تجمع المتقدمات لمعيدات مهارات الأتصال (( الأختبار التحريري )) أدخلي لكي نفيد ونستفيد

[مادلينا]

تذكرت كلام أختي الغالية واللي أعزها من كل قلبي ( مطلع الفجر) مع إني ما أعرفها شخصياً
اقرأوا الكلام استوعبوا كل كلمة تقولها صدقوني ماراح تزعلون أبداً إن الوظيفة ما جات من نصيبنا
((أختي الغالية مادلينا أبغى أقولك لو الوظيفة هذي من نصيبك ومكتوبة لكِ راح تاخذيها مهما كانت الأسباب ، وربنا سبحانه يقدر للأنسان الأسباب اللي تيسر له الأمور اللي فيها خير لها ، ويقدر الأسباب اللي تبعد عنه الأمور اللي فيها شر له .

فلا تحزني إذا ماكنت الوظيفة هذي من نصيبك ..لأنه ماراح تختاري لنفسك أفضل من اللي راح يختاره لكِ رب العالمين ، واسجدي لله شكر وحمد إذا ربي وفقك في القبول فيها .

واسأل الله لك التوفيق وأن ييسر لك الخير ))

وعلى فكرة الجملة اللي بالأحمر هي اللي دايما أتذكرها وما راحت عن بالي أبداً وأول ما عرفت إني ما ترشحت لوظيفة السلامة تذكرتها على طول

الله يسعدك يا مطلع الفجر وين ماتكوني

[حياتي هي امي]

ونعم بالله
اناعن نفسي مرات كثيره قدمت علي وظايف معيدات ماينزل اعلان الاوقدمت لدرجه ان في احد المرات نفسيتي جدا تعبت لاني كنت الاول على الدفعه وصاحبتي ماشاءالله اللي قدم معاي اوبعدي انقبلوا وكنت هذا المره لمن قدمت كنت اقول هذا اخر مره اقدم بس كنت مرتاحه ان لو ماجاتني مافيه خير لي وان كتبها لي ربي الله يجعلها وظيفه السعاده وامي على طول تدعي لي ( الله يكتب لك الخير) والحمدالله الحين تسهلت والله يتمم على خير وثاني شي الاستغفار

[سبحان الله]

مبروك للجميع
الله يبارك لكم فيها
ويرزقنا من واسع فضله

بخصوص التقديمات
ياكثر ماقدمت وقابلت ورحت وجيت
وياكثر مااكتئبت وانا معدلي في الماستر قريب 5
وخبرة ودورات
والكل يقولوي مو معقول...لسا ماتوضفتي... من اللي يشوفوه عليه من نشاط ومتابعة

احيان اتضايق واقول متى ...بس متى
لكن دايما متيقنة ومؤمنة ان ربي كاتبها لي وكاتب لي فيها الخير وان كل وضيفة تروح مني اكيد اللي لي افضل لاتقولون كيف مقتنعة وراح عمرك ومتى حتيجي الناس اتوضفت الا انتي وانتي مو منطقية وراعية امل

مؤمنة ان ربي اذا علم صدق حاجة عبده
وتمام اتكاله عليه
فلن يخيب رجاه

تحياتي للجميع
وبالتوفيق للجميع

[hanaa_11]

الله يسعدكم أخواتي,,

تبارك الرحمن عليكم متفائلين وواثقين بالله

هكذا لنكن وإلا فلا ^_^

<< ما أنسى كلام شيخ قبل أسبوعين, قال:(إذا شيء أتمنيته كوظيفة أو رزق ولم يأتيك وذهب لغيرك فلا تقول ليش راح لغيري وليش هو مو من نصيبي وليش وليش, فهذا اللي ربي كاتبه,
تبغى تاخذ رزق مو لك!!
تبغى تاخذ شي غصبا عن الله!!
ولا تقول واسطة..
اللي لك حيجيك غصب عن كل الناس
واللي مو لك ما حتاخذه لو ايش سويت)


وبالتوفيق للجميع
خالص ودي واحترامي

[طالبة نجيبة]

أهلين صبايا
مبروك للي انقبلوا وانا منكم ان شالله,, والله يعوض الباقيات الصالحات خير منها يارب

بالنسبة لتأخر قرار التعيين, راجعت الكلية , وقالوا روحي للجامعة عند أ.عائشة شطوان كملي اجراءاتك,,
ولما رحت افادتني انو مو من عندهم التوظيف , والمسؤولة عنه في كلية السلامة وحدة اسمها أ.شرف
وقالت استني قرار التعيين, قلت مو من المفترض يصدر على طوول ؟ قالت لا مو شرط , يمكن مانزلت وظايف ووقت ماتنزل يعبوا اللستة بأسماءكم. قلت اشلون مانزلت وظايف طب احنا انقبلنا!!!!
المهم ارسلت رسالة باللي صار لي لجوال أ. لمياء من الكلية . بس مااحد رد علي .
هذا اللي صار معايا واتمنى اللي يستجد معاها شي أو يطلع قرار تعيينها تخبرنا ,,

