لماذا يتمـ منع النقاب في العمــل في بلدنـا ؟؟ :@

[bint aboha]

المشاركة الأصلية كتبت بواسطة حده غيرقت والله بعض الردود أحس فيها بكش :) الي يقول مستشفى السعودي الألماني يمنع النقاب !!!!! انا آخر مرا رحت قبل اسبوعين و محصل 4 ممرضات منقابات وبخصوص ألي يقول حتى في المقابلة الشخصية بيقولو كدا !! طيب ليه ما يكون دا من ضمن الإختبار؟؟ ممكن تبغا تشوف ردت فعلها أو اش بيكون ردها !! و ألي يقول في مستشفيات و عيادات خاصة تمنع النقاب أنا أروح لعيادة في ( التحلية ) و في ممرضة منقبة ولا أحد يفك فمو كمان :) بلاش بهارات يعني تكلمو بالعقل احنا في السعودية مو فرنسا و الي تقول محلات و يقولو مانعين النقاب أتوقع شي طبيعي :) لأنو محل خاص بالنساء و الي تبيع بنت و الي بتدخل المحل برضو بنت فليه تغطي و تلبسي نقابك !! و بإختصار الي تبغا تكشف الله معاها و الي ما تبغا تكشف الله يوفقها فكل واحد هوا براحتو فلا تكفرو ولا تدخلو المذاهب لأنو بكدا كل واحد بيسوي ألي في راااسو فإدا كل واحد بيمشي ع مذهبو فيالله بنكوون أعظممم ناااااااس ولكن !! ما عندكم إلا الكلام بس كلاااااااااااااااام ماااافي تطبييييييييييييق و خلو المذاهب ع جنب و ردو ع نفس الموضوع اش رأيكم و الي كتبت الموضوع ادا مو عاجبك الوضع خلاص غيري شغلك :) روحي مكان تاني عاادي يعني ما يبغالها شغله و تفكيير

ككككككككككككككككككككككككككككككك

ياناس امسكوني شوي بيغمى عليا من الضحك

هههههههههههههههههههههههههههههههه

يااإبني انا سويت مقابله وطبعا فشلت فيها للأنهم مايبغوا

وحدع متغطيه او منقبه بيقولي طيب لمن تدخلي العمليات

ماراح تغطي ولا تنقبي راح نعطيكي كمامات ويمكن الدكتور

بيقولك افتحي وجهك عشان يشوف انتي من التلاميذ ولا لا

ياعمي روح وشوف لاتقعد تتهم علانيه انا اللي خلاني اكره التمريض

وابعد عن هالأشكال ماني ناقصه مشاكل

[fofo_27]

ليه دحين صارت البنت المحتشمه تمشي في مكان تحس نفسها هيا الغلط الكل يطالع فيها مستغرب
واذا عالنقاب كيف ممنوع بكيفو هوا ولا شكلو البنات ماصدقو على الله قالو كويس مافي غطا وبعضهم اصلا اصلا مايغطو يعني لاتستغرب

[بيو كيميائية ^_^]

المشاركة الأصلية كتبت بواسطة نوره الغامدي طيب يا جماعة اذا الوحدة تبغى تكشف وجهها بكيفها ما قلنا شيء :) هذي حرية رأي ’ و انا أؤومن بها , مو شرط انه كل من غطت وجهها أو لبست نقاب , نحكم عليها بالاخلاق الطيبه و الصلاح و الفلاح ومافي زيها اثنين هذا ليس مقياساً .. و كمان مو كل من كشفت وجهها ’ خرجت من الملة > فيه ناس تنظر لهم بـ هالشكل الغلط ! هي فقط مسألة مبدأ و ثقافة .. انا عارفة محد تكلم عن هذا الشيء بس أنا بقول اللي فـ خاطري . بصراحة شديدة , لا أحترم الشخص الذي يغير مبادئه لأي سبب كان ! يعني اذا الوحده تلبس نقاب عند أهلها ما تروح الشغل و هي كاشفه ما أبلعها ما أحب أشوف مديري فـ العمل يفرض رأيه عليا بهالطريقة , و يطالبني بشيء لا يرتبط بشغلي لا من قريب و لا من بعيد :) خلاص هذي هيَّا , و اهم شي انها مرتاحة و راضية و مقتنعة بالشيء اللي تسويه :) أحد بيضره شيء ؟ أو راح يستفيد ؟

