تجمع طالبآت خطه(ب) للاستعدآد للاختبآرآت النهآئيه>نفيد ونستفيد~

[رنيم سليمان]

^


الجوري تحبو



اختبار مربع كاي عبارة عن خطوات تُطبق وهي قريبه لتُشبه خطوات اختبار الفروض مع بعض اختلاف


سأوضحها لك الآن

وأُفصلها تطبيقًا على المثال " 8-10 "

كي تتيسر لَكِ بإذن الله

[رنيم سليمان]

أولا لازم تعرفي ان اختبار مربع كاي الفرق بينه وبين سابقه

انه يستخدم للبيانات الوصفيه يعني العلاقة بين صفتين


نبدأ بالخطوة الأولى :


صياغة الفروض

بتكوِني فرضين الأول : فرض العدم وهو يعني " عدم وجود علاقة بين الصفتين "

الثاني فرض البديل "وهو يعني وجود علاقة بين الصفتين "

وخذيلك معلومه عشان تقدري تفهمي معايا آخر خطوة

لو قلنا " رفضنا فرض العدم " معناه اننا قبلنا فرض البديل

ولو رفضنا فرض البديل معناه اننا قبلنا فرض العدم

وهالشئ بديهيا


ننتقل للخطوة اللي بعدها :


رمز الخلايا في الجدول قبل مانطبق عليها قانون التكرار

يكون Oij



أول شئ الخلايا اللي عندك في المثال اللي تبدأ بالرقم 170

هي الخلية الأولى في الصف الأول يكون رمزهاO11



الرقم الأول 1 بَدل الآي لأن الآي تعني رقم الصف والـJ تعني العمود

بالتالي هذا الرقم يعتبر الصف الأول بالعمود الأول

ولو انتقلنا مع بعض لنفس الصف بس العمود الثاني يعني رقم 50

حيسير O12

لأنها بالصف الأول للعمود الثاني ..

وهكذا ~



إلى الآن مابدأنا بالخطوة الثانية يعني مُجرد توضيح عشان تقدري تفهمي هالخطوة




يُتبع

[رنيم سليمان]

الحين نبدأ نطبق القانون

شوفي القانون بصفحه257

أول شئ بما إننا حنطبق هذا القانون معناه نسوي جدول ثاني

والجدول الأول بيكون مُعطى عشان تقدري تطبقي عليه القانون وتستنجي الجواب



القانون باختصار :

مجموع الصف الذي به الخليه x مجموع العمود الذي به الخليه

على مجموع التكرارت يعني حجم العينة




*مجموع الصف الذي به الخليه :

يعني مثلا الخليه الأولى اللي رقمها 170 مو هي في الصف الأول ؟

طيب ايش مجموع الصف الأول ؟


زيما هو كاتبلك على طول بيمينك مجموعه 220


* مجموع العمود الذي به الخليه


يعني بنفس الرقم 170 هو في العمود الأول

ننزل تحت ونشوف ايش مجموع العمود الأول ؟

زيما ظاهر لِك 240



* مجموع التكرارات " حجم العينة "

وهي عباره عن المجموع الكامل يعني بآخر الصف مو كاتبلك " سيجما "

تشوفي نهااايته المجموع الأخير هو =400


بالتالي حيكون 220 في 240 على 400

ويطلع لِك الجواب بالجدول اللي تحت بصفحه 259 : 132

وطبعًا هالشئ تطبقيه بيدك مع كُل الأرقام عشان تقدري تسوي جدول كامل

راح تفهميني أكثر لو كتبتي وحليتي وتأكدتي من الأرقام اللي بالجدول طلعت نفس نتايجك ولالا



-طبعا هنا بيكون رمز الخلايا بَدل الـO

تكون E لانك طبقتِ عليها القانون و انتهيتي




ننتقل للخطوة اللي بعدها

يُتبع .

[رنيم سليمان]

راح نحسب احصاء الاختبار وهو عبارة عن ايجاد x2 " اكس اس تو "

وقانونها مجرد تعويض مُباشر مكتوبه عندك في نفس الصفحه


أجي أطبقها لِك في نفس المثال

حاطلك أول شئ " الـo" يعني رقم الخليه قبل ماتسوي فيها القانون

عشان كده لازم يكون الجدولين قدام عينك الاول المعطى والثاني اللي سويتيه

ثاني شئ حاطينلك هو في القانون الـe" يعني بعد التطبيق

هذولي الاثنين ناقص بعض اس اثنين .. على الـe نفسها مره ثانيه << مجرد شرح للقانون



التطبيق :


