ّّّ أسًئلة غيٍر عًادية ... للصريحٍين فقًط !!! ّّّ

[☂όм Jόяү☂]

المشاركة الأصلية كتبت بواسطة ~*~ ملكة الليل ~*~ 1- ماهي نقطة ضعفك؟ طيبــتي الزااااااايده وما اعرف ازعل ابد حتى لو احد غلط علي ما اعرف وخاااصه لو انسان احبه واعزه وعااااطفيه كتيييييييير 2- ماهي أصعب كلمة ممكن أن تقولها لأي شخص؟ ما احب اجرح احد حتى لو على حسااب نفسي لكن لما اطلع عن طوري واقول كلام بيزعل دايركت بعد دقايق اعتذر 3- ماهي مشكلة العصر في نظرك؟ عدم تحديد هدف للأبناء يمشو عليه تلاقي كتييييييييييير ناس بتدخل الجامعه وهي تتخبط ماتعرف ايش تبي وكيف ترسم خطة واضحه لهدفها ف شي حلو لما الاب والام بيعرفو قدرات طفلهم من بدري وينموها ويرسمو لو هدف وكمان حكاااية البي بي قالها احد الاخوان هنا بترررفع الضغط لما اجلس مع احد وتاركني عالبي بي 4- ماهو الشيء الذي يطاردك في كل مكان وأنت تهرب منة؟ الخوف من المستقبل.<< مررررررره كتير افكر بهالشي مع العلم لو ادركنا انه كل شي مكتوب لنا كان ارتحنا بس يضل الانسان بطبعه يفكر بالغيب كتير 5- هل تمنيت الموت يومآ! ومتى؟ كتييييييييييييييير بس لما اكون مخنوووقه او احس الدنيا تسكرت بوجهي 6- ماهي الطريقة التي تعبر فيها عن غضبك؟ اسكت واكتم بنفسي واحب انفرد مع نفسي وافكر بس ادا الشخص اللي كان سبب غضبي حاب يتكلم معااايا ارحب بذلك وبقوه =) وكمااان لو ايش ما صاار ما اقوله انت غلطت اضل سااااااااااااكته طول اليوووم يا يعرف غلطو ولا بكيفو بس ترى دا الشي مررره يتعب النفسيه 7- هل إسمك المستعار قريب من شخصيتك؟ قريب جدا وبحب اسمي المستعاار من حبي وتعلقي بجوري الملقوفه اللي عليها حركاات تخلي الزعلان يبتسم =) 8- ماهو دافعك في الحياة؟ أتعلم أمور كثيرة وأكمل مسيرة درااستي وأنتج شي مهم في حياآآتي << نفس اجابتك وبضيف شي نفسي اكوون مرشده اجتماعيه لأني بحب اسمع هموم الناس واحس لي قدره اني احلها واعرف كيف اتصرف وهالشي مجرد تفكير يمكن بيوم يتحقق =) 9- متى تكذب؟ اكذب لما اقول لأمي ماحداوم عشان ماعندي محاضرات وانا تعباانه او مرهقه اخبي عليها تعبي او مرضي لأنها تشيل همنا يافديتها فدايم لو ماحداوم عشان انا تعباانه او بنتي او ولدي اتصل عليها واقولها الدكتووره اعتذرت ولا اجتماااع ولا لا عشان ماتشغل بالها وكمان لو بصلح بين شخصين او حاااسه انه لازم اكذب لأني لو قلت الصدق حضر نفسي او غيري 10- ماذا تفعل لو قال شخص أنة يكرهك؟ بالبدايه فيسي ينقلب 180 درجه خاااصه لو هالشخص عزيييز وكأن احد اعطاااني كف وافضل افهم سبب كرهه واحاول احل الموضوع لأني اعرف نفسي لو ابتعدت ومافهمت سبب الكره بتتعب نفسيتي 11- لو أنت مخير أن يكسر أحد الأمرين (كرامتك) أو (قلبك) ماذا تختار؟؟؟ كرااامتي طبعا ولكن عند شخص عزييييييييز جدا وما اقدر احس الحيااه بدونو وزي ماقالت سفيرة اللغه انه كسر القلب صعب يجبر 12- لمن تهدي ثقتك؟ امي + ابوي + زوجي بس =) 13- هل تغفر لمن خانك أو كذب عليك ؟ افهم سبب الخيااانه والكذب اولا وغالبا اغفر وبقووه كمااان 14- ماهو شعارك في الحياة؟ الابتساااامه احس اني ادخل لقلب الغير بابتسااامه واكرره اللي بيداومو مع الصباااح مكشريين ياعااااالم افردو الفيس ابتسمو وزعو ابتسامات مع الصبااح والظهر والعصر والمغرب والعشاء والليل وكمان الصباح والظهر << خلاص ولا اكمل بجد اكره العبوووس والتكشير كمااان النجاااح بعد التعب له لذه وطعم ونكهة جمييييله =) على قد ما اتعب لما اداوم وارجع وتعب البيت و و و بس لما اشوف حصاااد تعبي اخر السنه مررره احس اني كافحت =) 15- من الشخص الذي ممكن تضعف أمامة؟ امي هي الوحييده اللي تقدر تغير افكاااري وتقنعني الله لايحرمني منها صح ساعات نختلف في وجهاات النظر بس تعرف كيف تغير وجهة نظري =) 16- من أكثر شخص يخاف عليك !وأكثر شخص تخاف منة؟ يخاف علي اكيد امي وابوي وزوجي واخاف منه ابوي مو خوف بس له هيبته على انه مو عصبي ولا عمره ضرب احد مننا ومانشووفه كتييير لانشغااله بس له هيبة واحتراام مني انا واخواني كلنا يعني لو طلبنا شي من امي ورفضت قالت كلمو ابووكم محد يكلمه مع انه ماحيرفض بس شنو سر هالهيبه مدري =) الله يحفظه على فكره احبه اكتر من امي ههههههههههههههه << لو سمعتني زعلت =) 17- مالشيء الذي يمكن أن يبكيك؟ ما اتوقع احد عنده دموع زايده اكتر مني الا بنت عمي الفرق بيننا انه انا ابكي لما اكون بروحي او قدااام شخص مرره قريب وعزيز هي قدااام الكل فديتها الشي اللي يبكيني اكتر شي لما احس انه محد حااس فيا ونفسي افضفض وما اعرف لمين 18- هل وجدت أحد قريب من شخصيتك في المنتدى؟ نعم بس انسااانه دخلت قلبي من اول ماسجلت بالمنتدى هي نور العمر حبيتها هالانساانه من اول حرف قرأته لها 19- لمن تقول "stop"وقًف مكانك؟ للي يمزح وينكت على حساااب غيرو وماتهمه مشاعر احد للي بياكل اموال الناس بالباطل 20- ماذا علمتك الحياة؟ إنو الطيب بهالزمن مايعيش الاقارب عقااارب و مانيل المطالب بالتمني ولكن تؤخذ الدنيا غلابا ان شاء الله عجبتكم أسئلتي ويلا دووركم

