مراجعة فاينل إدارة العمليات د. هاني + سيده (أول رد)

[بنت ناس وقلبي ألماس]

خلاص يا بنات أنتم أرسلوا إيميل للدكتور وفهموه السالفة وأكيد أصلا الدكتور زعل لما قالوا مايبغوا مراجعة عشان كذا مارد على اللي أتصل عليه بس أكيد لو فهم السالفة راح يعطينا مراجعة وعادي لو ما يقدر بكرة يعطينا الربوع مو مشكلة أهم شي يعطينا مراجعة.
أنا أرسلت ايميل وإذا رد راح أعطيكم خبر.

[girl.k.s.a]

المشكلة إنو ما يرد
لا جوال ولا ايميل ولا أي شي :/

كيف نوصلّو ؟!
مآفي غير إننا نروح شطر الطلاب نكلمو خخخخ
^
أمزح طبعا ، بس ياريت لو مارد يروح بكرا واحد من الشباب يكلمو
وعاد لا تنسوا جيبو العيد ودلوهـ على المنتدى عشان من جد يبطل ويوريكم شغلكم خخخخ

[girl.k.s.a]

حصل خير، وكان درس وأتعلمناهـ منكم جزآكم الله خير
+
لو انتا ذكي راح تعرف إنو أهم كلاس هوا آخر كلاس حتى لو كنت
غايب طول الدهر راح تستفيد ،
ويلا ما صار شي وإن شاء الله ربي رآح يسهل أمورنا ورآح نعدي على خير من هالمادة
ونتوب ننزل مع أي دكتور أو حتى نعطي أحد وجه

مشكورين كلكم

+

ترى الموضوع ما صار مفيد كلو ردود على الفاضي
لو أحد كتب شي مهم لا تخافو راح أحطو لكم في أول رد

[تاتلين]

استغفر الله العظييييييم

قيرل حبيبتي لاتشيلي هم انتي والبنات ان شاء الله تتيسر..

وتعالوا بكره مراجعة سيده من 12 الى 1 وان شاء الله تستفيدوا منها بما انها هي اللي بتكتب الاسئله..

[عبود الفهلاوي]

المشاركة الأصلية كتبت بواسطة تاتلين استغفر الله العظييييييم قيرل حبيبتي لاتشيلي هم انتي والبنات ان شاء الله تتيسر.. وتعالوا بكره مراجعة سيده من 12 الى 1 وان شاء الله تستفيدوا منها بما انها هي اللي بتكتب الاسئله..

بالله يا بنات لا تنسوا اخوكم الصغير من الملاحظات المراجعة وموضوعات الاختبار
اكتبوها بسرعة في المنتدي هنا. ولو تسألوها عن اختبار الدكتور هاني شباب اذا عندها فكرة
جزاكم الله كل خير

[arona]

حسبي الله ونعم الوكيل
ايش اسوي أنا ضايعة في دي المادة لابنتحفظ ولابتنفهم
الارقام والقوانين معانا ؟ وشبتر 6 كلو معانا ؟
ودرجاتنا حقت الدوري كيف نعرفها والواجبات متى نسلمها ؟؟؟
أنا مفروض اني تعلمت بعد الميمني ما اخد مع دكتور
حسبي الله بس

[looo0oooly]

من جد نعمل حسابنا انه في مراجعه و في النهاية يقول مافي
و حتى ع الايميل ما يرد
اصلا يا قيرل مو بس في العمليات بتسير دي الاشياء : حتى في الموارد في محاضرة العمل و العمال
(و ترا احنا سمعنا الكلام اللي قالوا الاولاد ع البنات في محاضرة العمل و العمال لاننا كنا جالسين قدام جنب المايكروفون , قالوا كلام المفروض ما ينقال في محاضرة لاننا جايين الجامعة نتعلم و المفروض يكون في احترام بيننا و تعاون , و ترا دكتور حسين دكتورنا زي ما هوا دكتوركم : و ترا مره مالو داعي حركات التريقة اللي تسير في الكلاس ع البنات و كل ما تسال بنت سؤال للدكتور يقاطعها واحد من الاولاد و يجلس يضحك : حسبي الله و نعم الوكيل : وكل واحد عارف نفسه ايش قال)
^^^
معليش طولت عليكم بس من القهر

[بنت ناس وقلبي ألماس]

دكتور هاني أخلاق وتعامله راقي وعندي أمل أنه حيرد وحيعطينا مراجعة دام مالنا شغل في اللي صار.

[koooka]

المشاركة الأصلية كتبت بواسطة بنت ناس وقلبي ألماس دكتور هاني أخلاق وتعامله راقي وعندي أمل أنه حيرد وحيعطينا مراجعة دام مالنا شغل في اللي صار.

ايوا صح الدكتور طيب و أخلاق
حتى انا عندي أمل يراجع لنا
و على كلام البنت هوا قال تبوا الإثنين واللي حضروا قالوا لا
يعني مو هوا اللي قال مافي مراجعة

[coOola]

,’


حبيباتي اسستهدوا بالرحمن وتوكلوا على الله ورح تتسهل إن شاء الله

أما الناس الثانية ، اللي ما فـ راسهم غير أنا وأنا .. بدون اكتراث بـ أي شخص آخر في المكان

حسابهم على رب العالمين ، ياخذ لنا حقنا منهم وإحنا حاطين رجل على رجل ,,

على كلٍّ الدكتور ما يرد على إيميلهه ، ولا على جواله!

حاولوا تتصصرفوا في هاليومين في المادة ، وخذوا لكم درس محترم زي ما أخذناه معاكم

ولين يعرف البعض إيش يعني دراسة ومسؤولية ! وإيش يعني زي ما أنت لك حق لغيرك حق

ربكم يفرجها!!