|{ تجمع بنات [ فنون إسلامية ] ~

[همة راقية]

:

بسم الله الرحمن الرحيم


السلام عليكم ورحمة الله وبركاته


هنا نجتمع كبنات قسم الفنون الإسلامية ~
نتناقش ونستفيد من بعضنا

أنا هذا أول مستوى في التخصص
يعني ماراح أقدر أفيدكم أكثر مما تفيدوني به :/

>> يا حسرة على بنات الفنون .. كل الأقسام لهم مكان تجمع إلا نحن :(

هيا يا بنات الفنون ..

تجمعوا وعطونا أفكار عن هذا التخصص
عشان يرقى مستوانا ونتفوق ونفيد بعض

^_^

:

[PiNk]

اهلن واخيرا في احد فنون

ماادري بس حبيت اسألك تعرفي مين هيا مرشدتنا ف المستوى الرابع وايش المواد اللي اخدتيها

[تخصص 13]

من جد قسم الفنون الوحيد الي مالوا تجمع


ممكن تقولوالي اش احلى \ واسوء ما في القسم دا


وشكرا

[همة راقية]

:

ياهلا بالحلوتين
^_^

pink

مشرفة المستوى الرابع أعرف شكلها بس ما أعرف اسمها :/
إن شاء الله اليوم أسألك عن اسمها

أما المواد اللي أخذتها :

مفروشات - تصميمات خطية ورسوم 1 - صحة الفرد - مهارات التفكير - ثقافة 4

طبعًا أنا مو ماشية على الخطة

~

تخصص 13

والله ما أدري لأني دوبني جديدة أول مستوى لي في الفنون
ننتظر باقي الحلوات اللي في الفنون عشان يفيدونا

:

[PiNk]

يختي علينا كلنا دوبنا اتخصصنا
الله يسهل انا سألت عن المرشدة
الاستاذة نسرين
يارب يسسر أمرنا
ان شالله نتشرف ونشوفكم *)

[lady-fano-bird]

أهلين يا حلويييين ..
فكرة مرررة ناااايس .. وبالنسبة للمرشدة .. أظن هي ماكو غيرها ..
أستاذة نسرين بخيت ..
see ya

[PiNk]

hi
كيفكم يابنات
اللي حابين يعرفو طلبات مادة دراسة وتكوين مع أستاذة فاطمة
كراس رسم كانسون كبير 300 جرام
طباشير ملون
2ورقة كراس ملون اي حجم
كراس كانسون صغير للتجارب
أقلام رصاص h2-h-hb-b2-b4-b6-b8
أقلام فلومستر أسود 01- 04-07 آرت لاين
بخاخ مثبت رسومات الفحم والرصاص
ألوان مائية نوعية ممتازة -بلتة-4 فرش مقاسات مختلفة
أحبار (اسود- بني- أزرق- أصفر)
أقلام فحم صناعي-طبيعي/ مساحة فحم
ملف صغير لحفظ الصور واللقطات الفنية والمقالات
ملف كبير لحفظ التجارب والأعمال

يلا ربنا يعيين القسم كلو ح يكون كدا طول اليوم ف المكتبة×_×

[همة راقية]

:

ايوة شكلها هي أ.نسرين

هذه طلبات بس مادة !!!

ربنا يستر ع الباقية

*_*

أنا عندي تصميمات خطية ورسوم 1
كيفها ؟ حلوة ؟

:

[fato0o0om]

والله انك صادقه .. مالنا تجمع :(
وياريت البنات الي اخدوا تصميمات خطيه ورسوم يقولولنا كيف

وشكرا لصاحبة الموضوع

[PiNk]

انا اتووقع انو بس احنا فنون

انا سألت عن دي المادة
رسم هندسي وخطوط وكدا

الله يعين،،