زي العسسل اسئلتكـ وتسلمي عالموضوع النااايس يانااايس


وكماان انا ابي تحليل لشخصيتي مع اني اعرف مسبقا ايش حتقولي

[~*~ ملكة الليل ~*~]

سبحآن الله آخر وحده ردت واول وحده حتآآخد تحليلها , حظك حلو مشالله

بس حبيبي قبل ماحلل اختاري لون واحد بس لاانو كل لوون له سماااتهـ

ونجمة ولا دائرة << نفس الشي وااحد بس

[☂όм Jόяү☂]

المشاركة الأصلية كتبت بواسطة ~*~ ملكة الليل ~*~ سبحآن الله آخر وحده ردت واول وحده حتآآخد تحليلها , حظك حلو مشالله دنيا حظوظ دنيا حظوظ بس حبيبي قبل ماحلل اختاري لون واحد بس لاانو كل لوون له سماااتهـ اصفر =) ونجمة ولا دائرة << نفس الشي وااحد بس

نجمه =)

[~*~ ملكة الليل ~*~]

ارجع جاوب من البدآآية مو من النص هههههههههه

[☂όм Jόяү☂]

^^^
^^
^

[rude.d]

^^
ههههه جاوبت على السؤالين الى مفرقتهم في الرد الى قبلو

[RHF]

