البطاقة الجامعية

[zjs]

السلام عليكم ورحمة الله وبركاته

أنا أبغى أسأل كيف أغير البطاقة الجامعية حقتي هل من كلية الصيدلة ولا أروح عمادة القبول والتسجيل ؟

سؤال ثاني الجداول ناخدها أول يوم دوام ولا تنزل قبلها في موقع الجامعة لأنو أنا فتحت الموقع مالقيت الجداول ؟

وأسفة على الاطالة ورجاء أفيدوني في الاسئلة وشكرا

[pharm.d .s]

بالنسبة للبطاقة ما اعرف
بس الجدول من موقع الكلية
http://pharmacy.kau.edu.sa/

[soma al7elwa]

أتذكر بداية طلوع نتائج التسكين قال دكتور عبدالفتاح مشاط انو البطايق تترسل على كلياتنا

:)

[mzat kau]

والجداول قالو انو الصحيه تاخدوها من الكليه :)

[$$د.عباادي$$]

بالنسبة للجداول راح تنزل على موقع الجامعة

وكمان راح نستلمها من الكلية

وبالنسبة للبطاقة الجامعية

في الغالب راح تكون من عمادة القبول والتسجيل

ما أتوقع راح يسلموها لنا من الكلية

عموما الدراسة ما باقي عليها شي

بالتوفيق...

[zjs]

شكرا على ردودكم وجزاكم الله ألف خير
بس حبيت أقول حاجة اذا حنغير البطاقة من عمادة القبول والتسجيل كيف حندخل أول يوم الكلية لازم نرجع نغير البطاقة بعدين ندخل كلية الصيدلة لفة طوية عريضة صراحة ربنا يستر أول يوم أنا قلقانة منو وشكرا لكم

[mzat kau]

وحده بنت قالت فكرة حلوة انو نفتح صفحه المعلومات الرئيسيه ونطبعها انو لو مادخلونا نوريهم البطاقه حقت التحضيري وصفحه المعلومات انو بيتطابقو بس ماتوقع يسوو دي الهرجه اول اسبوع حيمشو الحال

[soma al7elwa]

فكرة مررررررررررا حلوة يامزة

:)

[zjs]

يعني تقولي نطبع الورقة عشان نوريهم هيا لو مادخلونا يعني أكيد البطاقة تتغير من العمادة مو من الكلية نفسها ربنا يعيننا وشكرا على الفكرة

[do0odah]

اكيد هما عارفين يعني مايحتجلها انا مارح اطبع خخخ وازا مادخلوني خير وبركة