هل أنت سعيد بكونك طالب في جامعة الملك عبدالعزيز ؟؟ ( نقاش + فضفضه ) أرجو المشاركة.

[~:TAMMY:~]

صراحه جامعتنا كدراسه سهله وأحسن من الجامعات التانيه
بس كنظام فيلو تخلف شويه

لكن احبها لانو فيها ناس فيها الخير

واتمنى الافضل لها ولنا

[اناكوــنــــــــــــدا]

انا عن نفسي مبسوطه ماعندي مشكله ولو اني اكل مقالب احيانا في الاختبارات
من غير بعد الجامعه عني في منطقه ثانيه والمصاريف اللي تروح في رسوم و سكن ,, الخ
لكن اجمالا حبيت هالجامعه وفضلتها عن التسجيل في جامعة الباحه
وبعدين ياجماعه لاتنظرون لنصف الكوب الفارغ انظروا للجهه الممتلئه
شي حلو انا تعرفنا على اساتذه فاضلين ومرت علينا تجارب في الدراسه والانظمه والاسئله لاني هالفصل ناقصه 10 درجات في اختبار ماده بدون حق لكن مايغير وجهة نظري ولكل شخص رأيه ,,

تصويتي نعم

[رغم الصعاب ابقى انا]

سعيد بس الي مضايقني شي واحد وهو وجود دكتور مادة انجليزي فلسطيني كل همه يورط الطلاب يجيب لهم قطع في اسئلة الاختبار مو موجوده بالكتاب 102 للسنة التحضيرية ايش تتسمى هالحركة الوصخة ؟؟؟؟؟؟؟؟؟؟؟ تعقيد؟توريط ؟ تسلط ؟ ولاشي ماودي اذكره ؟ يالي تقرون ردي انتم الحكم

[PiNk]

انا صوت بــ نعم....
وفعلا أنا أفتخر اني أحد طالبات جامعة المؤسس
وأكيد واجهت صعوبات وأستاذات بس كل واحد يعكس شخصيتو ما نعمم ع الجامعة
وكـ دراسة صراحة مستوى التدريس أحسن من أي جامعة تانية
وكتيييير بنات اعرفهم اتخرجو من الجامعة وصاروا معيدات ف جامعات تانية
ولما مسكو دا المكان بيقارنو المواد وطريقة الدراسة
لقيوو انو احنا دراستنا مو أي كلام

هوا الواح يحط ف بالو أنا ب أدرس لنفسي مو عشان شهادة ووظيفة
كل واحد ح ياخد رزقه... بس لو فكرنا كدا احنا ح نجتهد وح نحب الشي الي ندرسو وما ح ننساه ...

:) مجرد وجهة نظر

[i ĐǿŋŤ ČąЯę]

انا سعيد لاني اكمل دراستي وماني سعيد بأني طالب في جامعة الملك سعود

يكفي الرسوم والمصاريف اللي تقص الظهر علشان ادرس واسكن بجده لاداء الاختبارات

وغربتي عن اهلي وبيتي اكبر مشكله تواجهني ولا حياه لمن تنادي بالنسبه لاختبارات المناطق

ويعطيك العافيه على الموضوع

[سكووت]

سعيدة و مو سعيدة بنفس الوقت ههههه , اللي مضايقني بالجامعة ممم ان تخصصي قانون و مع ذلك لا يوجد تطبيق عملي !!!يعني ليش شطر الطلاب يطبقون و ياخذون فكرة عن المجال الوظيفي و البنات لا !!صراحة ظلم ..

[meno-chan]

نعم ولا
بس الاغلب نعم عشان المكافأه خخخخ <تحب الفلوس

لا عشان اسباب كثيره
مره الجامعه مافيها انتظام ..لا باتخاذ الارء او اي شي
كذا لخبطه على لخبطه
اساتذه يقولو شي و اساتذه يقولو العكس
مافي رأي موحد ..عشان ناخذ العلوم الزينه


حاجه ثانيه

التخصصات مافيها ذاك التنوع و اي شي تبغينها صعب تتحققلك من ناحية نقل او الخ
هذي تحولك لذيك
وهذيك لمدري مين
غير الاخلاق استغفر الله بس <اكثرهم والله الا من رحم ربي

وحركة انهم يدخلونا تخصص ما نبغاه والله ما يصلح كذا
اااه عالايام اللي مريتها انا وكثير من البنات
غلابه

الاااا
مهم ناوين يرفعون المكافأه ؟ خخخخ

[seham alwead]

مرحبا للجميع..
بصراااحة انا سعيدة انى من جامعة الملك عبدالعزيز لانى كنت كااارهه ادخل الكليه بسبب معاناه اختى فيها
لماقدمت عليها وضعوا لنا 3 كليات فقط نقدر نلتحق فيها (هذا قبل السنه التحضيرية وعلى حسب النسبة) المهم انا كنت احب ادخل الطب بس بسبب النسبة تم رفضي حاولت معهم قالت روحى كلمى المسؤوله عن القبول وانتظرتها مده طويله لكن للاسف ماجات .. المهم دخلت كلية العلوم بس للاسف كانت التخصصات نظرية وهذا عيب الجامعه تخصصاتها نظرية ..يعنى اللى تخصصه احياء دقيقة ولا كيمياء حيوي لويقدم للوزارة عشان يتوظف فني مختبر يقولون مالك وظيفة لانه وزارة الصحة ترفض لانكم متخرجين من كلية العلوم مو الصحية ومو مؤهلين مع انه الهيئة السعودية للتخصصات الصحية تعطى شهادات مزاوله مهنه للي يجتاز الاختبار...
غير كذا مافيه ترابط بين الجامعة ووزارة الخدمة المدنية ووزارة العمل لتوجيه الطلاب بالتخصصات المطلوبة في سوق العمل وعمل ورشات عمل ودورات تطويرية..
كمان مافيه استغلال واستفادة من الطلاب والطالبات المتفوقين والمتفوقات للعمل بالجامعة كمعيدين وفنيين بالرغم من وجود نقص في الكوادر البشرية..

[girl moon]

عادي اهم شي ندرس وناخذ شهادة جامعية

[amly 6mo7aty]

نعم نعم نعم

لكن ملاحظاات واشياء لازم تتعدل بأنهم يوضعوا الشخص المناسب في المكان المناسب مو كل ما رحت استفسر عن شي محد عارف ويقعدوا ينقولني من مكتب لمكتب وفوق ذا ما الاقي الاجابه الكافيه لدرجة اني مره رحت اسال عميده كلية الاقتصاد والادراه عن اشاياء في كليتها المكان اللي محطوطه فيه ماهي عارفه تجاوبني تقولي ما اعرف روحي اسالي مدري ميين

وحكااايية النسب اللي متساهلين فيها مع الاولاد الانتظام والبات كل شي يبغوا فوق 4 و 4:50
لازم الكل يكوون عبقريي

وبسس

اهه لو يمسكووني رئاسة الجامعه حتصييير احلى جامعه في العالم
^^^^^^^^^^^^^^^^^^^^^^^^^
تحمسست