ايوا كلامـكـ صحيح

أنا أكرهـ اللي يفتحوا وجوهمـ بدون علم أهاليهم

أو تلبس عباية كتف من وراء أهلها

والمشكلة يفتخرون ويقولون أن أهاليهم ماترضى

المشاركة الأصلية كتبت بواسطة fofo_27 ليه دحين صارت البنت المحتشمه تمشي في مكان تحس نفسها هيا الغلط الكل يطالع فيها مستغرب واذا عالنقاب كيف ممنوع بكيفو هوا ولا شكلو البنات ماصدقو على الله قالو كويس مافي غطا وبعضهم اصلا اصلا مايغطو يعني لاتستغرب

أنا بداية أيامـي ماكنت أطلع من المختبر كنت أستحي بس آخر يومين طلعت عشان أروح المصلى

والموظفات يطالعون فيني بإستغراب يمكن يتسائلون كيف متغطية وهو مانع الشيء

الله يثبتنا ولا يغير علينا

[Acacia]

استغفر الله وش يحس فيه الله يهديه بس وين حنا عشان يمنع النقاب؟؟؟؟
والله يوفقك ^_^
خاص لبيو كاني قريت من احد الردود انك من الشرقيه من فين بالضبط *الخبر* انبسطت اول مره الاقي احد شرقاوي سوري على اللقافه ^_^

[بيو كيميائية ^_^]

المشاركة الأصلية كتبت بواسطة acacia استغفر الله وش يحس فيه الله يهديه بس والله يوفقك ^_^ خاص لبيو كاني قريت من احد الردود انك من الشرقيه من فين بالضبط *الخبر* انبسطت اول مره الاقي احد شرقاوي سوري على اللقافه ^_^

ايوا من الشرقية لا مو من الخبر بيتنا قريب مرة للدمـامـ فدومـ أقول أني من الدمام لاعادي

[وتر الإحساآآس]

هذهـ حريتكـ الشخصية بيو وليس لأحد دخل فيهآ

أهم شي رضى ربي فليسخط النآس



بعيدًآ عن المذآهب وأقوآل العلمآء

فعآدة بلدنآ تقتضي علينآ غطآء الوجهـ - هذآ هوَ الحجآب عندنآ - زمآن لم كآنوآ

يشوفوآ بنت كآشفة يستنكروآ فعلهآ وبشدة أمآ دحين فالحآصل هوَ العكس :/

ولنأتي للحقيقة فكشف الوجهـ الآن أليس فتنة؟

اللهـ يهديهم الأغلب - إلآ من رحم اللهـ - مكيآج

وإذآ بنقآب فتركز على زينة العين :/

[قاهر المتكبرين]

المشاركة الأصلية كتبت بواسطة وتر الإحساآآس فعآدة بلدنآ تقتضي علينآ غطآء الوجهـ - هذآ هوَ الحجآب عندنآ - زمآن لم كآنوآ ولنأتي للحقيقة فكشف الوجهـ الآن أليس فتنة؟

لو جينا للحق في الحجاز وخاصة جدة فكشف الوجه ليس فتنة على الإطلاق .. لأن الشباب هنا متعودين على هذا المنظر ولا يثيرهم أبداً على عكس بقية المناطق بدون ذكر أسماء .. هناك حتى اللي بعباية على الراس وقفازات ما تسلم من الشباب ومعاكساتهم ..

الوجه بالميك أب فتنة ما أقول شي .. كشف الشعر فتنة (رغم أن هذا الشي بدأ يصير عادياً للأسف الشديد) .. العباية الملونة والمحزقة كل هذه فتن ..