هاااااااااي

يوووه كالعادة جاية متأخر هههههههه

:(

//

1- ماهي نقطة ضعفك؟

مممم اتأثر مرة بسرعة هههههههه

2- ماهي أصعب كلمة ممكن أن تقولها لأي شخص؟

كلمات كتير ،

3- ماهي مشكلة العصر في نظرك؟

كل واحد يحاول يستقوي عالتاني وياخد حقو

4- ماهو الشيء الذي يطاردك في كل مكان وأنت تهرب منة؟

شخص ،
الله يفكنا منو بخير

5- هل تمنيت الموت يومآ! ومتى؟

مو يوم ، ايام ،
قبل فترة ، بس الحمدولله دحين خلاص ما افكر كدا

6- ماهي الطريقة التي تعبر فيها عن غضبك؟

الهدوء ، البرود ، الطناش

7- هل إسمك المستعار قريب من شخصيتك؟

دا اسمي الحقيقي مش مستعار ،

اما قريب من شخصيتي ؟ ههههههه الناس يقولو ( اسم على مسمى ) بس انا مدري يعني عشان ييقولو كل واحد يكون لو نصيب من اسمو فممكن اقتنع بالشي دا ، لاكن مو مرة قريب ، وبالعكس بعض الاحيان احسو بعيد مرة ،

8- ماهو دافعك في الحياة؟

اشياء كتير

نفسي اسوي لمامتي حبيبت قلبي كل حاجة نفسها فيها
و اعيش حياة مثالية ،

9- متى تكذب؟

اكزب ؟
والله على حسب ممممم

بعض الاحيان اتونس عالبنات فلازم يكون فيها كزبة ، بس طبعن لمن اشوفهم صدقوني و انبلفو اقوم اعترف اني كنت بـ ( امزح )

وطبعن لمن اورط احس الكزب حيساعدني ، ههههههههه

10- ماذا تفعل لو قال شخص أنة يكرهك؟

مين الشخص دا ؟

يعني لو امي قالت لي كدا ، حموت على طول ، بس هي دايمن تقولي احوووبيييك :$

لو صاحبتي قالت لي اكرهك ؟ عادي يعني خلاص كل وحدة تروح في طريقها

لو زوج المستقبل قلي اكرهك ؟؟ وااااااااااه لا لا ان شاء الله ما يقولي كدا ودايمن يقول احوووبيك يا نهوووفتي

يعني على حسب الشخص حتكون ردة فعلي

11- لو أنت مخير أن يكسر أحد الأمرين (كرامتك) أو (قلبك) ماذا تختار؟؟؟

على حسب الموقف ،

يعني ممم لو انكسر قلبي ، في سبيل اعيش معززة مكرمة ، انا راضية
وازا انكسرت كرامتي ، في سبييل اني اكون مع الشخص الي احبو ، وعشان خاطرو انكسرت ، فانا راضية

12- لمن تهدي ثقتك؟

اهديها لكل الناس ، ولاكن الشخص الي ما يستاهلها ، حاخدها منو

13- هل تغفر لمن خانك أو كذب عليك ؟

خيانة ايه ؟

لو كنت متجوزة وخانني جوزي ( الله لا يقدر ) ، مممممم ازا كانت خيانة قوية و ما تستحمل المسامحة ، خلاص الله الي يسامحو مو انا

لو مسلن صاحبتي خانتني ، واتكلمت من ورايا ، دي خيانة تافهة ، ونقدر نتجاوزها ببساطة

اما لو احد كزب عليا ؟ على حسب الكزبة !!

14- ماهو شعارك في الحياة؟

مممممممم

( ان لم تستطع ان تقاوم ، فاستمتع )

15- من الشخص الذي ممكن تضعف أمامة؟

ههههههه مدري ؟

يعني ما ينفع اقول ماما ، لاني ما اضعف قدامها ولاكن اسويلها الي تباه

اما لو باقول اضعف مممممممم ما حصلت لسا

ولاكن اتوقع اني حضعف قدام عيون الشخص الي احبو :)

16- من أكثر شخص يخاف عليك !وأكثر شخص تخاف منة؟

يخاف عليا ؟ مامتي طبعن

اخاف منو مممممم واحد ، لاكن ما اخاف منو قد ما اني اخاف من جنانو

17- مالشيء الذي يمكن أن يبكيك؟

اي شي و كل شي هههههههههههههههههههههه

لمن افكر في اي حاجة ؟

مسلن اني روحت الملاهي وكنت مبسوطة < ابكي
او اني ما نمت كويس < ابكي
او مسلن مامتي طفشانة < ابكي

