(للمستجدات) .. كل ما تريدي معرفته عن السكن الداخلي للطالبات فرع السليمانيه

[S.Insurance]

السلام عليكم ورحمة الله وبركاته
صبـــــــــــــــــــــــــــــــــايا
من جد اسعدني تجمعكم وتفاعلكم
حبيت اسئل عن مرضى السكر ليش مو مسموح لهم يسكنو
وتعرفو احد معاه سكر وقبلو السكن
وكيف قبلوه
وغير كدا لازم لازم ابوي هو اللي يجي معاي يعني ماينفع اخوي حتى لو مامعاه وكاله
ان شاء الله تقدرو تفيدوني

مـــــــــــــــــــــــــــــــوفــــــــــــــــ ـــــــــقــــــــــــــــــــين

[لا ولو]

يعطيكم العافيه على مجهوداتكم

[Fatema Alshareef]

المشاركة الأصلية كتبت بواسطة s.insurance السلام عليكم ورحمة الله وبركاته صبـــــــــــــــــــــــــــــــــايا من جد اسعدني تجمعكم وتفاعلكم حبيت اسئل عن مرضى السكر ليش مو مسموح لهم يسكنو وتعرفو احد معاه سكر وقبلو السكن وكيف قبلوه وغير كدا لازم لازم ابوي هو اللي يجي معاي يعني ماينفع اخوي حتى لو مامعاه وكاله ان شاء الله تقدرو تفيدوني مـــــــــــــــــــــــــــــــوفــــــــــــــــ ـــــــــقــــــــــــــــــــين

وعليكم السلام ورحمة الله وبركاته ,,

بالنسبه لمرضى السكر ,, ما أعرف لكن بإذن الله أسأل وأرد منك ,,

ونعم ,, ابوكي هوه اللي لازم يجي ,, لكن لو كان عامل وكاله لأخوك فا يكفي أخوك ,,

[S.Insurance]

المشاركة الأصلية كتبت بواسطة بنت جامعتي وعليكم السلام ورحمة الله وبركاته ,, بالنسبه لمرضى السكر ,, ما أعرف لكن بإذن الله أسأل وأرد منك ,, ونعم ,, ابوكي هوه اللي لازم يجي ,, لكن لو كان عامل وكاله لأخوك فا يكفي أخوك ,,

الله يوفقك دنيا واخره
ماتعرفي قد ايش متورطه
الله يسهل يـــــــــــــــــــــــــــــــــــــارب

[S.Insurance]

ياجماعة الخير افيدوني
يومين وماحد رد علي
الله يوفقكم يارب

[Fatema Alshareef]

الأخت S.Insurance

اليوم سألت المسؤوله بالسكن .. قالتلي انو عادي يستقبلو بس اللي حالتهم بسيطه ,,

كمان لمحتلي انو شغل الواسطه حيمشي اذا كان معاكي .. قالتلي المستشفى ممكن يكتب بورقة الكشف الطبي حقك سليم

وبس تقدري تسجلي ..

[S.Insurance]

المشاركة الأصلية كتبت بواسطة بنت جامعتي الأخت s.insurance اليوم سألت المسؤوله بالسكن .. قالتلي انو عادي يستقبلو بس اللي حالتهم بسيطه ,, كمان لمحتلي انو شغل الواسطه حيمشي اذا كان معاكي .. قالتلي المستشفى ممكن يكتب بورقة الكشف الطبي حقك سليم وبس تقدري تسجلي ..

يـــــــــــــــــــــــارب يوفقك يابنت جامعتي
ويسعدك دنيا واخره

ورقة الكشف الطبي مقدور عليها
لاكن لو عملتها وجاء وقت دخولي السكن وفتشو اغراضي وشافو ادويتي
اش راح اقولهم ساعتها
عشان كدا قلت خليني امشي في السليم
واديهم الجمل بما حمل

وهما وضمايرهم حرام اخر ترم في الجامعه يضيع علي بسبب شرط من شروطهم
حلو مو بيدي

الف الف شكر لك حبيبتي
مـــــــــــــــــــــــــــــــــــوفــــــــــــ ــــــــقـــــــــــــــه

[Fatema Alshareef]

^^^^^^
لاآآآآآآه ياحبيبتي ترى الموضوع مو بهذي الاهميه اللي تتخيليها ,, من زين تفتيشهم بنات الامن اي كلام وبعدين ترى لو شافو الادويه حقك مو دارين هيه ادوية ايش ,,, لاتكبري السالفه مره عادي ,,

[S.Insurance]

المشكله انو ادويتي عباره عن ابر انسولين
يعني لو يشوفوها اكيد حيسألوني
لو حبوب عادي بقولهم اي حاجه

انا حقدم بالتقرير الطبي الصحيح
ان شاء الله يقدرون صدقي معاهم ويقدرون وضعي

[rose18]

السلام عليكم
كل عام وانتم بخير

الحين أخواتي ممكن ارجع للسكن الخميس والا لازم الجمعة زي اول السنة ؟