برنامج التدريب الصيفي للطلاب والطالبات السعوديين في المرحلة الجامعية(أرامكو السعودية)

[control91]

اليوم ارسلوا لي موعد لإصدار البطاقه بس ما آستآذنوا مني إذا موآفقه ع التدريب بدون سكن وموآصلات ......!!! مآيدرون اني مآابيهم إذا مآيلتزمون بكلامهم الأول

[MiSs Colors]

I'm still waiting =(

[Eva160]

المشاركة الأصلية كتبت بواسطة mr.samie ايه هذا الشي عندنا كل شركة تحط فرص تدريب وترسل للجامعة لمنسق التدريب الفرص وهو يقدمها للطلاب ويقول لكل طالب ايش رغبتك وترتب الشركات وهو بعدين يقولك اي شركة قبلتك انا ضد هذي الفكرة وشايف ان التدريب المفروض يكون شي مستقل والله لو التدريب كان شي مستقل ان ما تشوفوا حالكم انتوا يالبنات خصوصا كذا لان بيصير التدريب شي رسمي والزامي على الشركات بالاضافة انك بتلزمهم يكونوا مهيئين للتدريب ماهو تأدية واجب والسلام يجيبوا الطالب يتفرج عليهم ويتفرجوا عليه وكل واحد يروح في حال سبيله ويكون فيه راتب محترم وشغل احترافي وسكن وكل شي موفر وتشرف علي التدريب الجهة المستقلة وتقيم المتدرب والمدرب وكل شي والله اننا محتاجين هذا الشي خصوصا حنا يالمهندسين بالسعوديه لا كادر ولا تدريب زي الناس ويطلبون خبرات وشهادات وهم اصلا ما يدربونا يبغون طالب يجيهم بكرتونه مدرب وجاهز ومعاه المانول وكل شي يشغلوه على طول

كل سنه في جامعتي على بدابه الترم عندنا لقاء مع عميدة كليه الهندسه والمشرفين والدكاتره، الجامعات هنا في امريكا فيهم منافسه من ناحيه السمعه، هما يحبوا يعملوا احصائيات عن نسبه الطلاب والطالبات اللي انقبلوا في جامعه متخرجين من الثانويه بامتياز نسبتهم فوق 95٪،و يعملوا احصائيات عن نسبه الطلاب والطالبات اللي اتخرجوا من الجامعه كم معدلهم وعن الخبرات المهنيه وفين اتوظفوا وبعض الدكاتره ازا حاب تسجل في كلاساتهم لازم تعمل مقابله شخصيه لانو الدكاتره برضوا يحبوا يكون سمعتهم كويسه من نسبة الطلاب والطالبات اللي جابوا a- او b-

والله احس احنا عايشين في مجتمع مظلوم مو عارفين انو الدنيا صعبه
من ناحيه الدراسه
طالبين عمر محدد ومده تخرجك من الثانويه محدده ومده تخرجك من مراحل البكالوريوس وماستر محدده ومعدل طيب
ومن ناحيه الوظايف
خبره مهنيه مابين 3-5 سنوات، عمر محدد، معدل طيب، طالبين شهادات ماستر مع دكتوراه ......................الخ، فوق دا الاجانب اولى من السعوديين

الحمدلله على كل حال

[Eva160]

المشاركة الأصلية كتبت بواسطة control91 اليوم ارسلوا لي موعد لإصدار البطاقه بس ما آستآذنوا مني إذا موآفقه ع التدريب بدون سكن وموآصلات ......!!! مآيدرون اني مآابيهم إذا مآيلتزمون بكلامهم الأول

انا لسا ماجاني موعد لاصدار البطاقه، والاستاذ سعيد الغامدي مارد عليا o.o

[حلم ماضي]

ايفا انت بعثه من ارامكو ؟؟
تخصصك حلو
الحمد لله انت بامريكا تدرسي باحسن جامعه ويارب تلاقي مكان تتوظفي فيه
غيرنا يحلم بجامعه ومايقدر يدرس

[أبـو فـيـصـل]

هههههههههههههه تقهرني البنت اللي تقول انه المجتمع ذكوري وانه كل شيء لنا

هالحوسه غير الشهاده غير الراتب غير المهر غير السكن ومصاريف الزواج اللي لاتقل عن ميه وعشرين الف

مو عشان طال عمره ابوك يوافق اني اخطبك

وانتي اقصى تعب ممكن تتعبيه صلاة استخاره توافقين علي ولا على واحد انكرف اكثر مني وحيدفع اكثر

[باشمهندس]

السلام عليكم

انا كنت متابع للمنتدى من البداية بصمت هههه

المهم في البداية احب اشكرا th620 وباقي الاعضاء اللي بصراحة استفدت من المعلومات اللتي زودونا بها السنة هذي والسنة السابقة واعتقد ان هذا المنتدى افضل منتدى فيه معلومات عن التدريب في ارامكوا من خلال البحث في قوقل.

