لجميع طلاب السنة التحضيري "مهم جدا"

[Mr.van]

انا مع السنة التحضيرية نسبيا
ضد المدة مع التقييم
انا رايي انهم بدل مايخلونها سنة يخلونها زي الدورة شهرين ثلاثة وتكون محصورة بين المواد اللازمة للتخصص يعني اللي يبغا هندسة يدرس رياضيات وفيزياء وانقليش بس وحسب الدرجة يدخل التخصص ومالها داعي انو يدرس مواد مايستفيد منها في التخصص لانه قد سبق واخذها في المرحلة الثانوية

هذا رايي وشكرا

[Rafo0ofh]

انا عن نفسي معاها وضدها
معاها لانها تحدد مين اللي يستاهل انو ينقبل ومين اللي انقبل بالحظ
وكمان أأيدها لان الطالب\ة من المواد تحدد ايش ممكن تتخصص
زيي انا ايام الثانوي كنت ابغا رياضيات او حاسب بس لما دخلت مسحت فكره الرياضيات من بالي وقررت حاسب وبس
ان شاء الله
لكن في نفس الوقت ضدها لاني احسها لسه يبغالها دراسه وتعديل من المسؤولين ورؤساء الاقسام
يعني بالنسبه للمناهج وللإختبارات مافي اتنين يختلفوا انو معظم الاختبارات اسئله ما ندري من فين
كانها اسئلة قدرات مو اسئلة من المنهج
يعني السلبية حقت هادي السنه انها مو منظمه اولا تانيا انهم مصعبينها بزياده لدرجه كرهتنا في الجامعه كلها
هادا رأيي الشخصي
والله يوفق الجميع

[mohammed mn9]

والله أنا ابدددا ما أؤيد السنة التحضيرية
اولا لو فيه واحد مثلي أنا بتخصص إن شاء الله حاسبات ... ايش اللي بستفيدو من الاحياء والكيميا والإحصاء ...بس اضيع سنة واشد أعصابي فيها ع الفاضي وانا همي اللي ابغاه في مادة ولا اثنين

أنا أشوف انو كل واحد يدخل ع التخصص اللي هو يبغاه من اول سنة عشان يقدر يبدع في المجال اللي هو يحبو

[مناهل منصور]

انا اعتررض وبششده كماآن..

لانو حرام الواحد شد حيلو في ثانيه وثالث ثنوي والقدرات والتحصيلي حتى دي اياميها زاكرناها
كل املو يدخلو جامعه وقسم حلو
وفي النهايه تطلع التحضيري اللي ضيعت سنتين الثنوي كلها هوآآء

ونرجع مرا تانيه نشد حيلنا فالتحضيري ايش هو دا ايش معانا من طاقه
ولسا ورانا نشد حيلنا الكم سنه حقت التخصص والله حرام كل طاقتنا بتروح ...

بالاقل يروحونا وبلاش من التحضيري ع طول نتخصص ونتعب في تخصصنا شيء عارفينو اكيد حنشد حيلنا فيلو

وجزااكي ربي خير ياحلو و ة.

[No_0ne]

مع التحضيري مع اضافه التحسينات ...
ليش مايسوون زي جامعه الملك سعود ...
عندهم التحضيري 3 مسارات ...
علمي
ادراي
ومسار موحد للكليات الصحيه <<< طلاب و طالبات التخصص دا يكون تسكينهم بلكليات الصحيه حتى موادهم زي كمياء حيوي و مقدمه في المصطلحات الطبيه لها علاقه بالتخصص :)
يعني احس نظام سعود مراااااا ممتاز و منظم غير ان الجامعه على مستوى ...
على العموم الكلام دا ما بيودي ولا يجي تحضيري و اهو اقل من شهر ان شاء الله و نودعها للابد باذن الله...
و بالنسبه للحظ ترا اي اختبار يكون اختيارات متعدده يدخل فيه الحظ لان اختيارك للاجابه الصحيحه = 25 %
و في حاله الصح و الخطا يكون = 50 %
>>> و بالتوفيق للجميع في الدنيا و الاخره ...

[عالية بطبعي]

لا لالالالالالالالالالالالالا انا مع التحضيري وضده
....انا معاها عشان ننصدم في المواد قبل ما نتخصص ونعرف كل مادة زين....
....وضدها لأنها سنة مالها داعي بس نكرف فيها....
وهي من جد تبين مستوى الواحد الحقيقي لكن مو فكل شي....
ولو انهم يسألونا قبل ما نبدأ عن التخصص اللي ناويين ندخله ويعطونا بس المواد اللي ندرسها فيه يكون احسن مع انه من سابع المستحيلات...
لكن في النهاية اقولكم عبارة وحطوها دايما قدامكم لانها راح تشجعكم...
من طلب العلا سهر الليالي

[محمد الداود]

نظآآآآم جااامعة الملك سعووود مرررررة ممتآآآز ،،،

[N-A-20]

المشاركة الأصلية كتبت بواسطة محمد الداود نظآآآآم جااامعة الملك سعووود مرررررة ممتآآآز ،،،

+
100000000000000

[No_0ne]

المشاركة الأصلية كتبت بواسطة محمد الداود نظآآآآم جااامعة الملك سعووود مرررررة ممتآآآز ،،،

الى الان متحسفه عليها حتى الدرجات مو كلها على الاختبارات على ما اظن عندهم معامل عليها تقريبا 20 درجه من المجموع اذا ما خانتني الذاكره ...
مو زينا 100 درجه على تلوين دواير :(

[Majed7]

المشاركة الأصلية كتبت بواسطة no_0ne الى الان متحسفه عليها حتى الدرجات مو كلها على الاختبارات على ما اظن عندهم معامل عليها تقريبا 20 درجه من المجموع اذا ما خانتني الذاكره ... مو زينا 100 درجه على تلوين دواير :(

إنتوا ما تعرفون كيف نظام الملك سعود ..

فيه عندهم ستة مستويات إنجلش - وأغلب طلاب العام كانوا في المستوى الثاني - .. يعني يوصلوا للمستوى الخامس في نهاية الترم الثاني .!

فيه سنة تحضيريه للكليات الطبية .. وسنة تحضيرية للكليات العلميه .. وسنة تحضيريه للاداري

الكليات الطبيه ( طب .. أسنان .. علوم طبية تطبيقية .. صيدله ) : عدد المقبولين في هذا القسم 800 طالب سنويا ..

الطب 100 طالب .. والاسنان 80 طالب .. و250 طالب علوم طبيه تطبيقيه .. و 150 صيدله .. والبقيه لا تقولوا وين يحطوهم ^_×

الكليات العلمية ( هندسه .. حاسب .. كلية العلوم .. عمارة وتخطيط .. .. )

وعدد طلابها 2000- 2200

وطبعا الكليات الصحيه طلابها وطالباتها دوافيـــــــــــــــــــــــــــــــــــــــــــــ ـــــــــــــــــــــــــــــــــــــر جدا جدا جدا ..

والكليات العلمية وإنت نايم تدخل أي كلية تبغاها ..

عموما : تحمدوا ربكم إنكم في جامعه الملك عبدالعزيز .. ترا الكليات الصحيه هناك وبالاخص ( الطب ) مووووت الدخول فيها ..