أولا نروح للجدول ونمسك خليه خليه

عندك الرقم 170 مو هو الرقم الأول ؟ بس قبل التحويل يعني o

والـ170 بعد ماطبقنا عليها القانون E سار رقمها 132

يعني (170 -132 ) أس اثنين قسمة 132


يطلع لِك الجواب وتكملي بباقي الأرقام زيما هو كاتبلك صفحه 260

طبعًا تجمعيها كلَها مع بعضها وبيطلع لِك الجواب



الجواب اللي طلعلك هو عبارة عن الـx2 الفعلية

والحمد لله = )



ننتقل للخطوة قبل الأخيرة

[الجوري تحبو]

المشاركة الأصلية كتبت بواسطة ||سَعْي ~ ^ الجوري تحبو اختبار مربع كاي عبارة عن خطوات تُطبق وهي قريبه لتُشبه خطوات اختبار الفروض مع بعض اختلاف سأوضحها لك الآن وأُفصلها تطبيقًا على المثال " 8-10 " كي تتيسر لَكِ بإذن الله

يااااااااااااااا ستي ربي يسعدكي دووووووونيا وآخرررررره يااااااااارب


وتحلي بسهوووووووله ياااااارب


روووووووحي وين ما رحتي ربي يفتحها فووووجهك يا قمررررر



ادعوووولي اذاكر وحالتي حاله و ولدي وااااااااء وااااااااء


ربي يحرسو ويحفظو

[همس الغلا جنني]

الله يوفقها اللي فاهمه الباب الثامن تنزلوآ هوون ششرح مختصرررر

[آشجآن~]

ياااااااااااه الله يسسسسسسسسسسسسسسعدكم ويوفقكم كل اللي شرحوا وردوا هوون

يعل ربي يفتحهآآ عليييكم وقت الامتحاان وتحلو كل شيئ صوووح يااارب




انآ من صحيت وانا مع هالاحصااء>>طلع من خشمي صرت اتخييل الارقاام ف كل مكآن هع
اممم عندي سؤال ف البآب ال3
بالنسبه للانحرآآف المعيآري>>اهئ والله ماقدرت افهمه جاني صدآآع من كثر ماافكك رموزه ولا فهمتهآ:(

الله يسعد الله تشرحها>>ادري مسختهآ بس وش نسوي بالاحصاء دا><

[رنيم سليمان]

وإياكم يارب ~



::



أشجان ~


افتحي معي الكتاب صفحه 94 + 95



الانحراف المعياري في الباب الثالث

تعويض مباشر في القانون العام " آخر قانون صفحه 94 "


في البدايه الـ إس " الانحراف " يساوي :


جذر الـ : أول عنصر في القانون عبارة عن " سيجما اكس اس تو "

يعني الـاكسات " العناصر المذكوره في السؤال مثل المثال 3-37 "

60 - 90 .. الخ

هذه هي الإكس

" سيجما اكس اس تو " يعني خذي هذه القيم وربعي كل واحدة ثم اجمعيها كامله بعد التربيع


بعد ذلك " نعود للقانون " : ناقص " سيجما اكس مُربعه "


الفرق بين الأولى والثانية :


الأولى تربعي كل واحده كما ذكرت ثم تجمعيها أما الثانية " تجمعي الأعداد بعدها تربعيها

يعني " التربيع يكون مره وحده "


قسمة الـ إن " الإن يعني عدد العناصر " الإكس " وغالبا تكون موجوده في السؤال

لو اطلعتِ على المثال مكتوب " خمس عمال " وفي نفس الوقت بعد العناصر

تكون خمسة .


كل ماذكرناه الآن يُقسم كاملًا على الإن ناقص واحد يعني كما في المثال 5 -1 = 4

واحسبيها كامله تظهر لَكِ الإجابة " طبعًا مع الجذر " كي تجدي الانحراف


وان احببت ايجاد التباين بنفس القانون فاحذفي الجذر فقط .

طبقيها على المثال ويتم لك ذلك بسهوله بإذن ربي = )




الله يفتحها عليك ~

[مآرس والجو حماس]

تساااااهيييل يااارب

الله يوووفق الجميييييييع

[آشجآن~]

سعي الله يوفقك يآآرب ويعطيك الين يرضيك


الجوري تحبو>>الله يفتحها عليك وتداكري ياارب ويحفظ ولدك يآآرب~
آآص خلي المنتدى وروحي دااكري الوقت يعدي بسسسسسرعه~


الله معآآكم~