[فيصل]

المشاركة الأصلية كتبت بواسطة دارس1431 الف شكر ياخي فيصل على رحابة صدرك ^^ ونعم بأهل الحجاز ^^ اخي فيصل مداخلة اخيرة ^^ اعتقادنا والدارج لدينا في دولتنا وماتعلمناه من علمائنا ان حجاب المرأة هو غطاء الوجة ـ بشتى انواعة ـ اخي فيصل لننهي الموضوع على الأقل من ناحية وجة نظرك . هل غطاء الوجة عادة جاهلية وقبائلة اكثر مماهي عبادة اسلامية ؟ ولا تنسى ياخي فيصل ان الأكثرية من نساء بلادنا حجابهن هو غطاء الوجة بشتى انواعة وتقبل حبي اخي فيصل

هلا أخي دارس ..
غطاء الوجه بغض النظر عن الكيفية هي عبادة إسلامية وليست عادة جاهلية ..
والأكثرية يغطين وجوههن ..
وذلك لأن المجتمع فرض عليهم ذلك ..

المشاركة الأصلية كتبت بواسطة أ/د/م/:فهد أنا ما فرضت النقاب على أحد المسألة فيه خلاف تعقيبي كان فقط بخصوص هل النقاب عادة أم عبادة بعدين زي ما قلت لا يوجد دليل قاطع على أن النقاب كان قبل الأسلام مجرد تحليل لايكفي لاعتبار شيء من تعاليم الأسلام عادة. تحيتي لك أخوي فيصل. أقف هنا

صحيح أخي فهد , كان مجرد تحليل , وأعتقد أني إن لم أكن مصيباً سيبقى الموضوع محل شك ..
فلازلت مقتنع أن النقاب كان موجود قبل الإسلام ..
ألف تحية وشكر لك أستاذ دكتور مهندس فهد :)

[oooyoooyster]

أرى بأن الأمر لايحتاج لأن يتشعب بشكل أكثر ... لأن الموضوع سيكون عبارة عن إقتباسات لأراء العلماء " فسيدلوا كل عضو بحسب مايريده هو " ...

فلا أعلم لماذا أصبح الفرد منا في هذا الزمان إذا صادفته مسأله وأحب الإستفتاء فيها قام بالبحث في المذاهب الأربعة ( الحنفية والمالكية والشافعية والحنبلية )... فنجده يستنبط من أي الكتب الكبار ( كفتح الباري مثلاً أو غيره ) ويستدل بما استنبطه ويجعلها حجة له ... وربما لايعلم بأن هناك الكثير من العلماء قد درسوا تلك المسألة وقرأوا وأطلعوا على أمهات الكتب وعرفوا ماهو الصحيح والأرجح من أقوال السلف الصالح ...

ولهذا نجد بأن هناك دروس علمية تقام في المساجد للعامة ولطلاب العلم خاصة تتطرق لشرح كتب السلف الصالح من قبل علماء أجلاء يقوموا بشرح وإيضاح ماذكر في الكتاب والتنويه عن الأمور التي فيها خلل عقدي أو إختلاف في الرأي وماهو الراجع من القول ... فليس الأمر بالسهل كما يراه أغلبية الناس ... وأعجبت مما ذكره الشيخ محمد حسان حينما قال عجبا من شخص يحاججك في مسألة ما ويستدل بأدلة ربما لو سألته هل تحفظ صورة المطففين لأجاب بــــ لا !

وبشأن النقاب وكشف الوجه ... فأعتقد بأن هناك الكثير من العلماء الثقات وطلاب العلم قد تطرقوا لهذا الأمر ، ومنهم الشيخ يوسف الأحمد حفظه الله فقد فصل حفظه الله هذا الأمر وبينه في صفحته على موقع صيد الفوائد ... وقد تطرق الشيخ محمد حسان كذلك في مقطع فيديو على موقع اليوتيوب ...

وأعتذر إذا تطرقنا لأمور خارجة عن الموضوع ...

ونسأل الله أن يهدينا للصراط المستقيم ...