قروب طالبات حمديه مهران بحث وتدريب

[روعة الكون]

يابنات مين بكرة حتروح للدكتورة حمدية

[روعة الكون]

بنااااااااااااااااااااااات احد راح

[MOON_2020]

انا رحت طبعا جيتها الساعه 1 ولقيتها خلاص خارجه وهي ساعاتها المكتبيه لين 2ونص طبعا اخدت خطتي وبالخط العريض ع الصفحه الرئيسية اكس وهذه خطه لطالبه مهمله وغير جاده في عملها كأنها تصحح لبنات روضه وابتدائيه لكن ماقول غير حسبي الله ونعم الوكيل ربي يخارجني منها ومن الجامعه هذي الخايسه ونظامها على خير

[قطرة ماء]

بنات كم عدد العينة اللي طالبتها الدكتورة

[روعة الكون]

حسبي الله عليها الف مرة والله يامون انا ليا 3 اسابيع ماعندي شغلة غير رايحة جاية عليها عشان تعديل خطة البحث وبالنسبة لأسلوبها ابداً ماتحترم انو احنا مو بنات صغار في مننا امهات لا وتعاتب على الأسلوب شوفي نفسك اول

ياربي ارحمنا لسى باقي البحث الأساسي وباقي التقرير والأستبانة والمناقشة يارب يسر ولا تعسر حسبي الله ونعم الوكيل اللهم اني فوضت امري اليك يا ارحم الراحمين

طيب مين الي انتهت من اعداد الخطة ووافقت عليها ابغى اعرف ايش راح تطلب بعدها وكيف البحث يكون راح تطلع عيني كمان في البحث والله مصية يعني اجلس 3 اسابيع اراجع البحث على كدا حتنتهي السنة وانا ما انتهيت ومين بدأت تناقشها بليز جاوبوني ابغى ارتاح تعبت وانا بس افكر شايلة هم

قطرة بالنسبة للعينة حسب علمي ماحددت عدد معين المهم توزعي 100 ورقة استبانة
بأذن الله حروحلها اليوم بعد ساعتين كدا واشوف اخرتها معاها الله يصبرني

[MOON_2020]

ليه 100 كثير قالت بس فوق 50 مدري عنها

[روعة الكون]

لأنه لو وزعتي 50 ماراح تجيكي منها إلا 20 او 30 والعينة تكون قليلة ماتكفي لكن وزعي 100 ترجع منها 60 دا على

حسب كلامها وسمعتها قالت لبنتين كمان نفس الشي

[قطرة ماء]

حسبي الله انا راح اسوي البحث واسلمها لاني من خارج جدة

[MOON_2020]

مو لازم اوزع وانا واقفه يعبوها واخدها
تراها مكبره الموضوع حتى الانتظام مو زينا
والدكاتره التانيين اهون بكثير ويراعو

[روعة الكون]

اه ياشيخة ايش الواحد يقول بس انا ادري انها مكبرة الموضوع وعاملة من الحبة قبة الي ابغى اسأل عنه البحث كم عدد الصفحات يكون والتقرير كمان كم صفحة ومين فيكم كتبتها ياريت تفيدني لأنه قالتلي بعد بكرة اخر موعد لتسليم البحوث وانا عارفة انها مسئلة تعجيز مو اكتر لأنو سألت البنات الي خرجو من عندها فنفس الوقت قالو لا ماحددتلنا يوم الاربعاء شوفو القهر بس حاطتني ببالها ليه ما ادري ايوا صح اوراق الأستبانة ال100 او 60 مثلاً نجيبها مع البحث او بس ناخد منها النتائج والأحصاءات وخلاص ؟؟ ياريت يابنات تجاوبوني