تحويل من التمريض

[روووني]

السلام عليكم ورحمة الله وبركاته...

يا بنوتات انا دخلت اقتصاد منزلي مع انه معدلي يسمح ادخل تمريض بس انا ما كنت ابغاه

بس كتير قالولي لو دخلت تمريض يمديك تحولي لعلوم طبية تطبيقية وانا مرة نفسي ادخل تغزية

ويمديني احول تمريض في تاريخ 8\10 وسؤالي هو هل لو حولت تمريض يمديني بعدين

احول تغزية ولا لا؟؟؟ هل يعتبر هدا تحويل و لا لا؟؟؟

لانه زي ماانتو عارفين التحويل يكون مرة وحدة بس

او ممكن اني ادرس سنة في اقتصاد منزلي قسم غداء وتغزية وبعدين احول تغزية اكلينكية ادا جبت معدل عالي...

ايش احسن وايش اضمن لي؟؟

بليز ردو علي...

وشكرا

طبعا انا كاتبة الموضوع من معرف اختي واسفة على الاطالة

[miss me]

أكيد أضمنلك انك تحولي تمريض و بعدين على تغزية بس هما كل يوم والتاني بقرار شكل لأنو امس صحبتي بتقولي مافي تحويل للكليات الصحية الا من كلية صحيه تانيه يعني تمريض لطب مسلن وكده فانتي اسألي وشوفي كيف بس اتوقع بما انو معدلك عالي ليكي فرصه تحولي قبل ما تبدأ الدراسه والله يوفقك ان شاءالله

=)

[روووني]

ثانكس ميس مي ...
ريحتيني الله يريحك...
بس عندي سؤال تاني لازم اجيب معدل عالي عشان احول تغزية ولا عادي يعني مثلا 3.5 تكفي عشان انقل تغزية ولا لازم فوق الاربعة ؟؟؟؟
وكمان لمن احول لتمريض دحين يعتبر تحويل ولا تغيير رغبات ؟؟؟ لانو زي ما انتي عارفة التحويل حيكون بس مرة وحدة...
وثانكس اغاين

[روووني]

طيب دحين لمن ابغا احول وين اروح؟؟؟

لانو كتير بنات قلولي انو التحويل في بدايه السنه يكون من قسم الرجال؟؟؟؟

وكتير يقولو مافي تحويل بعد ما نزلت نتايج التسكين...
بليز ردو علي انا مرة محتارة...

[soma al7elwa]

حبيبي انتبهي

ترى فرصة التحويل مرة وحدة بس

يعني لو حولتي دحين لتمريض مافي مجال تحولي بعدين تاني لتغزية

احسن استفسري من دكتور عبدالفتاح مشاط

الله يجيبلك اللي فيه الخير يارب

[mzat kau]

يب كلام سوما صحيح التحويل مرة وحده كمانا ( سمعت ) والله اعلم انو تغزيه الاقتصاد المنزلي سارت نفس التغزيه الاكلينيكيه لكن مش عارفا اسالي العميد وخدي الجواب بالتوفييييق

[روووني]

يسلمو من جد صراحة لازم اكلم المشاط...

شكرا على الرد...

[soma al7elwa]

لا تنسي تبشرينا ايش صار معاكي

:)

[روووني]

مشكورين كلكم على الرد وادعولي اتوفق انشاءالله

ومبروك موزتنا على ااتخصص والله فرحتلك بس احس انو ماتجي بالعقل التغزيه اللي في الاقتصاد المنزلي زي التغزيه

الاكلينيكيه!!!بس البنات الله يهديهم فهمو الموضوع غلط وهم كمان اعطو البنات امل زائف يعني في فرق بين الاقتصاد

المنزلي والتقنيه الطبيه!!!

ومشكوره سوما وإن شاء الله ابشركم بكل الخير يارب

[miss me]

صح كلامك رووني و الحمدلله د.المشاط رد على تساؤلات البنات في تخصص التغذية وكل شي سار واضح

لا تنسي تطمنينا ازا رد عليكي

=)