا وعليكم القانون الرابع عند الدخول للجامعة و عند( الخروج ) منها ابراز البطاقة الجامعية اوكي لمن ندخل الجامعة معاهم حق في هذا القانون .. بس لمن نخرج منها بالله من فين اكون جاية ؟! مو من الجامعة الفايدة الوحيدة من ابراز البطاقة عند الخروج التأكد ضياع بطاقتك في الجامعة أو محفظتك و غيرها من القوانين التي لا تطابق العقل و لا المنطق !! غير المنطق .....في بعضهم حتى وجبة البيك يفتحوا غطاها علشان يشوفوا البنت إذا حاطة شي ممنوع أم لا....... الغير المنطق إنو يسوا تصريح للاب توب وماكينة خياطة ولا يشوفوا رقم التسلسل في كل مرا تخرج البنت فيها من الجامعة وتخرج......أجادي إيش فايدة التصريح؟؟؟ السنة إلي فاتت انسرقت ماكينة خياطة من الجامعة إيش رأيكم؟؟؟ وكمان قبل فترة إنسرق جهاز من الجامعة قيمتو 32000ريال وين أمن ديكا الساعة كذا يا جامعة الملك عبدالعزيز ؟ موظفين ناس اتحدى لو عندهم شهادة روضة و المسمى الوظيفي حقها (موظفة أمن) ! جايبينهم عشان يستقبلونا من عند البوابات و يطفشونا و يخلونا ندخل بوجيه كشرة ترى عندهم شهادة ثانوية وبعضهم مرا طيبين وحدة منهم كل ماأدخل وأخرج تدعيلي وتقلي والله القوانين دي هما مجبوريين يسوها لأنهم مؤتمنين عليها عشان يسحبو في جوالاتنا و لابتوباتنا و يصادروها ( أي تعني ياخذوها ) أنا لمن صادرو مني الايفون كنت مقفلة جوالي و لمن جيت اليوم الثاني اخذه منهم لقيت الجوال مفتوح و البطارية مخلصة .. عرفتو ايش كانو يسوو ؟ أنا كنت ساااااكتة على حركاتهم و قوانينهم الهبلة الي كل يوم تطلع بشكل الين ما جاء يوم الثلاثاء الي فات و صارت حكاية الاخلاء لو سكتنا عليهم بيجي يوم يا احنا حنضيع او بناتنا في المستقبل الي حيدخلو الجامعة راح يضيعو أنا ما كنت فيه وقتها بس صحباتي كانو في و حكوني ايش الي صار بحكيكم و انتو استنتجو على اي أساس مسمينهم (موظفات أمن) ...!! طبعاً تعرفو بعد حادثة السيل الي صارت في جدة و الناس كلما تشوف غيمة سودا يرتعبو و يخافو و بيوم الثلوث جات غيمة سودا و على حسب كلام صحبتي تقولي وقتها كانت الساعة 12 الظهر بس الدنيا كأنها بالمغرب فعملو اخلاء للجامعة و خرجو البنات من كلياتهم و حتى الناس الي كانت تمتحن خرجوهم و سحبو منهم الاوراق و طبعاً اتوقعو انه راح يكون في ازدحام شدييييد عند البوابات و كل بنات الجامعة انحشرو في منطقة وحدة و يستنو سياراتهم عشان تاخذهم و يرجعو بيوتهم سالمين الي صار كانت الساعة 12 و نص و موظفات الأمن الكرام قاعدين يقولو " يا بنات عجلو سواقينكم" .. و لمن تأخر الوقت و صارت الساعة 1 و نص أو 2 تغيرت الجملة الى : "اطلعو برة الجامعة احنا ما نبغى نتحمل مسؤوليتكم" !!!!!!!!!!!!!!! و طلعو البنات برا الجامعة و جلسو يستنو السواقين مو مشكلة نموت برة الجامعة بس جوة الجامعة حتكون مسؤولية عليهم قال أمن قال .. شكراً يا جامعة الملك عبدالعزيز على توظيف موظفات أمن ما يبغو يتحملو مسؤولية !! فالحين بس في التطفيش و تطويل اللسان و يستفردو على البنات الضعاف و يخافو من البنات البوية و الشلق بالله لو جاء السيل و البنات برا و لا صارت حوادث بسبب الازدحام الشديد و ماتو ناس بسببها بس الحمدلله ربي ستر و ما رااااااااااااح اسكت عليهم و اخلي الموضوع يصير نسياً منسيا لا احد يقولي لا تكبري الموضوع لأنه الموضوع اصلاً كبير !!!! الكل ساكت و مو راضي يتكلم و المفروض انه نشتكي لازم صوتنا يوصل للمسؤولين الي فوق و يشوفو حل معاهم أنا خرجت بدري ساعتها و بس اترك باقي التعليق لكم !!!

[فتاة2010]

إلا الجامعة موجوده لتعليم الطلاب ،الأساس فيها الطالب..

أما جميع المناصب التعليميه هي في خدمة الطالب وتوفير متطلباته من أعلى واحد مدير الجامعة وأعضاء هيئة التدريس..

البقية احترامنا لهم لكنهم يخدمون المبنى ولا يخدمون الطالب..

الطالب يفترض ما يغتر لكن هو اللبنة الأساسية للجامعه..

لو أي عضو هيئة تدريس جلس يتكلم ويهذي إلى الغد لأعوام محد يوليه الاهتمام إلا الطالب الذي يدرس عنده مادته فقط.. وجهة نظري كالتزام بين الطالب والمنهج المطلوب منه..

ودمتم

[S.S.STRAWBERRY]

حسبنا الله ونعم الوكيل ..... من جد قهر

[MS.Fabulous]

ياحلاه امن فرع البنات الفيصليه
في حااااااااالهم ومايتلقفوا كثير
وماعندنا شؤون اصلا
الله يخليهم لنا بس
^_^

[Fatema Alshareef]

المشاركة الأصلية كتبت بواسطة miss teen لا حول ولا قوة الا بالله ,, حبيبتي noir انا كنت مستغربة نفس حكايتك انو ليش لما نخرج نوريهم البطاقة ! اقولك ليش ^^ لانو بنات السكن ممنوع يخرجوا من الجامعة وهم بطايقهم حمرا فعشان كذا وقت الخروج يشوفوا بطاقتك ,,

خخخخخخخخخخخ

عندك خبره ماشاء الله مس تين ,,,,

[Fatema Alshareef]

اما عاد على سالفة ممنوع تشحني جوالك ,,,

ماعمرها صارت معايا ,,,, بس ياليت تصير بيوم من الايام ,,,, اعلمهم وقتها ان الله حق ,,,

[Patricia]

تعالي شوفيهم .. لما يكون عندناااا دوااام بالجااامعة يوم الخميس ...
لا تعليق .. ؟؟؟!!!

" مع اني اتوقع انهم ياااخذو اوفـر تـآيم ع جيتهم الحلوووة " ..