ههههههههههههه :(

18- هل وجدت أحد قريب من شخصيتك في المنتدى؟

لأة ، حليمو يقول ، قوليلي من زيييييييييييييك واللهي مالك زي تريريريريم

19- لمن تقول "stop"وقًف مكانك؟

لمن اكون مطولة بالي على شخص و فوق كدا يمسخها

20- ماذا علمتك الحياة؟

اني لو ما اعطيت نفسي ، محد حيعطيني ،


//

استمتعت وانا اجاوب ،احس مممم الاسئلة دي تسهل علينا نعرف اشياء كتير من شخصيات بعض بالزات لو كنا بنجاوب بصراحة زي كدا :)

اتقبلي اجوبتي ، رااهاااف

[~*~ ملكة الليل ~*~]

دوووركـ يآآآ
Rude
سهل التعامل معاك وتتكيف مع الي حولينك بشكل حلو
انسان كريم , عقلاني أكتر من الناحية العاطفية , ومنت رومانسي
مرااا , انسان عملي ومثابر , الي تخطط له هوا الي يسير لك , منت من النوع الي تصبر ,طبعك رزين <<< يااهو بس
متفتح , استنتاجاتك لااي موضوع تبحث عنو مهي عشوائية يعني
جدية نوعا ما ,فيك نوع من الأنانية , عصبي جدآآآ وإنفعالي ,
فيك طاقة عاليه مشالله بس للأسف محبوسة ,متوتر نوعا ما من الدااخل , عندك اضطرابات في التركيز

محدود في التعامل مع الآخرين, هدوؤكـ ظاهر :: يعني الي

يشوفك يقول عنك هادي لكن انت اصلا غير كداا
حذر انت من الناس الي يحب يبتكر ويفكر
لازم جنب جدر <مدري ليه
عشان تحس بالأمان
<<< انت زيي انا كدا احب انام جنب جدر

مشاعرك تتغير فجأة وبسهولة
دائماً وحيد , إنسان صادق وتنصت للآخرين باهتمام من الصعب
عليك العثور على الحب
وعندما تقع فيه فأنت تحب بقوة <<< ياعيني بس

وبـس دا الي قدرت عليهـ ,,, وقلي اذا تحليلي طاابق عليكـ

تحيآآتي لكـ

[RHF]

//

باك متأخر كالعادة ،،

ممممممم ملوكة يا عسلة ، اتحمست مع الشعب واباكي تحليلي ( اخر وحدة ) :(

مممم اجوبتي الاولى ، موجودة في الصفحة التالتة ، الرد رقم 57

سوري عاللخبطة

//

ودي التكملة ،،

21/إتخيلوا معايا الأشكال الـ 4 دي { دآئرة ,,, نجمة ,,, مربع ,,, مثلث } أي من دي الأشكال قريبه لكم وتحبوها !!!

مربع عششان متساوي وكمان الزوايا تعجبني

22 / اسمك ,,, ( الحقيقي طبعا )

رااااهاااااااف

23 / لو مثلآ كنتوا تشخمطوا وقت الطفش ولا دراسة ايش الي تشخمطوه !!! وردة , قلب او خطوط عشوائية اكتب اسمي واحط علية مربع ..

اكتب اسمي ( رهف رهف رهف رهف رهف ) و اششششخمط خطوط ، ولازم تكون مسستقيمة بدون منحنيات

24 / خطك كبير , وسط , صغير ؟؟؟

وسط تقريبن و بعض الاحيان صغير

25 / طريقة نومك أوصفلي هيا بشكل مبسط ؟؟؟

على بطني :@

26 / لونكم المفضل ؟؟؟

( الواني المفضلة ) : هههههه اسود وكحلي وابيض ورمادي ، وممكن بينك :$

//

( يعطيكي العافية )

ممم ( لو انا جاية متأخر مرة و انتي خلاص قفلتي عالتحليلات وانا ما انتبهت في الردود خلاص مو مشكلة )

[~*~ ملكة الليل ~*~]

ايشبك بديت الجواب من السؤآآل ال3

ابدأ من الي قبلوو

لياا بآآكـ