بالتوفيق بنوتات

[شاكرة لله]

انا اليوم دقيت على صديقة لي لها خبرة وقالت ان التعيين بيكون في شهر محرم تزامنًا مع الميزانية، يعني لاتخافي اصبري شوي، انت الان قطعتي شوط كبير في الموضوع وماعاد باقي الا قرار التعيين، وتوي ادري انك تقدرين تستصدرين القرار قبل ماينزل هو من تلقاء نفسه طبعا بعد نزول ارقام التعيين.. عالعمووم كل وحدة يابنات تسرد تجربتها وخلونا على تواصل

[رحاب ال منصور]

المشاركة الأصلية كتبت بواسطة شاكرة لله انا اليوم دقيت على صديقة لي لها خبرة وقالت ان التعيين بيكون في شهر محرم تزامنًا مع الميزانية، يعني لاتخافي اصبري شوي، انت الان قطعتي شوط كبير في الموضوع وماعاد باقي الا قرار التعيين، وتوي ادري انك تقدرين تستصدرين القرار قبل ماينزل هو من تلقاء نفسه طبعا بعد نزول ارقام التعيين.. عالعمووم كل وحدة يابنات تسرد تجربتها وخلونا على تواصل

السلام عليكم اخواتي

الف مليون مبروك للمرشحات

والله يرزق الباقيات بوظيفة احسن منها يارب

كلام الاخت سليم ,,, مريت بنفس وضعكم بالضبط

الحين اللي اترشحوا خلاص قطعتوا شوط كبير

مع بداية السنة المالية راح تنزل ارقام وظيفية بعدين يوزعونها عليكم

الله ييسر اموركم ويوفقكم يارب

باقي لي حاجه مهمة استغلوا هالوقت اللين تنزل فيه الارقام الوظيفية بالاستغفار والدعاء

دعواتي لكم

[شاكرة لله]

المشاركة الأصلية كتبت بواسطة رحاب ال منصور السلام عليكم اخواتي الف مليون مبروك للمرشحات والله يرزق الباقيات بوظيفة احسن منها يارب كلام الاخت سليم ,,, مريت بنفس وضعكم بالضبط الحين اللي اترشحوا خلاص قطعتوا شوط كبير مع بداية السنة المالية راح تنزل ارقام وظيفية بعدين يوزعونها عليكم الله ييسر اموركم ويوفقكم يارب باقي لي حاجه مهمة استغلوا هالوقت اللين تنزل فيه الارقام الوظيفية بالاستغفار والدعاء دعواتي لكم

الف شكر لك يااخت رحاب عالتوضيح وشكرررا على المشاركة بتجربتك.. طمنتينا الله يطمنك..يعني انت انتظرت زينا الين بداية السنة ودقوا عليك؟؟؟ والله حسبت ان احنا الوحيدين اللي مرينا بالتجربة هذي
جزاك الله الف خير

[طالبة السمو]

طيب سؤال يا أخوات اللي سبق وجربوا
أنا مرشحة مثلكم والحمد لله لكن زوجي عنده عمل خارج المملكة في الأشهر القادمة؛ فمتى حتكون المباشرة بالضبط؟؟ لأن هذا يترتب عليه سفري معاه أو بقائي في السعودية

[شاكرة لله]

المشاركة الأصلية كتبت بواسطة طالبة السمو طيب سؤال يا أخوات اللي سبق وجربوا أنا مرشحة مثلكم والحمد لله لكن زوجي عنده عمل خارج المملكة في الأشهر القادمة؛ فمتى حتكون المباشرة بالضبط؟؟ لأن هذا يترتب عليه سفري معاه أو بقائي في السعودية

حبيبتي.. شوفي الموظف قال شهر محرم بنتعين ان شاء الله ..وقال كمان انهم بيحاولون يخلص الموضوع قبل محرم بس مو اكيد..فأنتي شوفي اذا زوجك بيتخلص شغله قبل محرم..توكلي على الله وروحي معاه، والا اجلسي انتظري احسن ماتدرين متى يتصلون عليك ينادونك، الا اذا يمديك تسافرين وترجعين من السفر قبل زوجك في حال اتصلو عليك وانت خارج المملكة.
وفي النهاية مالك الا الله ثم الاستخارة..
موفقة ياعسل...