بدء التسجيل في إختباري كفايات اللغة (step)+القدرات العامة للجامعيين ,,

[أنســام]

الله يجزاك خير على الموضوع ويجعله في ميزان حسناتك

عندي استفسار !
وش اختار علمي / نظري / عام علماً بأني مقدمة على ماستر أحياء هذا بالنسبة للكفايات ؟

شكراً

[صباوي 10]

تقدمي عام لانو العلمي والنظري خاص بالثانوية هذا اللي اذكره قبل بس ان شاء الله
الاخوان يفيدونج

[شتاء يختزن الرعود]

..

تختاري عام كما تفضلت الأخت صباوي

[خجوـوـولة]

يابنات الله يسعدكم ابغا جواب شافي واكييييييييييييييد
دحين انا قبولي مشروط باللغه ودفعت رسوم الدوره البديله واعطيت السند لموظفه الجامعه في وقت المطابقه
ودحين كمان سجلت باختبار القدرات على اساس انو ان شالله اجيب الدرجه المطلوبه واسترد المبلغ
كثير بنات هنا مثل الاخت شمس واقتباسا لكلام الدكتور عماد قالو انو في امكانيه استرد المبلغ اذا حصلت على الدرجه المطلوبه بس لمن سألت موظفه البنك قالت لا ليش تستردي المبلغ حتى لو جبتي الدرجه مايحق لكي استرداد المبلغ طبعا الكلام دا قالته بعد ماقد دفعت وخلاص
دحين اصدق مين وهل حيرجعولي المبلغ ولالا
بليييييييييييز اللي عندو فكره او يعرف احد رجعلو المبلغ يطمني

[دودة القز]

ماعليه اختي خجوله حبيبتي بغيت اسألك عن الدوره البديله كم رسومها وايش وضعها يعني هي بدل الستيب؟؟؟
وعند مين ممكن اسجل فيها؟؟

[دلع واسلوبها ولع]

سجلت بالاثنين و رحت اكثر من صراف لمن ادخل رقم الاشتراك يطلعلي رقم الاشراك خاطئ انا متاكده من الرقم 100% ايش الحل؟؟؟؟؟

[خجوـوـولة]

هلا حبيبتي
الدوره البديله قيمتها 2000 ريال
واتوقع انها تغني عن الاستيب مش متأكده
وهي للاقسام الي يكون القبول فيها مشروط باللغه مثل الاداب والاداره
وتسجلي فيها عن طريق الجامعه تدفعي المبلغ في بنك سامبا الجامعي وتسلمي الايصال اثناء مطابقة الأوراق والاصول

بليييييييييييييييييييز بنات اللي عندو رد على استفساراتي اللي فوق لايبخل عليا الله يسعدكم

[شمس جدة]

اهلين خجولة يارب يرجعولك المبلغ وتجتازي الستيب وانا كمان يارب اجتاز معاكي
شوفي موظفة البنك مالها علاقة باسترداد المبلغ لانها تحوله على حساب يخص الدورة
لكن الاسترداد يكون من الجهة المختصة بالدورة
والافضل لو تسألي عمادة الدراسات العليا اذا كنتي لسا مااخذتي البطاقة الجامعية يصير لما تروحي على طريقك اسألي وان شاء الله ربي يطمنك
وان شاء الله اي احد كمان يمر على سؤالك يطمنك ويفيدك اكثر
موفقة يارب
استغفر الله العظيم واتوب اليه
اللهم صلي وسلم على سيدنا محمد

[أنســام]

أختي دلع ممكن تسددين عبر الهاتف مثل ما سويت أنا لأن رحت البنك وقالوا لي خطأ في رقم الحساب أو المشترك , طريقة السداد عبر الهاتف :
تروحين لسداد الفواتير + الفواتير الغير مسجلة + رقم الشركة [ هو رقمك الي بالملف يتكون من ثلاث أرقام ] + تحطين رقم الفاتورة [ رقم المشترك تبعك ] + وتممين العملية

تروحي على ملفك بالنت وتختارين تسديد المقابل المالي بعدين أختاري على سداد تضغطين متابعة وبعدين شوفي حالتك تلاقينها مؤكدة

دعواتك

[دلع واسلوبها ولع]

تسلمي ياقلبو ع الشرح المفصل