حبيت اسأل في احد تخصصه هندسة ميكانيكة وتدريبه في الظهران من الاولاد لانه حسب اللي اعرفه الظهران مافيها الا مكاتب وتخصصنا يحتاج العمل الميداني احيانا وانا مابي يصير لي نفس اللي صارلي قبل خمس سنوات بعد ماخلصت دبلوم الكلية التقنية تدربت في ارامكوا وحطوني في الظهران على مكتب مأسوي شئ غير النت وشرب الشاي والقهوة ضليت اسبوع على هالحال اللين مامليت وكلمت السوبر فيزر حقي وقلتله اني ابي اشتغل شغل ميداني يناسب تخصصي وارسلني لمسؤول التدريب اللي غير مكان التدريب من الظهران الى الاحساء.

[ALEMBRA6OR]

المشاركة الأصلية كتبت بواسطة فهد الجدعاني مقرهم ياغالي بعد كوبري بريمان بشوية تدخل يمين راح تلاقي تفتيش لأمن المنشأت قلهم أنا عندي موعد عشان إصدار البطاقة و راح يوصفولك المبنى و اللي تحتاجه بطاقة الأحوال و رقم إصدار البطاقة - تحصله في الإيميل - على ما اعتقد يبدأ بـ 120 و بالنسبة لمكان التدريب روح على مركز التدريب اللي هو و إنت نازل من كوبري بريمان على التشليح إرجع مع ثاني يوتيرن راح تلاقي بوابة صغيرة إدخل معاها و إمشي سيدة إلى نهاية الشارع راح تحصل مواقف وقف و إسأل عن مبنى التدريب بجدة مادري التوظيف بجدة و إسأل هناك عن المكان بالتوفيق إنت موعدك كان يوم الأحد ولا قبل لأني زي حالتك ما استلمت البطاقة بس اليوم رحت و استلمتها

بيض الله وجهك يالجدعاني انشهد انك جدع < بالمصري .

وصف زي الموز بالحليب .

مشكور ولاهنت .

[ALEMBRA6OR]

رحنا اليوم ودخلت للاستاذ سعيد الغامدي والله انه رجال طيب واسلوب قمة عشان ابعرف وين تدريبي قبل اطلع البطاقة .

وطلعت اشطح واحد فيكم لا جدة ولا الظهران رموني بينبع هههه .

المهم يسلم عليكم الاستاذ سعيد ويقولي الله يعين (شكلكم طفشتوه كل واحد يرسل عشر ايميلات خفوا عليه ) .

واشكر كل من خدمني .

[Eva160]

المشاركة الأصلية كتبت بواسطة حلم ماضي ايفا انت بعثه من ارامكو ؟؟ تخصصك حلو الحمد لله انت بامريكا تدرسي باحسن جامعه ويارب تلاقي مكان تتوظفي فيه غيرنا يحلم بجامعه ومايقدر يدرس

الحمدلله ربنا كتب لي الابتعاث عن طريق الملك عبدالله الله يحفظه ، لانو الابتعاث عن طريق ارامكو احس مااقدر أخد راحتي لانو واحد من زملائي مبتعث عن ارامكو معقدين شويه انو ماتقدري تتخصي في التخصص اللي حابه فيها وماتقدري تختاري الجامعه اللي نفسك فيها، وفوق دا من ناحيه المشرفين لازم تتوقعي المشرف الطلابي او المشرفه الطلابيه فجأه يجو عند بيتك تفتيش وهما يتواصلوا مع الجامعه كيف مستوى دي الطالب او الطالبه وياخدوا معلومات عن درجاتك بنفسهم.

هوا دا اللي بقول الجامعات في السعوديه معقدين في الدراسه لازم نسبه في الثانويه تمام والقدرات والتحصيلي ويقعدوا يستقبلوا الين المقاعد تكتفي على نسبه 85٪، وبعدها اختيار التخصص على حسب النسب والمقاعد محدوده، وأزا ماعندك فلوس خلاص الواحد مايقدر يكمل دراستوا.

والله اصحاب بابا بدؤوا يجمعوا فلوس ويرسلوا اولادهم يكملوا الثانويه بره بامريكا ويدرسوا في جامعات بامريكا على حساب الملحقيه. لانو في جامعات لما يكون معدلك فوق 3.7 من 4 يقولوا تدرسي عندنا مجانا.

الله يوفقنا ويكتب لنا الخير في المستقبل المهني والجامعي